Israel-lâ a mba hulong hlambas mazid’a
1 Ma didina mi dan kua ala: Ang gor sana, ang djok vuna mahuniyô suma Israel-lâ ala: Agi humugi zlad’a hi Ma didinid’a. 2 Salad’a Ma didina mi dala: Magi suma djangûna a de kagi ala: Ahâ! Ahâ! Yima nding ma dedei máma mi mbut wa va meina. 3 Kayam ndata, ang djogozi vuna, ang dazi ala: Salad’a Ma didina mi dala: Gagazi, suma a min á b’lagagi woi ata yina pet, á ligigi mi, tala agi mbud’ugi nahlena handjaf suma dingâ agi mbud’ugi ni vama ndala ki vama ngula hi sumina mi d’a. 4 Kayam ndata, agi ahuniyô suma Israel-lâ, agi humugi zla d’a an Salad’a Ma didina ni data. An Salad’a Ma didina ni de mahuniyôna, mi yima ndingâ, mi toliyonda, mi hora, mi yima b’lak kei mi mbut djonina, mazì ma nglo ma a aram mbei ma mi mbut vama hurumba ki vama sanda mandjaf suma ding suma a nguyumina ala: 5 An Salad’a Ma didina ni dala: Gagazi, kur hur ma zal man ma gugulu’â ki yungôr mana an nga ni de zlad’a mandjaf suma dingâ ki suma Edom-ma pet suma a mbut ambas manda mazid’a ki furî mazi d’a kuruzid’a ki gol is mazid’a tala a hurumut ahligiyed’u d’a.
6 Kayam ndata, ang Ezekiyel, ang djok vuna yam andaga d’a Israel-lâ, ang de mahuniyôna, mi yima ndingâ, mi toliyonda ki hora mi ala: Salad’a Ma didina mi dala: Gola! An nga ni de zlad’a kur yungôr mana ki hur man ma zala, kayam andjaf suma dingâ a nga kragagi ngula. 7 An Salad’a Ma didina ni dala: An hlabon akulo ni gun tan ala: Gola! Nandjaf suma ding suma a nguyugina ba, a mba mbut zulona!
8 Agi ahuniyô suma Israel-lâ, ar agu ma kagina mi ruyâ, ar mi vut mi man suma Israel-lâ, kayam azi ar go á hulong avo. 9 Gola! Ki tchetchemba, an mba wa atagiya, an mba ni mbut iran kagiya, a mba zumugiya, a mba zar awuna kagi mi. 10 An mba ni zul suma kur ambas sa Israel-la pet. Suma a mba kak kur azì ma nglona kak ka dingâ, suma a mba hulong min azì ma b’lak keina akulo mi. 11 An mba ni zul suma ki d’uwarâ kagiya. Azi mba zula, a mba vut grona ablaud’a. An mba ni kak suma kagi d’igi avok na, an mba ni lagi djivid’a kal la avoka. Hina wani, agi mba wagi ala an ni Ma didina. 12 An mba ni he lovota mi man suma Israel-lâ a mba tit kagiya, a mba hlagiya, a mba mbud’ugi ni djo mazina, agi mba dabazi grozina woi d’uo mi.
13 Salad’a Ma didina mi dala: Suma a nga dagi mi agi ahuniyô suma Israel-lâ ala: Agi mud’ugi suma, agi dabagi grona handjaf sum magina tazid’a woi mi. 14 Kayam ndata, an Salad’a Ma didina nga ni dagiya: Agi mba mud’ugi suma d’uo d’a, agi mba dabagi grona handjaf sum magina woi d’uo mi. 15 An mba ni aragi agi humugi ngula handjaf suma dingîd’a ki humagi d’i. Suma a mba mbud’ugi zulona d’i, agi mba mbud’ugi vama dap asem andjaf sum magina d’uo mi. An Salad’a Ma didina ni de na.
Ma didina mba mi tok Israel-lâ kua
16 Ma didina mi dan ala: 17 Ang gor sana, kid’a Israel-lâ a nga kaka yam andaga mazid’id’a, a mbud’ut ndjendjed’a ki tit mazid’a ki sun mazi d’a led’a. Tit mazi d’a avoronda ni ndjendjed’a d’igi atcha d’a fe buzunid’a na. 18 A mbut ambasa ndjendjed’a ki mat mazi ma tchid’a, a mbut tazi ndjendjed’a ki filei mazi ma tuwala mi. Ni kayam ndata ba, an hurun zal kaziya. 19 An ngobozi yam tit mazid’a ki sun mazi d’a led’a, an ndjoyôzi woi aduk andjaf suma dingâ, a b’rau kaka woi kur ambasa teteng mi. 20 Kid’a azi mba aduk andjaf suma ding suma azi i kuanid’a, a mbud’un simiyên Ma bei tchod’a ndjendjed’a. Suma a de kazi ala: Suma wana ni suma hi Ma didinina, a buzugï woi ni kur ambas mamba. 21 Wani an min ngom simiyên ma hu Ma bei tchod’a ma Israel-lâ a mbud’um ndjendjed’a aduk andjaf suma ding suma azi i kuana.
22 Kayam ndata, ang de mi Israel-lâ ala: Ma didina mi dala: Ni kayam agi Israel-lâ ba, an lahle ndazina d’i, wani ni kayam simiyên Ma bei tchod’a ma agi mbud’um ndjendjed’a aduk andjaf suma ding suma agi igi kuana. 23 An mba ni tin simiyên ma ngol ma agi mbud’um ndjendjed’a aduk andjaf suma ding suma agi igi kuana iram vamu. Fata an tinim iram vam atagi kä irazid’a, azi mba wala an ni Ma didina. An Salad’a Ma didina ni de na.
24 An mba ni yogï woi aduk andjaf suma dingâ, an mba ni togogï yam ambas sa agi b’rawagi woi kuad’a pet. An mba ni hulongôgï yam andaga magid’a. 25 An mba ni yamagi mbiyo ma digil ma hirwilingâ kagiya, agi mba mbud’ugi yed’et, an mba ni mbud’ugi woi yed’et kur ndjendje magi d’a lara ge pet, kur filei magi ma lara ge pet mi. 26 An mba ni hagi hur ma awilina, an mba ni hagi muzuk ma awilina kurugiya, an mba ni pat hurugi ma ad’enga d’igi ahinad’a na na woyo, an mba ni hagi hurâ hi sanina kurugiya. 27 An mba ni hagi Muzuk mana kurugiya, an mba ni mbud’ugi suma tid’igi yam gat manda suma ngomogi vun man ma hed’ina mi. 28 Agi mba kagagi yam ambas sa an hat mabuyogi ngolod’a, agi mba mbud’ugi sum mana, an mba ni arî Alo magina mi. 29 An mba ni mbud’ugi woi yed’et kur ndjendje magi d’a lara ge pet, an mba ni hagi gemena, an mba ni wulumu, an mba ni ar baktarad’a ti nde kagi d’uo d’a. 30 An mba ni ar agu magina mi vut ngola, asine magina mba mi wul ahlena ngola tala agi mbud’ugi zulona aduk andjaf suma dingâ abo baktarad’a d’uo d’angû d’a. 31 Ata yi máma agi mba djib’eregi yam tit magid’a ki sun magi d’a ata yat tuo d’a, agi mba gologi tagi ni vama ndjendjed’a yam tchila magid’a ki sun magi d’a ndjendje d’a agi lat adjeud’a. 32 Agi wagi ala nga ni kayam agi ba, an mba ni lahle ndazina d’i. Agi Israel-lâ, ar zulona mi lagiya, ar tagi tchuk susub’ok yam tit magid’a mi. An Salad’a Ma didina ni de na.
33 Salad’a Ma didina mi dala: Kur bur ma an mba ni mbud’ugi woi yed’et kur tcho magi d’a lara ge petna, an mba ni zul suma á kak kur azì ma nglona, a mba min azì ma b’lak keina akulo mi. 34 Andaga d’a ar djona d’a suma a nga kalâ a golota, a mba zumud’u. 35 A mba dala: Ambas sa ar djonid’a ti mbut wa d’igi asine ma Eden-na na, azì ma nglo ma b’lak kei ma a tom kä woi mi ar djonina, mi mbut wa azì ma ad’eng ma ngunguna, suma a kak wa kua mi. 36 Andjaf suma ding suma a mba nguyugina a mba wala an ni Ma didina, ni an ba ni min vama a tom kä woina akulo, ni pe vama a b’lagam mbeina mi. An Ma didina ni de zlad’a, an mba ni le sunda kat mi.
37 Gola! Salad’a Ma didina mi dala: An mba ni ar lovota mi Israel-lâ a mba yan á ndjunda, an mba ni hulongôzi humba, an mba ni zuluzi d’igi d’uwarâ na mi. 38 Azì ma nglo ma b’lak keina mba mi oî ki suma d’igi d’uwar ma a tinim iram vam ma a mbam Jerusalem á ngat buzuna ata yima vun til ma a ngama na. Azi mba wala an ni Ma didina.
Israel-lâ a mba hulong hlambas mazid’a
1 Ma didina mi dan kua ala: Ang gor sana, ang djok vuna mahuniyô suma Israel-lâ ala: Agi humugi zlad’a hi Ma didinid’a. 2 Salad’a Ma didina mi dala: Magi suma djangûna a de kagi ala: Ahâ! Ahâ! Yima nding ma dedei máma mi mbut wa va meina. 3 Kayam ndata, ang djogozi vuna, ang dazi ala: Salad’a Ma didina mi dala: Gagazi, suma a min á b’lagagi woi ata yina pet, á ligigi mi, tala agi mbud’ugi nahlena handjaf suma dingâ agi mbud’ugi ni vama ndala ki vama ngula hi sumina mi d’a. 4 Kayam ndata, agi ahuniyô suma Israel-lâ, agi humugi zla d’a an Salad’a Ma didina ni data. An Salad’a Ma didina ni de mahuniyôna, mi yima ndingâ, mi toliyonda, mi hora, mi yima b’lak kei mi mbut djonina, mazì ma nglo ma a aram mbei ma mi mbut vama hurumba ki vama sanda mandjaf suma ding suma a nguyumina ala: 5 An Salad’a Ma didina ni dala: Gagazi, kur hur ma zal man ma gugulu’â ki yungôr mana an nga ni de zlad’a mandjaf suma dingâ ki suma Edom-ma pet suma a mbut ambas manda mazid’a ki furî mazi d’a kuruzid’a ki gol is mazid’a tala a hurumut ahligiyed’u d’a.
6 Kayam ndata, ang Ezekiyel, ang djok vuna yam andaga d’a Israel-lâ, ang de mahuniyôna, mi yima ndingâ, mi toliyonda ki hora mi ala: Salad’a Ma didina mi dala: Gola! An nga ni de zlad’a kur yungôr mana ki hur man ma zala, kayam andjaf suma dingâ a nga kragagi ngula. 7 An Salad’a Ma didina ni dala: An hlabon akulo ni gun tan ala: Gola! Nandjaf suma ding suma a nguyugina ba, a mba mbut zulona!
8 Agi ahuniyô suma Israel-lâ, ar agu ma kagina mi ruyâ, ar mi vut mi man suma Israel-lâ, kayam azi ar go á hulong avo. 9 Gola! Ki tchetchemba, an mba wa atagiya, an mba ni mbut iran kagiya, a mba zumugiya, a mba zar awuna kagi mi. 10 An mba ni zul suma kur ambas sa Israel-la pet. Suma a mba kak kur azì ma nglona kak ka dingâ, suma a mba hulong min azì ma b’lak keina akulo mi. 11 An mba ni zul suma ki d’uwarâ kagiya. Azi mba zula, a mba vut grona ablaud’a. An mba ni kak suma kagi d’igi avok na, an mba ni lagi djivid’a kal la avoka. Hina wani, agi mba wagi ala an ni Ma didina. 12 An mba ni he lovota mi man suma Israel-lâ a mba tit kagiya, a mba hlagiya, a mba mbud’ugi ni djo mazina, agi mba dabazi grozina woi d’uo mi.
13 Salad’a Ma didina mi dala: Suma a nga dagi mi agi ahuniyô suma Israel-lâ ala: Agi mud’ugi suma, agi dabagi grona handjaf sum magina tazid’a woi mi. 14 Kayam ndata, an Salad’a Ma didina nga ni dagiya: Agi mba mud’ugi suma d’uo d’a, agi mba dabagi grona handjaf sum magina woi d’uo mi. 15 An mba ni aragi agi humugi ngula handjaf suma dingîd’a ki humagi d’i. Suma a mba mbud’ugi zulona d’i, agi mba mbud’ugi vama dap asem andjaf sum magina d’uo mi. An Salad’a Ma didina ni de na.
Ma didina mba mi tok Israel-lâ kua
16 Ma didina mi dan ala: 17 Ang gor sana, kid’a Israel-lâ a nga kaka yam andaga mazid’id’a, a mbud’ut ndjendjed’a ki tit mazid’a ki sun mazi d’a led’a. Tit mazi d’a avoronda ni ndjendjed’a d’igi atcha d’a fe buzunid’a na. 18 A mbut ambasa ndjendjed’a ki mat mazi ma tchid’a, a mbut tazi ndjendjed’a ki filei mazi ma tuwala mi. Ni kayam ndata ba, an hurun zal kaziya. 19 An ngobozi yam tit mazid’a ki sun mazi d’a led’a, an ndjoyôzi woi aduk andjaf suma dingâ, a b’rau kaka woi kur ambasa teteng mi. 20 Kid’a azi mba aduk andjaf suma ding suma azi i kuanid’a, a mbud’un simiyên Ma bei tchod’a ndjendjed’a. Suma a de kazi ala: Suma wana ni suma hi Ma didinina, a buzugï woi ni kur ambas mamba. 21 Wani an min ngom simiyên ma hu Ma bei tchod’a ma Israel-lâ a mbud’um ndjendjed’a aduk andjaf suma ding suma azi i kuana.
22 Kayam ndata, ang de mi Israel-lâ ala: Ma didina mi dala: Ni kayam agi Israel-lâ ba, an lahle ndazina d’i, wani ni kayam simiyên Ma bei tchod’a ma agi mbud’um ndjendjed’a aduk andjaf suma ding suma agi igi kuana. 23 An mba ni tin simiyên ma ngol ma agi mbud’um ndjendjed’a aduk andjaf suma ding suma agi igi kuana iram vamu. Fata an tinim iram vam atagi kä irazid’a, azi mba wala an ni Ma didina. An Salad’a Ma didina ni de na.
24 An mba ni yogï woi aduk andjaf suma dingâ, an mba ni togogï yam ambas sa agi b’rawagi woi kuad’a pet. An mba ni hulongôgï yam andaga magid’a. 25 An mba ni yamagi mbiyo ma digil ma hirwilingâ kagiya, agi mba mbud’ugi yed’et, an mba ni mbud’ugi woi yed’et kur ndjendje magi d’a lara ge pet, kur filei magi ma lara ge pet mi. 26 An mba ni hagi hur ma awilina, an mba ni hagi muzuk ma awilina kurugiya, an mba ni pat hurugi ma ad’enga d’igi ahinad’a na na woyo, an mba ni hagi hurâ hi sanina kurugiya. 27 An mba ni hagi Muzuk mana kurugiya, an mba ni mbud’ugi suma tid’igi yam gat manda suma ngomogi vun man ma hed’ina mi. 28 Agi mba kagagi yam ambas sa an hat mabuyogi ngolod’a, agi mba mbud’ugi sum mana, an mba ni arî Alo magina mi. 29 An mba ni mbud’ugi woi yed’et kur ndjendje magi d’a lara ge pet, an mba ni hagi gemena, an mba ni wulumu, an mba ni ar baktarad’a ti nde kagi d’uo d’a. 30 An mba ni ar agu magina mi vut ngola, asine magina mba mi wul ahlena ngola tala agi mbud’ugi zulona aduk andjaf suma dingâ abo baktarad’a d’uo d’angû d’a. 31 Ata yi máma agi mba djib’eregi yam tit magid’a ki sun magi d’a ata yat tuo d’a, agi mba gologi tagi ni vama ndjendjed’a yam tchila magid’a ki sun magi d’a ndjendje d’a agi lat adjeud’a. 32 Agi wagi ala nga ni kayam agi ba, an mba ni lahle ndazina d’i. Agi Israel-lâ, ar zulona mi lagiya, ar tagi tchuk susub’ok yam tit magid’a mi. An Salad’a Ma didina ni de na.
33 Salad’a Ma didina mi dala: Kur bur ma an mba ni mbud’ugi woi yed’et kur tcho magi d’a lara ge petna, an mba ni zul suma á kak kur azì ma nglona, a mba min azì ma b’lak keina akulo mi. 34 Andaga d’a ar djona d’a suma a nga kalâ a golota, a mba zumud’u. 35 A mba dala: Ambas sa ar djonid’a ti mbut wa d’igi asine ma Eden-na na, azì ma nglo ma b’lak kei ma a tom kä woi mi ar djonina, mi mbut wa azì ma ad’eng ma ngunguna, suma a kak wa kua mi. 36 Andjaf suma ding suma a mba nguyugina a mba wala an ni Ma didina, ni an ba ni min vama a tom kä woina akulo, ni pe vama a b’lagam mbeina mi. An Ma didina ni de zlad’a, an mba ni le sunda kat mi.
37 Gola! Salad’a Ma didina mi dala: An mba ni ar lovota mi Israel-lâ a mba yan á ndjunda, an mba ni hulongôzi humba, an mba ni zuluzi d’igi d’uwarâ na mi. 38 Azì ma nglo ma b’lak keina mba mi oî ki suma d’igi d’uwar ma a tinim iram vam ma a mbam Jerusalem á ngat buzuna ata yima vun til ma a ngama na. Azi mba wala an ni Ma didina.
