Allah radda le l-chaʼab fi chakwaahum
1 Wa daahu Allah gaal :
«Sahiih ana taradt ammuku.
Ween maktuub al-talaag ?
Wa le yaatu ana biʼtuku le nikaffi deeni ?
Aʼarfu ! Be sabab khataaku bas, baaʼooku
wa be sabab isyaanku, tallago ammuku.
2 Wakit ana jiit, maala ma fi naadum ?
Wakit naadeet, maala naadum ma radda leyi ?
Hal iidi gisayre lahaddi ma tafda walla ?
Wa hal ma indi ayyi gudra le ninajji walla ?
Aʼarfu ! Ana nikichch le l-bahar wa niyabbisah
wa le l-wudyaan, nisawwiihum sahara.
Min gillit almi al-huut yumuut
aywa, min al-atach hu yumuut wa yiʼaffin.
3 Wa nilabbis al-samaawaat be l-dalaam
wa nikhattiihum be khalag al-hizin.»
Allah yafzaʼ abdah
4 Allah al-Rabb antaani lisaan al-talaamiiz
achaan be kalaami
nagdar nisaaʼid al-ayyaan.
Kulli sabaah, hu yigawwimni min al-noom
wa yufukk adaani le nasmaʼ misil al-talaamiiz.
5 Allah al-Rabb fakka adaani
wa ana wa la isiit wa la gabbalt wara.
6 Ana anteet dahari le l-yafurchuuni
wa anteet digni le l-yimallutuuha
wa ma labbadt wijhi min al-muʼyaar wa l-buzaakh.
7 Laakin Allah al-Rabb fazaʼni
wa be da, ana ma ligiit ihaana.
Wa alhammalt wa bigiit saabit misil al-hajar
achaan naʼarif ma nalga al-eeb.
8 Al-yibarriini gariib !
Yaatu al-yachkiini ?
Khalli nagiifu giddaam al-chariiʼa !
Yaatu al-yathamni ?
Khalli yigarrib leyi !
9 Daahu Allah al-Rabb jaayi leyi fazaʼ.
Yaatu al-yihaakimni ?
Daahu udwaani kulluhum
misil khalag gadiim al-akalatah al-itte.
10 Yaatu minku yakhaaf min Allah
wa yasmaʼ kalaam abdah ?
Ayyi naadum al-yamchi fi l-dalaam bala deyy,
khalli yitwakkal ale Allah
wa yintakil ale Ilaahah.
11 Wa kan leeku intu kulluku al-oogadtu naar
wa sawweetu machaahiib,
yalla amchu fi deyy naarku
wa fi usut machaahiib al-intu oogadtuuhum !
Allah yisawwiiku
tumuutu fi l-taʼab !
Allah radda le l-chaʼab fi chakwaahum
1 Wa daahu Allah gaal :
«Sahiih ana taradt ammuku.
Ween maktuub al-talaag ?
Wa le yaatu ana biʼtuku le nikaffi deeni ?
Aʼarfu ! Be sabab khataaku bas, baaʼooku
wa be sabab isyaanku, tallago ammuku.
2 Wakit ana jiit, maala ma fi naadum ?
Wakit naadeet, maala naadum ma radda leyi ?
Hal iidi gisayre lahaddi ma tafda walla ?
Wa hal ma indi ayyi gudra le ninajji walla ?
Aʼarfu ! Ana nikichch le l-bahar wa niyabbisah
wa le l-wudyaan, nisawwiihum sahara.
Min gillit almi al-huut yumuut
aywa, min al-atach hu yumuut wa yiʼaffin.
3 Wa nilabbis al-samaawaat be l-dalaam
wa nikhattiihum be khalag al-hizin.»
Allah yafzaʼ abdah
4 Allah al-Rabb antaani lisaan al-talaamiiz
achaan be kalaami
nagdar nisaaʼid al-ayyaan.
Kulli sabaah, hu yigawwimni min al-noom
wa yufukk adaani le nasmaʼ misil al-talaamiiz.
5 Allah al-Rabb fakka adaani
wa ana wa la isiit wa la gabbalt wara.
6 Ana anteet dahari le l-yafurchuuni
wa anteet digni le l-yimallutuuha
wa ma labbadt wijhi min al-muʼyaar wa l-buzaakh.
7 Laakin Allah al-Rabb fazaʼni
wa be da, ana ma ligiit ihaana.
Wa alhammalt wa bigiit saabit misil al-hajar
achaan naʼarif ma nalga al-eeb.
8 Al-yibarriini gariib !
Yaatu al-yachkiini ?
Khalli nagiifu giddaam al-chariiʼa !
Yaatu al-yathamni ?
Khalli yigarrib leyi !
9 Daahu Allah al-Rabb jaayi leyi fazaʼ.
Yaatu al-yihaakimni ?
Daahu udwaani kulluhum
misil khalag gadiim al-akalatah al-itte.
10 Yaatu minku yakhaaf min Allah
wa yasmaʼ kalaam abdah ?
Ayyi naadum al-yamchi fi l-dalaam bala deyy,
khalli yitwakkal ale Allah
wa yintakil ale Ilaahah.
11 Wa kan leeku intu kulluku al-oogadtu naar
wa sawweetu machaahiib,
yalla amchu fi deyy naarku
wa fi usut machaahiib al-intu oogadtuuhum !
Allah yisawwiiku
tumuutu fi l-taʼab !
