Suma d’engzengâ ki suma bei d’engzengâ
1 Ma didina mi dala:
Akulod’a ni zlam man nda amula,
andagad’a ni vama an tin asen kama.
Nandjaf gongâ me ba, agi mba minindji ge?
Ni yima lara ba, an mba ni tuk tan kua ge?
2 Ma didina mi de kua ala:
Ahle suma agi wazi pet wana,
ni an ba ni lazi kabonu.
An nga ni dagiya, azi pet ni mana.
Sama tan lan djivid’a kama
ni ma hohou ma nga mi hum zla manda
ki mandarâ nga mi zlak avorotna.
3 Sama ngat amuhlîna mi tchi ni sana mi,
sama mi ngat timina vama ngat buzunina
mi tumî azik adina mi,
sama mi he he d’a hawad’a afutina
mi vo ni buzuwa kozongâ woi mi,
sama ngal dubang ma his djivid’a á ge humbina,
mi kud’orî fileina mi.
Sum ndazina pet ni suma tazi nga d’i lazi djivid’a
kur lovot mazid’ina,
ni suma tazi nga d’i lazi djivid’a
kur sun mazi d’a ndjendje ndatina mi.
4 Wani an mba ni mba ki ndaka kazi yam sun mazi d’a ndjendje ndata,
an mba ni mba kahle suma mandarâ kazi
kayam an yiya,
wani sa mi hulongôn nga humba d’i,
an de zlad’a, wani azi humun nga d’i.
A le ni sun nda tchod’a avoronu,
a man ni vama an tan nga d’i lan djivid’a kam mbuo na mi.
Mba d’a dabid’a hi Ma didinid’a
5 Agi suma nga humugi zlad’a hi Ma didinid’a ki mandarâ ki zlakina,
agi humugi zla d’a b’oziyogi suma a noyôgi
a aragi woi yam simiyêna a nga data.
A nga dala: Ar Ma didina mi tak subur mamba woyo,
ami wami furî magid’a mi.
Wani ni azi ba, a mba mbut zulona.
6 Agi humugi del la ngop pa nga d’i ndeï hur azì ma ngolîd’a.
Ni del la nga d’i ndeï kur gong nga kud’orid’a.
Ni dela hi Ma didin ma nga mi wurak
mam suma djangûna ndak yam sun mazid’ina.
7 Avok bei hurut tat á vutid’a, ti vut wa!
Avok bei ndak ka vuta ti lata,
ti vut gor mandjufâ!
8 Ni nge ba, mi hum zla d’a hina d’a yam tu ge?
Ni nge ba, mi wahle suma hina na yam tu ge?
Ambasa a vud’ut ni bur tu zu?
Andjaf suma a vud’umî bur tu mi zu?
Ata yima Siyon hurut nde tat á vutina,
atogo hina zak ti vut grotna.
9 Ma didina mi dala:
An ma ni mal vun azì grona matchad’a á vutina,
an mba ni d’elet bei vuta zu?
Alo ma’â mi dala:
An ma ni he lovota matchad’a á vutina,
An mba ni d’el gorâ bei vuta woi zu?
10 Agi pet suma a lagi katna,
agi lagi furîd’a ki Jerusalem,
agi mbud’ut ni vama agi lagi furîd’a kama.
Agi pet suma nga yorogi tagi katna,
agi lagi furîd’a ki sed’et mi.
11 Hina wani, agi mba hobogi ki b’leng hur
ma ndat ti b’lengêgizina
d’igi gogor ma asum mbi hum apona
mi tchum ki furîd’a adigatna na.
12 Ma didina mi dala:
Gola! An mba ni djang b’leng nga halasa kur Jerusalem
d’igi aluma na,
an mba ni hat subura handjaf sumid’a
d’igi alum ma mi kus seina na.
Agi mba tchagi ambir mata,
ti mba d’i hlagi akulo ahlabad’u,
ti mba d’i sad’agi tagi sasat mi.
13 An mba ni b’lengêgi hurugi
d’igi sana asum mbi b’lengêm hurum na,
an mba ni b’lengêgi hurugi kur Jerusalem mi.
14 Agi mba wahle ndazina,
agi mba lagi furîd’a kaziya,
asogogi mba mi hulong fad’enga d’igi asuna na.
Ma didina mba mi tak ad’eng mamba woi mazungeî mama,
wani mba mi tak ayî mam ma bibiliuna woi
mi mam suma djangûna.
15 Gola! Ma didina nga mi djï aduk akud’a,
pus mam ma dur ayîna mi djangî d’igi mbirlimba na.
Mi mbut ayî mam ma bibiliuna ni vama yo akud’a,
mi mbut ngop mamba ni d’igi sin akud’a na mi.
16 Ni kakud’a ba, Ma didina nga mi ka sariya mamba,
nga mi ngop suma pet ki mbigeu d’a fiyaka.
Ablaud’a a mba bo abo Ma didina.
17 Ma didina mi dala:
Suma a tin tazi irat vat a mbut tazi yed’et
á i kur asinena á tuwal fileina
á tit bugol ma ngol ma nga tchola adigazi
á mut kozongâ kahle suma ndjendjed’a ki klomina
pet a mba bo woyo.
18 An we sun mazid’a ki djib’er mazid’a.
Yina mi mba wa á tok andjaf suma pet
ki vun ma de ma lara pet,
a mba mba á we subur manda.
Tok ka ngol la dabid’a
19 Ma didina mi dala: An mba ni le vama taka adigaziya, an mba ni sun mazi suma a arâ ata andjaf suma, nala, mi suma Tarsis-sâ, mi suma Pul-lâ, mi suma Lut suma we yet yeûd’a heîna, mi suma Tubal-lâ, mi suma Javan-na, mi suma a nga kaka yam tila ata yima dei suma a humun nga zlan yazi tu d’uo suma a we nga subur manda d’uo na. Azi mba de zla subur manda woi aduk andjaf suma mi.
20 Ma didina mi dala: A mba mba ki b’oziyogi suma sä woi aduk sumina yam akulumeina, kur pusâ, kur pus ma a zlubum yama, yam korona, yam djambala mi. A mba mbazi yam ahina d’a a tinit irat vata avo Jerusalem d’igi Israel-lâ a nga mba ki he d’a hawa mazi d’a afuta kur dugiyo suma a tinizi irazi vazina kur gong manda na.
21 Ma didina mi dala: An mba ni man suma adigazi ni tinizi suma ngat buzuna ki suma hi Levi-na.
22 Ma didina mi dala: D’igi akulo d’a awilid’a kandaga d’a awilid’a a mba kak avoron tatâ na, andjavagi ki simiyêgi mba mi ka’î hina tatâ mi.
23 Ma didina mi dala:
Kur deîd’a hi til ma lara ge pet,
kur bur ma sabat ma lara ge pet,
andjaf suma pet a mba kud’uronu.
24 Ata yima suma a mba buzuk abuna,
a mba we mad’a suma a kak djangûna ki sed’ena tchuka kä.
Ndjuvul ma atazina nga mi bo d’i,
aku mazid’a nga d’i mit tei d’uo mi,
a mba mbut ni vama ndjendjed’a ir suma pet mi.
Suma d’engzengâ ki suma bei d’engzengâ
1 Ma didina mi dala:
Akulod’a ni zlam man nda amula,
andagad’a ni vama an tin asen kama.
Nandjaf gongâ me ba, agi mba minindji ge?
Ni yima lara ba, an mba ni tuk tan kua ge?
2 Ma didina mi de kua ala:
Ahle suma agi wazi pet wana,
ni an ba ni lazi kabonu.
An nga ni dagiya, azi pet ni mana.
Sama tan lan djivid’a kama
ni ma hohou ma nga mi hum zla manda
ki mandarâ nga mi zlak avorotna.
3 Sama ngat amuhlîna mi tchi ni sana mi,
sama mi ngat timina vama ngat buzunina
mi tumî azik adina mi,
sama mi he he d’a hawad’a afutina
mi vo ni buzuwa kozongâ woi mi,
sama ngal dubang ma his djivid’a á ge humbina,
mi kud’orî fileina mi.
Sum ndazina pet ni suma tazi nga d’i lazi djivid’a
kur lovot mazid’ina,
ni suma tazi nga d’i lazi djivid’a
kur sun mazi d’a ndjendje ndatina mi.
4 Wani an mba ni mba ki ndaka kazi yam sun mazi d’a ndjendje ndata,
an mba ni mba kahle suma mandarâ kazi
kayam an yiya,
wani sa mi hulongôn nga humba d’i,
an de zlad’a, wani azi humun nga d’i.
A le ni sun nda tchod’a avoronu,
a man ni vama an tan nga d’i lan djivid’a kam mbuo na mi.
Mba d’a dabid’a hi Ma didinid’a
5 Agi suma nga humugi zlad’a hi Ma didinid’a ki mandarâ ki zlakina,
agi humugi zla d’a b’oziyogi suma a noyôgi
a aragi woi yam simiyêna a nga data.
A nga dala: Ar Ma didina mi tak subur mamba woyo,
ami wami furî magid’a mi.
Wani ni azi ba, a mba mbut zulona.
6 Agi humugi del la ngop pa nga d’i ndeï hur azì ma ngolîd’a.
Ni del la nga d’i ndeï kur gong nga kud’orid’a.
Ni dela hi Ma didin ma nga mi wurak
mam suma djangûna ndak yam sun mazid’ina.
7 Avok bei hurut tat á vutid’a, ti vut wa!
Avok bei ndak ka vuta ti lata,
ti vut gor mandjufâ!
8 Ni nge ba, mi hum zla d’a hina d’a yam tu ge?
Ni nge ba, mi wahle suma hina na yam tu ge?
Ambasa a vud’ut ni bur tu zu?
Andjaf suma a vud’umî bur tu mi zu?
Ata yima Siyon hurut nde tat á vutina,
atogo hina zak ti vut grotna.
9 Ma didina mi dala:
An ma ni mal vun azì grona matchad’a á vutina,
an mba ni d’elet bei vuta zu?
Alo ma’â mi dala:
An ma ni he lovota matchad’a á vutina,
An mba ni d’el gorâ bei vuta woi zu?
10 Agi pet suma a lagi katna,
agi lagi furîd’a ki Jerusalem,
agi mbud’ut ni vama agi lagi furîd’a kama.
Agi pet suma nga yorogi tagi katna,
agi lagi furîd’a ki sed’et mi.
11 Hina wani, agi mba hobogi ki b’leng hur
ma ndat ti b’lengêgizina
d’igi gogor ma asum mbi hum apona
mi tchum ki furîd’a adigatna na.
12 Ma didina mi dala:
Gola! An mba ni djang b’leng nga halasa kur Jerusalem
d’igi aluma na,
an mba ni hat subura handjaf sumid’a
d’igi alum ma mi kus seina na.
Agi mba tchagi ambir mata,
ti mba d’i hlagi akulo ahlabad’u,
ti mba d’i sad’agi tagi sasat mi.
13 An mba ni b’lengêgi hurugi
d’igi sana asum mbi b’lengêm hurum na,
an mba ni b’lengêgi hurugi kur Jerusalem mi.
14 Agi mba wahle ndazina,
agi mba lagi furîd’a kaziya,
asogogi mba mi hulong fad’enga d’igi asuna na.
Ma didina mba mi tak ad’eng mamba woi mazungeî mama,
wani mba mi tak ayî mam ma bibiliuna woi
mi mam suma djangûna.
15 Gola! Ma didina nga mi djï aduk akud’a,
pus mam ma dur ayîna mi djangî d’igi mbirlimba na.
Mi mbut ayî mam ma bibiliuna ni vama yo akud’a,
mi mbut ngop mamba ni d’igi sin akud’a na mi.
16 Ni kakud’a ba, Ma didina nga mi ka sariya mamba,
nga mi ngop suma pet ki mbigeu d’a fiyaka.
Ablaud’a a mba bo abo Ma didina.
17 Ma didina mi dala:
Suma a tin tazi irat vat a mbut tazi yed’et
á i kur asinena á tuwal fileina
á tit bugol ma ngol ma nga tchola adigazi
á mut kozongâ kahle suma ndjendjed’a ki klomina
pet a mba bo woyo.
18 An we sun mazid’a ki djib’er mazid’a.
Yina mi mba wa á tok andjaf suma pet
ki vun ma de ma lara pet,
a mba mba á we subur manda.
Tok ka ngol la dabid’a
19 Ma didina mi dala: An mba ni le vama taka adigaziya, an mba ni sun mazi suma a arâ ata andjaf suma, nala, mi suma Tarsis-sâ, mi suma Pul-lâ, mi suma Lut suma we yet yeûd’a heîna, mi suma Tubal-lâ, mi suma Javan-na, mi suma a nga kaka yam tila ata yima dei suma a humun nga zlan yazi tu d’uo suma a we nga subur manda d’uo na. Azi mba de zla subur manda woi aduk andjaf suma mi.
20 Ma didina mi dala: A mba mba ki b’oziyogi suma sä woi aduk sumina yam akulumeina, kur pusâ, kur pus ma a zlubum yama, yam korona, yam djambala mi. A mba mbazi yam ahina d’a a tinit irat vata avo Jerusalem d’igi Israel-lâ a nga mba ki he d’a hawa mazi d’a afuta kur dugiyo suma a tinizi irazi vazina kur gong manda na.
21 Ma didina mi dala: An mba ni man suma adigazi ni tinizi suma ngat buzuna ki suma hi Levi-na.
22 Ma didina mi dala: D’igi akulo d’a awilid’a kandaga d’a awilid’a a mba kak avoron tatâ na, andjavagi ki simiyêgi mba mi ka’î hina tatâ mi.
23 Ma didina mi dala:
Kur deîd’a hi til ma lara ge pet,
kur bur ma sabat ma lara ge pet,
andjaf suma pet a mba kud’uronu.
24 Ata yima suma a mba buzuk abuna,
a mba we mad’a suma a kak djangûna ki sed’ena tchuka kä.
Ndjuvul ma atazina nga mi bo d’i,
aku mazid’a nga d’i mit tei d’uo mi,
a mba mbut ni vama ndjendjed’a ir suma pet mi.
