Gat ta yam ayî ma durîd’a
1 Moise mi de kua ala: Fata agi igi á dur ayîna ki magi suma djangûnid’a, le agi wagi akulumeina ablaud’a ki pus ma dur ayîna teteng ki suma ablaud’a kalagiya ni, agi lagi mandar ri. Kayam Ma didina Alo magi ma buzugugï woi kur ambas sa Ezipte-d’ina, mi nga ki sed’egiya. 2 Ata yima agi mbagi go avun ayî ma durîna, ar ma ngat buzuna mi tchol avok suma, 3 mi dazi ala: Agi Israel-lâ, agi humugiya, agi mbagiya wa go ini á dur magi suma djangûna. Ar hurugi ka mbina d’i, ar agi lagi mandar ri, ar vunadigagi pat fek ki, ar agi zlagagi avorozi d’uo mi. 4 Kayam Ma didina Alo magina nga mi tit ki sed’egi á dur magi suma djangûna kagi á sud’ugiya.
5 Bugola, suma nglo suma avok suma durîna a de zlad’a mi suma ala: Ni nge mi min azì ma awilina mi bur nga kur ruo tua ge? Ar mi hulong avo hatamu, tala a tchum avun ayîna kat ba, sama ding mi bur kur ruo d’a. 6 Ni nge ba, mi pe guguzlud’a mi tat nga vud’ut tuo tua ge? Ar mi hulong avo hatamu, tala a tchum avun ayîna kat ba, sama ding mi tat vud’ut tuo d’a. 7 Ni nge ba, mi ka atchad’a abagei mi nga bei mi vat ke? Ar mi hulong avo hatamu, tala a tchum avun ayîna kat ba, sama ding mi vat tuo d’a.
8 Suma nglo suma avok suma durîna a i avok ki zla d’a ded’a, a de kua ala: Ni nge ba, mi nga ki mandarâ, vunadigam pat fek ke? Ar mi hulong avo hatam tala b’oziyom tazi tchuk lus d’igi mam na d’uo d’a. 9 Le suma nglo suma avok suma a dap wa zla d’a ded’a mi suma da ni, a tin azigar suma nglona yam suma.
10 Le agi mbagi sä wa avun azina go á durâ ni, agi dagi suma hur azì mámina ki del la djivid’a á mba ki halasa. 11 Le azi hulongôgi zla d’a ded’a djivid’a ki halasa, a malagi vun azina mi ni, sum ndazina a arî magina, a mba lagi sunda mi. 12 Wani le azi min vagi atazi d’uo, le a min ni durâ ni, agi durugi azì máma. 13 Fata Ma didina Alo magina mi hagiziya wa abogiya ni, agi tchagi andjof suma kur azì mámina woi pet. 14 Wani aropma ki gugureina ki d’uwarâ kahlena pet suma agi mba yozi hurumbina, a arî magina. Agi tagi ahlena hi magi suma djangû suma Ma didina Alo magina mba mi hagizi abogina. 15 Agi lagi kazì ma nglo ma sä woi dei ma nga kur ambas sa agi mba kagagi kata d’uo na ni na. 16 Wani suma kur azì ma nglo ma kur ambas sa Ma didina Alo magina mba mi hagizi agi hlata, agi aragi sa tu bei tchid’a d’i. 17 Agi dabagi sum ndazina woi kakaf, nala, suma Het-na, suma Amor-râ, suma Kanan-na, suma Peris-sâ, suma Hef-fâ ki suma Jebus-sâ d’igi Ma didina Alo magina mi hagi vuna kazi na, 18 kayambala azi had’agi á tit blogozi á le sun nda ndjendje d’a azi nga lat malo mazinid’a d’uo d’a. Le agi lagi hina ni, agi lagi ni tchod’a avok Ma didina Alo magina.
19 Le agi nguyugi azì ma ngolâ á durâ á hlagizi ba, agi lagi burâ ngola ni, agi kagi agu ma vuta woi kandjetna d’i. Ni mam ba, agi mba tumu; ar agi kam mbei d’i. Agu ma abageina ni sana ba, agi nguyum á durâ zu? 20 Wani agi kagi nagu ma a nga tum mbuo na, agi minigizi kagi á ngui azì ma nga mi durugi ayîna máma gak agi hlagiziya.
Gat ta yam ayî ma durîd’a
1 Moise mi de kua ala: Fata agi igi á dur ayîna ki magi suma djangûnid’a, le agi wagi akulumeina ablaud’a ki pus ma dur ayîna teteng ki suma ablaud’a kalagiya ni, agi lagi mandar ri. Kayam Ma didina Alo magi ma buzugugï woi kur ambas sa Ezipte-d’ina, mi nga ki sed’egiya. 2 Ata yima agi mbagi go avun ayî ma durîna, ar ma ngat buzuna mi tchol avok suma, 3 mi dazi ala: Agi Israel-lâ, agi humugiya, agi mbagiya wa go ini á dur magi suma djangûna. Ar hurugi ka mbina d’i, ar agi lagi mandar ri, ar vunadigagi pat fek ki, ar agi zlagagi avorozi d’uo mi. 4 Kayam Ma didina Alo magina nga mi tit ki sed’egi á dur magi suma djangûna kagi á sud’ugiya.
5 Bugola, suma nglo suma avok suma durîna a de zlad’a mi suma ala: Ni nge mi min azì ma awilina mi bur nga kur ruo tua ge? Ar mi hulong avo hatamu, tala a tchum avun ayîna kat ba, sama ding mi bur kur ruo d’a. 6 Ni nge ba, mi pe guguzlud’a mi tat nga vud’ut tuo tua ge? Ar mi hulong avo hatamu, tala a tchum avun ayîna kat ba, sama ding mi tat vud’ut tuo d’a. 7 Ni nge ba, mi ka atchad’a abagei mi nga bei mi vat ke? Ar mi hulong avo hatamu, tala a tchum avun ayîna kat ba, sama ding mi vat tuo d’a.
8 Suma nglo suma avok suma durîna a i avok ki zla d’a ded’a, a de kua ala: Ni nge ba, mi nga ki mandarâ, vunadigam pat fek ke? Ar mi hulong avo hatam tala b’oziyom tazi tchuk lus d’igi mam na d’uo d’a. 9 Le suma nglo suma avok suma a dap wa zla d’a ded’a mi suma da ni, a tin azigar suma nglona yam suma.
10 Le agi mbagi sä wa avun azina go á durâ ni, agi dagi suma hur azì mámina ki del la djivid’a á mba ki halasa. 11 Le azi hulongôgi zla d’a ded’a djivid’a ki halasa, a malagi vun azina mi ni, sum ndazina a arî magina, a mba lagi sunda mi. 12 Wani le azi min vagi atazi d’uo, le a min ni durâ ni, agi durugi azì máma. 13 Fata Ma didina Alo magina mi hagiziya wa abogiya ni, agi tchagi andjof suma kur azì mámina woi pet. 14 Wani aropma ki gugureina ki d’uwarâ kahlena pet suma agi mba yozi hurumbina, a arî magina. Agi tagi ahlena hi magi suma djangû suma Ma didina Alo magina mba mi hagizi abogina. 15 Agi lagi kazì ma nglo ma sä woi dei ma nga kur ambas sa agi mba kagagi kata d’uo na ni na. 16 Wani suma kur azì ma nglo ma kur ambas sa Ma didina Alo magina mba mi hagizi agi hlata, agi aragi sa tu bei tchid’a d’i. 17 Agi dabagi sum ndazina woi kakaf, nala, suma Het-na, suma Amor-râ, suma Kanan-na, suma Peris-sâ, suma Hef-fâ ki suma Jebus-sâ d’igi Ma didina Alo magina mi hagi vuna kazi na, 18 kayambala azi had’agi á tit blogozi á le sun nda ndjendje d’a azi nga lat malo mazinid’a d’uo d’a. Le agi lagi hina ni, agi lagi ni tchod’a avok Ma didina Alo magina.
19 Le agi nguyugi azì ma ngolâ á durâ á hlagizi ba, agi lagi burâ ngola ni, agi kagi agu ma vuta woi kandjetna d’i. Ni mam ba, agi mba tumu; ar agi kam mbei d’i. Agu ma abageina ni sana ba, agi nguyum á durâ zu? 20 Wani agi kagi nagu ma a nga tum mbuo na, agi minigizi kagi á ngui azì ma nga mi durugi ayîna máma gak agi hlagiziya.
