Jesus mi sut sama tugud’eid’a
1 Jesus mi kal avo hi ma ngolâ hi Fariziyênina kur bur ma sabatna á te tena. Suma a nga ata yi mámina a so irazi kamu. 2 Wani sama nga ki tugud’ei d’a hop ma dudupma mi nga tchola avoromu. 3 Jesus mi de mi suma hat gata azi ki Fariziyêna ala: Gat meid’a ar lovota á sut sama tugud’eid’a kur bur ma sabatna d’oze hawa zu?
4 Wani azi dum nga zla d’i. Mi ve sa máma, mi sud’umu, mi aram mi iya. 5 Jesus mi dazi ala: Ni nge adigagi ba, goroma d’oze amuhl mama mi nde golong kur bur ma sabatna ba, mba mi hlum mbei d’uo ge? 6 Azi fe nga zla d’a á dum balum mbi.
D’ogol ma yam te ma tela ki te ma lunina
7 Ata yima Jesus mi we suma a yazi yam tenina a nga hal yima avo’â á kakina, mi dazi zla d’a d’ogola ala: 8 Le sana mi yang ata yima tela ni, djivid’a ang kak yam zlam mba avoka d’i, dam mi yi nga sama kalangâ kla. 9 Sama yagi dja’â mba mi mba, mi dang ala: Ang he zlam mba wanda mi sama wana. Kayam ndata, ang mba kak yam zlam mba bugola ki zulona. 10 Wani le sana mi yangû ni, ang i kak yam zlam mba bugol kisa tua ba, sama yangâ le mi mba, mba mi dang ala: Bäna, ang i kak sä yam zlam mba avoka. Hina wani, ang mba fe subura avok suma pet suma a nga kak kä ki sed’eng avun tenina. 11 Kayam nge nge pî ma mi hle yam akulona, a mba hulongôm yam kä, sama ge yam kä na, a mba hlum yam akulo mi.
12 Jesus mi de mi sama mi yum yam tenina ala: Ata yima ang le te ma faleina, d’oze ma fladegenina, ar ang yi ni buniyôngâ d’oze b’oziyongâ d’oze simiyêng ngoze ndrong suma ndjondjoîna d’i, dam azi mba yang avin balum te mangâ kla. 13 Wani ata yima ang le te ma lunina, ang yi ni suma houd’a ki suma homozed’a ki suma dileîd’a ki suma duka. 14 Ang mba le furîd’a, kayam azi nga ki vama a hangzi balum mbi. Alona mba mi wuragang kur bur ma a mba tchol suma d’ingêrâ akulona.
D’ogol ma yam te ma ngolîna
(Gol Mat 22.1-10)15 Sana aduk suma a nga te tena ki Jesus-na, kid’a mi hum zla ndatid’a, mi dum ala: Sama mba mi te tena kur leud’a hAlonid’ina, mi le furîd’a.
16 Wani Jesus mi dum ala: Sana mi le te ma ngolâ ki fladege, mi yi suma ablaud’a. 17 Kid’a yima tena ndaka, mi sun azong mama yam suma mi yazina ala: Agi mbeyegïya! Ki tchetchemba, an min wa ahlena pet da’. 18 Wani azi pet a ndjak vunazi tu, a nde tchenem hur ma vata. Ma avo’â mi dum ala: An gus asinena, mbeî an i ni golomu. An tchenengû, ang vat hurung ngei kanu, ang aranu. 19 Ma dingâ mi dum ala: An gus amuzleina kakap vahl, an i ni kuguziya. An tchenengû, ang vat hurung ngei kanu. 20 Ma dingâ mi dum ala: An vatchad’a. Kayam ndata, an ndak á i d’i. 21 Azong máma mi hulongâ, mi de zla ndata mi salama. Ata yi máma, salama hurum mi zala, mi de mazong mama ala: Ang i atogo kur lovot ta ngola kangrazina, ang mbeï ki suma houd’a ki suma homozed’a ki suma duka ki suma dileîd’a mi. 22 Bugola, azong mama mi dala: An le wa vama ang han vuna kama; yina ar nga kä hawa tua. 23 Salama mi hulong dum ala: Ang i kur lovot ta avun kangâna hasinena, ang i yoï suma a i kurâ kad’enga, kayam hur aziyan mi oyâ. 24 Kayam ndata, an nga ni dagiya, aduk suma an yazina, sa tu pî mba mi djuk te mana d’i.
Lovot ta ndak á mbut ma hata hi Jesus-nid’a
(Gol Mat 10.37-38)25 Ablau suma a nga tit glovot ki Jesus. Mi mbut iram mi dazi ala: 26 Le sana mi mba gevenu, mi noî nga abum azi kasum kamamba ki groma ki b’oziyom suma andjofâ ki suma aropma mi noî nga mam tamba woi d’uo ni, mi ndak nga man ma hata d’i. 27 Nge nge pî le mi hle nga agu mam ma b’ala mi tit nga ki ad’un nduo ni, mi ndak nga man ma hata d’i.
28 Ni nge adigagi ba, le mi min á min gong nga fiyak ka ndjola, mi kak kä, mi ndum bege mamba, mi we na ni ti ndak á tewet toze ti ndak á tewet tuo zi ge ge? 29 Dam, le mi gat ad’ud’u, le mi tewet tuo ni, suma a wuma pet a mba lazamu, 30 a dala: Sa máma mi nde á min gong nga fiyak ka ndjola, wani mi ndak á tewet ti.
31 D’oze amul ma lara ba, le mi i á dur ayîna kamul ma dingâ bei mi kak kä mi djib’er avok á we tala na ni mam ma nga ki mam suma dudubud’a dogona, mi ndak á i dur ayîna ki sama mi nga ki suma dudubud’a dok mbàna zi ge? 32 Le mi ndak kuo ni, kid’a amul máma mi sä dei tua d’a, mam mba mi ge sunda á min zla mazid’a. 33 Ni na mi, nge nge pî adigagi le mi ar ahligiyem mbei pet tuo ni, mi ndak á kak man ma hata d’uo mi.
Hat ta yam ndjuvu ma zlam nga d’uo nid’a
(Gol Mat 5.13Mar 9.50)34 Jesus mi had’azi kua ala: Ndjuvuna ni vama djivina, wani le ayâm mi pat teyo ni, ni ki me ba, a mba minim ki blangâma kamas ke? 35 Mi ndak á le vama djivi yam andagad’a d’oze djimgilâ d’uo mi, a mba kom sä ni woi abua. Sama nga ki humba á humbina, ar mi huma.
Jesus mi sut sama tugud’eid’a
1 Jesus mi kal avo hi ma ngolâ hi Fariziyênina kur bur ma sabatna á te tena. Suma a nga ata yi mámina a so irazi kamu. 2 Wani sama nga ki tugud’ei d’a hop ma dudupma mi nga tchola avoromu. 3 Jesus mi de mi suma hat gata azi ki Fariziyêna ala: Gat meid’a ar lovota á sut sama tugud’eid’a kur bur ma sabatna d’oze hawa zu?
4 Wani azi dum nga zla d’i. Mi ve sa máma, mi sud’umu, mi aram mi iya. 5 Jesus mi dazi ala: Ni nge adigagi ba, goroma d’oze amuhl mama mi nde golong kur bur ma sabatna ba, mba mi hlum mbei d’uo ge? 6 Azi fe nga zla d’a á dum balum mbi.
D’ogol ma yam te ma tela ki te ma lunina
7 Ata yima Jesus mi we suma a yazi yam tenina a nga hal yima avo’â á kakina, mi dazi zla d’a d’ogola ala: 8 Le sana mi yang ata yima tela ni, djivid’a ang kak yam zlam mba avoka d’i, dam mi yi nga sama kalangâ kla. 9 Sama yagi dja’â mba mi mba, mi dang ala: Ang he zlam mba wanda mi sama wana. Kayam ndata, ang mba kak yam zlam mba bugola ki zulona. 10 Wani le sana mi yangû ni, ang i kak yam zlam mba bugol kisa tua ba, sama yangâ le mi mba, mba mi dang ala: Bäna, ang i kak sä yam zlam mba avoka. Hina wani, ang mba fe subura avok suma pet suma a nga kak kä ki sed’eng avun tenina. 11 Kayam nge nge pî ma mi hle yam akulona, a mba hulongôm yam kä, sama ge yam kä na, a mba hlum yam akulo mi.
12 Jesus mi de mi sama mi yum yam tenina ala: Ata yima ang le te ma faleina, d’oze ma fladegenina, ar ang yi ni buniyôngâ d’oze b’oziyongâ d’oze simiyêng ngoze ndrong suma ndjondjoîna d’i, dam azi mba yang avin balum te mangâ kla. 13 Wani ata yima ang le te ma lunina, ang yi ni suma houd’a ki suma homozed’a ki suma dileîd’a ki suma duka. 14 Ang mba le furîd’a, kayam azi nga ki vama a hangzi balum mbi. Alona mba mi wuragang kur bur ma a mba tchol suma d’ingêrâ akulona.
D’ogol ma yam te ma ngolîna
(Gol Mat 22.1-10)15 Sana aduk suma a nga te tena ki Jesus-na, kid’a mi hum zla ndatid’a, mi dum ala: Sama mba mi te tena kur leud’a hAlonid’ina, mi le furîd’a.
16 Wani Jesus mi dum ala: Sana mi le te ma ngolâ ki fladege, mi yi suma ablaud’a. 17 Kid’a yima tena ndaka, mi sun azong mama yam suma mi yazina ala: Agi mbeyegïya! Ki tchetchemba, an min wa ahlena pet da’. 18 Wani azi pet a ndjak vunazi tu, a nde tchenem hur ma vata. Ma avo’â mi dum ala: An gus asinena, mbeî an i ni golomu. An tchenengû, ang vat hurung ngei kanu, ang aranu. 19 Ma dingâ mi dum ala: An gus amuzleina kakap vahl, an i ni kuguziya. An tchenengû, ang vat hurung ngei kanu. 20 Ma dingâ mi dum ala: An vatchad’a. Kayam ndata, an ndak á i d’i. 21 Azong máma mi hulongâ, mi de zla ndata mi salama. Ata yi máma, salama hurum mi zala, mi de mazong mama ala: Ang i atogo kur lovot ta ngola kangrazina, ang mbeï ki suma houd’a ki suma homozed’a ki suma duka ki suma dileîd’a mi. 22 Bugola, azong mama mi dala: An le wa vama ang han vuna kama; yina ar nga kä hawa tua. 23 Salama mi hulong dum ala: Ang i kur lovot ta avun kangâna hasinena, ang i yoï suma a i kurâ kad’enga, kayam hur aziyan mi oyâ. 24 Kayam ndata, an nga ni dagiya, aduk suma an yazina, sa tu pî mba mi djuk te mana d’i.
Lovot ta ndak á mbut ma hata hi Jesus-nid’a
(Gol Mat 10.37-38)25 Ablau suma a nga tit glovot ki Jesus. Mi mbut iram mi dazi ala: 26 Le sana mi mba gevenu, mi noî nga abum azi kasum kamamba ki groma ki b’oziyom suma andjofâ ki suma aropma mi noî nga mam tamba woi d’uo ni, mi ndak nga man ma hata d’i. 27 Nge nge pî le mi hle nga agu mam ma b’ala mi tit nga ki ad’un nduo ni, mi ndak nga man ma hata d’i.
28 Ni nge adigagi ba, le mi min á min gong nga fiyak ka ndjola, mi kak kä, mi ndum bege mamba, mi we na ni ti ndak á tewet toze ti ndak á tewet tuo zi ge ge? 29 Dam, le mi gat ad’ud’u, le mi tewet tuo ni, suma a wuma pet a mba lazamu, 30 a dala: Sa máma mi nde á min gong nga fiyak ka ndjola, wani mi ndak á tewet ti.
31 D’oze amul ma lara ba, le mi i á dur ayîna kamul ma dingâ bei mi kak kä mi djib’er avok á we tala na ni mam ma nga ki mam suma dudubud’a dogona, mi ndak á i dur ayîna ki sama mi nga ki suma dudubud’a dok mbàna zi ge? 32 Le mi ndak kuo ni, kid’a amul máma mi sä dei tua d’a, mam mba mi ge sunda á min zla mazid’a. 33 Ni na mi, nge nge pî adigagi le mi ar ahligiyem mbei pet tuo ni, mi ndak á kak man ma hata d’uo mi.
Hat ta yam ndjuvu ma zlam nga d’uo nid’a
(Gol Mat 5.13Mar 9.50)34 Jesus mi had’azi kua ala: Ndjuvuna ni vama djivina, wani le ayâm mi pat teyo ni, ni ki me ba, a mba minim ki blangâma kamas ke? 35 Mi ndak á le vama djivi yam andagad’a d’oze djimgilâ d’uo mi, a mba kom sä ni woi abua. Sama nga ki humba á humbina, ar mi huma.
