Khaddaamiin Allah
1 Ya akhwaani, wakit ana maʼaaku ma gidirt nihajji leeku misil intu naas al-induhum al-Ruuh al-Khudduus. Laakin intu induku fikir hana naas al-dunya. Wa fi derib al-Masiih intu misil atfaal. 2 Achaan da bas, ana allamtuku be taʼliim hayyin misil ridaaʼat al-laban wa ma be taʼliim gawi misil madikhiin al-asab achaan intu ma gidirtu takhbalo taʼliim gawi. Ya hassaʼ, intu ma tagdaro. 3 Intu gaaʼidiin titaabuʼu fikir hana naas al-dunya wa ma fikir Allah. Intu gaaʼidiin tilhaasado wa tihaaruju ambeenaatku. Wa be da, fikirku bigi fikir hana naas al-dunya wa haalku misil haal al-naas ! 4 Achaan naadum waahid buguul : «Ana hana Buulus» wa naadum aakhar buguul : «Ana hana Abuluus.» Wa kan tihajju misil ke khalaas, intu misil naas al-dunya.
5 Wa Abuluus hu yaatu ? Wa ana Buulus kula yaatu ? Aniina khaddaamiin bas wa be sabab kalaamna intu aamantu. Ayyi waahid minnina sawwa al-khidme al-Rabbina kallafah beeha. 6 Intu misil jineene wa ana teerabt foogha kalaam Allah wa Abuluus zagaaha laakin Allah bas gawwam al-bizre. 7 Wa be da, al-yiteerib ma muhimm wa l-yazgi ma muhimm illa Allah al-yigawwim al-bizre bas muhimm. 8 Wa l-yiteerib wa l-yazgi humman sawa sawa wa ayyi waahid yalga ujurtah hasab khidimtah. 9 Wa khalaas, aniina akhwaan fi khidmit Allah wa intu bigiitu jineene hana Allah. Aw be masal aakhar, intu bigiitu al-beet al-Allah gaaʼid yabniih.
Masal al-yabni fi l-asaas
10 Wa ana misil bannaay al-yaʼarif khidimtah wa be l-rahma al-Allah antaani, ana khatteet asaas al-beet wa naadum aakhar ja bana foogah. Wa ayyi naadum al-yabni foogah waajib yukhutt baalah fi khidimtah. 11 Naadum ma yagdar yukhutt asaas aakhar min al-asaas al-gaaʼid khalaas wa l-asaas da hu Isa al-Masiih.
12 Wa hassaʼ ayyi naadum yabni foog al-asaas da. Wa waahidiin yabnu foogah be dahab walla be fudda walla be hajar khaali wa waahidiin yabnu be hatab walla be gechch walla be ageeg. 13 Wa l-khidme al-ayyi naadum khadamha tinʼarif achaan yoom al-Hisaab yiwassifha be naar. Wa l-naar tijarrib khidmit ayyi naadum kan adiile walla ma adiile. 14 Wa kan naadum bana foog al-asaas wa l-naar ma akalat khidimtah, al-naadum da yalga ajur. 15 Wa kan naadum bana foog al-asaas wa l-naar akalat khidimtah, khalaas khidimtah talaʼat khasaara laakin hu zaatah yanja. Wa hu yanja misil naadum al-fazaʼooh min ust al-naar.
16 Intu nisiitu walla ? Intu zaatku beet Allah. Ruuh Allah saakin foogku. 17 Kan naadum yidammir beet Allah, al-naadum da Allah yidammirah. Achaan beet Allah hu mukhaddas. Wa intu bas al-beet da.
18 Khalli naadum ma yukhuchch nafsah. Ayyi naadum minku al-yuguul hu indah hikma adiile wa hikmatah hi hikmat naas al-dunya, khalli yabga jaahil achaan yalga al-hikma al-sahiihe. 19 Achaan hikmat naas al-dunya baatle giddaam Allah. Wa maktuub fi l-Kitaab : <Allah yarmi al-hakiimiin fi charak najaadithum.> 20 Wa maktuub battaan : <Allah yaʼarif kadar afkaar al-hakiimiin ma induhum faayde.>
21 Achaan da, ma tistakbaro fi ayyi insaan. Achaan kulla cheyy hanaaku. 22 Aywa, Buulus wa Abuluus wa Butrus kulluhum hineeku intu. Wa l-dunya wa l-haya wa l-moot wa l-wakit al-haali wa l-wakit al-jaayi, kulluhum hineeku. 23 Wa intu hana l-Masiih wa l-Masiih hu hana Allah.
Khaddaamiin Allah
1 Ya akhwaani, wakit ana maʼaaku ma gidirt nihajji leeku misil intu naas al-induhum al-Ruuh al-Khudduus. Laakin intu induku fikir hana naas al-dunya. Wa fi derib al-Masiih intu misil atfaal. 2 Achaan da bas, ana allamtuku be taʼliim hayyin misil ridaaʼat al-laban wa ma be taʼliim gawi misil madikhiin al-asab achaan intu ma gidirtu takhbalo taʼliim gawi. Ya hassaʼ, intu ma tagdaro. 3 Intu gaaʼidiin titaabuʼu fikir hana naas al-dunya wa ma fikir Allah. Intu gaaʼidiin tilhaasado wa tihaaruju ambeenaatku. Wa be da, fikirku bigi fikir hana naas al-dunya wa haalku misil haal al-naas ! 4 Achaan naadum waahid buguul : «Ana hana Buulus» wa naadum aakhar buguul : «Ana hana Abuluus.» Wa kan tihajju misil ke khalaas, intu misil naas al-dunya.
5 Wa Abuluus hu yaatu ? Wa ana Buulus kula yaatu ? Aniina khaddaamiin bas wa be sabab kalaamna intu aamantu. Ayyi waahid minnina sawwa al-khidme al-Rabbina kallafah beeha. 6 Intu misil jineene wa ana teerabt foogha kalaam Allah wa Abuluus zagaaha laakin Allah bas gawwam al-bizre. 7 Wa be da, al-yiteerib ma muhimm wa l-yazgi ma muhimm illa Allah al-yigawwim al-bizre bas muhimm. 8 Wa l-yiteerib wa l-yazgi humman sawa sawa wa ayyi waahid yalga ujurtah hasab khidimtah. 9 Wa khalaas, aniina akhwaan fi khidmit Allah wa intu bigiitu jineene hana Allah. Aw be masal aakhar, intu bigiitu al-beet al-Allah gaaʼid yabniih.
Masal al-yabni fi l-asaas
10 Wa ana misil bannaay al-yaʼarif khidimtah wa be l-rahma al-Allah antaani, ana khatteet asaas al-beet wa naadum aakhar ja bana foogah. Wa ayyi naadum al-yabni foogah waajib yukhutt baalah fi khidimtah. 11 Naadum ma yagdar yukhutt asaas aakhar min al-asaas al-gaaʼid khalaas wa l-asaas da hu Isa al-Masiih.
12 Wa hassaʼ ayyi naadum yabni foog al-asaas da. Wa waahidiin yabnu foogah be dahab walla be fudda walla be hajar khaali wa waahidiin yabnu be hatab walla be gechch walla be ageeg. 13 Wa l-khidme al-ayyi naadum khadamha tinʼarif achaan yoom al-Hisaab yiwassifha be naar. Wa l-naar tijarrib khidmit ayyi naadum kan adiile walla ma adiile. 14 Wa kan naadum bana foog al-asaas wa l-naar ma akalat khidimtah, al-naadum da yalga ajur. 15 Wa kan naadum bana foog al-asaas wa l-naar akalat khidimtah, khalaas khidimtah talaʼat khasaara laakin hu zaatah yanja. Wa hu yanja misil naadum al-fazaʼooh min ust al-naar.
16 Intu nisiitu walla ? Intu zaatku beet Allah. Ruuh Allah saakin foogku. 17 Kan naadum yidammir beet Allah, al-naadum da Allah yidammirah. Achaan beet Allah hu mukhaddas. Wa intu bas al-beet da.
18 Khalli naadum ma yukhuchch nafsah. Ayyi naadum minku al-yuguul hu indah hikma adiile wa hikmatah hi hikmat naas al-dunya, khalli yabga jaahil achaan yalga al-hikma al-sahiihe. 19 Achaan hikmat naas al-dunya baatle giddaam Allah. Wa maktuub fi l-Kitaab : <Allah yarmi al-hakiimiin fi charak najaadithum.> 20 Wa maktuub battaan : <Allah yaʼarif kadar afkaar al-hakiimiin ma induhum faayde.>
21 Achaan da, ma tistakbaro fi ayyi insaan. Achaan kulla cheyy hanaaku. 22 Aywa, Buulus wa Abuluus wa Butrus kulluhum hineeku intu. Wa l-dunya wa l-haya wa l-moot wa l-wakit al-haali wa l-wakit al-jaayi, kulluhum hineeku. 23 Wa intu hana l-Masiih wa l-Masiih hu hana Allah.
