Alo ma arina ki fileina
1 Agi andjaf suma Israel-lâ, agi humagi zla d’a Ma didina nga mi dagizid’a. 2 Ma didina mi dala:
Ar agi tid’igi bugol andjaf suma dingâ d’i,
ar agi lagi mandarâ abo ahle suma simat
suma a tcholï akulona d’igi andjaf suma dingâ
a nga le mandarâ abozi hina d’i.
3 Kayam fileina hi suma dingîna ni sun nda hawa yaka.
Sana mi kaï naguna aduk agud’a,
sama d’alâ mi minim tcheta kandjetna.
4 A gulud’um tam ki kawei ma hapma ki lora,
a hle martona, a balam kä ki pondena
tala mi giget tuo d’a.
5 Alo ma hina na mi ni d’igi agu ma sana mi pum
aduk asinena á dik aluweinina na,
nga mi de zla d’uo mi.
Sana mi hlumî hle, kayam nga mi tit kayam tam mbi.
Ar agi lagizi mandaram mbi,
kayam mi we nga á le vama tcho mi sa d’uo mi na,
mi ndak á le vama djivi mi sa d’uo mi.
6 Ma didina, sama hle tam d’igi ang na na nga d’i.
Angî ma ngolâ,
angî ma simiyêng mi nde yina ki sib’ik mangina mi.
7 Angî amulâ handjaf sumina.
Ni nge ba, mi lang ang mandarang nguo ge?
Ang ndaga sana mi lang mandarangû,
kayam aduk suma ned’a handjaf sumina pet,
kur leu mazid’a pet mi,
sama mi hle tam d’igi ang na na nga d’i.
8 Azi pet ni suma yazi nga d’uo na,
ni suma lilid’a mi.
Hat ta azi nga had’at yam filei mazinid’a
ni hat ta hawa yaka.
9 A nga d’udjo filei máma ki kawei ma hap
ma a yorom ma a yomï Tarsis
soze lor ra a yod’ï Ufas-sa mi.
Ni sun nda sama d’alâ mi lata,
ni sunda hi ma yor lora mi.
A nga tchuk filei máma baru d’a hleu d’a sisila
ki d’a hleu d’a kekenga atamu.
Azi pet ni sunda hi sama d’alîd’a.
10 Wani Ma didina nAlo ma gagazina,
nAlo ma arina, namul ma didina.
Le hurum zala ni,
suma yam andagad’ina a nga zlak avoromu.
Andjaf suma a ndak á ve tazi
avok ayî mam ma bibiliuna d’uo mi.
11 Ang dazi ala: Alo ma teteng ma mi le nga akulod’a kandagad’a d’uo na, a mba b’lagam mbei yam andagad’a, a mba fum ka hî yam andagad’a d’uo d’a.
12 Ma didina mi landagad’a ni ki sib’ik mamba,
mi gäd’u duniyad’a ni ki ne mamba,
mi b’eng akulod’a woi ni ki wäd’u mamba mi.
13 Ata yima mi he vunina,
mbina nga mi tok kur akulod’a.
D’ugula nga d’i tcholï
avun dabid’a handagad’id’a teteng.
Wiled’a nga d’i wile á salona,
simetna nga mi buzugï woi
ata yi mam ma ngei ahlena mi.
14 Kayam ndata, suma pet a mbut
ni suma yazi nga d’uo na abo we mamba.
Suma yor lora pet a mbut zulona
kangus ahle suma azi yorozina,
kayam filei mazina ni filei ma ka zlad’a,
nga mi muzuk kuo mi.
15 Azi nahle suma hawa ya’â, ni sun nda lop ira.
Fata mba mi ngobozid’a, a mba dap peyo.
16 Wani ma ala ni ndjondjoîd’a hi Jakob-pa na,
mi nga na d’i.
Mam mi ma ad’engêm kal petna,
Israel-lâ ni sum mama mi.
Simiyêm ala Ma didin ma ad’engêm kal petna.
B’lak ka tcho d’a nga d’i mbad’a
17 Jeremi mi dala:
Ndak Jerusalem mba nguyuka,
ndak yo ahle ma’â kä á id’a.
18 Kayam Ma didina mi dala: Ki tchetchem wanda,
an nga ni yo suma a nga kaka kur ambasina,
an nga ni tchuguzi woi abua,
an nga ni hebezi ped’et
tala a sut tuo d’a.
19 Jerusalem ti tchi ala: Ni zla d’a hohoud’a kanu!
An fe mbilâ, mbilin nga mi tan heî.
An dala: Wana ni tcho manda.
An mba ni ve tan kur ndak man ndata.
20 Zlub’u manda ti b’lak wa woyo,
ziyo mana mi tchal wa woyo.
Grona a aran wa woyo, a nga d’uo d’a.
An nga ki sama ding ma van zlub’ud’a akulona d’i,
ma mi van anguzuna yam gongina mi nga d’uo mi.
21 Jeremi mi dala:
Kayam suma pola yazi d’i vit teyo,
a hal nga Ma didina d’i.
Kayam ndata, a kid’ak keyo,
suma azi polozina pet a ndjoî woi mi.
22 Agi humugi vun ma wüna hi suma ma nga mi mbana,
ni siwel la gandjau d’a ti tcholï yam ambas sa abo ma norâ
á mbut azì ma nglo ma Juda-na djona
á mbud’um domina hi hânina mi d’a.
Jeremi mi tchen Alona yam sum mama
23 Jeremi mi dala:
Ma didina, an we sana mi ndak á tit memet ti,
mi nga kad’enga á tak tam
á tit kur lovot ta djivid’a d’uo mi.
24 Ma didina, ang gad’an ni ki lovod’od’u,
wani ni kayî mangâ d’i.
Le hina d’uo ni, an mba ni b’lak keyo.
25 Ar ang zal hurung yam andjaf suma dingâ,
yam andjaf suma a nga yang á ndjunuzi d’uo na,
kayam azi b’lak suma hi Jakob-ma woi kakazeî,
a dabazi ahligiyezi woi kakaf,
a b’lagazi yazi ma kaka woi mi.
Alo ma arina ki fileina
1 Agi andjaf suma Israel-lâ, agi humagi zla d’a Ma didina nga mi dagizid’a. 2 Ma didina mi dala:
Ar agi tid’igi bugol andjaf suma dingâ d’i,
ar agi lagi mandarâ abo ahle suma simat
suma a tcholï akulona d’igi andjaf suma dingâ
a nga le mandarâ abozi hina d’i.
3 Kayam fileina hi suma dingîna ni sun nda hawa yaka.
Sana mi kaï naguna aduk agud’a,
sama d’alâ mi minim tcheta kandjetna.
4 A gulud’um tam ki kawei ma hapma ki lora,
a hle martona, a balam kä ki pondena
tala mi giget tuo d’a.
5 Alo ma hina na mi ni d’igi agu ma sana mi pum
aduk asinena á dik aluweinina na,
nga mi de zla d’uo mi.
Sana mi hlumî hle, kayam nga mi tit kayam tam mbi.
Ar agi lagizi mandaram mbi,
kayam mi we nga á le vama tcho mi sa d’uo mi na,
mi ndak á le vama djivi mi sa d’uo mi.
6 Ma didina, sama hle tam d’igi ang na na nga d’i.
Angî ma ngolâ,
angî ma simiyêng mi nde yina ki sib’ik mangina mi.
7 Angî amulâ handjaf sumina.
Ni nge ba, mi lang ang mandarang nguo ge?
Ang ndaga sana mi lang mandarangû,
kayam aduk suma ned’a handjaf sumina pet,
kur leu mazid’a pet mi,
sama mi hle tam d’igi ang na na nga d’i.
8 Azi pet ni suma yazi nga d’uo na,
ni suma lilid’a mi.
Hat ta azi nga had’at yam filei mazinid’a
ni hat ta hawa yaka.
9 A nga d’udjo filei máma ki kawei ma hap
ma a yorom ma a yomï Tarsis
soze lor ra a yod’ï Ufas-sa mi.
Ni sun nda sama d’alâ mi lata,
ni sunda hi ma yor lora mi.
A nga tchuk filei máma baru d’a hleu d’a sisila
ki d’a hleu d’a kekenga atamu.
Azi pet ni sunda hi sama d’alîd’a.
10 Wani Ma didina nAlo ma gagazina,
nAlo ma arina, namul ma didina.
Le hurum zala ni,
suma yam andagad’ina a nga zlak avoromu.
Andjaf suma a ndak á ve tazi
avok ayî mam ma bibiliuna d’uo mi.
11 Ang dazi ala: Alo ma teteng ma mi le nga akulod’a kandagad’a d’uo na, a mba b’lagam mbei yam andagad’a, a mba fum ka hî yam andagad’a d’uo d’a.
12 Ma didina mi landagad’a ni ki sib’ik mamba,
mi gäd’u duniyad’a ni ki ne mamba,
mi b’eng akulod’a woi ni ki wäd’u mamba mi.
13 Ata yima mi he vunina,
mbina nga mi tok kur akulod’a.
D’ugula nga d’i tcholï
avun dabid’a handagad’id’a teteng.
Wiled’a nga d’i wile á salona,
simetna nga mi buzugï woi
ata yi mam ma ngei ahlena mi.
14 Kayam ndata, suma pet a mbut
ni suma yazi nga d’uo na abo we mamba.
Suma yor lora pet a mbut zulona
kangus ahle suma azi yorozina,
kayam filei mazina ni filei ma ka zlad’a,
nga mi muzuk kuo mi.
15 Azi nahle suma hawa ya’â, ni sun nda lop ira.
Fata mba mi ngobozid’a, a mba dap peyo.
16 Wani ma ala ni ndjondjoîd’a hi Jakob-pa na,
mi nga na d’i.
Mam mi ma ad’engêm kal petna,
Israel-lâ ni sum mama mi.
Simiyêm ala Ma didin ma ad’engêm kal petna.
B’lak ka tcho d’a nga d’i mbad’a
17 Jeremi mi dala:
Ndak Jerusalem mba nguyuka,
ndak yo ahle ma’â kä á id’a.
18 Kayam Ma didina mi dala: Ki tchetchem wanda,
an nga ni yo suma a nga kaka kur ambasina,
an nga ni tchuguzi woi abua,
an nga ni hebezi ped’et
tala a sut tuo d’a.
19 Jerusalem ti tchi ala: Ni zla d’a hohoud’a kanu!
An fe mbilâ, mbilin nga mi tan heî.
An dala: Wana ni tcho manda.
An mba ni ve tan kur ndak man ndata.
20 Zlub’u manda ti b’lak wa woyo,
ziyo mana mi tchal wa woyo.
Grona a aran wa woyo, a nga d’uo d’a.
An nga ki sama ding ma van zlub’ud’a akulona d’i,
ma mi van anguzuna yam gongina mi nga d’uo mi.
21 Jeremi mi dala:
Kayam suma pola yazi d’i vit teyo,
a hal nga Ma didina d’i.
Kayam ndata, a kid’ak keyo,
suma azi polozina pet a ndjoî woi mi.
22 Agi humugi vun ma wüna hi suma ma nga mi mbana,
ni siwel la gandjau d’a ti tcholï yam ambas sa abo ma norâ
á mbut azì ma nglo ma Juda-na djona
á mbud’um domina hi hânina mi d’a.
Jeremi mi tchen Alona yam sum mama
23 Jeremi mi dala:
Ma didina, an we sana mi ndak á tit memet ti,
mi nga kad’enga á tak tam
á tit kur lovot ta djivid’a d’uo mi.
24 Ma didina, ang gad’an ni ki lovod’od’u,
wani ni kayî mangâ d’i.
Le hina d’uo ni, an mba ni b’lak keyo.
25 Ar ang zal hurung yam andjaf suma dingâ,
yam andjaf suma a nga yang á ndjunuzi d’uo na,
kayam azi b’lak suma hi Jakob-ma woi kakazeî,
a dabazi ahligiyezi woi kakaf,
a b’lagazi yazi ma kaka woi mi.
