AYÎNA HALONINA MBA MI NDE YAM ANDJAF SUMA DINGÂ
Ngop pa a ngop Amon-nid’a
1 Ma didina mi dan ala: 2 Ang gor sana, ang mbut irang yam suma Amon-na, ang djogozi vuna. 3 Ang dazi ala: Agi humugi zlad’a hi Salad’a Ma didinid’a. Salad’a Ma didina mi dala: Agi dagi ala: Tchuhu ngrang! yam yi man ma an tinim iram vama ata yima mi mbut ndjendjed’ina, yam andaga d’a Israel-la ata yima a b’lagat teina, yam suma Juda-na ata yima a izi magombina. 4 Ni kayam zla ndata ba, an nga ni hagi woi abo suma abo ma yorogonina. Azi mba ge kangâ mazina kur ambas magid’a, azi mba min yi mazi ma kaka adigagiya. Ni azi ba, a mba te vud’agu magina, a mba tche ambir magid’a mi. 5 An mba ni mbut azì ma Raba-na yima burâ hi djambalina, an mba ni mbut ambas magid’a yima burâ hi d’uwarîna mi. Agi mba wagi ala an ni Ma didina.
6 Salad’a Ma didina mi dala: Agi tchagi abogi agi pirigi akulo agi lagi furîd’a kuruk krovo yam ndaka hi sum man suma Israel-lîd’a, agi golozi is mi. 7 Ni kayam ndata ba, an nga ni hlabon kan akulo á ngobogiya, an nga ni hagi abo andjaf suma dingâ á mbut va mazi ma ved’a, an nga ni yogi woi aduk suma, an nga ni ndjoyôgi woi yam ambasa, an nga ni b’lagagi woyo. Hina wani, agi mba wagi ala an ni Ma didina.
Ngop pa a ngop Mowap-mid’a
8 Salad’a Ma didina mi dala: Suma Mowap-ma ki suma Seir-râ a dala: Suma Juda-na a ni d’igi andjaf suma dinga hina pet mi. 9 Ni kayam zla ndata ba, an nga ni mal lovota mi suma á kal yam andagad’a hi suma Mowap-ma ir hagad’a handaga matid’a. A mba duruziya, a mba yo azì mazi ma nglo ma djifâ, nala, Bet-Jesimot, Bäl-Meyon ki Kiriyatayim mi. 10 An mba ni mal lovota mi suma abo ma yorogona á kus yam suma Mowap-ma d’igi a kus wa suma Amon-na tala sa mi djib’er yam suma Mowap-ma aduk suma d’uo d’angû d’a. 11 An mba ni ka sariyad’a yam suma Mowap-ma. Hina wani, azi mba wala an ni Ma didina.
Ngop pa a ngop Edom-mid’a
12 Salad’a Ma didina mi dala: Suma Edom-ma a sä atchugul la tchod’a ki suma Juda-na. Ni kayam ndata ba, zlad’a nga kazi ndak á hlatchugula ki sed’eziya. 13 Ni kayam ndata ba, an Salad’a Ma didina ni dala: An nga ni hlabon kan akulo á dur suma Edom-ma, an nga ni tchi suma woi ki d’uwarâ, an nga ni b’lagat teyo, ni tinï ad’ud’a Teman dei gak mba Dedan, a mba tchazi woi ki mbigeu d’a fiyaka. 14 An mba ni he lovota mi man suma Israel-lâ a mba hlan atchugulun ki suma Edom-ma. A mba gad’azi ndak yam ayî mana, yam hur man ma zal ma gugulu’â mi, a mba tagazi atchugul manda. Ni an Salad’a Ma didina ba, ni de na.
Ngop pa a ngop Filistê-nid’a
15 Salad’a Ma didina mi dala: Suma Filistê-na a hlatchugula kuruzi krovo ki gol isa, a sä atchugula bei we hohowa sa adjeu dei gak ini, a dap suma woi mi. Ni kayam ndata ba, an Salad’a Ma didina ni dala: 16 An nga ni hlabon kan akulo á dur suma Filistê-na, á tchi suma Filistê suma Keret suma a mba ar avun alum ma ngolîna, á dabazi woi mi. 17 An mba ni hlatchugul la tchod’a kayîna ki sed’eziya. Fata an mba ni sä atchugulun ki sed’ezid’a, azi mba wala an ni Ma didina.
AYÎNA HALONINA MBA MI NDE YAM ANDJAF SUMA DINGÂ
Ngop pa a ngop Amon-nid’a
1 Ma didina mi dan ala: 2 Ang gor sana, ang mbut irang yam suma Amon-na, ang djogozi vuna. 3 Ang dazi ala: Agi humugi zlad’a hi Salad’a Ma didinid’a. Salad’a Ma didina mi dala: Agi dagi ala: Tchuhu ngrang! yam yi man ma an tinim iram vama ata yima mi mbut ndjendjed’ina, yam andaga d’a Israel-la ata yima a b’lagat teina, yam suma Juda-na ata yima a izi magombina. 4 Ni kayam zla ndata ba, an nga ni hagi woi abo suma abo ma yorogonina. Azi mba ge kangâ mazina kur ambas magid’a, azi mba min yi mazi ma kaka adigagiya. Ni azi ba, a mba te vud’agu magina, a mba tche ambir magid’a mi. 5 An mba ni mbut azì ma Raba-na yima burâ hi djambalina, an mba ni mbut ambas magid’a yima burâ hi d’uwarîna mi. Agi mba wagi ala an ni Ma didina.
6 Salad’a Ma didina mi dala: Agi tchagi abogi agi pirigi akulo agi lagi furîd’a kuruk krovo yam ndaka hi sum man suma Israel-lîd’a, agi golozi is mi. 7 Ni kayam ndata ba, an nga ni hlabon kan akulo á ngobogiya, an nga ni hagi abo andjaf suma dingâ á mbut va mazi ma ved’a, an nga ni yogi woi aduk suma, an nga ni ndjoyôgi woi yam ambasa, an nga ni b’lagagi woyo. Hina wani, agi mba wagi ala an ni Ma didina.
Ngop pa a ngop Mowap-mid’a
8 Salad’a Ma didina mi dala: Suma Mowap-ma ki suma Seir-râ a dala: Suma Juda-na a ni d’igi andjaf suma dinga hina pet mi. 9 Ni kayam zla ndata ba, an nga ni mal lovota mi suma á kal yam andagad’a hi suma Mowap-ma ir hagad’a handaga matid’a. A mba duruziya, a mba yo azì mazi ma nglo ma djifâ, nala, Bet-Jesimot, Bäl-Meyon ki Kiriyatayim mi. 10 An mba ni mal lovota mi suma abo ma yorogona á kus yam suma Mowap-ma d’igi a kus wa suma Amon-na tala sa mi djib’er yam suma Mowap-ma aduk suma d’uo d’angû d’a. 11 An mba ni ka sariyad’a yam suma Mowap-ma. Hina wani, azi mba wala an ni Ma didina.
Ngop pa a ngop Edom-mid’a
12 Salad’a Ma didina mi dala: Suma Edom-ma a sä atchugul la tchod’a ki suma Juda-na. Ni kayam ndata ba, zlad’a nga kazi ndak á hlatchugula ki sed’eziya. 13 Ni kayam ndata ba, an Salad’a Ma didina ni dala: An nga ni hlabon kan akulo á dur suma Edom-ma, an nga ni tchi suma woi ki d’uwarâ, an nga ni b’lagat teyo, ni tinï ad’ud’a Teman dei gak mba Dedan, a mba tchazi woi ki mbigeu d’a fiyaka. 14 An mba ni he lovota mi man suma Israel-lâ a mba hlan atchugulun ki suma Edom-ma. A mba gad’azi ndak yam ayî mana, yam hur man ma zal ma gugulu’â mi, a mba tagazi atchugul manda. Ni an Salad’a Ma didina ba, ni de na.
Ngop pa a ngop Filistê-nid’a
15 Salad’a Ma didina mi dala: Suma Filistê-na a hlatchugula kuruzi krovo ki gol isa, a sä atchugula bei we hohowa sa adjeu dei gak ini, a dap suma woi mi. Ni kayam ndata ba, an Salad’a Ma didina ni dala: 16 An nga ni hlabon kan akulo á dur suma Filistê-na, á tchi suma Filistê suma Keret suma a mba ar avun alum ma ngolîna, á dabazi woi mi. 17 An mba ni hlatchugul la tchod’a kayîna ki sed’eziya. Fata an mba ni sä atchugulun ki sed’ezid’a, azi mba wala an ni Ma didina.
