Job de kua ala: An nga ni tchol akulo avok Alona bei zulona
1 Job mi de kua ala:
An hle vunan ki gun tad’a ala:
An dok ni le d’od’oka yam gor wei d’uo d’a.
2 Ni b’rawa me ba, Alona nga mi ngomondjï akulo ge?
Ni djo me ba, Ma ad’engêm kal petna mba mi sunundjï akulo ge?
3 Hohoud’a ni yam suma asa’atna,
kid’eî ira ni yam suma a nga le sun nda tchod’ina mi d’uo zu?
4 NAlona ba, nga mi golon lovot manda,
mi nga mi ndumun asen ma tita mi d’uo zu?
*
5 Le an tit ki suma ka zlad’a,
le asen mi d’es sei atogo kur lovot ta ata yat tuo d’a ni,
6 ar Alona mi ngan ki kilo ma d’ingêrâ,
mba mi we gagazi manda.
7 Le asen ma tita mi d’es sei kur lovot ta d’ingêra,
le hurun mi tit bugol iranu,
le abon mi do vama tcho ni,
8 ar an zara, wani sama dingâ mi të,
ar vama an zarama a pad’am kä woi ki sideyem mi.
*
9 Le hurun mi le d’od’oka katcha d’a dinga,
le an i ni bur kä avun azina hi ndranina ni,
10 ar amanda ti lut afuta mi sama dingâ,
ar suma dingâ a bur ki sed’et mi.
11 Kayam ni tchod’a,
ni tchila d’a suma ka sariyad’a a ngop kata.
12 Naku d’a ti ngal gak ti i kur zul la yiyik ka suma a nga ba woi kuad’a,
ni d’a ndak á ngal ahle suma an nga ki na woi peta.
*
13 Le an noî zlad’a hazong manid’a
d’oze zlad’a hi wei mandid’a woi
ata yima a nga tchi tuguyod’a ki sed’ena ni,
14 fata Alona mi tchol akulod’a,
an mba ni le ni nana ge?
Fata mi mbad’a,
an mba ni hulongôm ded’a nana ge?
15 Ni mam ma minin kur asuna ba,
mi minizi azi mi d’uo zu?
NAlona tu ba,
mi tchugi kur azì grona hasuyoina mi d’uo zu?
*
16 An noî nga vama suma kid’aka a minima d’i,
an le nga atcha d’a modonod’a irat hou d’i,
17 an te nga avu man ma mbruka
bei sama hokuyo mi te d’uo mi.
18 Kazongôn dei mi wul ki sed’en d’igi gorâ mi wul kabum na,
ei kur asun dei an ni sama ndjun atcha d’a modonod’ina mi.
19 Ata yima an we ma talala mi nga ki baru d’uo na,
ata yima ma houd’a mi nga ki borogona d’uo mi na,
20 an ni hazi tumus tumiyô mana á vazi tazi d’ut.
Bugola, a lan mersi kat mi.
21 Le an ngop ma hokuyod’a ata yima sariyad’a
kayambala an we suma ka sariyad’a a ndjununda ni,
22 ar bigan ti haû woi ata pepelenu,
ar bigan ti kus sei ata ir anglovon mi.
23 Kayam ndaka ti tcholï nata Alona,
an nga ni le mandarâ,
an ndak nga va avok ngol mam mba kal teglesa d’i.
*
24 An tin nga hurun yam lora
d’oze an de nga mi lor ra kal teglesa ala:
An tin hurun ni kagu d’i.
25 An le nga furîd’a
yam ahle man suma a zul heîna d’i,
an le nga furîd’a
yam ndjondjoî d’a an fat kabonda d’uo mi.
26 Le an gol b’od’a hafatid’a ata yima ti nga d’i b’o na,
an gol tilâ ata yima nga mi tit kur subur mambina mi,
27 le hurun mi le d’od’oka gumun
á kud’uroziya ni,
28 ndata ni tcho d’a suma ka sariyad’a a ndak á ka sariyad’a kata,
an tin ni vunan yam Alo ma sä akulona mi.
*
29 An le nga furîd’a yam man ma djangûna ata yima ndaka mba kama,
d’oze an pir nga akulo ki furîd’a ata yima zla d’a tchod’a fuma d’uo mi.
30 An ni ar nga lovota mi sinan á le tchod’a,
á de nga mAlona ala mi tchandji mbeyû d’a d’uo mi.
31 Suma avo hatana a de nga ala:
Ni nge ba, mam hobom nga ki hliu mama d’uo ge d’uo zu?
32 Akoina mi bur nga woi abu yam tu d’i,
wani an mal vun agre’â woi mi ma tita.
*
33 An ngei nga yam tcho manda kä
d’igi suma petna a nga le na,
d’oze an ngei nga tcho manda kä kurun nduo mi.
34 An le nga mandara ablaud’a,
d’oze an le nga mandarâ abo gol la sum mana a nga golon isa,
d’oze an sile nga tan avo kä bei ni nde woi avun agre’â d’i.
*
35 Hiye! Ladjï an fe sama hum zla manda ni!
Wana ni zla man nda dabid’a!
Ar Ma ad’engêm kal petna mi hulongôn humba!
Mbaktum mba man ma djangûna mi kal ki kanda,
36 an mba ni hlat akulo pepelenu,
an mba ni kulubut kan d’igi avavala na mi.
37 An mba ni ndumum ablaud’a hasen ma titid’a tutu pet,
an mba ni hut gevem go d’igi sama ngolâ na.
*
38 Le an b’at asinena abo sana,
le suma a zumuma a tchi kanu,
39 le an ni tum vud’um bei ni wuragaziya,
le an b’lak hur salama ni,
40 ar mi deî kekerezeuna balum gemena,
ar mi deî barumba balum awu orsâ mi.
*
ZLA D’A DABID’A HI JOB-PA.
Job de kua ala: An nga ni tchol akulo avok Alona bei zulona
1 Job mi de kua ala:
An hle vunan ki gun tad’a ala:
An dok ni le d’od’oka yam gor wei d’uo d’a.
2 Ni b’rawa me ba, Alona nga mi ngomondjï akulo ge?
Ni djo me ba, Ma ad’engêm kal petna mba mi sunundjï akulo ge?
3 Hohoud’a ni yam suma asa’atna,
kid’eî ira ni yam suma a nga le sun nda tchod’ina mi d’uo zu?
4 NAlona ba, nga mi golon lovot manda,
mi nga mi ndumun asen ma tita mi d’uo zu?
*
5 Le an tit ki suma ka zlad’a,
le asen mi d’es sei atogo kur lovot ta ata yat tuo d’a ni,
6 ar Alona mi ngan ki kilo ma d’ingêrâ,
mba mi we gagazi manda.
7 Le asen ma tita mi d’es sei kur lovot ta d’ingêra,
le hurun mi tit bugol iranu,
le abon mi do vama tcho ni,
8 ar an zara, wani sama dingâ mi të,
ar vama an zarama a pad’am kä woi ki sideyem mi.
*
9 Le hurun mi le d’od’oka katcha d’a dinga,
le an i ni bur kä avun azina hi ndranina ni,
10 ar amanda ti lut afuta mi sama dingâ,
ar suma dingâ a bur ki sed’et mi.
11 Kayam ni tchod’a,
ni tchila d’a suma ka sariyad’a a ngop kata.
12 Naku d’a ti ngal gak ti i kur zul la yiyik ka suma a nga ba woi kuad’a,
ni d’a ndak á ngal ahle suma an nga ki na woi peta.
*
13 Le an noî zlad’a hazong manid’a
d’oze zlad’a hi wei mandid’a woi
ata yima a nga tchi tuguyod’a ki sed’ena ni,
14 fata Alona mi tchol akulod’a,
an mba ni le ni nana ge?
Fata mi mbad’a,
an mba ni hulongôm ded’a nana ge?
15 Ni mam ma minin kur asuna ba,
mi minizi azi mi d’uo zu?
NAlona tu ba,
mi tchugi kur azì grona hasuyoina mi d’uo zu?
*
16 An noî nga vama suma kid’aka a minima d’i,
an le nga atcha d’a modonod’a irat hou d’i,
17 an te nga avu man ma mbruka
bei sama hokuyo mi te d’uo mi.
18 Kazongôn dei mi wul ki sed’en d’igi gorâ mi wul kabum na,
ei kur asun dei an ni sama ndjun atcha d’a modonod’ina mi.
19 Ata yima an we ma talala mi nga ki baru d’uo na,
ata yima ma houd’a mi nga ki borogona d’uo mi na,
20 an ni hazi tumus tumiyô mana á vazi tazi d’ut.
Bugola, a lan mersi kat mi.
21 Le an ngop ma hokuyod’a ata yima sariyad’a
kayambala an we suma ka sariyad’a a ndjununda ni,
22 ar bigan ti haû woi ata pepelenu,
ar bigan ti kus sei ata ir anglovon mi.
23 Kayam ndaka ti tcholï nata Alona,
an nga ni le mandarâ,
an ndak nga va avok ngol mam mba kal teglesa d’i.
*
24 An tin nga hurun yam lora
d’oze an de nga mi lor ra kal teglesa ala:
An tin hurun ni kagu d’i.
25 An le nga furîd’a
yam ahle man suma a zul heîna d’i,
an le nga furîd’a
yam ndjondjoî d’a an fat kabonda d’uo mi.
26 Le an gol b’od’a hafatid’a ata yima ti nga d’i b’o na,
an gol tilâ ata yima nga mi tit kur subur mambina mi,
27 le hurun mi le d’od’oka gumun
á kud’uroziya ni,
28 ndata ni tcho d’a suma ka sariyad’a a ndak á ka sariyad’a kata,
an tin ni vunan yam Alo ma sä akulona mi.
*
29 An le nga furîd’a yam man ma djangûna ata yima ndaka mba kama,
d’oze an pir nga akulo ki furîd’a ata yima zla d’a tchod’a fuma d’uo mi.
30 An ni ar nga lovota mi sinan á le tchod’a,
á de nga mAlona ala mi tchandji mbeyû d’a d’uo mi.
31 Suma avo hatana a de nga ala:
Ni nge ba, mam hobom nga ki hliu mama d’uo ge d’uo zu?
32 Akoina mi bur nga woi abu yam tu d’i,
wani an mal vun agre’â woi mi ma tita.
*
33 An ngei nga yam tcho manda kä
d’igi suma petna a nga le na,
d’oze an ngei nga tcho manda kä kurun nduo mi.
34 An le nga mandara ablaud’a,
d’oze an le nga mandarâ abo gol la sum mana a nga golon isa,
d’oze an sile nga tan avo kä bei ni nde woi avun agre’â d’i.
*
35 Hiye! Ladjï an fe sama hum zla manda ni!
Wana ni zla man nda dabid’a!
Ar Ma ad’engêm kal petna mi hulongôn humba!
Mbaktum mba man ma djangûna mi kal ki kanda,
36 an mba ni hlat akulo pepelenu,
an mba ni kulubut kan d’igi avavala na mi.
37 An mba ni ndumum ablaud’a hasen ma titid’a tutu pet,
an mba ni hut gevem go d’igi sama ngolâ na.
*
38 Le an b’at asinena abo sana,
le suma a zumuma a tchi kanu,
39 le an ni tum vud’um bei ni wuragaziya,
le an b’lak hur salama ni,
40 ar mi deî kekerezeuna balum gemena,
ar mi deî barumba balum awu orsâ mi.
*
ZLA D’A DABID’A HI JOB-PA.
