ESDRAS MI NDUM ZLAD’A HALONID’A MI SUMA
Esdras mi ndum mbaktum mba Gata avok suma
1 Kid’a til ma kid’iziyana mi deîd’a, Israel-lâ a nga avo hataziya. Kur bur máma a tok d’igi sama tuna na ata yima avun agrek ma i ki yima mbinina, a de mi Esdras ma we gata heîna ala mi hleï mbaktum mba Gat ta Ma didinda mi hat mi Israel-lâ abo Moise-sa. 2 Esdras ma ngat buzuna mi hlad’ï mi mba ki sed’et avok suma toka, andjofâ karopma ki suma pet suma a ndak á hum zlad’ina, ni kur bur ma avo’â hi til mámina.
3 Esdras mi nga tchola avun agrek ma i ki yima mbinina, mi tin ad’u ndum mbaktumba yorogo dei gak faleya, avok andjofâ karopma ki suma a ndak á hum zlad’ina. Suma pet a nga kaka tchugot á hum gat ta mam nga mi ndumuta.
4 Esdras ma we gata heîna, mi nga tchola ata yima tchol ma a minim kaguna á ndum mbaktumbina. Matitiya, Sema, Anaya, Uri, Hilkiya ki Mäseya a nga tchola gevem yam bigam mba ndjufâ; Pedaya, Misayel, Malkiya, Hasum, Hasebadana, Zakari ki Mesulam a nga tchola gevem yam bigam mba gulid’a mi. 5 Esdras mi mal mbaktumba woi avok suma pet, kayam mam nga tchola akulo yam suma pet. Kid’a mi mal mbaktumba woid’a, suma pet a tchol akulo kaseziya. 6 Esdras mi subur Ma didina Alo ma ngolâ. Suma pet a yo abozi akulo, a hulong humba ala: Amin! Amin! A tchok yazi kä, a kud’or Ma didina ki irazi kulupa kä andaga. 7 Ata yima suma a nga tchola akulo kasezina, suma hi Levi-na, Josue, Bani, Serebiya, Jamin, Akup, Sebetai, Hodiya, Mäseya, Kelita, Azariya, Jozabat, Hanan ki Pelaya a vazi ad’u gata. 8 A ndum kur mbaktum mba Gata hAlonid’a woi tetet, a vat ad’ut tei kayam suma a wäd’u vama azi ndumuma.
9 Nehemi ma te yamba ki Esdras ma we gata heîna ki suma hi Levi suma a hat sumina, a de mi suma pet ala: Bur ma inina ni bur ma a tinim iram vam yam Ma didina Alo maginina. Ar agi yorogi tagi d’i, agi tchigi d’uo mi. Kayam suma pet ata yima a hum zlad’a hi gatid’ina a nga tchiya.
10 Esdras mi dazi ala: Agi mud’ugi hliu ma mbulâ, agi tchagi süm ma ab’lengâ, agi i sunugi hliuna mi suma a nga ki va d’uo na, kayam bur ma inina ni bur ma a tinim iram vam yam Salad’ina. Agi yorogi tagi d’i, kayam furîd’a hi Ma didinid’a mba d’i mbut nad’eng magid’a.
11 Suma hi Levi-na a seng suma pet, a dazi ala: Agi bagiya, kayam bur ma inina ni bur ma a tinim iram vama, agi yorogi tagi d’i.
12 Suma pet a i á ted’a á tched’a, a sun hliuna mi suma, a le furîd’a ngola, kayam azi wäd’u zla d’a azi vazizi ad’ut teid’a.
Juif-fâ a lü vun til ma zlub’ud’a
13 Kur bur ma mbàna suma nglo suma avok Israel-lâ ki suma ngat buzuna ki suma hi Levi-na a tok gen Esdras ma we gata heîna á hum zlad’a hi gatid’a. 14 Azi fe b’ira kä kur Gat ta Ma didina mi hat mi Moise-sa ala: Israel-lâ a ka’î kur zlub’ud’a ba, a lü vun til ma zlub’ud’a kur til ma kid’iziyana, 15 a i tchi wal zla ndata woi kur azì mazina kur Jerusalem mi ala: Agi buzugugi igi yam ahinad’a, agi kagi abo agu olif ma avona ki olif ma abageina, abo agu mirtena, abo amulongeîna kabo agu ma d’ufa á ve zlub’ud’a d’igi a b’ir kä na.
16 Ata yi máma suma a buzuk a i á ka abo aguna. Nge nge pî mi ve zlub’ud’a akulo yam dudur mamba avo hur aziyamu, avun gong nga kud’ora hAlonid’a, avun agrek ma i ki yima mbinina, avun agre’â hi Efraim-ma mi. 17 Suma pet suma a tcholï ata yima magomba a mbana, a kak kur zlub’u ndata. Ei kur atchogoid’a hi Josue Nun goromid’a dei gak kur bur máma Israel-lâ a le nga hina yazi tu d’i. A le hur ma hapma ngola kur bur máma. 18 A nga ndum kur gata hAlonid’a burâ ki burâ, a tin ad’ud’a ei kur bur ma avo’â dei gak kur bur ma dabid’a. A lü vun tilâ gak burâ kid’iziya, bur ma klavandina a tok tok ka ngola d’igi Gata ti de na.
ESDRAS MI NDUM ZLAD’A HALONID’A MI SUMA
Esdras mi ndum mbaktum mba Gata avok suma
1 Kid’a til ma kid’iziyana mi deîd’a, Israel-lâ a nga avo hataziya. Kur bur máma a tok d’igi sama tuna na ata yima avun agrek ma i ki yima mbinina, a de mi Esdras ma we gata heîna ala mi hleï mbaktum mba Gat ta Ma didinda mi hat mi Israel-lâ abo Moise-sa. 2 Esdras ma ngat buzuna mi hlad’ï mi mba ki sed’et avok suma toka, andjofâ karopma ki suma pet suma a ndak á hum zlad’ina, ni kur bur ma avo’â hi til mámina.
3 Esdras mi nga tchola avun agrek ma i ki yima mbinina, mi tin ad’u ndum mbaktumba yorogo dei gak faleya, avok andjofâ karopma ki suma a ndak á hum zlad’ina. Suma pet a nga kaka tchugot á hum gat ta mam nga mi ndumuta.
4 Esdras ma we gata heîna, mi nga tchola ata yima tchol ma a minim kaguna á ndum mbaktumbina. Matitiya, Sema, Anaya, Uri, Hilkiya ki Mäseya a nga tchola gevem yam bigam mba ndjufâ; Pedaya, Misayel, Malkiya, Hasum, Hasebadana, Zakari ki Mesulam a nga tchola gevem yam bigam mba gulid’a mi. 5 Esdras mi mal mbaktumba woi avok suma pet, kayam mam nga tchola akulo yam suma pet. Kid’a mi mal mbaktumba woid’a, suma pet a tchol akulo kaseziya. 6 Esdras mi subur Ma didina Alo ma ngolâ. Suma pet a yo abozi akulo, a hulong humba ala: Amin! Amin! A tchok yazi kä, a kud’or Ma didina ki irazi kulupa kä andaga. 7 Ata yima suma a nga tchola akulo kasezina, suma hi Levi-na, Josue, Bani, Serebiya, Jamin, Akup, Sebetai, Hodiya, Mäseya, Kelita, Azariya, Jozabat, Hanan ki Pelaya a vazi ad’u gata. 8 A ndum kur mbaktum mba Gata hAlonid’a woi tetet, a vat ad’ut tei kayam suma a wäd’u vama azi ndumuma.
9 Nehemi ma te yamba ki Esdras ma we gata heîna ki suma hi Levi suma a hat sumina, a de mi suma pet ala: Bur ma inina ni bur ma a tinim iram vam yam Ma didina Alo maginina. Ar agi yorogi tagi d’i, agi tchigi d’uo mi. Kayam suma pet ata yima a hum zlad’a hi gatid’ina a nga tchiya.
10 Esdras mi dazi ala: Agi mud’ugi hliu ma mbulâ, agi tchagi süm ma ab’lengâ, agi i sunugi hliuna mi suma a nga ki va d’uo na, kayam bur ma inina ni bur ma a tinim iram vam yam Salad’ina. Agi yorogi tagi d’i, kayam furîd’a hi Ma didinid’a mba d’i mbut nad’eng magid’a.
11 Suma hi Levi-na a seng suma pet, a dazi ala: Agi bagiya, kayam bur ma inina ni bur ma a tinim iram vama, agi yorogi tagi d’i.
12 Suma pet a i á ted’a á tched’a, a sun hliuna mi suma, a le furîd’a ngola, kayam azi wäd’u zla d’a azi vazizi ad’ut teid’a.
Juif-fâ a lü vun til ma zlub’ud’a
13 Kur bur ma mbàna suma nglo suma avok Israel-lâ ki suma ngat buzuna ki suma hi Levi-na a tok gen Esdras ma we gata heîna á hum zlad’a hi gatid’a. 14 Azi fe b’ira kä kur Gat ta Ma didina mi hat mi Moise-sa ala: Israel-lâ a ka’î kur zlub’ud’a ba, a lü vun til ma zlub’ud’a kur til ma kid’iziyana, 15 a i tchi wal zla ndata woi kur azì mazina kur Jerusalem mi ala: Agi buzugugi igi yam ahinad’a, agi kagi abo agu olif ma avona ki olif ma abageina, abo agu mirtena, abo amulongeîna kabo agu ma d’ufa á ve zlub’ud’a d’igi a b’ir kä na.
16 Ata yi máma suma a buzuk a i á ka abo aguna. Nge nge pî mi ve zlub’ud’a akulo yam dudur mamba avo hur aziyamu, avun gong nga kud’ora hAlonid’a, avun agrek ma i ki yima mbinina, avun agre’â hi Efraim-ma mi. 17 Suma pet suma a tcholï ata yima magomba a mbana, a kak kur zlub’u ndata. Ei kur atchogoid’a hi Josue Nun goromid’a dei gak kur bur máma Israel-lâ a le nga hina yazi tu d’i. A le hur ma hapma ngola kur bur máma. 18 A nga ndum kur gata hAlonid’a burâ ki burâ, a tin ad’ud’a ei kur bur ma avo’â dei gak kur bur ma dabid’a. A lü vun tilâ gak burâ kid’iziya, bur ma klavandina a tok tok ka ngola d’igi Gata ti de na.
