A hulong min gong nga kud’ora hAlonid’a akulo
1 Ata yi máma suma djok vuna Aze azi ki Zakari Ido goroma a nga djok vun Alona mi Juif suma Juda-na ki suma Jerusalem-ma ki simiyê Alona hi Israel-lîna. 2 Ata yi máma Zorobabel Salatiyel goroma ki Josue Josadak goroma a tchol á min gong nga kud’ora hAlonid’a avo Jerusalem; suma djok vuna a nga zlapa ki sed’ezi mi.
3 Ata yi máma tamba, Tatenai ma nga mi te yam andaga d’a avun alum ma Efrat-na ndatina ki Setar-Bosnai ki ndrozina a mba ataziya, a dazi ala: Ni nge ba, mi hagi vuna á min gonga ki gulumuna akulo ge? 4 A dazi kua ala: Suma a min gong ndatina ni nge nge azi ge?
5 Wani Alona iram nga tinda yam suma nglo suma Juif-fâ; mazi suma djangûna a d’elezi nga bei le sunda d’i, a de zla ndata mamulâ Dariyus gak a fe mbaktumba abom yam minda hi gong ndatid’a.
A de zla Juif-fâ woi avok amulâ Dariyus
6 Wana ni mbaktum mba Tatenai ma te yam andaga d’a sä abo alum ma Efrat-na abom ma fladegenid’a ki Setar-Bosnai ki ndrozi suma Afarsak suma a nga kaka ata yima dingâ yam andaga ndatina a b’irit mamulâ Dariyus-sa. 7 A de kur mbaktum ndata ala:
Amulâ Dariyus, ami gang depa.
8 Ang wala ami imi yam andaga d’a Juda-d’a gak ata yima gong nga kud’ora hAlo ma ngolîd’a ti nga kuana. A nga min gong ndata ni kahina d’a tcheta, a nga pe aguna aduk gulumuna. Sun ndata nga d’i labozi djivid’a, nga d’i i avogovok mi. 9 Ami djobomi suma nglona ala: Ni nge ba, mi hagi vuna ala agi minigi gong ndata ki gulumun máma akulo ge? 10 Ami djobomi yam simiyê suma a min gong ndatina, kayam ami tagang simiyê suma avorozina kä kur mbaktumba.
11 Wana ni hum mba azi hulongômizid’a: A dami ala: Ami nazungeîna hAlo ma lakulod’a kandagad’ina, ami nga hulong minimi gong nga kud’or ra amul ma ngolâ hi Israel-lîna mi minit adjeu mi dabat bizat kal ngolid’a akulo. 12 Wani bugol la abuyomi ngolo a zal Alo ma akulona hurumba, mi hazi abo Nebukanezar amul ma Babilon ma Kalde-na. Ni mam ba, mi to gong ndata kä woi mi yozi mi izi Babilon. 13 Wani biza d’a avoka hi Sirus amul ma Babilon-nid’a, mi he vuna ala a hulong a min gong nga kud’ora hAlona ndata akulo. 14 Amulâ Sirus mi yoi ahle suma a lazi ki lora kahle suma a lazi ki kawei ma hapma suma Nebukanezar mi yozi kur gong nga kud’ora hAlonid’a avo Jerusalem mi tchuguzi sä kur gong nga kud’or fileina avo Babilon-na, mi hazi abo sama a yum ala Sesebasar ma mam tinim á te yambina. 15 Mi hum vuna ala ang i kahle ndazina, ang tchuguzi sä kur gong nga kud’ora hAlonid’a avo Jerusalem, ar agi minigi gong nga kud’ora hAlonid’a ata blangât ma adjeuna. 16 Ni Sesebasar máma ba, mba mi gäd’u gonga hAlona d’a nga avo Jerusalem-mba. A tinï ad’ud’a kur bur máma dei gak ini a nga kur minda, wani ti nga bei dapa.
17 Wani ki tchetchemba, amulâ, le ang mina ni, ar ang hal kur mbaktumba hamul ma Babilon-nid’a á we na ni amulâ Sirus mi he vuna á min gong nga kud’ora hAlonid’a avo Jerusalem zu? Tua ba ang damï min manga yam zla ndata.
A hulong min gong nga kud’ora hAlonid’a akulo
1 Ata yi máma suma djok vuna Aze azi ki Zakari Ido goroma a nga djok vun Alona mi Juif suma Juda-na ki suma Jerusalem-ma ki simiyê Alona hi Israel-lîna. 2 Ata yi máma Zorobabel Salatiyel goroma ki Josue Josadak goroma a tchol á min gong nga kud’ora hAlonid’a avo Jerusalem; suma djok vuna a nga zlapa ki sed’ezi mi.
3 Ata yi máma tamba, Tatenai ma nga mi te yam andaga d’a avun alum ma Efrat-na ndatina ki Setar-Bosnai ki ndrozina a mba ataziya, a dazi ala: Ni nge ba, mi hagi vuna á min gonga ki gulumuna akulo ge? 4 A dazi kua ala: Suma a min gong ndatina ni nge nge azi ge?
5 Wani Alona iram nga tinda yam suma nglo suma Juif-fâ; mazi suma djangûna a d’elezi nga bei le sunda d’i, a de zla ndata mamulâ Dariyus gak a fe mbaktumba abom yam minda hi gong ndatid’a.
A de zla Juif-fâ woi avok amulâ Dariyus
6 Wana ni mbaktum mba Tatenai ma te yam andaga d’a sä abo alum ma Efrat-na abom ma fladegenid’a ki Setar-Bosnai ki ndrozi suma Afarsak suma a nga kaka ata yima dingâ yam andaga ndatina a b’irit mamulâ Dariyus-sa. 7 A de kur mbaktum ndata ala:
Amulâ Dariyus, ami gang depa.
8 Ang wala ami imi yam andaga d’a Juda-d’a gak ata yima gong nga kud’ora hAlo ma ngolîd’a ti nga kuana. A nga min gong ndata ni kahina d’a tcheta, a nga pe aguna aduk gulumuna. Sun ndata nga d’i labozi djivid’a, nga d’i i avogovok mi. 9 Ami djobomi suma nglona ala: Ni nge ba, mi hagi vuna ala agi minigi gong ndata ki gulumun máma akulo ge? 10 Ami djobomi yam simiyê suma a min gong ndatina, kayam ami tagang simiyê suma avorozina kä kur mbaktumba.
11 Wana ni hum mba azi hulongômizid’a: A dami ala: Ami nazungeîna hAlo ma lakulod’a kandagad’ina, ami nga hulong minimi gong nga kud’or ra amul ma ngolâ hi Israel-lîna mi minit adjeu mi dabat bizat kal ngolid’a akulo. 12 Wani bugol la abuyomi ngolo a zal Alo ma akulona hurumba, mi hazi abo Nebukanezar amul ma Babilon ma Kalde-na. Ni mam ba, mi to gong ndata kä woi mi yozi mi izi Babilon. 13 Wani biza d’a avoka hi Sirus amul ma Babilon-nid’a, mi he vuna ala a hulong a min gong nga kud’ora hAlona ndata akulo. 14 Amulâ Sirus mi yoi ahle suma a lazi ki lora kahle suma a lazi ki kawei ma hapma suma Nebukanezar mi yozi kur gong nga kud’ora hAlonid’a avo Jerusalem mi tchuguzi sä kur gong nga kud’or fileina avo Babilon-na, mi hazi abo sama a yum ala Sesebasar ma mam tinim á te yambina. 15 Mi hum vuna ala ang i kahle ndazina, ang tchuguzi sä kur gong nga kud’ora hAlonid’a avo Jerusalem, ar agi minigi gong nga kud’ora hAlonid’a ata blangât ma adjeuna. 16 Ni Sesebasar máma ba, mba mi gäd’u gonga hAlona d’a nga avo Jerusalem-mba. A tinï ad’ud’a kur bur máma dei gak ini a nga kur minda, wani ti nga bei dapa.
17 Wani ki tchetchemba, amulâ, le ang mina ni, ar ang hal kur mbaktumba hamul ma Babilon-nid’a á we na ni amulâ Sirus mi he vuna á min gong nga kud’ora hAlonid’a avo Jerusalem zu? Tua ba ang damï min manga yam zla ndata.
