Ma tihajji katiir giddaam al-Rabb
1 Ahfad nafsak,
wakit tamchi fi beet Allah.
Garrib le tasmaʼ,
da akheer min tigaddim dahiiyat al-mataamiis.
Achaan humman ma yaʼarfu
kadar gaaʼidiin yisawwu al-fasaala.
2 Ma tissaʼjal fi kalaamak
wa khalli kalaam galbak ma yamrug ajala
giddaam al-Rabb.
Achaan al-Rabb gaaʼid fi l-sama
wa inta gaaʼid fi l-ard.
Wa fi chaan da, khalli kalaamak
ma yabga katiir.
3 Achaan katarat al-chakhala
tijiib al-hilim
wa katarat al-kalaam
tijiib al-tamaasa.
4 Wakit tisawwi nazir le l-Rabb,
ma tiʼakhkhir le titimmah.
Achaan al-Rabb ma yarda
be l-mataamiis.
Khalaas, haggig kulla nazrak
al-sawweetah.
5 Akheer leek ma tisawwi nazir
min tisawwiih wa ma tihaggigah.
6 Ma tikhalli kalaamak yisawwiik muznib
wa tuguul le raajil al-diin :
«Ma nagdar nitimm nazri.
Ana sawweet khata !»
Be misil da, al-Rabb yakhdab min kalaamak
wa yidammir khidmit iideenak.
7 Achaan katarat al-hilim
zaayil saakit
Wa misil da, fi katarat al-kalaam kula,
akhaaf min al-Rabb.
Al-rachwa wa l-zulum
8 Wa kan inta chift fi balad waahide
yazulmu al-miskiin
wa yadharooh min al-hagg wa l-adaala,
ma tilʼajjab min al-cheyy da.
Achaan al-masʼuul yahmi al-masʼuul
wa fi masaaʼiil aakhariin kubaar minhum.
9 Intaaj al-ard yanfaʼ le kulla l-naas
wa l-malik waajib yahmi al-ziraaʼa.
10 Al-yihibb al-gurus ma yachbaʼ minnah
wa l-yihibb al-khuna ma yaksab.
Wa da kula zaayil saakit.
11 Wa kan al-kheer bigi katiir,
al-yaakuluuh kula yabgo katiiriin.
Wa misil da, chunu al-faayde al-yalgaaha siidah ?
Illa bichiifah be eenah bas !
12 Noom al-khaddaam halu leyah,
kan yaakul katiir wa la chiyya kula.
Wa laakin hamm al-khuna
yadhar al-noom.
13 Fi l-ard, ana chift fasaala
tajrah al-galib.
Al-khuna al-siidah yudummah
yisabbib leyah al-halaak.
14 Wa l-khuna da yiwaddir
fi chakhala al-ma indaha faayde.
Wa wileed al-khani
ma yalga cheyy yawrisah.
15 Wa misil marag min batun ammah aryaan,
yamchi fi l-khabur aryaan.
Wa min kulla khidimtah
ma yalga cheyy yiwaddiih maʼaayah.
16 Wa di kula fasaala al-tajrah al-galib.
Hu yamchi sawa sawa misil ja.
Wa chunu al-faayde al-ligiiha
min al-khidme al-sawwaaha fi l-riih ?
17 Hu waddar kulla ayyaamah fi l-dalaam
wa fi katarat al-hamm wa l-taʼab wa l-zaʼal.
18 Daahu al-ana chiftah.
Adiil le l-insaan yaakul wa yachrab
wa yalga al-kheer fi kulla khidimtah
al-yisawwiiha fi l-ard.
Yisawwi misil da
fi kulla muddit hayaatah
al-yantiiha leyah al-Rabb.
Wa da bas gismah.
19 Wa misil da, wakit al-Rabb anta naadum
maal wa khuna al-beehum hu yiʼiich,
hu yagdar yalga minhum gismah
wa yitmattaʼ be khidimtah.
Wa di hadiiye min al-Rabb.
20 Wa khalaas, wakit al-Rabb yamla galbah be l-farah,
hu ma yifakkir ziyaada fi ayyaam umrah.
Ma tihajji katiir giddaam al-Rabb
1 Ahfad nafsak,
wakit tamchi fi beet Allah.
Garrib le tasmaʼ,
da akheer min tigaddim dahiiyat al-mataamiis.
Achaan humman ma yaʼarfu
kadar gaaʼidiin yisawwu al-fasaala.
2 Ma tissaʼjal fi kalaamak
wa khalli kalaam galbak ma yamrug ajala
giddaam al-Rabb.
Achaan al-Rabb gaaʼid fi l-sama
wa inta gaaʼid fi l-ard.
Wa fi chaan da, khalli kalaamak
ma yabga katiir.
3 Achaan katarat al-chakhala
tijiib al-hilim
wa katarat al-kalaam
tijiib al-tamaasa.
4 Wakit tisawwi nazir le l-Rabb,
ma tiʼakhkhir le titimmah.
Achaan al-Rabb ma yarda
be l-mataamiis.
Khalaas, haggig kulla nazrak
al-sawweetah.
5 Akheer leek ma tisawwi nazir
min tisawwiih wa ma tihaggigah.
6 Ma tikhalli kalaamak yisawwiik muznib
wa tuguul le raajil al-diin :
«Ma nagdar nitimm nazri.
Ana sawweet khata !»
Be misil da, al-Rabb yakhdab min kalaamak
wa yidammir khidmit iideenak.
7 Achaan katarat al-hilim
zaayil saakit
Wa misil da, fi katarat al-kalaam kula,
akhaaf min al-Rabb.
Al-rachwa wa l-zulum
8 Wa kan inta chift fi balad waahide
yazulmu al-miskiin
wa yadharooh min al-hagg wa l-adaala,
ma tilʼajjab min al-cheyy da.
Achaan al-masʼuul yahmi al-masʼuul
wa fi masaaʼiil aakhariin kubaar minhum.
9 Intaaj al-ard yanfaʼ le kulla l-naas
wa l-malik waajib yahmi al-ziraaʼa.
10 Al-yihibb al-gurus ma yachbaʼ minnah
wa l-yihibb al-khuna ma yaksab.
Wa da kula zaayil saakit.
11 Wa kan al-kheer bigi katiir,
al-yaakuluuh kula yabgo katiiriin.
Wa misil da, chunu al-faayde al-yalgaaha siidah ?
Illa bichiifah be eenah bas !
12 Noom al-khaddaam halu leyah,
kan yaakul katiir wa la chiyya kula.
Wa laakin hamm al-khuna
yadhar al-noom.
13 Fi l-ard, ana chift fasaala
tajrah al-galib.
Al-khuna al-siidah yudummah
yisabbib leyah al-halaak.
14 Wa l-khuna da yiwaddir
fi chakhala al-ma indaha faayde.
Wa wileed al-khani
ma yalga cheyy yawrisah.
15 Wa misil marag min batun ammah aryaan,
yamchi fi l-khabur aryaan.
Wa min kulla khidimtah
ma yalga cheyy yiwaddiih maʼaayah.
16 Wa di kula fasaala al-tajrah al-galib.
Hu yamchi sawa sawa misil ja.
Wa chunu al-faayde al-ligiiha
min al-khidme al-sawwaaha fi l-riih ?
17 Hu waddar kulla ayyaamah fi l-dalaam
wa fi katarat al-hamm wa l-taʼab wa l-zaʼal.
18 Daahu al-ana chiftah.
Adiil le l-insaan yaakul wa yachrab
wa yalga al-kheer fi kulla khidimtah
al-yisawwiiha fi l-ard.
Yisawwi misil da
fi kulla muddit hayaatah
al-yantiiha leyah al-Rabb.
Wa da bas gismah.
19 Wa misil da, wakit al-Rabb anta naadum
maal wa khuna al-beehum hu yiʼiich,
hu yagdar yalga minhum gismah
wa yitmattaʼ be khidimtah.
Wa di hadiiye min al-Rabb.
20 Wa khalaas, wakit al-Rabb yamla galbah be l-farah,
hu ma yifakkir ziyaada fi ayyaam umrah.
