Tchenda hi sama we tcho mambina
1 Ni sawal la David mi hlat á djib’er yam Alonid’a.
2 Ma didina, ang ngobon kayî manga d’i,
ang gad’an kayî mang ma bibiliuna d’uo mi,
3 kayam yeû manga ti van wa,
ang tumun wa kabong mi.
4 Tan ndi galeî woi abo ayî mangâ,
asogon nga mi tan abo tcho manda.
5 Kayam tcho manda tok kan ngola heî.
D’igi aneka kal yam sana na,
nga d’i tchan aneka heî.
6 Mbilin mi bu heî, mi his mi,
ni kayam lili manda.
7 An mbut do’orâ, ni gun kä dongndjolong,
burâ ki burâ an nga kur yor tad’a.
8 Hurun nga mi ngalan d’igi akud’a na,
tan ndi galeî woi mi.
9 Ad’engên nga d’i, tan ndi galeî woi gagaleî,
an nga ni tchi ngola abo zam ta manda.
10 Salad’a, djib’er manda pet navorongû,
Zam ta manda nga d’i vid’ing ngi.
11 Vunadigan nga d’i tumun ngola, ad’engên nga d’i,
iran nga d’i we d’uo mi.
12 Buniyôna ki ndrona a tchol sä woi hina dei abo mbil mana,
simiyên a tchol sä woi hina dei mi.
13 Suma a halan á tchid’ina a gun dauna kä avoronu,
suma a halan á lan tchod’ina a nga de zla d’a tchod’a kanu,
a nga hal lovota á mbud’un iran burâ ki burâ.
14 Wani an ni d’igi sama ngela na,
an nga ni hum mbi;
an ni d’igi sama ndumî ma bei de zlad’a ba na na.
15 An ni d’igi sama hum mbuo
ma bei hulong humba ki vunam ba na na mi.
16 Ma didina, an tin hurun ni kang angû;
Salad’a Alo mana, ang mba hulongôn humba.
17 An dala: Ang arazi á le furîd’a kan ndi;
ata yima asen ka azlard’eid’ina,
ang arazi á subur tazi kan nduo mi.
18 Kayam an ar go á puka,
an nga ni yor tan teteu.
19 Kayam an nga ni de woi yam tcho manda,
an nga ki djib’er ra ngola yam tcho manda mi.
20 Wani man suma djangûna a nga kad’enga, va nga mi lazi d’i;
suma a noyôn hawa ya’â a nga ablaud’a.
21 Suma a hulongôn tchod’a yam djivid’ina
a kak djangûna ki sed’en kayam an nga ni min djivid’a.
22 Ma didina, ang aran ndei d’i;
Alo mana, ang wal lei dei ki sed’en nduo mi.
23 Salad’a ma sud’una, ang mbei atogo ndjununu!
Tchenda hi sama we tcho mambina
1 Ni sawal la David mi hlat á djib’er yam Alonid’a.
2 Ma didina, ang ngobon kayî manga d’i,
ang gad’an kayî mang ma bibiliuna d’uo mi,
3 kayam yeû manga ti van wa,
ang tumun wa kabong mi.
4 Tan ndi galeî woi abo ayî mangâ,
asogon nga mi tan abo tcho manda.
5 Kayam tcho manda tok kan ngola heî.
D’igi aneka kal yam sana na,
nga d’i tchan aneka heî.
6 Mbilin mi bu heî, mi his mi,
ni kayam lili manda.
7 An mbut do’orâ, ni gun kä dongndjolong,
burâ ki burâ an nga kur yor tad’a.
8 Hurun nga mi ngalan d’igi akud’a na,
tan ndi galeî woi mi.
9 Ad’engên nga d’i, tan ndi galeî woi gagaleî,
an nga ni tchi ngola abo zam ta manda.
10 Salad’a, djib’er manda pet navorongû,
Zam ta manda nga d’i vid’ing ngi.
11 Vunadigan nga d’i tumun ngola, ad’engên nga d’i,
iran nga d’i we d’uo mi.
12 Buniyôna ki ndrona a tchol sä woi hina dei abo mbil mana,
simiyên a tchol sä woi hina dei mi.
13 Suma a halan á tchid’ina a gun dauna kä avoronu,
suma a halan á lan tchod’ina a nga de zla d’a tchod’a kanu,
a nga hal lovota á mbud’un iran burâ ki burâ.
14 Wani an ni d’igi sama ngela na,
an nga ni hum mbi;
an ni d’igi sama ndumî ma bei de zlad’a ba na na.
15 An ni d’igi sama hum mbuo
ma bei hulong humba ki vunam ba na na mi.
16 Ma didina, an tin hurun ni kang angû;
Salad’a Alo mana, ang mba hulongôn humba.
17 An dala: Ang arazi á le furîd’a kan ndi;
ata yima asen ka azlard’eid’ina,
ang arazi á subur tazi kan nduo mi.
18 Kayam an ar go á puka,
an nga ni yor tan teteu.
19 Kayam an nga ni de woi yam tcho manda,
an nga ki djib’er ra ngola yam tcho manda mi.
20 Wani man suma djangûna a nga kad’enga, va nga mi lazi d’i;
suma a noyôn hawa ya’â a nga ablaud’a.
21 Suma a hulongôn tchod’a yam djivid’ina
a kak djangûna ki sed’en kayam an nga ni min djivid’a.
22 Ma didina, ang aran ndei d’i;
Alo mana, ang wal lei dei ki sed’en nduo mi.
23 Salad’a ma sud’una, ang mbei atogo ndjununu!
