1 Ang ladjï ni wiyen ma tchapona hasunina ni,
ata yima an mba ni ngavang kelâ,
an mba ni bed’eng kok!
Sa mba mi golon is si.
2 An mba ni i ki sed’engû,
an mba ni kalang avo hasunu,
ang mba had’anu,
an mba ni hang süm guguzlu d’a his djivid’id’a
ki mbiyo grenatna á tched’a mi.
3 Ar mi ge abom ma gulana kä ad’u yanu,
ar mi gabom ma ndjufâ kä kan mi.
(Mamu)
4 Mi dala:
Agi gro yugunei suma Jerusalem-ma,
an nga ni tchenegiya,
agi zlid’igi d’a an le kat heîd’a akulo d’i,
agi zlid’it akulo d’i
gak ti tchol akulo nata min mata!
(Yuguneina)
Yuguneina a dala:
5 Ni nge ndata ba,
ti djï hur fulâ,
ti deng tat ata mat ma ndat le kam heîna na ge?
Sawal la kid’iziyad’a
Ad’enga hi od’id’a
(Ndad’u)
Ti dala:
An zlid’ing akulo ad’u agu poma
ata yima asung ngi vang wiring kuana,
ata yima ti vud’ung kuana mi.
6 Ang tinin kurung d’igi tampongâ na,
ang tinin bigang d’igi tampongâ na mi,
kayam od’a tad’enga d’igi matna na,
yungôrâ mad’enga d’igi yima azuleina na mi.
Vat mam mba dudunuka takud’a d’igi sin akud’a hi Ma didinid’a na.
7 Mbiyo ma nglona mi ndak á tchi od’a woi d’i,
mbiyo ma kus seina mi ndak á hlubut kä d’uo mi.
Le sana mi min he ndjondjoî mamba woi pet á gus od’a ni,
suma a mba lazamî laza.
(B’oziyotna)
8 B’oziyotna a dala:
Ami nga ki wiyemi d’a gor ra bei kus aponid’a.
Ami mba lami ni nana ki wiyemi ndata
kur bur ma suma a mba djobot zlatna ge?
9 Ladjï ti ni gulumuna ni,
ami mba minimi kawei ma hapma akulo kad’u.
Ladjï ti ni bapma ni,
ami mba b’alat agu sedre ma bebed’ena huyogot mi.
(Ndad’u)
10 Ti dala:
An ni d’igi gulumuna na,
apon mi ni d’igi gong mam mba fiyak ka ndjola na.
An ni d’a tam lum djivid’a heî kata.
(Mamu)
11 Mi dala:
Salomon mi nga kasine ma guguzlud’a avo Bäl-Hamon,
mi hasine ma guguzlu máma abo suma ndjola.
Nge nge pî, nga mi mba ki bege d’a hap pa mam ngazizid’a dubu dubu
d’a mam fat ki vud’a guguzlu ndatid’a.
12 Asine man ma guguzlud’a, mi nga abonu.
Ang Salomon ang yo bege mang nga dubud’a,
ang ar ra kikis mbàd’a mi suma ngomba mi.
13 Ndak ka nga kaka kur asinenid’a,
buniyô’â a tin humazi á humuk delegu;
ar an humuk delek mi!
14 Ang ma an le kang heîna,
ang djangî d’igi duka d’oze gor gayangâ na
yam ahina d’a mbul ma his afufuîna mi nga kuad’a.
1 Ang ladjï ni wiyen ma tchapona hasunina ni,
ata yima an mba ni ngavang kelâ,
an mba ni bed’eng kok!
Sa mba mi golon is si.
2 An mba ni i ki sed’engû,
an mba ni kalang avo hasunu,
ang mba had’anu,
an mba ni hang süm guguzlu d’a his djivid’id’a
ki mbiyo grenatna á tched’a mi.
3 Ar mi ge abom ma gulana kä ad’u yanu,
ar mi gabom ma ndjufâ kä kan mi.
(Mamu)
4 Mi dala:
Agi gro yugunei suma Jerusalem-ma,
an nga ni tchenegiya,
agi zlid’igi d’a an le kat heîd’a akulo d’i,
agi zlid’it akulo d’i
gak ti tchol akulo nata min mata!
(Yuguneina)
Yuguneina a dala:
5 Ni nge ndata ba,
ti djï hur fulâ,
ti deng tat ata mat ma ndat le kam heîna na ge?
Sawal la kid’iziyad’a
Ad’enga hi od’id’a
(Ndad’u)
Ti dala:
An zlid’ing akulo ad’u agu poma
ata yima asung ngi vang wiring kuana,
ata yima ti vud’ung kuana mi.
6 Ang tinin kurung d’igi tampongâ na,
ang tinin bigang d’igi tampongâ na mi,
kayam od’a tad’enga d’igi matna na,
yungôrâ mad’enga d’igi yima azuleina na mi.
Vat mam mba dudunuka takud’a d’igi sin akud’a hi Ma didinid’a na.
7 Mbiyo ma nglona mi ndak á tchi od’a woi d’i,
mbiyo ma kus seina mi ndak á hlubut kä d’uo mi.
Le sana mi min he ndjondjoî mamba woi pet á gus od’a ni,
suma a mba lazamî laza.
(B’oziyotna)
8 B’oziyotna a dala:
Ami nga ki wiyemi d’a gor ra bei kus aponid’a.
Ami mba lami ni nana ki wiyemi ndata
kur bur ma suma a mba djobot zlatna ge?
9 Ladjï ti ni gulumuna ni,
ami mba minimi kawei ma hapma akulo kad’u.
Ladjï ti ni bapma ni,
ami mba b’alat agu sedre ma bebed’ena huyogot mi.
(Ndad’u)
10 Ti dala:
An ni d’igi gulumuna na,
apon mi ni d’igi gong mam mba fiyak ka ndjola na.
An ni d’a tam lum djivid’a heî kata.
(Mamu)
11 Mi dala:
Salomon mi nga kasine ma guguzlud’a avo Bäl-Hamon,
mi hasine ma guguzlu máma abo suma ndjola.
Nge nge pî, nga mi mba ki bege d’a hap pa mam ngazizid’a dubu dubu
d’a mam fat ki vud’a guguzlu ndatid’a.
12 Asine man ma guguzlud’a, mi nga abonu.
Ang Salomon ang yo bege mang nga dubud’a,
ang ar ra kikis mbàd’a mi suma ngomba mi.
13 Ndak ka nga kaka kur asinenid’a,
buniyô’â a tin humazi á humuk delegu;
ar an humuk delek mi!
14 Ang ma an le kang heîna,
ang djangî d’igi duka d’oze gor gayangâ na
yam ahina d’a mbul ma his afufuîna mi nga kuad’a.
