1 Jeremi mi dala:
Ma didina, angî Ma d’ingêr ma kal teglesâ.
An ndak nga á le sariyad’a ki sed’eng ngi.
Wani an min djobong yam sariya mang nga kad’a ala:
Ni kayam me ba,
suma asa’atna a nga fe djivid’a ge?
Ni kayam me ba,
suma mbut ira a nga kaka ki halasa ge?
2 Ang pazi ni angû.
Sideyezi nga mi sir kä,
a nga wula, a nga vud’a,
a nga yang simiyêng ki vunazi burâ ki burâ,
wani huruzi woi dei ki sed’engû.
3 Ma didina, ang wanu, ang golon mi.
Ang halan hurunu, an nga go ki sed’engû.
Ar ang yozi woi d’igi suma a yo tumiyôna
a izi á ngata na,
ar ang tinizi irazi vazi yam bur ma tchid’a.
4 Ambasa mba d’i so woi hina gagak mindja ge? Asu ma abageina mba mi so woi hina gagak mindja ge? Ni yam tchilad’a hi suma kurutnid’a ba, azureina kambureina kaluweina a nga dap pei wana, kayam suma a nga dala: Mam nga mi wahle suma ei nga leizina d’i.
5 Ma didina mi hulong dala:
Le ang ring ki suma asemba ba,
ang mba seî woyo ni,
ni nana ba, ang mba nga tang kakulumeina ge?
Le ang kak bei mandarâ ki halasa ni
kur ambas sa halasa go ni,
ni nana ba, ang mba ring aduk agu d’a avun Jurdê-d’a ge?
6 Kayam b’oziyongâ tazid’a ki suma habungâ a nga mbud’ung irang a nga er ad’uzi akulo ad’ung mi. A le nga dang zla d’a djivid’a pî, ang he gagazid’a kazi d’i.
Alona mi noî gong mamba ki sum mama woyo
7 Ma didina mi dala:
An noî gong man nda kud’ora woyo,
an ar sum mana woyo,
an he suma an le kazi heîna abo man suma djangûna mi.
8 Sumala ni mana na,
a mbut azlona kan aduk agud’a,
a nga toï breîd’a atanu.
Ni kayam ndata ba, an noyôzi woyo.
9 Sumala ni mana na,
a mbut ni d’igi alei ma te hliu ma ndala ki buzuna
ma aluwei suma te hliuna a nguyuma na kan ndju?
Agi i togogï amburei suma abageina pet,
agi mbeyezï ata yima tena!
10 Suma pola ablaud’a a b’lagan asine man ma guguzlud’a,
a mired’em kä kaseziya,
a mbud’un asine man ma an hurun vun heîna
hur ful ma va nga kua d’uo na.
11 A mbut ambasa djona, ti mbut hohoud’a,
a nga yor tazi avoronu.
Ambasa pet ti mbut djona,
kayam sama djib’er kat tu pî nga d’i.
12 Suma b’lak yina a nga djï
yam ahuniyô suma fuyogei suma va nga kazi d’uo na,
kayam mbigeu d’a fiyaka hi Ma didinid’a
nga d’i kizak suma kur ambasina,
tinï ad’ud’a avun ambasa abo hî
dei gak nde woi avun ambasa abo hî.
Sama kak ki halasina nga tu d’i.
13 Agi zaragi gemena, wani agi dud’ugi naweid’a;
agi hagi tagi ndaka, wani agi nga fagi va kua d’i.
Zulona mba mi lagi yam dut magi ndata,
abo ayî ma bibiliuna hi an Ma didinina.
Ma didina kandjaf suma ngui Israel-lîna
14 Ma didina mi dala: An nga ni de zlad’a yam andjaf suma asa’at suma a ngui sum mana suma a do sum mana yam andaga d’a an hat mi man suma Israel-lîd’ina. An mba ni yozi woi yam andaga mazid’a, an mba ni yo suma Juda-na woi adigazi mi. 15 Bugol la an yozi woid’a, an mba ni wazi hohowoziya. Nge nge pî adigazi an mba ni hulongôm yam andaga mam mba a humzi djonid’a, nge nge pî kur ambas mamba mi. 16 Le azi a hat gata hi sum manid’a, le azi nga gun tazi ki simiyên ala Ma didina ni ma bei matna ba na d’igi adjeu azi hat sum mana a gun tazi ki simiyê Bäl na ni, an mba ni tinizi aduk sum mana tua. 17 Wani le azi humun nga d’uo ni, an mba ni yo andjaf máma woyo, an mba ni yozi ni dabazi woi mi. An Ma didina ni de na.
1 Jeremi mi dala:
Ma didina, angî Ma d’ingêr ma kal teglesâ.
An ndak nga á le sariyad’a ki sed’eng ngi.
Wani an min djobong yam sariya mang nga kad’a ala:
Ni kayam me ba,
suma asa’atna a nga fe djivid’a ge?
Ni kayam me ba,
suma mbut ira a nga kaka ki halasa ge?
2 Ang pazi ni angû.
Sideyezi nga mi sir kä,
a nga wula, a nga vud’a,
a nga yang simiyêng ki vunazi burâ ki burâ,
wani huruzi woi dei ki sed’engû.
3 Ma didina, ang wanu, ang golon mi.
Ang halan hurunu, an nga go ki sed’engû.
Ar ang yozi woi d’igi suma a yo tumiyôna
a izi á ngata na,
ar ang tinizi irazi vazi yam bur ma tchid’a.
4 Ambasa mba d’i so woi hina gagak mindja ge? Asu ma abageina mba mi so woi hina gagak mindja ge? Ni yam tchilad’a hi suma kurutnid’a ba, azureina kambureina kaluweina a nga dap pei wana, kayam suma a nga dala: Mam nga mi wahle suma ei nga leizina d’i.
5 Ma didina mi hulong dala:
Le ang ring ki suma asemba ba,
ang mba seî woyo ni,
ni nana ba, ang mba nga tang kakulumeina ge?
Le ang kak bei mandarâ ki halasa ni
kur ambas sa halasa go ni,
ni nana ba, ang mba ring aduk agu d’a avun Jurdê-d’a ge?
6 Kayam b’oziyongâ tazid’a ki suma habungâ a nga mbud’ung irang a nga er ad’uzi akulo ad’ung mi. A le nga dang zla d’a djivid’a pî, ang he gagazid’a kazi d’i.
Alona mi noî gong mamba ki sum mama woyo
7 Ma didina mi dala:
An noî gong man nda kud’ora woyo,
an ar sum mana woyo,
an he suma an le kazi heîna abo man suma djangûna mi.
8 Sumala ni mana na,
a mbut azlona kan aduk agud’a,
a nga toï breîd’a atanu.
Ni kayam ndata ba, an noyôzi woyo.
9 Sumala ni mana na,
a mbut ni d’igi alei ma te hliu ma ndala ki buzuna
ma aluwei suma te hliuna a nguyuma na kan ndju?
Agi i togogï amburei suma abageina pet,
agi mbeyezï ata yima tena!
10 Suma pola ablaud’a a b’lagan asine man ma guguzlud’a,
a mired’em kä kaseziya,
a mbud’un asine man ma an hurun vun heîna
hur ful ma va nga kua d’uo na.
11 A mbut ambasa djona, ti mbut hohoud’a,
a nga yor tazi avoronu.
Ambasa pet ti mbut djona,
kayam sama djib’er kat tu pî nga d’i.
12 Suma b’lak yina a nga djï
yam ahuniyô suma fuyogei suma va nga kazi d’uo na,
kayam mbigeu d’a fiyaka hi Ma didinid’a
nga d’i kizak suma kur ambasina,
tinï ad’ud’a avun ambasa abo hî
dei gak nde woi avun ambasa abo hî.
Sama kak ki halasina nga tu d’i.
13 Agi zaragi gemena, wani agi dud’ugi naweid’a;
agi hagi tagi ndaka, wani agi nga fagi va kua d’i.
Zulona mba mi lagi yam dut magi ndata,
abo ayî ma bibiliuna hi an Ma didinina.
Ma didina kandjaf suma ngui Israel-lîna
14 Ma didina mi dala: An nga ni de zlad’a yam andjaf suma asa’at suma a ngui sum mana suma a do sum mana yam andaga d’a an hat mi man suma Israel-lîd’ina. An mba ni yozi woi yam andaga mazid’a, an mba ni yo suma Juda-na woi adigazi mi. 15 Bugol la an yozi woid’a, an mba ni wazi hohowoziya. Nge nge pî adigazi an mba ni hulongôm yam andaga mam mba a humzi djonid’a, nge nge pî kur ambas mamba mi. 16 Le azi a hat gata hi sum manid’a, le azi nga gun tazi ki simiyên ala Ma didina ni ma bei matna ba na d’igi adjeu azi hat sum mana a gun tazi ki simiyê Bäl na ni, an mba ni tinizi aduk sum mana tua. 17 Wani le azi humun nga d’uo ni, an mba ni yo andjaf máma woyo, an mba ni yozi ni dabazi woi mi. An Ma didina ni de na.
