Ndjun nda yam b’oziyoinid’a
1 Kayam zla he d’a hawa d’a á ndjun suma hAlona suma Jude-nid’a, nga djivid’a an b’irigi mbaktumba kat ti, 2 kayam an we min magid’a. Kayam ndata, an suburugi wa avok suma Maseduwan-na. An dazi ala: B’oziyoi suma Akai-na a min tazi á ndjun suma ni gadjum dei. Zlezleû magid’a zut suma dingâ ablaud’a akulo adigazi á led’a. 3 Kayam ndata, ami nga sunumi b’oziyomi ndazina, kayam subur ta mami d’a kagi yam zla ndatid’a ti mbut ni vama hawana d’i. D’igi an de mi suma Maseduwan-na na, a mba wala agi minigi wa he d’a hawa magid’a. 4 Dam suma Maseduwan suma dingâ a mba mba ki sed’en kla ni, le agi minigi nga he d’a hawa magid’a d’uo ni, ami mba mbud’umi zulona, kayam ami tinimi hurumi kagiya. Agi mi, agi mba mbud’ugi zulona ngola mi d’uo zu? 5 Kayam ndata, an tchen wa b’oziyoina á iza hatagi avoron á min he d’a hawa magi d’a agi dagi kat ta agi hagizi kur min magid’id’a wani nga ni kad’enga d’uo d’a.
6 An gagi humagi ala sama zar akid’eid’ina mba mi fet nakid’eid’a, sama zar ngolina mba mi fet ngola mi. 7 Ar nge nge pî mi he ni kur min mamba, wani ki hur ma zala d’oze kad’enga d’uo mi, kayam Alona tam lum djivid’a ni yam sama mi he ki furîd’ina. 8 Alona mi ndak á hagi ahle suma djivi suma lara ge pet, kayam agi fagi ahle suma ndagagina burâ ki burâ, kayam agi hagi ngola á le ki sun nda djivi d’a lara ge pet mi. 9 D’igi mbaktumba hAlonid’a ti de na ala:
Sama djivina mi b’rau ahligiyem mi suma houd’a;
djivi mam mba led’a nga d’i dap puo mi.
10 Alo ma handjafâ mi sana á zara mi hum tena mi na, mba mi hagi andjaf ma lara ge pet ma agi minima, mba mi wulum mi, kayam sun magi d’a d’ingêra ti zul avogovogo. 11 Hina wani, mba mi mbud’ugi suma ndjondjoîna kur ahlena pet ndak á he he d’a hawad’a ngola bei gigrita tala suma a le mersi mAlona yam he d’a hawa magi d’a azi fat abomid’a d’a. 12 Kayam sun nda agi nga lat ki he d’a hawa magi d’a nga d’i ndjun ni yam kid’aka hi suma hAlonid’a hol li, wani nga d’i zut suma ablaud’a á le mersi mAlona mi. 13 Ata yima azi mba we sun magi d’a le d’a djivi ndatina, a mba subur Alona, kayamba agi gagi yagi kä ad’u Zla d’a Djivid’a hi Christ-sa d’a agi nga tagat tei abu avok sumid’a. Azi mba subur Alona yam he d’a hawa magi d’a agi nga b’rawat adigazi aduk suma dingâ pet mi d’a. 14 Azi mba le od’a ngola kagiya, a mba tchen Alona kagi yam suma d’a ngola hAlona d’a agi nga ki sed’eta mi. 15 Ar ei lei mersi mAlona yam he d’a hawa mam mba ngol la kal teglesa.
Ndjun nda yam b’oziyoinid’a
1 Kayam zla he d’a hawa d’a á ndjun suma hAlona suma Jude-nid’a, nga djivid’a an b’irigi mbaktumba kat ti, 2 kayam an we min magid’a. Kayam ndata, an suburugi wa avok suma Maseduwan-na. An dazi ala: B’oziyoi suma Akai-na a min tazi á ndjun suma ni gadjum dei. Zlezleû magid’a zut suma dingâ ablaud’a akulo adigazi á led’a. 3 Kayam ndata, ami nga sunumi b’oziyomi ndazina, kayam subur ta mami d’a kagi yam zla ndatid’a ti mbut ni vama hawana d’i. D’igi an de mi suma Maseduwan-na na, a mba wala agi minigi wa he d’a hawa magid’a. 4 Dam suma Maseduwan suma dingâ a mba mba ki sed’en kla ni, le agi minigi nga he d’a hawa magid’a d’uo ni, ami mba mbud’umi zulona, kayam ami tinimi hurumi kagiya. Agi mi, agi mba mbud’ugi zulona ngola mi d’uo zu? 5 Kayam ndata, an tchen wa b’oziyoina á iza hatagi avoron á min he d’a hawa magi d’a agi dagi kat ta agi hagizi kur min magid’id’a wani nga ni kad’enga d’uo d’a.
6 An gagi humagi ala sama zar akid’eid’ina mba mi fet nakid’eid’a, sama zar ngolina mba mi fet ngola mi. 7 Ar nge nge pî mi he ni kur min mamba, wani ki hur ma zala d’oze kad’enga d’uo mi, kayam Alona tam lum djivid’a ni yam sama mi he ki furîd’ina. 8 Alona mi ndak á hagi ahle suma djivi suma lara ge pet, kayam agi fagi ahle suma ndagagina burâ ki burâ, kayam agi hagi ngola á le ki sun nda djivi d’a lara ge pet mi. 9 D’igi mbaktumba hAlonid’a ti de na ala:
Sama djivina mi b’rau ahligiyem mi suma houd’a;
djivi mam mba led’a nga d’i dap puo mi.
10 Alo ma handjafâ mi sana á zara mi hum tena mi na, mba mi hagi andjaf ma lara ge pet ma agi minima, mba mi wulum mi, kayam sun magi d’a d’ingêra ti zul avogovogo. 11 Hina wani, mba mi mbud’ugi suma ndjondjoîna kur ahlena pet ndak á he he d’a hawad’a ngola bei gigrita tala suma a le mersi mAlona yam he d’a hawa magi d’a azi fat abomid’a d’a. 12 Kayam sun nda agi nga lat ki he d’a hawa magi d’a nga d’i ndjun ni yam kid’aka hi suma hAlonid’a hol li, wani nga d’i zut suma ablaud’a á le mersi mAlona mi. 13 Ata yima azi mba we sun magi d’a le d’a djivi ndatina, a mba subur Alona, kayamba agi gagi yagi kä ad’u Zla d’a Djivid’a hi Christ-sa d’a agi nga tagat tei abu avok sumid’a. Azi mba subur Alona yam he d’a hawa magi d’a agi nga b’rawat adigazi aduk suma dingâ pet mi d’a. 14 Azi mba le od’a ngola kagiya, a mba tchen Alona kagi yam suma d’a ngola hAlona d’a agi nga ki sed’eta mi. 15 Ar ei lei mersi mAlona yam he d’a hawa mam mba ngol la kal teglesa.
