A ge Jeremi kur golonga
1 Sefatiya Matan goroma, Gedaliya Pasehur goroma, Jukal Selemiya goroma ki Pasehur Malkiya goroma a hum zla d’a Jeremi mi dat mi suma ala: 2 Ma didina mi dala: Sama mba mi ar kaka kur azì ma ngol ma wanina, a mba tchum kayî ma durâ d’oze ki baktarad’a d’oze ki tugud’ei d’a tcho d’a tchi matna, wani sama mba mi nde woi á i aduk suma Babilon-nina mba mi sut tamu; ari mamba mba d’i mbut ni d’igi va mam ma mi hurumumï avun ayînina na, mba mi kak karid’a mi d’a. 3 Ma didina mi dala: Gagazi, a mba hazì ma ngol ma wana abo amul ma Babilon-na, mba mi hlumu!
4 Suma nglona a de mamulâ ala: Sa máma mi ndak á tchid’a, kayam ni mam ba, nga mi tchuk suma dur ayî suma a ar kaka kur azì ma ngol ma wana zlapa kablau d’a peta tazi susub’ok ki zla mam mba de d’a hina d’a. Sa máma nga mi halî djivi d’a yam sumid’a d’i, wani mi hal nala ndaka ti mba kaziya.
5 Amulâ Sedekiyas mi hulong dazi ala: Mabogi wana! An amulâ pî, ni ndak á d’el vama agi minima d’i.
6 Ata yi máma sum ndazina a ve Jeremi, a gum kur golong nga adjeud’a hi Malkiya amulâ goroma d’a nga kur gulumuna hi suma ngom yinid’a, a sirim kä ki ziyona. Mbina mi nga kur golong ndata d’i, wani dorbopma nga kuru. Jeremi mi rot kä aduk dorbopma.
7 Wani Ebet-Melek ma Etiyopi-na, ni adimbang ma kur azì ma amulina, mi hum ala a ge wa Jeremi kur golong nga adjeud’a. Amulâ mi nga kaka avun agre’â hi Benjamin-nina. 8 Ebet-Melek mi nde woi kur azì ma amula, mi i dum ala: 9 Salana amul mana, sum ndazina a le ni sun nda tchod’a ki ma djok vun Alona Jeremi kayam a gum kur golonga. Mam mba mi mit kua, kayam avungô nga kur azì ma ngolâ d’uo d’a!
10 Amulâ mi he vuna mi Ebet-Melek ma Etiyopi-na ala: Ang yo suma ad’ung dok hindi á i hleï Jeremi ma djok vun Alona woi kur golonga, ar mi mit ti.
11 Ebet-Melek mi yo suma ad’um dok hindi, mi i kur azì ma amula kä ad’u yima ngom ahlena, mi yoï baru d’a adjeu d’a d’uta, mi sirit sä kä mi Jeremi ki ziyona kur golonga. 12 Ebet-Melek ma Etiyopi-na mi de mi Jeremi ala: Ang tin baru d’a adjeu d’a d’ut ndata ad’u ahlabang kä yam ziyona. Jeremi mi le hina mi. 13 A tanï Jeremi akulo woi ki ziyona, a ndumï woi kur golonga. Jeremi mi ar kaka kur gulumuna hi suma a ngom yinina.
Sedekiyas mi djop Jeremi zlad’a kua
14 Amulâ Sedekiyas mi ge sunda, mi halï ma djok vun Alona Jeremi. Mi mbamî gevem avun agrek ma hindina hi gong nga kud’ora hi Ma didinid’ina. Amulâ mi de mi Jeremi ala: An nga ni djobong va tu. Ang ngeyen va d’i.
15 Jeremi mi hulong de mi Sedekiyas ala: Le an vang ad’ud’a ni, ang mba tchan nduo zu? Le an dang d’alâ ni, ang nga humun ndi!
16 Amulâ Sedekiyas mi gun tam avok Jeremi gumun ala: An gun tan ki Ma didin ma bei matna ma hei arid’ina, an mba ni tchang ngi, an mba ni hang abo suma a nga halang á tchid’ina d’uo mi.
17 Ata yi máma Jeremi mi de mi Sedekiyas ala: Ma didina Alo ma ad’engêm kal petna, Alona hi Israel-lîna, mi dala: Le ang nde woi d’ugol suma nglo suma hamul ma Babilon-na ni, ang mba sut tangû, a mba ngal azì ma ngol ma wana woi kakud’a d’i, ang ki sum mangâ, va mba mi lagi d’uo mi. 18 Wani le ang nde d’ugol nga suma nglo suma hamul ma Babilon-nina d’uo ni, a mba hazì ma ngol ma wana abo suma Babilon-na, a mba ngalam mbei kakud’a, ang mba sut abozi d’uo mi.
19 Amulâ Sedekiyas mi hulong de mi Jeremi ala: An nga ki djib’era yam Juif suma a i aduk suma Babilon-nina, an nga ki mandarâ tala azi mba han abozi á lazan zi ge d’a.
20 Jeremi mi hulong dum ala: Azi mba hang abozi d’i. Ang hum dela hi Ma didina d’a an nga ni dangzid’a, va mba lang ngi, ang mba sud’a. 21 Wani le ang noî á d’uguloziya ni, wana ni zla d’a Ma didina mi ndandji woid’a: 22 Aropma pet suma a mba ar kur azì ma amula hamul ma Juda-nina, a mba izi mi suma nglona hamul ma Babilon-nina, a mba de kang ala:
Buniyôngâ a lobongû,
a te wa kangû!
Aseng mi rot wa kä aduk dorbopma,
azi hang wa azigaziya mi!
23 Amiyôngâ pet ki grong suma andjofâ, suma Babilon-na a mba yoziya. Ang tang mba sut abozi d’i. Amul ma Babilon-na mba mi vangû, mba mi ngal azì ma ngol ma wana woi kakud’a mi.
24 Sedekiyas mi de mi Jeremi ala: Ar sa mi we zla ndata d’i, sa nga mi tchang nguo mi. 25 Le suma nglona a hum wa ala an dang zlad’a, le a mba a dang ala: Ang vami ad’u zla d’a ang dat mamulid’a ki zla d’a amulâ mi dangzid’a; ang ngeyemi va d’uo, ami nga tchang nguo mi ni, 26 ang hulong dazi ala: An mba ni i ki tchen man nda hud’a avok amulâ tala mi sunun kur gong nga dangeina avo hi Jonatan sun ba, an mittcha kua d’uo d’a.
27 Suma nglona pet a mba gen Jeremi, a djobom zlad’a. Mi hulong dazi d’igi amulâ mi hum vuna na mi. Kayam ndata, a buzuk ki vunazi ma du’â, kayam zla ndata ti nde nga woi abu d’i. 28 Jeremi mi ar kaka kur gulumuna hi suma a ngom yinina gak bur ma a hle Jerusalem-ma.
A ge Jeremi kur golonga
1 Sefatiya Matan goroma, Gedaliya Pasehur goroma, Jukal Selemiya goroma ki Pasehur Malkiya goroma a hum zla d’a Jeremi mi dat mi suma ala: 2 Ma didina mi dala: Sama mba mi ar kaka kur azì ma ngol ma wanina, a mba tchum kayî ma durâ d’oze ki baktarad’a d’oze ki tugud’ei d’a tcho d’a tchi matna, wani sama mba mi nde woi á i aduk suma Babilon-nina mba mi sut tamu; ari mamba mba d’i mbut ni d’igi va mam ma mi hurumumï avun ayînina na, mba mi kak karid’a mi d’a. 3 Ma didina mi dala: Gagazi, a mba hazì ma ngol ma wana abo amul ma Babilon-na, mba mi hlumu!
4 Suma nglona a de mamulâ ala: Sa máma mi ndak á tchid’a, kayam ni mam ba, nga mi tchuk suma dur ayî suma a ar kaka kur azì ma ngol ma wana zlapa kablau d’a peta tazi susub’ok ki zla mam mba de d’a hina d’a. Sa máma nga mi halî djivi d’a yam sumid’a d’i, wani mi hal nala ndaka ti mba kaziya.
5 Amulâ Sedekiyas mi hulong dazi ala: Mabogi wana! An amulâ pî, ni ndak á d’el vama agi minima d’i.
6 Ata yi máma sum ndazina a ve Jeremi, a gum kur golong nga adjeud’a hi Malkiya amulâ goroma d’a nga kur gulumuna hi suma ngom yinid’a, a sirim kä ki ziyona. Mbina mi nga kur golong ndata d’i, wani dorbopma nga kuru. Jeremi mi rot kä aduk dorbopma.
7 Wani Ebet-Melek ma Etiyopi-na, ni adimbang ma kur azì ma amulina, mi hum ala a ge wa Jeremi kur golong nga adjeud’a. Amulâ mi nga kaka avun agre’â hi Benjamin-nina. 8 Ebet-Melek mi nde woi kur azì ma amula, mi i dum ala: 9 Salana amul mana, sum ndazina a le ni sun nda tchod’a ki ma djok vun Alona Jeremi kayam a gum kur golonga. Mam mba mi mit kua, kayam avungô nga kur azì ma ngolâ d’uo d’a!
10 Amulâ mi he vuna mi Ebet-Melek ma Etiyopi-na ala: Ang yo suma ad’ung dok hindi á i hleï Jeremi ma djok vun Alona woi kur golonga, ar mi mit ti.
11 Ebet-Melek mi yo suma ad’um dok hindi, mi i kur azì ma amula kä ad’u yima ngom ahlena, mi yoï baru d’a adjeu d’a d’uta, mi sirit sä kä mi Jeremi ki ziyona kur golonga. 12 Ebet-Melek ma Etiyopi-na mi de mi Jeremi ala: Ang tin baru d’a adjeu d’a d’ut ndata ad’u ahlabang kä yam ziyona. Jeremi mi le hina mi. 13 A tanï Jeremi akulo woi ki ziyona, a ndumï woi kur golonga. Jeremi mi ar kaka kur gulumuna hi suma a ngom yinina.
Sedekiyas mi djop Jeremi zlad’a kua
14 Amulâ Sedekiyas mi ge sunda, mi halï ma djok vun Alona Jeremi. Mi mbamî gevem avun agrek ma hindina hi gong nga kud’ora hi Ma didinid’ina. Amulâ mi de mi Jeremi ala: An nga ni djobong va tu. Ang ngeyen va d’i.
15 Jeremi mi hulong de mi Sedekiyas ala: Le an vang ad’ud’a ni, ang mba tchan nduo zu? Le an dang d’alâ ni, ang nga humun ndi!
16 Amulâ Sedekiyas mi gun tam avok Jeremi gumun ala: An gun tan ki Ma didin ma bei matna ma hei arid’ina, an mba ni tchang ngi, an mba ni hang abo suma a nga halang á tchid’ina d’uo mi.
17 Ata yi máma Jeremi mi de mi Sedekiyas ala: Ma didina Alo ma ad’engêm kal petna, Alona hi Israel-lîna, mi dala: Le ang nde woi d’ugol suma nglo suma hamul ma Babilon-na ni, ang mba sut tangû, a mba ngal azì ma ngol ma wana woi kakud’a d’i, ang ki sum mangâ, va mba mi lagi d’uo mi. 18 Wani le ang nde d’ugol nga suma nglo suma hamul ma Babilon-nina d’uo ni, a mba hazì ma ngol ma wana abo suma Babilon-na, a mba ngalam mbei kakud’a, ang mba sut abozi d’uo mi.
19 Amulâ Sedekiyas mi hulong de mi Jeremi ala: An nga ki djib’era yam Juif suma a i aduk suma Babilon-nina, an nga ki mandarâ tala azi mba han abozi á lazan zi ge d’a.
20 Jeremi mi hulong dum ala: Azi mba hang abozi d’i. Ang hum dela hi Ma didina d’a an nga ni dangzid’a, va mba lang ngi, ang mba sud’a. 21 Wani le ang noî á d’uguloziya ni, wana ni zla d’a Ma didina mi ndandji woid’a: 22 Aropma pet suma a mba ar kur azì ma amula hamul ma Juda-nina, a mba izi mi suma nglona hamul ma Babilon-nina, a mba de kang ala:
Buniyôngâ a lobongû,
a te wa kangû!
Aseng mi rot wa kä aduk dorbopma,
azi hang wa azigaziya mi!
23 Amiyôngâ pet ki grong suma andjofâ, suma Babilon-na a mba yoziya. Ang tang mba sut abozi d’i. Amul ma Babilon-na mba mi vangû, mba mi ngal azì ma ngol ma wana woi kakud’a mi.
24 Sedekiyas mi de mi Jeremi ala: Ar sa mi we zla ndata d’i, sa nga mi tchang nguo mi. 25 Le suma nglona a hum wa ala an dang zlad’a, le a mba a dang ala: Ang vami ad’u zla d’a ang dat mamulid’a ki zla d’a amulâ mi dangzid’a; ang ngeyemi va d’uo, ami nga tchang nguo mi ni, 26 ang hulong dazi ala: An mba ni i ki tchen man nda hud’a avok amulâ tala mi sunun kur gong nga dangeina avo hi Jonatan sun ba, an mittcha kua d’uo d’a.
27 Suma nglona pet a mba gen Jeremi, a djobom zlad’a. Mi hulong dazi d’igi amulâ mi hum vuna na mi. Kayam ndata, a buzuk ki vunazi ma du’â, kayam zla ndata ti nde nga woi abu d’i. 28 Jeremi mi ar kaka kur gulumuna hi suma a ngom yinina gak bur ma a hle Jerusalem-ma.
