David mi vrak Salomon amula blangâmu
1 David mi tok suma avok Israel-lîna pet avo Jerusalem, nala, suma avok nadjavazina, suma avok adesâ hi azigar suma a le sunda hamulîna, suma avok azigar suma dudubuna, suma avok azigar suma kikisâ, suma avok suma a gol ahle suma djivina hamulâ ki d’uwar mama ki ma hi gromina, suma ngom aropma, grangâ ki suma gangrangâ mi.
2 Amulâ David mi tchol akulo adigaziya, mi dazi ala: B’oziyona, sum mana, agi humunu! An djib’er adjeu ala an min gong nga a tin zanduk ma vun ma djinda hi Ma didinina mi nga kua d’a Alo meina mi tin asem kuad’a, an min wa ahlena pet mi. 3 Wani Alona mi dan ala: Ni ang ba, mba minin gonga ki simiyên ndi, kayam angî sama dur ayîna, ang tchi suma ngola heî mi. 4 Wani Ma didina Alona hi Israel-lîna mi manan aduk suma habuna pet á kak amula yam Israel-lâ gak didin. Mi man Juda á tak lovota mi Israel-lâ. Bugola, mi man suma habuna aduk suma hi Juda-na. Bugola, aduk suma habuna mi manan an á tamula yam Israel-lâ pet mi. 5 Aduk gron suma ablau suma mam handjina pet, mi man Salomon á kak yam zlam mba amula kur leud’a hi Ma didinid’a yam Israel-lâ. 6 Mi dan ala: Ni gorongâ Salomon ba, mba mi minin gonga ki gulumun ma katna. An manam kayam mi arî gorona, an tan arî abum mi. 7 Le mam nga mi tit yam vun ma he mana ki gat manda d’igi mam nga mi le ini na ni, an mba ni hum ad’enga á tamula gak didin. 8 Ki tchetchemba, avok Israel-lâ, avok ablaud’a hi Ma didinid’a, avok Alo mei ma tin humam yam zla magid’ina, agi tid’igi yam vun ma he mama pet, agi ngomogizi kurugi mi, kayam agi kagagi yam ambas sa djivi ndata, kayam agi arat djona mi grogi suma blogogina gak didin mi.
9 Ang gorona Salomon, ar ang wAlo ma an abung nga ni lum sundina, ar ang lum sunda ki hur ma tuna ki tang pet ki djivid’a. Kayam Ma didina ni ma hal hur suma petna, mi we djib’era hi suma pet mi. Le ang halamu ni, ang mba fumu, wani le ang aram mbeyo ni, mama mba mi arang ngei ki iram fafat mi. 10 Ki tchetchemba, ang wala Ma didina mi manang wa, kayambala ang minim gong nga mba d’i mbut ni yima a tinim iram vama d’a. Ang ve tang ad’enga, ang le sunda mi.
David mi he ngad’a hi gonga hAlonid’id’a mi Salomon
11 Ata yi máma David mi he ngad’a hi gulumuna ki hur gongîyo suma tetengâ ki hur gongîyo suma ngom ahlena ki hur gongîyo suma yam ndrozina akulona ki hur gongîyo suma adu’â ki gong nga a mba tin zanduk ma a tinim iram vama kuad’a mi Salomon. 12 Mi hum nga d’a mam ngat kurumba pet hi gulumuna hi gong nga kud’ora hi Ma didinid’a ki hur gongîyo suma nguyut suma kazi irazi vazi á ngom ahle suma kur gonga hAlonid’ina ki gong nga ngom ahle suma ndjondjoî suma a tinizi irazi vazi mAlona kuad’a. 13 Mi hum mbaktum mba mi ndum kadesâ hi suma ngat buzunid’a ki d’a mi ndum kadesâ hi suma hi Levi-nid’a ki d’a mi ndum ki sun nda lara ge d’a a lat kur gong nga kud’ora hi Ma didinid’id’a ki d’a mi ndum kahle suma a le ki sunda kur gong ndatid’a. 14 Mi hum ngad’a hahle suma a mba minizi ki lorina kaneka hahle suma a mba minizi ki lorina yam ahle suma a le ki sun nda tetengîna. Mi hum ngad’a hahle suma a mba minizi ki kawei ma hapmina kanegem yam ahle suma a mba le ki sun nda tetengîna mi. 15 Mi hum aneka hagu lalamba ma lora ki lalam mam mba lora, zlapa kaneka hagu lalamba ma tetengâ ki lalam mamba mi. Mi hum aneka hagu lalamba ma kawei ma hapma, zlapa kaneka hagu lalamba ma tetengâ ki lalam mba yam sun nda ngad’a kamba. 16 Mi hum aneka hi lorid’a ngad’a yam tabul ma teteng ma a mba tchuk avungô ma a tinim iram vama kama, mi hum kawei ma hapma yam tabul ma kawei ma hapma mi. 17 Mi tagam aneka hi kiyor ma siyam hindina, aneka hi halâ kaneka hi angal la lor ra bei zozota ba d’a kaneka hi kop ma lara kaneka hi kop ma kawei ma hapma zlapa kaneka hi kop ma lara pet, 18 kaneka hi yima ngal dubang ma his djivid’a ma lor ma a yoroma kaneka hi pusâ kaneka hi tcherebê ma lor ma gigingâm nga bara woi yam zanduk ma vun ma djinda hi Ma didinina mi nga kuana.
19 David mi dala: Ma didina mi tagan nga d’a pet ta mam b’irindji kabomba tala an le sunda yam nga d’a mam ngata d’a.
20 David mi de mi goroma Salomon kua ala: Ang so tangû, ang ve tang ad’enga, ang le sunda, ang le mandar ri, ar vunadigang pat tuo mi. Kayam Ma didina Alona, Alo mana, mba mi kak ki sed’engû, mba mi arang ngei d’i, mba mi wal lei ki sed’eng nguo mi, gak ang mba dap suna gong mamba pet.
21 Gola! Ades suma ngat buzuna kades suma hi Levi-na a nga ki sed’eng á le sun nda lara ge pet ta nga kur gong nga kud’ora hAlonid’a. Suma d’alâ pet, suma le sun nda lara ge kur min mazid’ina, suma avok suma ki suma pet suma hum vuna kablaud’a hi sumid’a pet a mba tit ni yam vun mang ma hed’a mi.
David mi vrak Salomon amula blangâmu
1 David mi tok suma avok Israel-lîna pet avo Jerusalem, nala, suma avok nadjavazina, suma avok adesâ hi azigar suma a le sunda hamulîna, suma avok azigar suma dudubuna, suma avok azigar suma kikisâ, suma avok suma a gol ahle suma djivina hamulâ ki d’uwar mama ki ma hi gromina, suma ngom aropma, grangâ ki suma gangrangâ mi.
2 Amulâ David mi tchol akulo adigaziya, mi dazi ala: B’oziyona, sum mana, agi humunu! An djib’er adjeu ala an min gong nga a tin zanduk ma vun ma djinda hi Ma didinina mi nga kua d’a Alo meina mi tin asem kuad’a, an min wa ahlena pet mi. 3 Wani Alona mi dan ala: Ni ang ba, mba minin gonga ki simiyên ndi, kayam angî sama dur ayîna, ang tchi suma ngola heî mi. 4 Wani Ma didina Alona hi Israel-lîna mi manan aduk suma habuna pet á kak amula yam Israel-lâ gak didin. Mi man Juda á tak lovota mi Israel-lâ. Bugola, mi man suma habuna aduk suma hi Juda-na. Bugola, aduk suma habuna mi manan an á tamula yam Israel-lâ pet mi. 5 Aduk gron suma ablau suma mam handjina pet, mi man Salomon á kak yam zlam mba amula kur leud’a hi Ma didinid’a yam Israel-lâ. 6 Mi dan ala: Ni gorongâ Salomon ba, mba mi minin gonga ki gulumun ma katna. An manam kayam mi arî gorona, an tan arî abum mi. 7 Le mam nga mi tit yam vun ma he mana ki gat manda d’igi mam nga mi le ini na ni, an mba ni hum ad’enga á tamula gak didin. 8 Ki tchetchemba, avok Israel-lâ, avok ablaud’a hi Ma didinid’a, avok Alo mei ma tin humam yam zla magid’ina, agi tid’igi yam vun ma he mama pet, agi ngomogizi kurugi mi, kayam agi kagagi yam ambas sa djivi ndata, kayam agi arat djona mi grogi suma blogogina gak didin mi.
9 Ang gorona Salomon, ar ang wAlo ma an abung nga ni lum sundina, ar ang lum sunda ki hur ma tuna ki tang pet ki djivid’a. Kayam Ma didina ni ma hal hur suma petna, mi we djib’era hi suma pet mi. Le ang halamu ni, ang mba fumu, wani le ang aram mbeyo ni, mama mba mi arang ngei ki iram fafat mi. 10 Ki tchetchemba, ang wala Ma didina mi manang wa, kayambala ang minim gong nga mba d’i mbut ni yima a tinim iram vama d’a. Ang ve tang ad’enga, ang le sunda mi.
David mi he ngad’a hi gonga hAlonid’id’a mi Salomon
11 Ata yi máma David mi he ngad’a hi gulumuna ki hur gongîyo suma tetengâ ki hur gongîyo suma ngom ahlena ki hur gongîyo suma yam ndrozina akulona ki hur gongîyo suma adu’â ki gong nga a mba tin zanduk ma a tinim iram vama kuad’a mi Salomon. 12 Mi hum nga d’a mam ngat kurumba pet hi gulumuna hi gong nga kud’ora hi Ma didinid’a ki hur gongîyo suma nguyut suma kazi irazi vazi á ngom ahle suma kur gonga hAlonid’ina ki gong nga ngom ahle suma ndjondjoî suma a tinizi irazi vazi mAlona kuad’a. 13 Mi hum mbaktum mba mi ndum kadesâ hi suma ngat buzunid’a ki d’a mi ndum kadesâ hi suma hi Levi-nid’a ki d’a mi ndum ki sun nda lara ge d’a a lat kur gong nga kud’ora hi Ma didinid’id’a ki d’a mi ndum kahle suma a le ki sunda kur gong ndatid’a. 14 Mi hum ngad’a hahle suma a mba minizi ki lorina kaneka hahle suma a mba minizi ki lorina yam ahle suma a le ki sun nda tetengîna. Mi hum ngad’a hahle suma a mba minizi ki kawei ma hapmina kanegem yam ahle suma a mba le ki sun nda tetengîna mi. 15 Mi hum aneka hagu lalamba ma lora ki lalam mam mba lora, zlapa kaneka hagu lalamba ma tetengâ ki lalam mamba mi. Mi hum aneka hagu lalamba ma kawei ma hapma, zlapa kaneka hagu lalamba ma tetengâ ki lalam mba yam sun nda ngad’a kamba. 16 Mi hum aneka hi lorid’a ngad’a yam tabul ma teteng ma a mba tchuk avungô ma a tinim iram vama kama, mi hum kawei ma hapma yam tabul ma kawei ma hapma mi. 17 Mi tagam aneka hi kiyor ma siyam hindina, aneka hi halâ kaneka hi angal la lor ra bei zozota ba d’a kaneka hi kop ma lara kaneka hi kop ma kawei ma hapma zlapa kaneka hi kop ma lara pet, 18 kaneka hi yima ngal dubang ma his djivid’a ma lor ma a yoroma kaneka hi pusâ kaneka hi tcherebê ma lor ma gigingâm nga bara woi yam zanduk ma vun ma djinda hi Ma didinina mi nga kuana.
19 David mi dala: Ma didina mi tagan nga d’a pet ta mam b’irindji kabomba tala an le sunda yam nga d’a mam ngata d’a.
20 David mi de mi goroma Salomon kua ala: Ang so tangû, ang ve tang ad’enga, ang le sunda, ang le mandar ri, ar vunadigang pat tuo mi. Kayam Ma didina Alona, Alo mana, mba mi kak ki sed’engû, mba mi arang ngei d’i, mba mi wal lei ki sed’eng nguo mi, gak ang mba dap suna gong mamba pet.
21 Gola! Ades suma ngat buzuna kades suma hi Levi-na a nga ki sed’eng á le sun nda lara ge pet ta nga kur gong nga kud’ora hAlonid’a. Suma d’alâ pet, suma le sun nda lara ge kur min mazid’ina, suma avok suma ki suma pet suma hum vuna kablaud’a hi sumid’a pet a mba tit ni yam vun mang ma hed’a mi.
