A nga Jerusalem ki dei ma tchora
1 Kur biza d’a zlengîd’a bugol la a yomi magombid’a, kur bur ma dogona hi til ma dogonina, Ma didina mi dan ala: 2 Ang gor sana, ang b’ir bur ma inina kä. Amul ma Babilon-na nga mi ngui Jerusalem ini baba. 3 Ang de zla d’a d’ogol la wanda mandjaf ma bei hum vunina, ang dazi ala: Salad’a Ma didina nga mi dagiya:
Agi tinigi deina akua,
agi vogi mbina kurumu,
4 agi togogi hliu ma tchala kuru,
hliu ma djivina pet, nala, ab’alâ, bigid’a,
agi oyôm mbei kasok ma djivi ma kalâ mi.
5 Agi yogi hliu ma djivina hi tumiyônina,
agi vagi akud’a ad’u deina,
agi yumu, agi yum mbei tetet,
aragi aso’â mi yi mi.
6 Ni kayam ndata ba, Salad’a Ma didina mi dala:
Ni zla d’a hohoud’a yam azì ma ngol ma tchi matna,
dei ma tchor ma tchor mamba ti ndak á pat tei d’uo na,
ang ko hliuna kä woi kur bei ang le togina kam ba.
7 Kayam buzu ma mam vom mbeina,
mi nga tchola kä kurumu,
mi vom mbei ni yam ahinad’a pid’agi,
mi vom nga kä yam andagad’a
tala mi sid’ama d’a d’i.
8 An ar buzuna woi pid’ak yam ahinad’a,
ata yima mi ndak á sid’am kä d’uo na,
tala ayî mana mi tchol akulo á sä atchugula d’a.
9 Ni kayam ndata ba, Salad’a Ma didina mi dala:
Ni zla d’a hohoud’a yam azì ma ngol ma tchi mat máma.
An pî mba ni mol agu ma ngala ngola mi.
10 Ang mol aguna ad’ua,
ang vum akud’a,
ar hliuna mi yiya,
ang yum mbei djivid’a,
ar aso’â mi ngal lei mi.
11 Bugola, ang tin deina aku hurum hawa yam gordjona,
ar mi gakud’a, ar zozot ta kurumba ti ngal lei
tala tchor ra kurumba ti yak keyo d’a.
12 Le d’a a lat kad’enga hina pet pî ni hawana, tchor ra oî d’a kurum ndata nga d’i pat tei d’i; le ni kakud’a pî, nga d’i pat tei d’i. 13 Ndak Jerusalem, batrang maka mbud’uk wa ndjendjed’a. An min ala an mbud’uk kei yed’et, wani ndak min ala an mbud’uk kei yed’et ti. Kayam ndata, ndak mba d’i mbut tei yed’et kur ndjendje maka d’i, gak bur ma an tchol kayî mana ka’â. 14 An Ma didina le ni de va, va máma mba mi mba. An mba ni lumu, an mba ni hulong bugol li, an mba ni wak hohowok koze ni mbut hurun ndi. A mba kak sariyad’a kak yam tit maka, yam sun mak ka led’a mi. An Salad’a Ma didina ni de na.
Yor tad’a hi Ezekiyel-la
15 Ma didina mi dan ala: 16 Ang gor sana, gola! An nga ni hle vama ang hurung vum heîna woi atogo zak. Ang mba tchim horom mbi, ang mba tchi d’i, simina mba mi djang irang kä d’uo mi. 17 Ang oî ni kä kurung krovo, ang yor tang yam matna d’i, ang d’ut kadamul manga kangû, ang tchuk atuguru mangâ asengû, ar ang d’ut dudumang ngei d’i, ar ang tavu ma a yum yam matnina d’uo mi. 18 An de zlad’a mi suma ki yorogod’a, tcha fladeged’a amanda mid’a. Tcha ndjivin yorogod’a an le vama Ma didina mi han vuna kama. 19 Suma a dan ala: Ang nga vami ad’u vama ang lum máma woi d’uo zu?
20 An hulong ni dazi ala: Ma didina mi dan ala: 21 Ang de mi Israel-lâ ala: Salad’a Ma didina mi dala: An mba ni mbut yi man ma an tinim iram vam mala nad’eng nga agi nga suburugi tagi kat ta hurugi vat heî d’a tagi lagi djivid’a kat heîd’a ndjendjed’a. Grogi suma andjofâ ki grogi suma arop suma agi arazi woi avo Jerusalem-ma, a mba tchazi ki mbigeu d’a fiyaka. 22 Ata yi máma agi mba lagi d’igi Ezekiyel mi le na. Agi mba d’ud’ugi dudumagi woi d’i, agi mba tagi avu ma a yum yam matnina d’uo mi. 23 Agi mba d’ud’ugi kadamul magid’a kagiya, agi mba tchugugi atuguru magina asegiya, agi mba tchigi horâ d’i, agi mba tchigi d’i. Wani agi mba id’igi abo tcho magid’a, agi mba zamagi tagiya. 24 Ezekiyel mba mi mbut ni vama taka kagiya. Agi mba lagi ni d’igi mam le hina. Fata ahle ndazina a led’a, ata yi máma agi mba wagi ala an ni Ma didina.
25 Ang gor sana, an mba ni hlazi va mazi mala nad’eng nga azi nga subur tazi kat tad’a woyo. An mba ni hlazi va mazi mala ni furî mazid’a ki djif mazina ma huruzi vum heî ma tazi lazi djivid’a kam heîna woi zlapa ki grozi suma andjofâ ki grozi suma aropma. 26 Kur bur máma sama mi sutna mba mi mba geveng á dang zlad’a mi. 27 Kur bur máma vunang mba mi mal á de zlad’a mi ma sutna, ang mba ar ngela gak kuo d’a. Ang mba mbut ni vama taka kaziya, azi mba wala an ni Ma didina.
A nga Jerusalem ki dei ma tchora
1 Kur biza d’a zlengîd’a bugol la a yomi magombid’a, kur bur ma dogona hi til ma dogonina, Ma didina mi dan ala: 2 Ang gor sana, ang b’ir bur ma inina kä. Amul ma Babilon-na nga mi ngui Jerusalem ini baba. 3 Ang de zla d’a d’ogol la wanda mandjaf ma bei hum vunina, ang dazi ala: Salad’a Ma didina nga mi dagiya:
Agi tinigi deina akua,
agi vogi mbina kurumu,
4 agi togogi hliu ma tchala kuru,
hliu ma djivina pet, nala, ab’alâ, bigid’a,
agi oyôm mbei kasok ma djivi ma kalâ mi.
5 Agi yogi hliu ma djivina hi tumiyônina,
agi vagi akud’a ad’u deina,
agi yumu, agi yum mbei tetet,
aragi aso’â mi yi mi.
6 Ni kayam ndata ba, Salad’a Ma didina mi dala:
Ni zla d’a hohoud’a yam azì ma ngol ma tchi matna,
dei ma tchor ma tchor mamba ti ndak á pat tei d’uo na,
ang ko hliuna kä woi kur bei ang le togina kam ba.
7 Kayam buzu ma mam vom mbeina,
mi nga tchola kä kurumu,
mi vom mbei ni yam ahinad’a pid’agi,
mi vom nga kä yam andagad’a
tala mi sid’ama d’a d’i.
8 An ar buzuna woi pid’ak yam ahinad’a,
ata yima mi ndak á sid’am kä d’uo na,
tala ayî mana mi tchol akulo á sä atchugula d’a.
9 Ni kayam ndata ba, Salad’a Ma didina mi dala:
Ni zla d’a hohoud’a yam azì ma ngol ma tchi mat máma.
An pî mba ni mol agu ma ngala ngola mi.
10 Ang mol aguna ad’ua,
ang vum akud’a,
ar hliuna mi yiya,
ang yum mbei djivid’a,
ar aso’â mi ngal lei mi.
11 Bugola, ang tin deina aku hurum hawa yam gordjona,
ar mi gakud’a, ar zozot ta kurumba ti ngal lei
tala tchor ra kurumba ti yak keyo d’a.
12 Le d’a a lat kad’enga hina pet pî ni hawana, tchor ra oî d’a kurum ndata nga d’i pat tei d’i; le ni kakud’a pî, nga d’i pat tei d’i. 13 Ndak Jerusalem, batrang maka mbud’uk wa ndjendjed’a. An min ala an mbud’uk kei yed’et, wani ndak min ala an mbud’uk kei yed’et ti. Kayam ndata, ndak mba d’i mbut tei yed’et kur ndjendje maka d’i, gak bur ma an tchol kayî mana ka’â. 14 An Ma didina le ni de va, va máma mba mi mba. An mba ni lumu, an mba ni hulong bugol li, an mba ni wak hohowok koze ni mbut hurun ndi. A mba kak sariyad’a kak yam tit maka, yam sun mak ka led’a mi. An Salad’a Ma didina ni de na.
Yor tad’a hi Ezekiyel-la
15 Ma didina mi dan ala: 16 Ang gor sana, gola! An nga ni hle vama ang hurung vum heîna woi atogo zak. Ang mba tchim horom mbi, ang mba tchi d’i, simina mba mi djang irang kä d’uo mi. 17 Ang oî ni kä kurung krovo, ang yor tang yam matna d’i, ang d’ut kadamul manga kangû, ang tchuk atuguru mangâ asengû, ar ang d’ut dudumang ngei d’i, ar ang tavu ma a yum yam matnina d’uo mi. 18 An de zlad’a mi suma ki yorogod’a, tcha fladeged’a amanda mid’a. Tcha ndjivin yorogod’a an le vama Ma didina mi han vuna kama. 19 Suma a dan ala: Ang nga vami ad’u vama ang lum máma woi d’uo zu?
20 An hulong ni dazi ala: Ma didina mi dan ala: 21 Ang de mi Israel-lâ ala: Salad’a Ma didina mi dala: An mba ni mbut yi man ma an tinim iram vam mala nad’eng nga agi nga suburugi tagi kat ta hurugi vat heî d’a tagi lagi djivid’a kat heîd’a ndjendjed’a. Grogi suma andjofâ ki grogi suma arop suma agi arazi woi avo Jerusalem-ma, a mba tchazi ki mbigeu d’a fiyaka. 22 Ata yi máma agi mba lagi d’igi Ezekiyel mi le na. Agi mba d’ud’ugi dudumagi woi d’i, agi mba tagi avu ma a yum yam matnina d’uo mi. 23 Agi mba d’ud’ugi kadamul magid’a kagiya, agi mba tchugugi atuguru magina asegiya, agi mba tchigi horâ d’i, agi mba tchigi d’i. Wani agi mba id’igi abo tcho magid’a, agi mba zamagi tagiya. 24 Ezekiyel mba mi mbut ni vama taka kagiya. Agi mba lagi ni d’igi mam le hina. Fata ahle ndazina a led’a, ata yi máma agi mba wagi ala an ni Ma didina.
25 Ang gor sana, an mba ni hlazi va mazi mala nad’eng nga azi nga subur tazi kat tad’a woyo. An mba ni hlazi va mazi mala ni furî mazid’a ki djif mazina ma huruzi vum heî ma tazi lazi djivid’a kam heîna woi zlapa ki grozi suma andjofâ ki grozi suma aropma. 26 Kur bur máma sama mi sutna mba mi mba geveng á dang zlad’a mi. 27 Kur bur máma vunang mba mi mal á de zlad’a mi ma sutna, ang mba ar ngela gak kuo d’a. Ang mba mbut ni vama taka kaziya, azi mba wala an ni Ma didina.
