1 Bugol ahle ndazina, azungeî suma nglona hamul ma Ezipte-na mbà, nala, ma ngolâ hi suma a hum sümina ki ma ngolâ hi suma a lum avungônina, a le tchod’a avoromu. 2 Faron hurum zal ata suma mbà ndazina, 3 mi yozi mi tchuguzi kur gonga hi ma ngol ma ngom dangeina hamulîna ata yima Josef mi nga kuana. 4 Ma ngolâ hi azigarîna mi hazi abo Josef á ngomoziya; a le burâ ngola kur dangeina.
Josef mi väd’u adï d’a ded’a mbà
5 Kur andjege d’a dinga tu, suma mbà ndazina, adïd’a dazi kur dangei mazina, adï d’a lara pî kad’u mata ved’a. 6 Ki yorogod’a Josef mi mba geveziya, mi wazi wani azi tchuk susub’ok. 7 Mi djobozi ala: Ni kayam me ba, agi tchugugi ini hina susub’ok ke?
8 Azi hulong dum ala: Ami nge nge pî adïd’a dumu, sama ka hî ma vamizi ad’utna nga d’i.
Josef mi hulong dazi ala: NAlona ba, mi ndak á vad’ud’a d’uo zu? Agi van ni ad’u adï magid’a.
9 Ma ngolâ hi suma a he süma mamulîna, mi dum ala: Adïd’a dan ala: Guguzlud’a nga avoronu, 10 abot wal hindi, mi nde d’ufa, mi b’o, mi vud’a, mi ne. 11 Kop ma tche süma hi Faron-na mi nga abonu; an yo vut guguzlud’a, an emet kur kopma, an i humziya.
12 Josef mi dum ala: Ad’u adï manga ba wana: Guguzlud’a abot ma hindina mi ta’î burâ hindi. 13 Ar burâ hindi, Faron mba mi vat hurum mbei kangû, mba mi hulongông kur sun manga. Ang mba hum süma d’igi ang humzi avok dei na. 14 Fata ang fe wa djivid’a ni, ang djib’er kanu, djivid’a ang ge hum Faron, mi gan ndei akulo kur dangeina. 15 Azi vanï kur ambas sa Hebre-d’a ni kad’enga; ka hî pî, an le nga vama ndak á gan dangeinina d’i.
16 Ata yima ma ngolâ hi suma a lavungôna mamulîna mi we Josef mi väd’u adïd’a woi djivid’a hina na, mi de mi Josef ala: An adïd’a dan mi. Adïd’a dan ala: An djak avungôna kan kur gogologeina hindi. 17 Wani avungô ma djivi ma lara ge ma a ilim mi Faron-na pet, mi nga kur gagalaga d’a yam ndrotna akulod’a, wani aluweina a nga tum kan akulo.
18 Josef mi hulong dum ala: Ad’u adï manga ba wana: Gogologei suma hindina a ta’î burâ hindi. 19 Ar burâ hindi, Faron mba mi ngad’ang yang ngeyo, mba mi gabang akulo ata aguna, aluweina a mba tangû.
20 Kid’a bur ma hindina ndaka, ni bur ma vuta hi Faron-na. Faron mi le te ma luna mi mam suma sunda pet. Mam ndeï ma ngolâ hi suma a hum sümina ki ma ngolâ hi suma a lum avungônina woi kur dangeina. 21 Mi hulong ma ngolâ hi suma a hum sümina kur sun mamba, kayam mam hum süma he d’a dinga, 22 wani mi gap ma ngolâ hi suma a lum avungônina akulo d’igi Josef mi dazi na mi. 23 Wani ma ngolâ hi suma a he süma mamulîna, mi mar yam Josef, mi djib’er nga kam mbi.
1 Bugol ahle ndazina, azungeî suma nglona hamul ma Ezipte-na mbà, nala, ma ngolâ hi suma a hum sümina ki ma ngolâ hi suma a lum avungônina, a le tchod’a avoromu. 2 Faron hurum zal ata suma mbà ndazina, 3 mi yozi mi tchuguzi kur gonga hi ma ngol ma ngom dangeina hamulîna ata yima Josef mi nga kuana. 4 Ma ngolâ hi azigarîna mi hazi abo Josef á ngomoziya; a le burâ ngola kur dangeina.
Josef mi väd’u adï d’a ded’a mbà
5 Kur andjege d’a dinga tu, suma mbà ndazina, adïd’a dazi kur dangei mazina, adï d’a lara pî kad’u mata ved’a. 6 Ki yorogod’a Josef mi mba geveziya, mi wazi wani azi tchuk susub’ok. 7 Mi djobozi ala: Ni kayam me ba, agi tchugugi ini hina susub’ok ke?
8 Azi hulong dum ala: Ami nge nge pî adïd’a dumu, sama ka hî ma vamizi ad’utna nga d’i.
Josef mi hulong dazi ala: NAlona ba, mi ndak á vad’ud’a d’uo zu? Agi van ni ad’u adï magid’a.
9 Ma ngolâ hi suma a he süma mamulîna, mi dum ala: Adïd’a dan ala: Guguzlud’a nga avoronu, 10 abot wal hindi, mi nde d’ufa, mi b’o, mi vud’a, mi ne. 11 Kop ma tche süma hi Faron-na mi nga abonu; an yo vut guguzlud’a, an emet kur kopma, an i humziya.
12 Josef mi dum ala: Ad’u adï manga ba wana: Guguzlud’a abot ma hindina mi ta’î burâ hindi. 13 Ar burâ hindi, Faron mba mi vat hurum mbei kangû, mba mi hulongông kur sun manga. Ang mba hum süma d’igi ang humzi avok dei na. 14 Fata ang fe wa djivid’a ni, ang djib’er kanu, djivid’a ang ge hum Faron, mi gan ndei akulo kur dangeina. 15 Azi vanï kur ambas sa Hebre-d’a ni kad’enga; ka hî pî, an le nga vama ndak á gan dangeinina d’i.
16 Ata yima ma ngolâ hi suma a lavungôna mamulîna mi we Josef mi väd’u adïd’a woi djivid’a hina na, mi de mi Josef ala: An adïd’a dan mi. Adïd’a dan ala: An djak avungôna kan kur gogologeina hindi. 17 Wani avungô ma djivi ma lara ge ma a ilim mi Faron-na pet, mi nga kur gagalaga d’a yam ndrotna akulod’a, wani aluweina a nga tum kan akulo.
18 Josef mi hulong dum ala: Ad’u adï manga ba wana: Gogologei suma hindina a ta’î burâ hindi. 19 Ar burâ hindi, Faron mba mi ngad’ang yang ngeyo, mba mi gabang akulo ata aguna, aluweina a mba tangû.
20 Kid’a bur ma hindina ndaka, ni bur ma vuta hi Faron-na. Faron mi le te ma luna mi mam suma sunda pet. Mam ndeï ma ngolâ hi suma a hum sümina ki ma ngolâ hi suma a lum avungônina woi kur dangeina. 21 Mi hulong ma ngolâ hi suma a hum sümina kur sun mamba, kayam mam hum süma he d’a dinga, 22 wani mi gap ma ngolâ hi suma a lum avungônina akulo d’igi Josef mi dazi na mi. 23 Wani ma ngolâ hi suma a he süma mamulîna, mi mar yam Josef, mi djib’er nga kam mbi.
