Sama a djobom vunama nga mi yAlona
1 Ni sawal la gile d’a David mi hlat kadingâ mi hat mi ma ngolâ hi suma hle sawalina.
2 Mi hlat ni kid’a suma Zif-fâ a mba de mi Saul ala David mi ngei nga adigaziya d’a.
3 Alo mana, yam simiyêngû, ang sud’unu,
ang kan sariya manda kad’eng manga.
4 Alo mana, ang hum tchen manda,
ang tin humang á hum zla d’a ndavunanda,
5 kayam angoyogeina a tchol á dur ayîna ki sed’enu,
suma asa’atna a min á tchan ndeyo,
kayam azi nga djib’er kang ang Alona d’i.
Tchol ndjö6 Wani Alo mana, ang nga ndjununu;
Ma didina, ang nga siran ngingring mi.
7 Ar tchod’a hulong yam man suma djangûna;
yam gagazi manga, ang duguzi vunaziya.
8 An nga ni hang vama ngat buzuna ki hur ma djivina,
an nga ni gileng simiyêngû,
kayam angî ma djivina.
9 Ang prud’un ndei kur ndak ka lara ge pet,
kayam an we man suma djangûna a puk kä avoronu.
Sama a djobom vunama nga mi yAlona
1 Ni sawal la gile d’a David mi hlat kadingâ mi hat mi ma ngolâ hi suma hle sawalina.
2 Mi hlat ni kid’a suma Zif-fâ a mba de mi Saul ala David mi ngei nga adigaziya d’a.
3 Alo mana, yam simiyêngû, ang sud’unu,
ang kan sariya manda kad’eng manga.
4 Alo mana, ang hum tchen manda,
ang tin humang á hum zla d’a ndavunanda,
5 kayam angoyogeina a tchol á dur ayîna ki sed’enu,
suma asa’atna a min á tchan ndeyo,
kayam azi nga djib’er kang ang Alona d’i.
Tchol ndjö6 Wani Alo mana, ang nga ndjununu;
Ma didina, ang nga siran ngingring mi.
7 Ar tchod’a hulong yam man suma djangûna;
yam gagazi manga, ang duguzi vunaziya.
8 An nga ni hang vama ngat buzuna ki hur ma djivina,
an nga ni gileng simiyêngû,
kayam angî ma djivina.
9 Ang prud’un ndei kur ndak ka lara ge pet,
kayam an we man suma djangûna a puk kä avoronu.
