Abraham mi gus yima a tos Sara kuana
1 Sara ti le bizad’a ni kis yam dok mbà yam kid’iziya, 2 ti mit navo Kiriyat-Arba, nala, Hebron, ni yam andaga d’a Kanan-nda. Abraham mi min tam á tchi mad’amamba Sara, mi tchid’u.
3 Bugola, mi ar matna kä, mi i de mi suma Het-na ala: 4 An nangeina adigagiya. Agi han yina adigagi ka hî á tos mad’amanda kua; mi arî mana ki iran fafat.
5 Azi hulong de mi Abraham ala: 6 Sama ngolâ, ang humumiya. Alona mi tining ngola adigamiya; ang tos mat mangâ kur zul mami d’a djivi d’a kala; sama adigami ma mba mi d’eleng yam zul mamba á tos mad’amanga kuana nga d’i.
7 Abraham mi tchola, mi grif kä avok suma Het suma andagad’a, 8 mi dazi ala: Le agi minigi gagazi ala an tos mat mana kur zul ahina d’a tud’a ni, agi humunu. Agi tchenegi Efron Sohar goroma kanu, 9 kayam mi han zul ahina mam mba Makpela d’a avun dabid’a hasine mamid’a. Mi handji ki gus sa ndaka, kayam mi arî yi man ma tos matna adigagiya.
10 Efron mi nga kaka kä aduk b’oziyom suma Het-na, mi de mi Abraham avorozi ki suma a nga kalï avun azì ma ngolîna ala: 11 Sama ngolâ, nga na d’i! Ang humunu. An hang asine máma ki zul ahina d’a nga kuad’a mi, an hangzi navok sum mana; ang tos mad’amanga kua.
12 Abraham mi grif kä avok suma yam andaga ndatina, 13 mi de mi Efron avok sum ndazina ala: An nga ni tchenengû, le ang mina ni, ang humunu. An nga ni hang gusa yam asinena, ang vat abonu, kayam an tos mad’amanda kua.
14 Efron mi hulong de mi Abraham ala: 15 Sama ngolâ, ang humunu. Andagad’a guzut ni gurzu d’a hap pa kikis fid’i ganang wanda, ni vama ngol adigei ki ang zu? Ang tos mad’amanga d’o.
16 Abraham mi hum Efron, mi nga bege d’a hapa ki kilona mi Efron d’igi mam de woi avok suma Het-na na ala ni gurzu d’a hapa kikis fid’i hina mi, ni bege d’a suma mbut abozina a nga vata.
17 Asinena hi Efron ma Makpela máma navok Mamre d’ar, asinena ki zul ahina d’a nga kurumba pet kagu ma nga ped’a ir hagad’ina pet mi, 18 asine máma mi mbut nasinena hi Abraham-ma avok suma Het-na, avok suma pet suma a nga kalï avun azì ma ngolîna, a le glangâsâ kam mi.
19 Bugola, Abraham mi tos amamba Sara kur zul ahina d’a nga kur asine ma Makpela ma nga avok Mamre d’arâ, nala, Hebron yam andaga d’a Kanan-nda. 20 Ni hina ba, asine máma ki zul ahina d’a nga kurumba a mbut ni suma hi Abraham-ma ki iram fafat á tos mat mama avok suma Het-na.
Abraham mi gus yima a tos Sara kuana
1 Sara ti le bizad’a ni kis yam dok mbà yam kid’iziya, 2 ti mit navo Kiriyat-Arba, nala, Hebron, ni yam andaga d’a Kanan-nda. Abraham mi min tam á tchi mad’amamba Sara, mi tchid’u.
3 Bugola, mi ar matna kä, mi i de mi suma Het-na ala: 4 An nangeina adigagiya. Agi han yina adigagi ka hî á tos mad’amanda kua; mi arî mana ki iran fafat.
5 Azi hulong de mi Abraham ala: 6 Sama ngolâ, ang humumiya. Alona mi tining ngola adigamiya; ang tos mat mangâ kur zul mami d’a djivi d’a kala; sama adigami ma mba mi d’eleng yam zul mamba á tos mad’amanga kuana nga d’i.
7 Abraham mi tchola, mi grif kä avok suma Het suma andagad’a, 8 mi dazi ala: Le agi minigi gagazi ala an tos mat mana kur zul ahina d’a tud’a ni, agi humunu. Agi tchenegi Efron Sohar goroma kanu, 9 kayam mi han zul ahina mam mba Makpela d’a avun dabid’a hasine mamid’a. Mi handji ki gus sa ndaka, kayam mi arî yi man ma tos matna adigagiya.
10 Efron mi nga kaka kä aduk b’oziyom suma Het-na, mi de mi Abraham avorozi ki suma a nga kalï avun azì ma ngolîna ala: 11 Sama ngolâ, nga na d’i! Ang humunu. An hang asine máma ki zul ahina d’a nga kuad’a mi, an hangzi navok sum mana; ang tos mad’amanga kua.
12 Abraham mi grif kä avok suma yam andaga ndatina, 13 mi de mi Efron avok sum ndazina ala: An nga ni tchenengû, le ang mina ni, ang humunu. An nga ni hang gusa yam asinena, ang vat abonu, kayam an tos mad’amanda kua.
14 Efron mi hulong de mi Abraham ala: 15 Sama ngolâ, ang humunu. Andagad’a guzut ni gurzu d’a hap pa kikis fid’i ganang wanda, ni vama ngol adigei ki ang zu? Ang tos mad’amanga d’o.
16 Abraham mi hum Efron, mi nga bege d’a hapa ki kilona mi Efron d’igi mam de woi avok suma Het-na na ala ni gurzu d’a hapa kikis fid’i hina mi, ni bege d’a suma mbut abozina a nga vata.
17 Asinena hi Efron ma Makpela máma navok Mamre d’ar, asinena ki zul ahina d’a nga kurumba pet kagu ma nga ped’a ir hagad’ina pet mi, 18 asine máma mi mbut nasinena hi Abraham-ma avok suma Het-na, avok suma pet suma a nga kalï avun azì ma ngolîna, a le glangâsâ kam mi.
19 Bugola, Abraham mi tos amamba Sara kur zul ahina d’a nga kur asine ma Makpela ma nga avok Mamre d’arâ, nala, Hebron yam andaga d’a Kanan-nda. 20 Ni hina ba, asine máma ki zul ahina d’a nga kurumba a mbut ni suma hi Abraham-ma ki iram fafat á tos mat mama avok suma Het-na.
