Zlad’a nga aduk suma hi Efraim-ma ki Jefte
1 Suma hi Efraim-ma a tok tazi a i Safon , a de mi Jefte ala: Ni kayam me ba, ang i á dur suma Amon-na, ang yami á imi ki sed’eng nguo ge? Ami min á ngalang ngei kaziyang pet!
2 Jefte mi hulong dazi ala: Ami ki sum mana nga ki zlad’a ngola adigami ki suma Amon-na. An yagiya, wani agi sud’un nga woi abozi d’i. 3 Kid’a an we d’ala agi mbagi nga á sud’un nduo d’a, an he tan ndeyo, an i ata suma Amon-na durâ. Ma didina mi handji abonu. Ni kayam me ba, agi mbagi ini atan á durâ ge?
4 Jefte mi tok suma Galät-na pet, mi nde dur suma hi Efraim-ma, mi duruzi kayam a dala: Agi suma Galät-na ni suma tchologï ringâ adigami ami suma hi Efraim-ma, mbugi suma hi Manase-nina mi. 5 Suma Galät-na a hle yima a djak alum ma Jurdê-na kua kasengâ woi ir suma hi Efraim-ma. Le sama Efraim-ma mi tcholï ringâ, mi dala: Agi aran an djak aluma ni, suma Galät-na a dum ala: Angî ma Efraim-ma zu?
6 Le mam dala: Hawa ni, a dum ala: Ang yi ala Zibolet, wani le mam yala Sibolet-d’u ni, a vum a ngad’am mbei ata yima djak alum ma Jurdê-na kua kasengâ, kayam mi yi nga simi mama ata yam mbi. A tchi suma hi Efraim-ma kur yi máma suma 42.000.
7 Jefte ma Galät-na mi kak ma ngolâ avok Israel-lâ gak bizad’a karagaya. Bugola, mi mid’a. A tozom kur azì ma ngol ma ding ma Galät-na.
Suma nglo suma avok sumina ni Ipsan azi ki Elon ki Apdon
8 Bugol matna hi Jefte-na, Ipsan ma Betelehem-ma mi vrak ma ngolâ avok Israel-lâ. 9 Mi vut gro andjofâ dok hindi, mi vut gro aropma dok hindi mi. Mi he grom suma aropma mandjaf ma dingâ, mi vik gro arop suma dingâ mi grom suma andjofâ mi. Mi kak ma ngolâ avok Israel-lâ gak bizad’a kid’iziya. 10 Ipsan mi mid’a. A tozom avo Betelehem.
11 Bugol Ipsan Elon ma ad’u andjafâ hi Zabulon-na mi vrak ma ngolâ avok Israel-lâ. Mi kak ma ngolâ avok Israel-lâ gak bizad’a dogo. 12 Bugola, Elon ma ad’u andjafâ hi Zabulon-na, mi mid’a. A tozom avo Ajalon kur ambasa hi Zabulon-nda.
13 Bugol Elon, Apdon ma Piraton-na Hilel goroma, mi vrak ma ngolâ avok Israel-lâ. 14 Mi vut gro andjofâ dok fid’i, grom ngolona dok hindi mi. Koro mazi ma a tit ki na ni dok kid’iziya mi. Mi kak ma ngolâ avok Israel-lâ gak bizad’a klavandi. 15 Bugola, Apdon ma Piraton-na Hilel goroma mi mid’a. A tozom avo Piraton kur andagad’a hi Efraim mba yam ahinad’a hi suma Amale’îd’a.
Zlad’a nga aduk suma hi Efraim-ma ki Jefte
1 Suma hi Efraim-ma a tok tazi a i Safon , a de mi Jefte ala: Ni kayam me ba, ang i á dur suma Amon-na, ang yami á imi ki sed’eng nguo ge? Ami min á ngalang ngei kaziyang pet!
2 Jefte mi hulong dazi ala: Ami ki sum mana nga ki zlad’a ngola adigami ki suma Amon-na. An yagiya, wani agi sud’un nga woi abozi d’i. 3 Kid’a an we d’ala agi mbagi nga á sud’un nduo d’a, an he tan ndeyo, an i ata suma Amon-na durâ. Ma didina mi handji abonu. Ni kayam me ba, agi mbagi ini atan á durâ ge?
4 Jefte mi tok suma Galät-na pet, mi nde dur suma hi Efraim-ma, mi duruzi kayam a dala: Agi suma Galät-na ni suma tchologï ringâ adigami ami suma hi Efraim-ma, mbugi suma hi Manase-nina mi. 5 Suma Galät-na a hle yima a djak alum ma Jurdê-na kua kasengâ woi ir suma hi Efraim-ma. Le sama Efraim-ma mi tcholï ringâ, mi dala: Agi aran an djak aluma ni, suma Galät-na a dum ala: Angî ma Efraim-ma zu?
6 Le mam dala: Hawa ni, a dum ala: Ang yi ala Zibolet, wani le mam yala Sibolet-d’u ni, a vum a ngad’am mbei ata yima djak alum ma Jurdê-na kua kasengâ, kayam mi yi nga simi mama ata yam mbi. A tchi suma hi Efraim-ma kur yi máma suma 42.000.
7 Jefte ma Galät-na mi kak ma ngolâ avok Israel-lâ gak bizad’a karagaya. Bugola, mi mid’a. A tozom kur azì ma ngol ma ding ma Galät-na.
Suma nglo suma avok sumina ni Ipsan azi ki Elon ki Apdon
8 Bugol matna hi Jefte-na, Ipsan ma Betelehem-ma mi vrak ma ngolâ avok Israel-lâ. 9 Mi vut gro andjofâ dok hindi, mi vut gro aropma dok hindi mi. Mi he grom suma aropma mandjaf ma dingâ, mi vik gro arop suma dingâ mi grom suma andjofâ mi. Mi kak ma ngolâ avok Israel-lâ gak bizad’a kid’iziya. 10 Ipsan mi mid’a. A tozom avo Betelehem.
11 Bugol Ipsan Elon ma ad’u andjafâ hi Zabulon-na mi vrak ma ngolâ avok Israel-lâ. Mi kak ma ngolâ avok Israel-lâ gak bizad’a dogo. 12 Bugola, Elon ma ad’u andjafâ hi Zabulon-na, mi mid’a. A tozom avo Ajalon kur ambasa hi Zabulon-nda.
13 Bugol Elon, Apdon ma Piraton-na Hilel goroma, mi vrak ma ngolâ avok Israel-lâ. 14 Mi vut gro andjofâ dok fid’i, grom ngolona dok hindi mi. Koro mazi ma a tit ki na ni dok kid’iziya mi. Mi kak ma ngolâ avok Israel-lâ gak bizad’a klavandi. 15 Bugola, Apdon ma Piraton-na Hilel goroma mi mid’a. A tozom avo Piraton kur andagad’a hi Efraim mba yam ahinad’a hi suma Amale’îd’a.
