Josef mi kuk b’oziyoma
1 Bugola, Josef mi he vuna mazong mam ma ngolâ ala: Ang oî bud’omeina hi sum ndazina kawuna, ndak yam ad’enga hi koro mazina á zid’a, ang hulong beged’a hi nge nge pî kur bid’im mamba mi. 2 Ang ge kop man ma kawei ma hapma kur bid’imba hi ma gorid’a zlapa ki bege mam mba gus awuna. Azong máma mi le d’igi Josef mi dum na.
3 Tcha yorogod’a, a ar sum ndazina ki koro mazina a iya. 4 Azi buzuk kei huyok azina, wani a i nga dei d’i. Ata yi máma Josef mi de mazong mam ma ngolâ ala: Ang i ad’u sum ndazina, ang faziya, ang djobozi ala: Ni kayam me ba, agi hulongôgi tchod’a yam djivid’a ge? 5 Ni kayam me ba, agi kulugï kopma hi salana ma tche mbina ma nga mi we kahle suma a nga mbana ge? Agi lagi ni sun nda tchod’a.
6 Azong máma mi i faziya, mi dazi zla ndata. 7 Azi hulong dum ala: Sama ngolâ, ni kayam me ba, ang de zla d’a hina d’a ge? Ami azungeî mangâ ndak á lami sun nda tcho d’a hina d’a d’i. 8 Ami hulongôngî nga ki bege d’a ami famizi kur bud’omei mamina avo Kanan-nda d’uo zu? Ni nana ba, ami dok kulumi ahle suma kawei ma hapma d’oze ahle suma lora avo hi salangâ ge? 9 Sama adigami ma ang fe kop máma aboma, mi ndak á tchid’a; ami tamid’a arami ni magumei mangâ mi.
10 Azong máma mi hulong dazi ala: D’igi agi dagi na, sama an fe kop máma aboma, mam tu ba, mi mbut magom mana; wani agi suma dingâ zla nga kagi d’i.
11 Atogo hina zak azi tchuk bud’omei mazina kä, nge nge pî mi but vun bid’im mamba woyo. 12 Azong máma mi nde hal kur bud’omeina, mi tinï ad’ud’a yam ma ngolâ gak mba yam ma gorâ, mi fe kop máma kur bid’imba hi Benjamin-nda. 13 Ata yi máma Josef b’oziyoma a haû baru ma atazina woyo. Nge nge pî mi djin ahlena huyok koro mama, a hulong avo kur azina.
Juda mi tchen Josef yam Benjamin
14 Juda ki b’oziyoma a mbaza avo hi Josef, mi nga avo tua. Azi grif kä andaga avoromu. 15 Josef mi dazi ala: Agi lagi ni suna me na ge? Agi wagi nga d’ala sama d’igi an na na ni ndak á we vama nga mbana hina d’uo zu?
16 Juda mi hulong dum ala: Sama ngolâ, ami dangî zla me d’ei ge? Zla d’a ami dat ta pad’ami zlad’a woi kamid’a nga zu? Alona mi ndäd’u tchod’a hi ami azungeî mangîd’a woi abua. Ami arami ni magumei mangâ zlapa ki ma ang fe kop mangâ kur bid’im mambina.
17 Josef mi dazi ala: Hawa yak! An ndak á le hina d’i! Sama an fe kopma aboma, ni mam ba, mi ar magom mana; wani agi suma dingâ igi gen abugi hawa.
18 Juda mi hut gevemu, mi dum ala: Salana, ang aran an azong mangâ ni dang zlad’a nde. Angî d’igi Faron na, ar hurung zal kan an azong mangâ d’i. 19 Salana, ang djobomi ami azungeî mangâ fata ala: Abugi nga zu? d’oze, Wiyegi ma ding nga zu? 20 Ami hulong dang ala: Abumi ma mamarâ nga, wiyemi ma gor ma mam vud’um ki mamarama nga mi. Abumi mi le kam heî, kayam mam arî abo asum vam tu; wiyem ma mbàna mi mid’a.
21 Ang dami ami azungeî mangâ ala: Agi mbandjïya, an min á wum ki iranu. 22 Ami dang ang salamina ala: Gor máma mi ndak á wal kabum mbi. Le mi wal kabumu ni, abum mba mi mid’a.
23 Ang dami ami azungeî mangâ ala le ami mbami nga ki wiyemi ma gor máma d’uo ni, ami mba wang irang nguo d’a. 24 Kid’a ami hulongômi gen abun azong mangîd’a, ami dum zla d’a ang damizid’a.
25 Abumi mi dami ala: Agi hulongôgi guzugï awuna nde. 26 Ami dum ala: Le wiyemi ma gorâ mi i nga ki sed’emi d’uo ni, ami imi d’i. Le mi i nga ki sed’emi d’uo ni, sa máma mba mi vami atam mbi.
27 Abumi mi hulong dami ala: Agi wagi ala amanda Rachel ti vud’un gro andjofâ ni mbà. 28 Ma hina mi ba woyo; an djib’er ala ambur ma ayîna mi vum wa, kayam an wum nga d’uo gak ini. 29 Le agi vagi ma wana kua, le vama tcho lum sä glovod’o ni, agi mba kalan azulei kä ki mamaran ni ki yor tad’a, kayam an djeng wa mamara.
30 Wani ki tchetchemba, le an hulong gen abun bei gor ma mam hurum vum heîna ki sed’emiya ni, 31 le mi we nga gor máma ki sed’emi d’uo ni, mam mba mi mid’a. Ami azungeî mangâ mba kalami abumi azong mangâ azulei kä ki mamaram ki yor tad’a.
32 Vama kalâ, an azong mangâ ni hle zlad’a hi gor mamid’a kan avok abunu, an dum ala: Le an hulongôngzï nga d’uo ni, tcho ndata arî kan burâ ki burâ gak didin. 33 An nga ni tchenengû, ar an mbut magom mangâ balum gor máma, ar mam i ki b’oziyoma. 34 Ni nana ba, an hulong gen abun bei gor máma ki sed’en nge? Ar an we ndak ka nga d’i mba yam abunda ki iran ndi.
Josef mi kuk b’oziyoma
1 Bugola, Josef mi he vuna mazong mam ma ngolâ ala: Ang oî bud’omeina hi sum ndazina kawuna, ndak yam ad’enga hi koro mazina á zid’a, ang hulong beged’a hi nge nge pî kur bid’im mamba mi. 2 Ang ge kop man ma kawei ma hapma kur bid’imba hi ma gorid’a zlapa ki bege mam mba gus awuna. Azong máma mi le d’igi Josef mi dum na.
3 Tcha yorogod’a, a ar sum ndazina ki koro mazina a iya. 4 Azi buzuk kei huyok azina, wani a i nga dei d’i. Ata yi máma Josef mi de mazong mam ma ngolâ ala: Ang i ad’u sum ndazina, ang faziya, ang djobozi ala: Ni kayam me ba, agi hulongôgi tchod’a yam djivid’a ge? 5 Ni kayam me ba, agi kulugï kopma hi salana ma tche mbina ma nga mi we kahle suma a nga mbana ge? Agi lagi ni sun nda tchod’a.
6 Azong máma mi i faziya, mi dazi zla ndata. 7 Azi hulong dum ala: Sama ngolâ, ni kayam me ba, ang de zla d’a hina d’a ge? Ami azungeî mangâ ndak á lami sun nda tcho d’a hina d’a d’i. 8 Ami hulongôngî nga ki bege d’a ami famizi kur bud’omei mamina avo Kanan-nda d’uo zu? Ni nana ba, ami dok kulumi ahle suma kawei ma hapma d’oze ahle suma lora avo hi salangâ ge? 9 Sama adigami ma ang fe kop máma aboma, mi ndak á tchid’a; ami tamid’a arami ni magumei mangâ mi.
10 Azong máma mi hulong dazi ala: D’igi agi dagi na, sama an fe kop máma aboma, mam tu ba, mi mbut magom mana; wani agi suma dingâ zla nga kagi d’i.
11 Atogo hina zak azi tchuk bud’omei mazina kä, nge nge pî mi but vun bid’im mamba woyo. 12 Azong máma mi nde hal kur bud’omeina, mi tinï ad’ud’a yam ma ngolâ gak mba yam ma gorâ, mi fe kop máma kur bid’imba hi Benjamin-nda. 13 Ata yi máma Josef b’oziyoma a haû baru ma atazina woyo. Nge nge pî mi djin ahlena huyok koro mama, a hulong avo kur azina.
Juda mi tchen Josef yam Benjamin
14 Juda ki b’oziyoma a mbaza avo hi Josef, mi nga avo tua. Azi grif kä andaga avoromu. 15 Josef mi dazi ala: Agi lagi ni suna me na ge? Agi wagi nga d’ala sama d’igi an na na ni ndak á we vama nga mbana hina d’uo zu?
16 Juda mi hulong dum ala: Sama ngolâ, ami dangî zla me d’ei ge? Zla d’a ami dat ta pad’ami zlad’a woi kamid’a nga zu? Alona mi ndäd’u tchod’a hi ami azungeî mangîd’a woi abua. Ami arami ni magumei mangâ zlapa ki ma ang fe kop mangâ kur bid’im mambina.
17 Josef mi dazi ala: Hawa yak! An ndak á le hina d’i! Sama an fe kopma aboma, ni mam ba, mi ar magom mana; wani agi suma dingâ igi gen abugi hawa.
18 Juda mi hut gevemu, mi dum ala: Salana, ang aran an azong mangâ ni dang zlad’a nde. Angî d’igi Faron na, ar hurung zal kan an azong mangâ d’i. 19 Salana, ang djobomi ami azungeî mangâ fata ala: Abugi nga zu? d’oze, Wiyegi ma ding nga zu? 20 Ami hulong dang ala: Abumi ma mamarâ nga, wiyemi ma gor ma mam vud’um ki mamarama nga mi. Abumi mi le kam heî, kayam mam arî abo asum vam tu; wiyem ma mbàna mi mid’a.
21 Ang dami ami azungeî mangâ ala: Agi mbandjïya, an min á wum ki iranu. 22 Ami dang ang salamina ala: Gor máma mi ndak á wal kabum mbi. Le mi wal kabumu ni, abum mba mi mid’a.
23 Ang dami ami azungeî mangâ ala le ami mbami nga ki wiyemi ma gor máma d’uo ni, ami mba wang irang nguo d’a. 24 Kid’a ami hulongômi gen abun azong mangîd’a, ami dum zla d’a ang damizid’a.
25 Abumi mi dami ala: Agi hulongôgi guzugï awuna nde. 26 Ami dum ala: Le wiyemi ma gorâ mi i nga ki sed’emi d’uo ni, ami imi d’i. Le mi i nga ki sed’emi d’uo ni, sa máma mba mi vami atam mbi.
27 Abumi mi hulong dami ala: Agi wagi ala amanda Rachel ti vud’un gro andjofâ ni mbà. 28 Ma hina mi ba woyo; an djib’er ala ambur ma ayîna mi vum wa, kayam an wum nga d’uo gak ini. 29 Le agi vagi ma wana kua, le vama tcho lum sä glovod’o ni, agi mba kalan azulei kä ki mamaran ni ki yor tad’a, kayam an djeng wa mamara.
30 Wani ki tchetchemba, le an hulong gen abun bei gor ma mam hurum vum heîna ki sed’emiya ni, 31 le mi we nga gor máma ki sed’emi d’uo ni, mam mba mi mid’a. Ami azungeî mangâ mba kalami abumi azong mangâ azulei kä ki mamaram ki yor tad’a.
32 Vama kalâ, an azong mangâ ni hle zlad’a hi gor mamid’a kan avok abunu, an dum ala: Le an hulongôngzï nga d’uo ni, tcho ndata arî kan burâ ki burâ gak didin. 33 An nga ni tchenengû, ar an mbut magom mangâ balum gor máma, ar mam i ki b’oziyoma. 34 Ni nana ba, an hulong gen abun bei gor máma ki sed’en nge? Ar an we ndak ka nga d’i mba yam abunda ki iran ndi.
