Jesus mi sut sama gugutud’a
(Gol Mat 9.1-8Luc 5.17-26)1 Bugol burâ tcha Jesus mi hulong Kapernayum. Suma a hum ala mi nga avo. 2 Ablau suma a nga toka. Yima krovona ki yima avun agre’îna pî, nga d’i. Kid’a nga mi had’azi zlad’a tua d’a, 3 suma fid’i a ganï sama gugutud’a, a mbam mi Jesus. 4 Wani azi fe nga lovota á mbam go d’i abo ablaud’a hi sumid’a, a hô yam gong nga dudura ata yima mam nga kuana, a hulud’ud’u, a sir zlat ma sama gugutud’a mi nga burâ kuana kä. 5 Kid’a Jesus mi we he gagazi mazid’id’a, mi de mi ma gugutud’a ala: Gorona, an vat wa hurun ndei yam tcho manga da’.
6 Suma hat gata kap mbà a nga kaka kua, a nga djib’er kuruzi ala: 7 Sa máma mi de ni zla me neî? Nga mi las Alona gi? Ni nge ba, mi ndak á vat hurum mbei yam tchod’a ge? NAlona tu d’uo zu?
8 Ata yi máma na wat, Jesus mi we kurum krovo tcha ala azi djib’er kuruzi ni hina, mi dazi ala: Ni kayam me ba, agi nga djib’eregi yam ahle ndazina hina ge? 9 Vama afefeta á de mi sama gugutud’a ni me ge? An vat wa hurun ndei yam tcho manga da’, d’oze Ang tchola, ang hle zlat mangâ, ang tid’a d’uo zu? 10 Wani an min ala agi wagi ala an Gor Sana ni nga kad’enga yam andagad’a ka hî á vat hurun ndei yam tchod’a hi sumid’a.
Ata yi máma, mi de mi sama gugutud’a ala: 11 An nga ni dangû, ang tchol akulo, ang hle zlat mangâ, ang i avo hatangû.
12 Sama gugutud’a mi tchol akulo. Atogo hina zak, mi hle zlat mama, mi ndabu avorozi pet. Azi pet a le atchap, a subur Alona, a dala: Ei wei nga vama hina na yei tu d’i.
Jesus mi yi Levi
(Gol Mat 9.9-13Luc 5.27-32)13 Jesus mi hulong sä avun apo d’a Galile-d’a. Ablau suma pet a nga i gevemu, nga mi had’azi mi. 14 Kid’a nga mi kala, mi we Levi Alfe goroma mi nga kaka kä kur gong nga tar dalalana. Jesus mi dum ala: Ang mbeï ad’unu. Mi tchol akulo, mi i ad’umu.
15 Kid’a Jesus mi nga kaka kä avun tena avo hi Levi-d’a, suma ve lombod’a ablaud’a azi ki suma tchona a nga kaka kä zlapa ki Jesus azi ki mam suma hata mi, kayam suma a tit ad’uma a nablaud’a.
16 Kid’a suma hat gat suma Fariziyêna a wum nga mi te ki suma tchona azi ki suma ve lombod’id’a, azi de mi mam suma hata ala: Ni kayam me ba, nga mi te ki suma ve lombod’a azi ki suma tchona ge?
17 Kid’a Jesus mi humba, mi dazi ala: Suma a nga kad’eng tazina, va mi ndolozi nga ki dokdor ri, wani ni suma tugud’eid’a hol. An mba ná yi suma d’ingêrâ d’i, wani ná yi suma tchona.
A djop Jesus yam d’el ta d’a bei te tenid’a
(Gol Mat 9.14-17Luc 5.33-39)18 Suma hata hi Jean ma le suma batembina azi ki Fariziyêna, a nga d’el tazi bei te tena. Suma a mba ata Jesus, a dum ala: Ni kayam me ba, suma hata hi Jean ma le suma batembina azi ki suma hata hi Fariziyêna, a d’el tazi bei te tena, wani mang suma hata a nga d’el tazi d’uo ge?
19 Jesus mi hulong dazi ala: Suma sala tela mi yazina a ndak á d’el tazi bei te tena kid’a sala tela mi nga ki sed’ezi tua d’a zu? Nga na d’i. Ata yima sala tela mi nga ki sed’ezina, a ndak á d’el tazi bei te tena d’i. 20 Wani burâ nga mi mba, a mba hle Sala tela woi adigaziya. Kur bur máma a mba d’el tazi bei te tena tua.
21 Sa nga mi dup ir baru ma adjeuna ki baru ma awilina d’i. Le mi le na ni, baru ma awilina mba mi haû ma adjeuna. Haû ndata mba d’i kal la avoka. 22 Sa nga mi sel süm ma ayîna kur agolongeî suma adjeuna d’i. Le mi le na ni, süma mba mi tozi woyo. Süma mba mi b’lak kei kagolongeîna mi, wani süm ma ayîna a selemî kur agolongeî suma awilina.
Jesus ki bur ma sabatna
(Gol Mat 12.1-8Luc 6.1-5)23 Kur bur tu, ni bur ma sabatna, Jesus nga mi kal aduk asine ma awuna. Kid’a azi nga kur titid’a, mam suma hata a nde kus yam awuna. 24 Fariziyêna a de mi Jesus ala: Ni kayam me ba, mang suma hata a nga le vama gat meid’a ti d’elei lovota kam á led’a kur bur ma sabatnina ge?
25 Jesus mi hulong dazi ala: Agi ndumugi nga kur mbaktumba hAlonid’a yagi tu vama David azi ki suma a nga ki sed’ema a lum ata yima meid’a nga d’i tchazina d’uo zu? 26 Mi kal kur gonga hAlonid’a, mi tavungô ma nga tinda avok Alonina. Natchogoi d’a Abiyatar ni ma ngol ma ngat buzunid’a. Kur gat meid’a suma ngat buzuna a tumî azi hol. Wani David mi kal kua, mi yomu, mi he mi suma a nga ki sed’ema mi.
27 Jesus mi dazi kua ala: A le bur ma sabatna ni kayam sana, wani a le nga sana ni yam bur ma sabatna d’i. 28 Kayam ndata, an Gor Sana ni Sala bur ma sabatna mi.
Jesus mi sut sama gugutud’a
(Gol Mat 9.1-8Luc 5.17-26)1 Bugol burâ tcha Jesus mi hulong Kapernayum. Suma a hum ala mi nga avo. 2 Ablau suma a nga toka. Yima krovona ki yima avun agre’îna pî, nga d’i. Kid’a nga mi had’azi zlad’a tua d’a, 3 suma fid’i a ganï sama gugutud’a, a mbam mi Jesus. 4 Wani azi fe nga lovota á mbam go d’i abo ablaud’a hi sumid’a, a hô yam gong nga dudura ata yima mam nga kuana, a hulud’ud’u, a sir zlat ma sama gugutud’a mi nga burâ kuana kä. 5 Kid’a Jesus mi we he gagazi mazid’id’a, mi de mi ma gugutud’a ala: Gorona, an vat wa hurun ndei yam tcho manga da’.
6 Suma hat gata kap mbà a nga kaka kua, a nga djib’er kuruzi ala: 7 Sa máma mi de ni zla me neî? Nga mi las Alona gi? Ni nge ba, mi ndak á vat hurum mbei yam tchod’a ge? NAlona tu d’uo zu?
8 Ata yi máma na wat, Jesus mi we kurum krovo tcha ala azi djib’er kuruzi ni hina, mi dazi ala: Ni kayam me ba, agi nga djib’eregi yam ahle ndazina hina ge? 9 Vama afefeta á de mi sama gugutud’a ni me ge? An vat wa hurun ndei yam tcho manga da’, d’oze Ang tchola, ang hle zlat mangâ, ang tid’a d’uo zu? 10 Wani an min ala agi wagi ala an Gor Sana ni nga kad’enga yam andagad’a ka hî á vat hurun ndei yam tchod’a hi sumid’a.
Ata yi máma, mi de mi sama gugutud’a ala: 11 An nga ni dangû, ang tchol akulo, ang hle zlat mangâ, ang i avo hatangû.
12 Sama gugutud’a mi tchol akulo. Atogo hina zak, mi hle zlat mama, mi ndabu avorozi pet. Azi pet a le atchap, a subur Alona, a dala: Ei wei nga vama hina na yei tu d’i.
Jesus mi yi Levi
(Gol Mat 9.9-13Luc 5.27-32)13 Jesus mi hulong sä avun apo d’a Galile-d’a. Ablau suma pet a nga i gevemu, nga mi had’azi mi. 14 Kid’a nga mi kala, mi we Levi Alfe goroma mi nga kaka kä kur gong nga tar dalalana. Jesus mi dum ala: Ang mbeï ad’unu. Mi tchol akulo, mi i ad’umu.
15 Kid’a Jesus mi nga kaka kä avun tena avo hi Levi-d’a, suma ve lombod’a ablaud’a azi ki suma tchona a nga kaka kä zlapa ki Jesus azi ki mam suma hata mi, kayam suma a tit ad’uma a nablaud’a.
16 Kid’a suma hat gat suma Fariziyêna a wum nga mi te ki suma tchona azi ki suma ve lombod’id’a, azi de mi mam suma hata ala: Ni kayam me ba, nga mi te ki suma ve lombod’a azi ki suma tchona ge?
17 Kid’a Jesus mi humba, mi dazi ala: Suma a nga kad’eng tazina, va mi ndolozi nga ki dokdor ri, wani ni suma tugud’eid’a hol. An mba ná yi suma d’ingêrâ d’i, wani ná yi suma tchona.
A djop Jesus yam d’el ta d’a bei te tenid’a
(Gol Mat 9.14-17Luc 5.33-39)18 Suma hata hi Jean ma le suma batembina azi ki Fariziyêna, a nga d’el tazi bei te tena. Suma a mba ata Jesus, a dum ala: Ni kayam me ba, suma hata hi Jean ma le suma batembina azi ki suma hata hi Fariziyêna, a d’el tazi bei te tena, wani mang suma hata a nga d’el tazi d’uo ge?
19 Jesus mi hulong dazi ala: Suma sala tela mi yazina a ndak á d’el tazi bei te tena kid’a sala tela mi nga ki sed’ezi tua d’a zu? Nga na d’i. Ata yima sala tela mi nga ki sed’ezina, a ndak á d’el tazi bei te tena d’i. 20 Wani burâ nga mi mba, a mba hle Sala tela woi adigaziya. Kur bur máma a mba d’el tazi bei te tena tua.
21 Sa nga mi dup ir baru ma adjeuna ki baru ma awilina d’i. Le mi le na ni, baru ma awilina mba mi haû ma adjeuna. Haû ndata mba d’i kal la avoka. 22 Sa nga mi sel süm ma ayîna kur agolongeî suma adjeuna d’i. Le mi le na ni, süma mba mi tozi woyo. Süma mba mi b’lak kei kagolongeîna mi, wani süm ma ayîna a selemî kur agolongeî suma awilina.
Jesus ki bur ma sabatna
(Gol Mat 12.1-8Luc 6.1-5)23 Kur bur tu, ni bur ma sabatna, Jesus nga mi kal aduk asine ma awuna. Kid’a azi nga kur titid’a, mam suma hata a nde kus yam awuna. 24 Fariziyêna a de mi Jesus ala: Ni kayam me ba, mang suma hata a nga le vama gat meid’a ti d’elei lovota kam á led’a kur bur ma sabatnina ge?
25 Jesus mi hulong dazi ala: Agi ndumugi nga kur mbaktumba hAlonid’a yagi tu vama David azi ki suma a nga ki sed’ema a lum ata yima meid’a nga d’i tchazina d’uo zu? 26 Mi kal kur gonga hAlonid’a, mi tavungô ma nga tinda avok Alonina. Natchogoi d’a Abiyatar ni ma ngol ma ngat buzunid’a. Kur gat meid’a suma ngat buzuna a tumî azi hol. Wani David mi kal kua, mi yomu, mi he mi suma a nga ki sed’ema mi.
27 Jesus mi dazi kua ala: A le bur ma sabatna ni kayam sana, wani a le nga sana ni yam bur ma sabatna d’i. 28 Kayam ndata, an Gor Sana ni Sala bur ma sabatna mi.
