Allah rassal Hizgiyaal le Bani Israaʼiil
1 Wa l-hiss da gaal leyi : «Ya ibn Adam ! Gumm be tuulak wa ana nihajji leek.» 2 Wa min hu hajja leyi al-kalaam da, tawwaali al-ruuh dakhal foogi wa waggafaani be tuuli wa ana gaaʼid nasmaʼ al-yihajji leyi.
3 Wa l-hiss gaal leyi : «Ya ibn Adam, ana nirassilak le Bani Israaʼiil humman umma aasiye al-gammat diddi. Humman wa juduudhum atmarrado diddi lahaddi l-yoom. 4 Aywa, ana nirassilak le naas al-wujuuhhum dulum wa guluubhum gawiyiin wa inta guul leehum : ‹Daahu Allah al-Rabb gaal : 5 “Humman chaʼab aasiyiin. Kan yasmaʼook walla kan ma yasmaʼook kula, yaʼarfu tamaam kadar fi nabi gaaʼid fi usuthum.”›
6 «Asmaʼ, ya ibn Adam, ma takhaaf minhum wa la takhaaf min kalaamhum. Achaan inta gaaʼid fi ust al-naas al-yangudu kalaamak wa humman misil chook wa agaarib al-inta gaaʼid fooghum. Ma takhaaf min kalaamhum wa la min wujuuhhum achaan humman chaʼab aasiyiin. 7 Wa inta guul leehum kalaami kan yasmaʼooh walla ma yasmaʼooh kula achaan humman aasiyiin. 8 Ya ibn Adam, asmaʼ al-nuguulah leek. Ma tabga misil al-chaʼab al-aasiyiin dool. Wa aftah khachmak wa aakul al-cheyy al-nantiih leek.»
9 Wa daahu chift iid mamduuda aleyi wa indaha kitaab malfuuf. 10 Wa fallat al-kitaab da giddaami wa hu maktuub min jaay wa jaay. Wa maktuub foogah kalaam hana nuwaah wa hizin wa taʼab.
Allah rassal Hizgiyaal le Bani Israaʼiil
1 Wa l-hiss da gaal leyi : «Ya ibn Adam ! Gumm be tuulak wa ana nihajji leek.» 2 Wa min hu hajja leyi al-kalaam da, tawwaali al-ruuh dakhal foogi wa waggafaani be tuuli wa ana gaaʼid nasmaʼ al-yihajji leyi.
3 Wa l-hiss gaal leyi : «Ya ibn Adam, ana nirassilak le Bani Israaʼiil humman umma aasiye al-gammat diddi. Humman wa juduudhum atmarrado diddi lahaddi l-yoom. 4 Aywa, ana nirassilak le naas al-wujuuhhum dulum wa guluubhum gawiyiin wa inta guul leehum : ‹Daahu Allah al-Rabb gaal : 5 “Humman chaʼab aasiyiin. Kan yasmaʼook walla kan ma yasmaʼook kula, yaʼarfu tamaam kadar fi nabi gaaʼid fi usuthum.”›
6 «Asmaʼ, ya ibn Adam, ma takhaaf minhum wa la takhaaf min kalaamhum. Achaan inta gaaʼid fi ust al-naas al-yangudu kalaamak wa humman misil chook wa agaarib al-inta gaaʼid fooghum. Ma takhaaf min kalaamhum wa la min wujuuhhum achaan humman chaʼab aasiyiin. 7 Wa inta guul leehum kalaami kan yasmaʼooh walla ma yasmaʼooh kula achaan humman aasiyiin. 8 Ya ibn Adam, asmaʼ al-nuguulah leek. Ma tabga misil al-chaʼab al-aasiyiin dool. Wa aftah khachmak wa aakul al-cheyy al-nantiih leek.»
9 Wa daahu chift iid mamduuda aleyi wa indaha kitaab malfuuf. 10 Wa fallat al-kitaab da giddaami wa hu maktuub min jaay wa jaay. Wa maktuub foogah kalaam hana nuwaah wa hizin wa taʼab.
