GAT TA YAM AHLE SUMA NDJENDJED’A
KAHLE SUMA YED’ETNID’A
Azurei suma ndak á mutna ki suma ndak á mutna d’uo na
1 Ma didina mi de mi Moise azi ki Aron ala: 2 Agi i dagi mi Israel-lâ ala: Aduk d’uwarâ kazurei suma yam andagad’ina pet suma agi mud’ugizina ba wana:
3 Agi mud’ugi d’uwarâ kazurei suma abozi graka suma a gihl hatnina pet. 4 Wani agi mud’ugi ni d’uwarâ kazurei suma abozi grakina go d’i, agi mud’ugi ni suma a gihl hatnina go d’uo mi. Suma agi mud’uzi d’uo na ba wana:
Djambala: Ti gihl hatna, wani abot nga graka d’i; agi golot ni vama ndjendjed’a.
5 Mumuruguma: Mi gihl hatna, wani abom nga graka d’i; agi golomî vama ndjendjed’a.
6 Aveveta: Ti gihl hatna, wani abot nga graka d’i; agi golot ni vama ndjendjed’a.
7 Kozongâ: Abom graka, wani nga mi gihl hatna d’i; agi golomî vama ndjendjed’a.
8 Agi mud’ugi hliwa ahle ndazina d’i, agi dozi mad’azi d’uo mi, agi golozi nahle suma ndjendjed’a.
9 Ahle suma aduk mbina suma agi tazina ba wana: Agi tagi ni kuluf ma ki djedjerem ki b’logom ma nga aduk alum ma nglona kalum ma gureinina mi. 10 Wani ahle suma a nga aduk mbina suma a nga ki djedjerâ ki b’lo’â d’uo suma a nga tit kur alum ma nglona kalum ma gureinina, agi golozi nahle suma ndjendjed’a. 11 Agi golozi nahle suma ndjendjed’a, agi tazi hliwizi d’i, agi golozi mad’azi ni vama ndjendjed’a mi. 12 Kuluf ma lara ma nga ki djedjerâ ki b’lo’â d’uo na, agi golomî vama ndjendjed’a.
13 Aluwei suma agi mba golozi ni suma ndjendjed’a suma agi tazi d’uo na ba wana:
B’aruna, agigilauna ki b’aru ma vik kulufâ,
14 araka, aba’â kandjavam pet,
15 gagauna kandjavam pet,
16 arigeta, atukturuna, akeketna ki bolona kandjavam pet mi,
17 tchohôd’a, madjepma, iwiud’a, 18 alei sïna , bud’ufa ki kokorona,
19 taglarâ ki garuma kandjavam pet, alei d’a hlei tat d’igi bizikorona na d’a kababeina mi.
20 Ahle suma giging suma asezi fifid’i suma a dram kä yam andagad’ina, agi golozi nahle suma ndjendjed’a. 21 Wani ahle suma giging suma asezi fifid’i suma agi mud’uzina ni suma asezi fuyogeid’a kal abozi suma a yet akulo woi yam andagad’ina. 22 Suma agi mud’uzina ba wana:
Djera, atoyod’a, tchareina kadjangeîd’a kandjavat pet.
23 Ahle suma giging suma ding suma asezi fifid’i suma a dram kä yam andagad’ina, agi golozi nahle suma ndjendjed’a.
Ahle suma sana ndak á dozi d’uo na
24 Ma didina mi de kua ala: Ni azi ba, mba mbud’ugi ndjendjed’a. Sama lara ma mi dozi harazina, mba mi mbut ndjendjed’a gak fladege. 25 Sama lara ma mi hlazi harazina, mi mbus baru mama woyo, mba mi kak ki ndjendjed’a gak fladege. 26 D’uwarâ kazurei suma abozi nga graka d’uo suma a nga gihl hatna d’uo na pet, agi golozi nahle suma ndjendjed’a; sama lara ma mi dozina, mba mi mbut ndjendjed’a. 27 Ahle suma asezi fifid’i suma alivazi nga graka d’igi haho’îna na d’uo na pet, agi golozi nahle suma ndjendjed’a; sama lara ma mi dozi harazina, mba mi kak ki ndjendjed’a gak fladege. 28 Sama lara ma mi hlazi harazina, mi mbus baru mama woyo, mba mi kak ki ndjendjed’a gak fladege.
29 Ahle suma gurei suma dram kä yam andagad’a suma agi golozi nahle suma ndjendjed’ina ba wana:
Ndora, banaka, hod’ogolâ kandjavam pet,
30 tchetchema, greneûna, ahula, kikir ma ngela ki mangalid’a.
31 Ahle ndazina pet agi golozi nahle suma ndjendjed’a; sama lara ma mi dozi harazina, mba mi kak ki ndjendjed’a gak fladege. 32 Vama lara ma harazi mi nde kurâ, le ni buguruna, d’oze baruna, d’oze baka, d’oze bid’imba, le ni vama lara pî ma sana mi le ki sundina, mba mi mbut ndjendjed’a; agi gum aduk mbina. Mba mi kak ki ndjendjed’a gak fladege; ni hina tua ba, mba mi mbut yed’et. 33 Le harazi mi nde ni kur dei ma andagad’a ni, ahle suma kuruma pet a mbut ni ndjendjed’a; agi togi dei máma woyo. 34 Vama te ma lara ma mbiyo máma mi yam atama, mi mbut ni ndjendjed’a; vama tche ma lara ma nga kur dei ma lara ma mbiyo máma mi yam atama, mi mbut ni ndjendjed’a mi. 35 Vama lara ma har ahle ndazina nde kuana, le ni fürâ d’oze givina pî, a mbut ni ndjendjed’a. Agi tozi woyo, agi golozi nahle suma ndjendjed’a mi. 36 Le har vama ndjendjed’a mi nde kur mbiyo ma laud’a d’oze golong nga mbina nga kuad’a ni, a mba ka’î yed’et, wani sama mi hle vama ndjendje ma nde kurâ woina, mba mi mbut ni ndjendjed’a. 37 Le harazi mi nde ni yam andjaf ma a zaram kä na ni, andjaf máma mba mi arî yed’et. 38 Wani le a vo ni mbina yam andjafâ ba, har vama ndjendje máma mi nde kamu ni, agi golomî vama ndjendjed’a.
39 Le vama agi tuma, mi mid’a ni, sama mi dom harama mba mi mbut ndjendjed’a gak fladege. 40 Sama mi mut har va mámina, mi mbus baru mama woyo, mba mi ar kaka ki ndjendjed’a gak fladege. Sama mi hlum harama mi mbus baru mama woyo, mba mi ar kaka ki ndjendjed’a gak fladege mi.
41 Ahle suma gurei suma dram kä yam andagad’ina pet nahle suma ndjendjed’a; agi mud’uzi d’i. 42 Ar agi mud’ugi ahle suma gurei suma dram kä yam andagad’ina d’oze suma a tan kä ki hayazina d’oze suma abozi fifid’ina d’oze suma abozi ablaud’ina d’uo mi, kayam azi nahle suma ndjendjed’a. 43 Ar agi b’lagagi tagi kahle suma a dram kä yam andagad’ina d’i. Agi mbud’ugi tagi ndjendjed’a ki sed’ezi d’i, ar azi mbud’ugi ndjendjed’a d’uo mi. 44 An ni Ma didina Alo magina; agi mba mbud’ugi tagi yed’et, agi mba kagagi suma yed’etna, kayam an ni Ma bei tchod’a ba na. Ar agi mbud’ugi tagi ndjendjed’a kahle suma gurei suma a dram kä yam andagad’ina d’i. 45 An ni Ma didin ma ni buzugugi woi kur ambas sa Ezipte-d’a á mbut Alo maginina. Agi mba kagagi ni suma yed’etna, kayam an ni Ma bei tchod’a ba na.
46 Wana ni gat ta yam d’uwarâ, yam azureina kambureina, yam ahle suma ari suma aduk mbinina kahle suma a dram kä yam andagad’ina, 47 kayam agi walagi ir ahle suma yed’etna kahle suma ndjendjed’a, azar ma ndak á mutnina kazar ma ndak á mutna d’uo na mi.
GAT TA YAM AHLE SUMA NDJENDJED’A
KAHLE SUMA YED’ETNID’A
Azurei suma ndak á mutna ki suma ndak á mutna d’uo na
1 Ma didina mi de mi Moise azi ki Aron ala: 2 Agi i dagi mi Israel-lâ ala: Aduk d’uwarâ kazurei suma yam andagad’ina pet suma agi mud’ugizina ba wana:
3 Agi mud’ugi d’uwarâ kazurei suma abozi graka suma a gihl hatnina pet. 4 Wani agi mud’ugi ni d’uwarâ kazurei suma abozi grakina go d’i, agi mud’ugi ni suma a gihl hatnina go d’uo mi. Suma agi mud’uzi d’uo na ba wana:
Djambala: Ti gihl hatna, wani abot nga graka d’i; agi golot ni vama ndjendjed’a.
5 Mumuruguma: Mi gihl hatna, wani abom nga graka d’i; agi golomî vama ndjendjed’a.
6 Aveveta: Ti gihl hatna, wani abot nga graka d’i; agi golot ni vama ndjendjed’a.
7 Kozongâ: Abom graka, wani nga mi gihl hatna d’i; agi golomî vama ndjendjed’a.
8 Agi mud’ugi hliwa ahle ndazina d’i, agi dozi mad’azi d’uo mi, agi golozi nahle suma ndjendjed’a.
9 Ahle suma aduk mbina suma agi tazina ba wana: Agi tagi ni kuluf ma ki djedjerem ki b’logom ma nga aduk alum ma nglona kalum ma gureinina mi. 10 Wani ahle suma a nga aduk mbina suma a nga ki djedjerâ ki b’lo’â d’uo suma a nga tit kur alum ma nglona kalum ma gureinina, agi golozi nahle suma ndjendjed’a. 11 Agi golozi nahle suma ndjendjed’a, agi tazi hliwizi d’i, agi golozi mad’azi ni vama ndjendjed’a mi. 12 Kuluf ma lara ma nga ki djedjerâ ki b’lo’â d’uo na, agi golomî vama ndjendjed’a.
13 Aluwei suma agi mba golozi ni suma ndjendjed’a suma agi tazi d’uo na ba wana:
B’aruna, agigilauna ki b’aru ma vik kulufâ,
14 araka, aba’â kandjavam pet,
15 gagauna kandjavam pet,
16 arigeta, atukturuna, akeketna ki bolona kandjavam pet mi,
17 tchohôd’a, madjepma, iwiud’a, 18 alei sïna , bud’ufa ki kokorona,
19 taglarâ ki garuma kandjavam pet, alei d’a hlei tat d’igi bizikorona na d’a kababeina mi.
20 Ahle suma giging suma asezi fifid’i suma a dram kä yam andagad’ina, agi golozi nahle suma ndjendjed’a. 21 Wani ahle suma giging suma asezi fifid’i suma agi mud’uzina ni suma asezi fuyogeid’a kal abozi suma a yet akulo woi yam andagad’ina. 22 Suma agi mud’uzina ba wana:
Djera, atoyod’a, tchareina kadjangeîd’a kandjavat pet.
23 Ahle suma giging suma ding suma asezi fifid’i suma a dram kä yam andagad’ina, agi golozi nahle suma ndjendjed’a.
Ahle suma sana ndak á dozi d’uo na
24 Ma didina mi de kua ala: Ni azi ba, mba mbud’ugi ndjendjed’a. Sama lara ma mi dozi harazina, mba mi mbut ndjendjed’a gak fladege. 25 Sama lara ma mi hlazi harazina, mi mbus baru mama woyo, mba mi kak ki ndjendjed’a gak fladege. 26 D’uwarâ kazurei suma abozi nga graka d’uo suma a nga gihl hatna d’uo na pet, agi golozi nahle suma ndjendjed’a; sama lara ma mi dozina, mba mi mbut ndjendjed’a. 27 Ahle suma asezi fifid’i suma alivazi nga graka d’igi haho’îna na d’uo na pet, agi golozi nahle suma ndjendjed’a; sama lara ma mi dozi harazina, mba mi kak ki ndjendjed’a gak fladege. 28 Sama lara ma mi hlazi harazina, mi mbus baru mama woyo, mba mi kak ki ndjendjed’a gak fladege.
29 Ahle suma gurei suma dram kä yam andagad’a suma agi golozi nahle suma ndjendjed’ina ba wana:
Ndora, banaka, hod’ogolâ kandjavam pet,
30 tchetchema, greneûna, ahula, kikir ma ngela ki mangalid’a.
31 Ahle ndazina pet agi golozi nahle suma ndjendjed’a; sama lara ma mi dozi harazina, mba mi kak ki ndjendjed’a gak fladege. 32 Vama lara ma harazi mi nde kurâ, le ni buguruna, d’oze baruna, d’oze baka, d’oze bid’imba, le ni vama lara pî ma sana mi le ki sundina, mba mi mbut ndjendjed’a; agi gum aduk mbina. Mba mi kak ki ndjendjed’a gak fladege; ni hina tua ba, mba mi mbut yed’et. 33 Le harazi mi nde ni kur dei ma andagad’a ni, ahle suma kuruma pet a mbut ni ndjendjed’a; agi togi dei máma woyo. 34 Vama te ma lara ma mbiyo máma mi yam atama, mi mbut ni ndjendjed’a; vama tche ma lara ma nga kur dei ma lara ma mbiyo máma mi yam atama, mi mbut ni ndjendjed’a mi. 35 Vama lara ma har ahle ndazina nde kuana, le ni fürâ d’oze givina pî, a mbut ni ndjendjed’a. Agi tozi woyo, agi golozi nahle suma ndjendjed’a mi. 36 Le har vama ndjendjed’a mi nde kur mbiyo ma laud’a d’oze golong nga mbina nga kuad’a ni, a mba ka’î yed’et, wani sama mi hle vama ndjendje ma nde kurâ woina, mba mi mbut ni ndjendjed’a. 37 Le harazi mi nde ni yam andjaf ma a zaram kä na ni, andjaf máma mba mi arî yed’et. 38 Wani le a vo ni mbina yam andjafâ ba, har vama ndjendje máma mi nde kamu ni, agi golomî vama ndjendjed’a.
39 Le vama agi tuma, mi mid’a ni, sama mi dom harama mba mi mbut ndjendjed’a gak fladege. 40 Sama mi mut har va mámina, mi mbus baru mama woyo, mba mi ar kaka ki ndjendjed’a gak fladege. Sama mi hlum harama mi mbus baru mama woyo, mba mi ar kaka ki ndjendjed’a gak fladege mi.
41 Ahle suma gurei suma dram kä yam andagad’ina pet nahle suma ndjendjed’a; agi mud’uzi d’i. 42 Ar agi mud’ugi ahle suma gurei suma dram kä yam andagad’ina d’oze suma a tan kä ki hayazina d’oze suma abozi fifid’ina d’oze suma abozi ablaud’ina d’uo mi, kayam azi nahle suma ndjendjed’a. 43 Ar agi b’lagagi tagi kahle suma a dram kä yam andagad’ina d’i. Agi mbud’ugi tagi ndjendjed’a ki sed’ezi d’i, ar azi mbud’ugi ndjendjed’a d’uo mi. 44 An ni Ma didina Alo magina; agi mba mbud’ugi tagi yed’et, agi mba kagagi suma yed’etna, kayam an ni Ma bei tchod’a ba na. Ar agi mbud’ugi tagi ndjendjed’a kahle suma gurei suma a dram kä yam andagad’ina d’i. 45 An ni Ma didin ma ni buzugugi woi kur ambas sa Ezipte-d’a á mbut Alo maginina. Agi mba kagagi ni suma yed’etna, kayam an ni Ma bei tchod’a ba na.
46 Wana ni gat ta yam d’uwarâ, yam azureina kambureina, yam ahle suma ari suma aduk mbinina kahle suma a dram kä yam andagad’ina, 47 kayam agi walagi ir ahle suma yed’etna kahle suma ndjendjed’a, azar ma ndak á mutnina kazar ma ndak á mutna d’uo na mi.
