Manna ki tcheged’a
1 Ablaud’a hi Israel-lîd’a pet a buzuk kei Elim, a mba hur ful ma Sin ma aduk Elim ki Sinai-na, kur bur ma dogo yam vahlâ hi til ma mbànina bugol buzuk mazi d’a woi kur ambas sa Ezipte-d’id’a. 2 Ata yi máma ablaud’a hi Israel-lîd’a pet a nde gureî abagei hur fulâ yam Moise azi ki Aron. 3 Israel-lâ a dazi ala: Ladjï agi arami Ma didina mi tchami sä avo yam ambas sa Ezipte-d’a ata yima ami nga kaka avun duguyo suma hliuna ata yima ami nga tami avungôna hobomi ki na pî ni, kal luo zu? Gola! Agi mbami woi abagei hur fulâ á tchagi ablau d’a tchotcho d’a wanda woi ki meid’a wana.
4 Ma didina mi de mi Moise ala: Gola! An nga ni yagagi avungôna ei akulo. Suma a mba buzuk á yom burâ ki burâ ndak yam te mazi ma burâ tuna, kayam an ni kuguziya, an ni waziya, na ni a mba tit yam gat manda d’oze a mba tit kat tuo zu? 5 Kur bur ma karagayana, ata yima azi mba le te ma azi yoma, azi mba fumî ir burâ mbà, kal ma agi nga yom burâ ki burîna.
6 Moise azi ki Aron a de mi Israel-lâ pet ala: Ini fladege agi mba wagi ala ni Ma didina ba, mi buzugugï woi yam ambas sa Ezipte-d’a. 7 Avin yorogo agi mba wagi subura hi Ma didinid’a, kayam mi hum gureî d’a agi nga guruyôgi kamba, kayam ami ni nge ko ba, agi guruyôgi kami ge?
8 Moise mi dazi ala: Ma didina nga mi hagi ini fladege hliuna á mutna; avin yorogo mba mi hagi avungôna á hobogiya, kayam mi hum gureî magi d’a agi guruyôgi kamba, kayam ami ni me ko ge? Gureî d’a agi nga guruyôgid’a ni ka ami d’i; agi guruyôgi ni yam Ma didina.
9 Moise mi de mi Aron ala: Ang de mablaud’a hi Israel-lîd’a pet ala: Agi hud’ugï avok Ma didina, kayam mi hum wa gureî magid’a.
10 Kid’a Aron nga mi de zlad’a mablaud’a hi Israel-lîd’a tua d’a, a mbut irazi abo ma hur fulîna. Gol wani, subura hi Ma didinid’a ti ndeï woi kur d’ugula. 11 Ma didina mi de mi Moise ala: 12 An hum gureîd’a hi Israel-lîd’a. Ang dazi ala: Ini fladege d’a afata i á nikid’a, agi mba mud’ugi hliuna, avin yorogo agi mba hobogi kavungôna, agi mba wagi ala an ni Ma didina Alo magina.
13 Tcha fladeged’a Alona nde mi yagazï tcheged’a kä kur kangâ; tcha yorogod’a mbad’ïd’a ge ngui kangâ. 14 Kid’a mbad’ïd’a gas sei dad’a, gol wani, vana nga tchuka kä yam andagad’a gugureid’a hina kokod’o d’igi ir awuna na, gugureid’a d’igi mogoina na mi. 15 Israel-lâ a golomu, a de tazi ala: Ni me na ge? Kayam azi wum nga ala ni va hî d’i.
Moise mi dazi ala; Navungô ma Ma didina mi hagizi á ted’ina. 16 Gola! Ma didina mi hagi vuna ala: Agi yogiziya, nge nge pî ndak yam te mama kilona mbàmbà yam sana, ndak yam ablau suma kur zlub’u mambina.
17 Israel-lâ a le hina. Suma dingâ a yo ngola kal ndrozina, suma dingâ a yo akid’eid’a. 18 Bugola, azi ngam kilona mbàmbà, sama mi yo ngolina, mi fe nga ngola kal li; sama mi yo akid’einina, mi kid’ak nga kam mbuo mi. Nge nge pî mi fe ndak yam te mama.
Vun ma he ma teteng ma yam mannina
19 Moise mi de mi Israel-lâ ala: Ar sa mi aram akulo gak tcha yorogo d’i.
20 Azi hum nga vun Moise si. Suma dingâ adigazi a ar mazina akulo gak yorogo, wani mi tchuk ndjuvulâ, mi tchim mbeyo. Moise hurum zal ata sum ndazina. 21 Yorogo d’a lara ge pet nge nge pî mi yo ndak yam te mama. Le afata nde wa kä ni, mi lau woyo.
22 Kur bur ma karagayana, a yo ndak yam te ma burâ mbàna; nge nge pî mi yo kilona fid’i fid’i. Suma nglo suma avok ablaud’ina a mba ki zla ndata mi Moise.
23 Moise mi dazi ala: Wana ni vama Ma didina mi de kama. Avin ni bur ma sabat ma tuk tad’a, ni sabat ma a tinim iram vam mi Ma didinina. Agi sorogi vama ndak á sorina, agi yagi vama ndak á yid’ina mi. Vama arâ, agi ngomogizi gak yorogo.
24 Azi aram akulo gak yorogo d’igi Moise mi he vuna na; mi tchim nga d’uo mi na, mi tchuk nga ndjuvul luo mi. 25 Moise mi dazi ala: Agi tagizi ini, kayam ini ni bur ma sabat ma he ngola mi Ma didinina. Ini agi mba fum abagei d’i. 26 Agi mba yogizi gak burâ karagaya, wani bur ma kid’iziyana ni bur ma sabatna, agi mba fum mbi.
27 Kur bur ma kid’iziyana suma dingâ adigazi a buzuk a i á yod’a, wani azi fe nga d’i. 28 Ata yi máma Ma didina mi de mi Moise ala: Agi mba ngomogi vun man ma hed’a ki gat manda d’uo hina gak mindja ge? 29 Gola! An hagi bur ma sabatna. Ni kayam ndata ba, an hagi tena kur bur ma karagayana ir burâ mbà ni na. Ar nge nge pî mi kak ata yima mi nga kuana, ar sa mi nde woi kur bur ma kid’iziyana ata yima mam nga kaka kuana d’i. 30 Ni kayam ndata ba, Israel-lâ a tuk tazi kur bur ma kid’iziyana.
31 Israel-lâ a yi te máma ala Manna. Mi hle tamî d’igi ir vud’agu koriyandrena na, mi ni hapa. Adjib’et mamba ni d’igi woî ma a lum ki mbul ayumina na.
32 Moise mi dala: Wana ni vama Ma didina mi he vuna kama mi dala: Agi ngomogi manna kilona mbà yam andjavagi ma agi mba vud’um bugolâ, kayam azi we avungô ma an hagizi abagei hur fulâ ata yima an buzugugï woi kur ambas sa Ezipte-d’ina.
33 Moise mi de mi Aron ala: Ang hle deina, ang nga manna kilona mbà tchugum kuru, ang tinim kä avok Ma didina, kayam agi ngomom yam andjavagi ma agi mba vud’um bugolâ. 34 Aron mi tinim kä avok zandu’â hAlonina d’igi Ma didina mi he vuna mi Moise na, kayam a ngomom kä na.
35 Israel-lâ a te manna gak bizad’a dok fid’i, gak a mba yam ambas sa suma a nga kaka kata. A te manna gak a mba avun haga d’a Kanan-nda. 36 Man ma suma dogo a ndak á tum kur bur ma tunina, nala, kilona dok mbà, ni nga d’a Israel-lâ a tinit á nga kahlenid’a.
Manna ki tcheged’a
1 Ablaud’a hi Israel-lîd’a pet a buzuk kei Elim, a mba hur ful ma Sin ma aduk Elim ki Sinai-na, kur bur ma dogo yam vahlâ hi til ma mbànina bugol buzuk mazi d’a woi kur ambas sa Ezipte-d’id’a. 2 Ata yi máma ablaud’a hi Israel-lîd’a pet a nde gureî abagei hur fulâ yam Moise azi ki Aron. 3 Israel-lâ a dazi ala: Ladjï agi arami Ma didina mi tchami sä avo yam ambas sa Ezipte-d’a ata yima ami nga kaka avun duguyo suma hliuna ata yima ami nga tami avungôna hobomi ki na pî ni, kal luo zu? Gola! Agi mbami woi abagei hur fulâ á tchagi ablau d’a tchotcho d’a wanda woi ki meid’a wana.
4 Ma didina mi de mi Moise ala: Gola! An nga ni yagagi avungôna ei akulo. Suma a mba buzuk á yom burâ ki burâ ndak yam te mazi ma burâ tuna, kayam an ni kuguziya, an ni waziya, na ni a mba tit yam gat manda d’oze a mba tit kat tuo zu? 5 Kur bur ma karagayana, ata yima azi mba le te ma azi yoma, azi mba fumî ir burâ mbà, kal ma agi nga yom burâ ki burîna.
6 Moise azi ki Aron a de mi Israel-lâ pet ala: Ini fladege agi mba wagi ala ni Ma didina ba, mi buzugugï woi yam ambas sa Ezipte-d’a. 7 Avin yorogo agi mba wagi subura hi Ma didinid’a, kayam mi hum gureî d’a agi nga guruyôgi kamba, kayam ami ni nge ko ba, agi guruyôgi kami ge?
8 Moise mi dazi ala: Ma didina nga mi hagi ini fladege hliuna á mutna; avin yorogo mba mi hagi avungôna á hobogiya, kayam mi hum gureî magi d’a agi guruyôgi kamba, kayam ami ni me ko ge? Gureî d’a agi nga guruyôgid’a ni ka ami d’i; agi guruyôgi ni yam Ma didina.
9 Moise mi de mi Aron ala: Ang de mablaud’a hi Israel-lîd’a pet ala: Agi hud’ugï avok Ma didina, kayam mi hum wa gureî magid’a.
10 Kid’a Aron nga mi de zlad’a mablaud’a hi Israel-lîd’a tua d’a, a mbut irazi abo ma hur fulîna. Gol wani, subura hi Ma didinid’a ti ndeï woi kur d’ugula. 11 Ma didina mi de mi Moise ala: 12 An hum gureîd’a hi Israel-lîd’a. Ang dazi ala: Ini fladege d’a afata i á nikid’a, agi mba mud’ugi hliuna, avin yorogo agi mba hobogi kavungôna, agi mba wagi ala an ni Ma didina Alo magina.
13 Tcha fladeged’a Alona nde mi yagazï tcheged’a kä kur kangâ; tcha yorogod’a mbad’ïd’a ge ngui kangâ. 14 Kid’a mbad’ïd’a gas sei dad’a, gol wani, vana nga tchuka kä yam andagad’a gugureid’a hina kokod’o d’igi ir awuna na, gugureid’a d’igi mogoina na mi. 15 Israel-lâ a golomu, a de tazi ala: Ni me na ge? Kayam azi wum nga ala ni va hî d’i.
Moise mi dazi ala; Navungô ma Ma didina mi hagizi á ted’ina. 16 Gola! Ma didina mi hagi vuna ala: Agi yogiziya, nge nge pî ndak yam te mama kilona mbàmbà yam sana, ndak yam ablau suma kur zlub’u mambina.
17 Israel-lâ a le hina. Suma dingâ a yo ngola kal ndrozina, suma dingâ a yo akid’eid’a. 18 Bugola, azi ngam kilona mbàmbà, sama mi yo ngolina, mi fe nga ngola kal li; sama mi yo akid’einina, mi kid’ak nga kam mbuo mi. Nge nge pî mi fe ndak yam te mama.
Vun ma he ma teteng ma yam mannina
19 Moise mi de mi Israel-lâ ala: Ar sa mi aram akulo gak tcha yorogo d’i.
20 Azi hum nga vun Moise si. Suma dingâ adigazi a ar mazina akulo gak yorogo, wani mi tchuk ndjuvulâ, mi tchim mbeyo. Moise hurum zal ata sum ndazina. 21 Yorogo d’a lara ge pet nge nge pî mi yo ndak yam te mama. Le afata nde wa kä ni, mi lau woyo.
22 Kur bur ma karagayana, a yo ndak yam te ma burâ mbàna; nge nge pî mi yo kilona fid’i fid’i. Suma nglo suma avok ablaud’ina a mba ki zla ndata mi Moise.
23 Moise mi dazi ala: Wana ni vama Ma didina mi de kama. Avin ni bur ma sabat ma tuk tad’a, ni sabat ma a tinim iram vam mi Ma didinina. Agi sorogi vama ndak á sorina, agi yagi vama ndak á yid’ina mi. Vama arâ, agi ngomogizi gak yorogo.
24 Azi aram akulo gak yorogo d’igi Moise mi he vuna na; mi tchim nga d’uo mi na, mi tchuk nga ndjuvul luo mi. 25 Moise mi dazi ala: Agi tagizi ini, kayam ini ni bur ma sabat ma he ngola mi Ma didinina. Ini agi mba fum abagei d’i. 26 Agi mba yogizi gak burâ karagaya, wani bur ma kid’iziyana ni bur ma sabatna, agi mba fum mbi.
27 Kur bur ma kid’iziyana suma dingâ adigazi a buzuk a i á yod’a, wani azi fe nga d’i. 28 Ata yi máma Ma didina mi de mi Moise ala: Agi mba ngomogi vun man ma hed’a ki gat manda d’uo hina gak mindja ge? 29 Gola! An hagi bur ma sabatna. Ni kayam ndata ba, an hagi tena kur bur ma karagayana ir burâ mbà ni na. Ar nge nge pî mi kak ata yima mi nga kuana, ar sa mi nde woi kur bur ma kid’iziyana ata yima mam nga kaka kuana d’i. 30 Ni kayam ndata ba, Israel-lâ a tuk tazi kur bur ma kid’iziyana.
31 Israel-lâ a yi te máma ala Manna. Mi hle tamî d’igi ir vud’agu koriyandrena na, mi ni hapa. Adjib’et mamba ni d’igi woî ma a lum ki mbul ayumina na.
32 Moise mi dala: Wana ni vama Ma didina mi he vuna kama mi dala: Agi ngomogi manna kilona mbà yam andjavagi ma agi mba vud’um bugolâ, kayam azi we avungô ma an hagizi abagei hur fulâ ata yima an buzugugï woi kur ambas sa Ezipte-d’ina.
33 Moise mi de mi Aron ala: Ang hle deina, ang nga manna kilona mbà tchugum kuru, ang tinim kä avok Ma didina, kayam agi ngomom yam andjavagi ma agi mba vud’um bugolâ. 34 Aron mi tinim kä avok zandu’â hAlonina d’igi Ma didina mi he vuna mi Moise na, kayam a ngomom kä na.
35 Israel-lâ a te manna gak bizad’a dok fid’i, gak a mba yam ambas sa suma a nga kaka kata. A te manna gak a mba avun haga d’a Kanan-nda. 36 Man ma suma dogo a ndak á tum kur bur ma tunina, nala, kilona dok mbà, ni nga d’a Israel-lâ a tinit á nga kahlenid’a.
