Suma a nga tchen yam amulâ
1 Ni sawal la David mi hlat mi hat mi ma ngolâ hi suma hle sawalina.
2 Amul mamina, ar Ma didina mi humung
kur bur ma ang nga kur ndakina,
ar Alona hi Jakob-ma mi ngomongû.
3 Ei kur gong mam mba kud’ora dei mi ndjunungû,
ei kur Siyon dei mi djiging akulo mi.
4 Ar mi djib’er yam he d’a hawa manga pet,
ar mi ve vama ngat buzu ma ngala abong mi.
Tchol ndjö5 Ar mi hang vama hurung minima,
mi ndagang vun nga hur mangâ pet mi.
6 Ami mba ayâmi yam sut manga,
ami mba hlami bangâna ki simiyê Alo meina;
Ma didina mba mi hang ahle suma ang tchenem kazina pet mi.
7 Ki tchetchemba, an we Ma didina
nga mi sut ma mam manam tinim amulina,
nga mi humumï kur gong mam mba sä akulod’a,
nga mi ndjunum kabom ma ndjuf ma sib’ika mi.
8 Suma dingâ a tin huruzi ni yam pus mazi ma dur ayîna,
suma dingâ a tin huruzi ni yam akulumei mazina,
wani ei tini huri ni yam Ma didina Alo meina.
9 Sum ndazina a mba hiram tak a puk kä,
wani eya, ei mba arei tchola akulo ngingring.
10 Ma didina, ang sut amulâ!
Ar mi humumi ata yima ami nga yuma!
Suma a nga tchen yam amulâ
1 Ni sawal la David mi hlat mi hat mi ma ngolâ hi suma hle sawalina.
2 Amul mamina, ar Ma didina mi humung
kur bur ma ang nga kur ndakina,
ar Alona hi Jakob-ma mi ngomongû.
3 Ei kur gong mam mba kud’ora dei mi ndjunungû,
ei kur Siyon dei mi djiging akulo mi.
4 Ar mi djib’er yam he d’a hawa manga pet,
ar mi ve vama ngat buzu ma ngala abong mi.
Tchol ndjö5 Ar mi hang vama hurung minima,
mi ndagang vun nga hur mangâ pet mi.
6 Ami mba ayâmi yam sut manga,
ami mba hlami bangâna ki simiyê Alo meina;
Ma didina mba mi hang ahle suma ang tchenem kazina pet mi.
7 Ki tchetchemba, an we Ma didina
nga mi sut ma mam manam tinim amulina,
nga mi humumï kur gong mam mba sä akulod’a,
nga mi ndjunum kabom ma ndjuf ma sib’ika mi.
8 Suma dingâ a tin huruzi ni yam pus mazi ma dur ayîna,
suma dingâ a tin huruzi ni yam akulumei mazina,
wani ei tini huri ni yam Ma didina Alo meina.
9 Sum ndazina a mba hiram tak a puk kä,
wani eya, ei mba arei tchola akulo ngingring.
10 Ma didina, ang sut amulâ!
Ar mi humumi ata yima ami nga yuma!
