Benjamin suma Gibeya-na a le zla d’a yoyouna
1 Kur atchogoi d’a amul nga avok Israel-lâ d’uo d’a, sana hi Levi ma nga kaka avun dabid’a hi ahinad’a hi Efraim-mbina, mi vatcha d’a gor ra Betelehem mba Juda-d’a. 2 Amam mba gor ndata ti bateid’a heî, ti aramu, ti i avo habut sä Betelehem mba Juda-d’a, ti kak sä kua gak tilâ fid’i. 3 Ndjuvut mi yo korona mbà, mi i atat kazong mama á b’lengêt hurut á hulongôd’ïya. Ndat ti kalazi avo habud’u. Ata yima atcha ndata abut mi wuma, mi vum atam ki furîd’a. 4 Akunoma, nala, atchad’a abud’u, mi d’elem avo hatam gak burâ hindi; a nga te, a nga tche mi, a nga bur ata yi máma mi. 5 Kur bur ma fid’ina, a tchol akulo ki yorogo tcholola, ma hi Levi-na mi min tam á id’a. Wani akunoma mi dum ala: Ang ve tang kei, ang te tena á fad’enga tua ba, agi igiya!
6 Bugola, azi zla tazi djak a te, a tche. Gora abutna mi de mi ndjuvut ala: Ar tang lang djivid’a, ang ve tang ang bur to, ang i tua.
7 Ma hi Levi-na mi tchol á id’a, wani akunoma mi tezem ped’et mi ve tam mi burâ. 8 Kur bur ma vahlâ a tchol ki yorogo tcholola á id’a. Ata yi máma gora abut mi dum ala: An nga ni tchenengû, ang te tena fad’enga tua, agi kagagi gak fladege. A te tena zla tazi djak.
9 Atchad’a ndjuvut mi tchol á id’a kamamba kazong mama, wani akunoma, nala, gora abud’u, mi dum ala: Gola! Afata ar go á nika, yina mi kal mi. Agi burugi kä to! Gola! Afata arî go á nika mi. Ar tang lang djivid’a, agi burugi ka hî to. Avin agi mba tchologi ki yorogo tcholola, agi igi avo hatangîya.
10 Wani atchad’a ndjuvut mi min nga á bur ri, mi tchol mi i gak mi mbaza avun Jebus, nala, Jerusalem, ki koro mama mbà kaneka kamu, kamamba mi. 11 Ata yima a mbaza go ki Jebus-sâ, afata kalazi ngola. Gor azongâ mi de mi salama ala: Ei i kur azina hi suma Jebus-sâ, ei buri kä to.
12 Salama mi dum ala: Ar ei kalei kur azina hangoyogeina ata yima sama Israel mi nga kua d’uo na d’i. Ei i gak Gibeya.
13 Mi de mazong mama kua ala: Ei i go kazì ma ata yima ka hina tu, Gibeya d’oze Rama, ei buri kua.
14 Azi i gak ata yima a mbaza go ki Gibeya d’a hi suma hi Benjamin-nina; afata ti nigiziya. 15 Azi hle lovot ta i Gibeya-d’a. Ma hi Levi-na mi kal kur azì ma ngolâ, mi tchol ata yima hur azì ma ngolîna d’ad’ar, mi fe nga sa tu ma vazi á bur avo hatama d’i.
16 Gol wani, sama mamarâ mi tcholï abagei asine yima sunda, ni ma yam ahinad’a hi Efraim-mbina, mi nga ni kaka Gibeya, wani suma kuana ni suma hi Benjamin-na. 17 Mi hle iram akulo, mi we sama akoid’a mi nga tchola ata yima hur azì ma ngolîna d’ad’ar. Sama mamarâ mi dum ala: Ang i nara ge? Ang tcholï ni lara ge?
18 Ma hi Levi-na mi hulong dum ala: Ami tcholomi ni Betelehem mba Juda-d’a á i yam ahinad’a hi Efraim-mba; ni yima an nga kaka kuana. An tcholï ni Betelehem mba Juda-d’a, an i ni kur gonga hi Ma didinid’a. Wani an fe nga sama mi van avo hatama d’i. 19 Gola! Ami nga kasuna ki hatna yam korona, avungôna ki süm guguzlud’a yam an ki magom manga, yam gor azong ma nga ki ami azungeî mangîna mi. Va tu pî mi kid’agami nga d’i.
20 Sama mamarâ mi dum ala: Ar ang kak ki halasa! An hlanek manga pet kanu, ang mba bur ata yima ka hina d’i. 21 Mi yozi mi tchuguzi avo hatamu, mi he hatna mi korona. Akoyogeina a mbus aseziya. Bugola, a te, a tche mi.
22 Ata yima a nga le furîd’ina, gol wani, suma kur azì ma ngolîna, ni suma asa’atna, a ngui azina, a nga tum vun agre’â zazak, a nga de mi sama mamar mazina ala: Ang ndami sama kal avo hatang adjïna woi abua, kayam ami burumi ki sed’emu.
23 Samazina mi nde woi gevezi mi dazi ala: Hawa! B’oziyona, an nga ni tchenegiya, agi lagi tchod’a d’i. Kayam sa máma mi mba navo hatanu. Agi lagi sun nda zulo d’a hina d’a d’i!
24 Mi dazi kua ala: Gola! An nga ki goron nda wei d’a ti ngaf nga ki mandjuf fuo d’a, sa máma amam mba gora ti nga mi. An yogizï woi abua; agi mbud’uzi zulona, agi lagi vama hurugi mina ki sed’eziya. Wani sa máma, agi lagi sun nda zulona ki sed’em mbi.
25 Sum ndazina a min humum mbi. Ata yi máma ma hi Levi-na mi veï amam mba gora, mi mbazizi woi abua. Azi bur ki sed’et kandjeged’a dei gak tcha yorogo vun pipira, a yagad’ï akulo. 26 Ki yorogod’a atcha ndata ti i puk sä kä avun azì ma ndjuvut nga kuana gak yina fot teyo. 27 Ki yorogod’a ndjuvut mi tchol akulo, mi mal vun agre’â hazinina, mi nde woi abu á i yi mama. Gol wani, amamba ti nga mata kä avun agre’â, abot nga tchuka ata yima kala.
28 Mi dat ala: Ndak tchol akulo ïya! Ti dum nga zla d’i. Ata yi máma ndjuvut mi hlat mi gat yam korona akulo, mi i ki sed’et avo hatamu. 29 Mi mbaza avo hatamu, mi hle mbigeud’a, mi pau amamba hliwit tei ad’u dogo yam mbà. Mi sunum ata yima Israel-lâ a nga kuana tutu pet.
30 Suma a we zla ndatina pet a dala: Kid’a Israel-lâ a buzugï woi kur Ezipte-d’a dei d’a gak kur bur máma, vama hina mi le nga tu d’i. Sa mi we nga vama hina ki iram mbuo mi. Agi vagi zla ndata kurugiya, agi djobogi tagiya, agi dagi zlad’a kat mi.
Benjamin suma Gibeya-na a le zla d’a yoyouna
1 Kur atchogoi d’a amul nga avok Israel-lâ d’uo d’a, sana hi Levi ma nga kaka avun dabid’a hi ahinad’a hi Efraim-mbina, mi vatcha d’a gor ra Betelehem mba Juda-d’a. 2 Amam mba gor ndata ti bateid’a heî, ti aramu, ti i avo habut sä Betelehem mba Juda-d’a, ti kak sä kua gak tilâ fid’i. 3 Ndjuvut mi yo korona mbà, mi i atat kazong mama á b’lengêt hurut á hulongôd’ïya. Ndat ti kalazi avo habud’u. Ata yima atcha ndata abut mi wuma, mi vum atam ki furîd’a. 4 Akunoma, nala, atchad’a abud’u, mi d’elem avo hatam gak burâ hindi; a nga te, a nga tche mi, a nga bur ata yi máma mi. 5 Kur bur ma fid’ina, a tchol akulo ki yorogo tcholola, ma hi Levi-na mi min tam á id’a. Wani akunoma mi dum ala: Ang ve tang kei, ang te tena á fad’enga tua ba, agi igiya!
6 Bugola, azi zla tazi djak a te, a tche. Gora abutna mi de mi ndjuvut ala: Ar tang lang djivid’a, ang ve tang ang bur to, ang i tua.
7 Ma hi Levi-na mi tchol á id’a, wani akunoma mi tezem ped’et mi ve tam mi burâ. 8 Kur bur ma vahlâ a tchol ki yorogo tcholola á id’a. Ata yi máma gora abut mi dum ala: An nga ni tchenengû, ang te tena fad’enga tua, agi kagagi gak fladege. A te tena zla tazi djak.
9 Atchad’a ndjuvut mi tchol á id’a kamamba kazong mama, wani akunoma, nala, gora abud’u, mi dum ala: Gola! Afata ar go á nika, yina mi kal mi. Agi burugi kä to! Gola! Afata arî go á nika mi. Ar tang lang djivid’a, agi burugi ka hî to. Avin agi mba tchologi ki yorogo tcholola, agi igi avo hatangîya.
10 Wani atchad’a ndjuvut mi min nga á bur ri, mi tchol mi i gak mi mbaza avun Jebus, nala, Jerusalem, ki koro mama mbà kaneka kamu, kamamba mi. 11 Ata yima a mbaza go ki Jebus-sâ, afata kalazi ngola. Gor azongâ mi de mi salama ala: Ei i kur azina hi suma Jebus-sâ, ei buri kä to.
12 Salama mi dum ala: Ar ei kalei kur azina hangoyogeina ata yima sama Israel mi nga kua d’uo na d’i. Ei i gak Gibeya.
13 Mi de mazong mama kua ala: Ei i go kazì ma ata yima ka hina tu, Gibeya d’oze Rama, ei buri kua.
14 Azi i gak ata yima a mbaza go ki Gibeya d’a hi suma hi Benjamin-nina; afata ti nigiziya. 15 Azi hle lovot ta i Gibeya-d’a. Ma hi Levi-na mi kal kur azì ma ngolâ, mi tchol ata yima hur azì ma ngolîna d’ad’ar, mi fe nga sa tu ma vazi á bur avo hatama d’i.
16 Gol wani, sama mamarâ mi tcholï abagei asine yima sunda, ni ma yam ahinad’a hi Efraim-mbina, mi nga ni kaka Gibeya, wani suma kuana ni suma hi Benjamin-na. 17 Mi hle iram akulo, mi we sama akoid’a mi nga tchola ata yima hur azì ma ngolîna d’ad’ar. Sama mamarâ mi dum ala: Ang i nara ge? Ang tcholï ni lara ge?
18 Ma hi Levi-na mi hulong dum ala: Ami tcholomi ni Betelehem mba Juda-d’a á i yam ahinad’a hi Efraim-mba; ni yima an nga kaka kuana. An tcholï ni Betelehem mba Juda-d’a, an i ni kur gonga hi Ma didinid’a. Wani an fe nga sama mi van avo hatama d’i. 19 Gola! Ami nga kasuna ki hatna yam korona, avungôna ki süm guguzlud’a yam an ki magom manga, yam gor azong ma nga ki ami azungeî mangîna mi. Va tu pî mi kid’agami nga d’i.
20 Sama mamarâ mi dum ala: Ar ang kak ki halasa! An hlanek manga pet kanu, ang mba bur ata yima ka hina d’i. 21 Mi yozi mi tchuguzi avo hatamu, mi he hatna mi korona. Akoyogeina a mbus aseziya. Bugola, a te, a tche mi.
22 Ata yima a nga le furîd’ina, gol wani, suma kur azì ma ngolîna, ni suma asa’atna, a ngui azina, a nga tum vun agre’â zazak, a nga de mi sama mamar mazina ala: Ang ndami sama kal avo hatang adjïna woi abua, kayam ami burumi ki sed’emu.
23 Samazina mi nde woi gevezi mi dazi ala: Hawa! B’oziyona, an nga ni tchenegiya, agi lagi tchod’a d’i. Kayam sa máma mi mba navo hatanu. Agi lagi sun nda zulo d’a hina d’a d’i!
24 Mi dazi kua ala: Gola! An nga ki goron nda wei d’a ti ngaf nga ki mandjuf fuo d’a, sa máma amam mba gora ti nga mi. An yogizï woi abua; agi mbud’uzi zulona, agi lagi vama hurugi mina ki sed’eziya. Wani sa máma, agi lagi sun nda zulona ki sed’em mbi.
25 Sum ndazina a min humum mbi. Ata yi máma ma hi Levi-na mi veï amam mba gora, mi mbazizi woi abua. Azi bur ki sed’et kandjeged’a dei gak tcha yorogo vun pipira, a yagad’ï akulo. 26 Ki yorogod’a atcha ndata ti i puk sä kä avun azì ma ndjuvut nga kuana gak yina fot teyo. 27 Ki yorogod’a ndjuvut mi tchol akulo, mi mal vun agre’â hazinina, mi nde woi abu á i yi mama. Gol wani, amamba ti nga mata kä avun agre’â, abot nga tchuka ata yima kala.
28 Mi dat ala: Ndak tchol akulo ïya! Ti dum nga zla d’i. Ata yi máma ndjuvut mi hlat mi gat yam korona akulo, mi i ki sed’et avo hatamu. 29 Mi mbaza avo hatamu, mi hle mbigeud’a, mi pau amamba hliwit tei ad’u dogo yam mbà. Mi sunum ata yima Israel-lâ a nga kuana tutu pet.
30 Suma a we zla ndatina pet a dala: Kid’a Israel-lâ a buzugï woi kur Ezipte-d’a dei d’a gak kur bur máma, vama hina mi le nga tu d’i. Sa mi we nga vama hina ki iram mbuo mi. Agi vagi zla ndata kurugiya, agi djobogi tagiya, agi dagi zlad’a kat mi.
