Alona nga mi ngop Israel-lâ
1 Alona mi dan ala: Ang gor sana, ang hle mbigeu d’a fiyak ka tena, ang mbud’ut d’igi vel ma tena na, ang wel yang ki dudumang ngeyo. Bugola, ang nga tumus sa ang welet tei ndata, ang walat kä woi teteng. 2 Le bur ma a ngui azina kä na mi ndak wa ni, ang hle wal la ding tu, ang ngalat tei kur azì ma ngolâ kaku boloma, ang hle wal la mbàd’a, ang kat aduk kei ki mbigeu mang nga fiyaka, ang ngui azì ma ngolâ woi d’uhl. Ang hle wal la dabid’a, ang yagat akulo aduk simetna. An mba ni digit ad’ut ki mbigeu man nda fiyaka. 3 Ang yo tumus sa ang welet ndata ngiyeû, ang djinit avun baru mangâ. 4 Ang yo tumus ndata kua nde, ang tchugut aduk akud’a, ang ngalat teyo. Ndat mba d’i fo akud’a, ti ngal Israel-lâ woi pet.
5 Wana ni zla d’a an Salad’a Ma didina ni data: Wana ni zla d’a ngad’a yam Jerusalem azì ma ngol ma an tinim aduk andjaf suma d’ad’ar ma an nguyum mbei d’uhl kambasa handjaf ma dingîd’a. 6 Suma kuruma a tchila yam vun man ma hed’a ki gat manda, asa’ata kal andjaf ma dingâ kambas sa nguyuzid’a, kayam a ar vun man ma hed’a woyo, a tit nga yam gat manda d’uo mi. 7 Ni kayam ndata ba, an Salad’a Ma didina nga ni dagiya: Agi lagi sun nda batranga kal andjaf suma a nguyugina, kayam agi tid’igi nga yam gat manda ki vun man ma hed’a d’i, agi tid’igi nga yam gata handjaf suma a nguyugina d’uo mi. 8 Ni kayam ndata ba, an nga ni dagiya: An nga ni kak djangûna ki sed’egiya, an nga ni kagi sariyad’a kagi kä ir andjaf suma dingâ. 9 An mba ni ngobogi ki ngop pa an nga bei ngop ki sa tua d’a, an mba ni ngop ki sa bugol luo mi, kayam sun magi d’a ndjendjed’a ti kal ngola heî. 10 Ni kayam ndata ba, abuyod’a a mba mut grozina adigagiya, grod’a a mba mut abuyozi adigagi mi. An mba ni ka sariyad’a yam suma a mba ar adigagina, an mba ni ndjoyôzi woi ata andagad’a abot ma fid’ina.
11 Ni kayam ndata ba, an Salad’a Ma didin ma bei matna nga ni dagiya: Kayamba agi mbud’un yi man ma an tinim iram vama ndjendjed’a ki filei magina pet ki sun magi d’a ndjendjed’id’a, an tanda mba ni hle iran ndei kagi bei ni wagi hohowogiya, an mba ni ngobogi bei ni wagi hohowogi ba mi. 12 Magi suma a wal ad’u hindina, suma kur wal la avokina, tugud’ei d’a tchod’a tchi matna d’oze baktarad’a mba d’i tchazi woi hur azì ma ngolâ. Suma kur wal la mbàd’ina, suma a nguyuzina a mba tchazi woi avun ayîna. Suma kur wal la dabid’ina, an mba ni ndjoyôzi woi ata andagad’a abot ma fid’ina, an mba ni digizi ad’uzi kayî ma durâ.
13 An mba ni ndak vun ayî mana, an mba ni zal hurun kagi gak ni sä atchugulun ki sed’egiya. Hina agi mba wagi ala ni an Ma didina ba, ni dagi zlad’a kur hur man ma zala, gak ni ngobogi ki wana. 14 Ndak Jerusalem, an mba ni mbud’uk djona ki vama ngula aduk andjaf suma a nguyu’â, ir suma a nga kalâ pet mi. 15 Fata an ni kak sariyad’a kak kayî mana ki hur man ma zal ma gugulu’îd’a, ndak mba d’i mbut ni vama ngula ki vama lasa ki vama tak ma mandarâ ir andjaf suma a nguyu’â. Ni an Ma didina ba, ni de na.
16 An mba ni lagi ndaka ki baktarad’a á dabagi woyo. Mba d’i tagi tagi ni d’igi yeû d’a zala na. An mba ni yogi te ma agi ngomoma woyo, an mba ni ar meid’a ti tchagiya. 17 An mba ni sunugï baktarad’a kamburei suma ayîna, a mba dabagi grogina woyo. Tugud’ei d’a tcho d’a tchi matna ki murud’umba kayî ma durâ a mba mba kagiya. Ni an Ma didina ba, nga ni dagiya.
Alona nga mi ngop Israel-lâ
1 Alona mi dan ala: Ang gor sana, ang hle mbigeu d’a fiyak ka tena, ang mbud’ut d’igi vel ma tena na, ang wel yang ki dudumang ngeyo. Bugola, ang nga tumus sa ang welet tei ndata, ang walat kä woi teteng. 2 Le bur ma a ngui azina kä na mi ndak wa ni, ang hle wal la ding tu, ang ngalat tei kur azì ma ngolâ kaku boloma, ang hle wal la mbàd’a, ang kat aduk kei ki mbigeu mang nga fiyaka, ang ngui azì ma ngolâ woi d’uhl. Ang hle wal la dabid’a, ang yagat akulo aduk simetna. An mba ni digit ad’ut ki mbigeu man nda fiyaka. 3 Ang yo tumus sa ang welet ndata ngiyeû, ang djinit avun baru mangâ. 4 Ang yo tumus ndata kua nde, ang tchugut aduk akud’a, ang ngalat teyo. Ndat mba d’i fo akud’a, ti ngal Israel-lâ woi pet.
5 Wana ni zla d’a an Salad’a Ma didina ni data: Wana ni zla d’a ngad’a yam Jerusalem azì ma ngol ma an tinim aduk andjaf suma d’ad’ar ma an nguyum mbei d’uhl kambasa handjaf ma dingîd’a. 6 Suma kuruma a tchila yam vun man ma hed’a ki gat manda, asa’ata kal andjaf ma dingâ kambas sa nguyuzid’a, kayam a ar vun man ma hed’a woyo, a tit nga yam gat manda d’uo mi. 7 Ni kayam ndata ba, an Salad’a Ma didina nga ni dagiya: Agi lagi sun nda batranga kal andjaf suma a nguyugina, kayam agi tid’igi nga yam gat manda ki vun man ma hed’a d’i, agi tid’igi nga yam gata handjaf suma a nguyugina d’uo mi. 8 Ni kayam ndata ba, an nga ni dagiya: An nga ni kak djangûna ki sed’egiya, an nga ni kagi sariyad’a kagi kä ir andjaf suma dingâ. 9 An mba ni ngobogi ki ngop pa an nga bei ngop ki sa tua d’a, an mba ni ngop ki sa bugol luo mi, kayam sun magi d’a ndjendjed’a ti kal ngola heî. 10 Ni kayam ndata ba, abuyod’a a mba mut grozina adigagiya, grod’a a mba mut abuyozi adigagi mi. An mba ni ka sariyad’a yam suma a mba ar adigagina, an mba ni ndjoyôzi woi ata andagad’a abot ma fid’ina.
11 Ni kayam ndata ba, an Salad’a Ma didin ma bei matna nga ni dagiya: Kayamba agi mbud’un yi man ma an tinim iram vama ndjendjed’a ki filei magina pet ki sun magi d’a ndjendjed’id’a, an tanda mba ni hle iran ndei kagi bei ni wagi hohowogiya, an mba ni ngobogi bei ni wagi hohowogi ba mi. 12 Magi suma a wal ad’u hindina, suma kur wal la avokina, tugud’ei d’a tchod’a tchi matna d’oze baktarad’a mba d’i tchazi woi hur azì ma ngolâ. Suma kur wal la mbàd’ina, suma a nguyuzina a mba tchazi woi avun ayîna. Suma kur wal la dabid’ina, an mba ni ndjoyôzi woi ata andagad’a abot ma fid’ina, an mba ni digizi ad’uzi kayî ma durâ.
13 An mba ni ndak vun ayî mana, an mba ni zal hurun kagi gak ni sä atchugulun ki sed’egiya. Hina agi mba wagi ala ni an Ma didina ba, ni dagi zlad’a kur hur man ma zala, gak ni ngobogi ki wana. 14 Ndak Jerusalem, an mba ni mbud’uk djona ki vama ngula aduk andjaf suma a nguyu’â, ir suma a nga kalâ pet mi. 15 Fata an ni kak sariyad’a kak kayî mana ki hur man ma zal ma gugulu’îd’a, ndak mba d’i mbut ni vama ngula ki vama lasa ki vama tak ma mandarâ ir andjaf suma a nguyu’â. Ni an Ma didina ba, ni de na.
16 An mba ni lagi ndaka ki baktarad’a á dabagi woyo. Mba d’i tagi tagi ni d’igi yeû d’a zala na. An mba ni yogi te ma agi ngomoma woyo, an mba ni ar meid’a ti tchagiya. 17 An mba ni sunugï baktarad’a kamburei suma ayîna, a mba dabagi grogina woyo. Tugud’ei d’a tcho d’a tchi matna ki murud’umba kayî ma durâ a mba mba kagiya. Ni an Ma didina ba, nga ni dagiya.
