Rahabʼaam bigi malik fi Yahuuza
1 Wa wakit Rahabʼaam wassal Madiinat al-Khudus, lamma gabiilat Yahuuza wa gabiilat Banyaamiin wa azal minhum 180 000 rujaal muhaaribiin le yamchu yihaarubu gabaayil Israaʼiil fi l-munchaakh wa yigabbulu al-muluk battaan le Rahabʼaam. 2 Wa laakin Allah hajja le l-nabi Chamaʼya wa gaal leyah : 3 «Hajji le Rahabʼaam wileed Suleymaan malik Bani Yahuuza wa le kulla Bani Israaʼiil al-gaaʼidiin fi hillaal Yahuuza wa Banyaamiin. Wa guul leehum : 4 ‹Daahu Allah gaal : “Ma tamchu tihaarubu akhwaanku ! Khalli ayyi waahid yigabbil beetah achaan ana bas assast al-barjala di.”›» Wa be da, khalaas humman simʼo kalaam Allah wa gabbalo ma macho le yihaarubu Yarubaʼaam.
5 Wa Rahabʼaam sakan fi Madiinat al-Khudus wa gawwa mudun katiiriin fi mamlakat Yahuuza. 6 Wa humman mudun Beet Laham wa Itaam wa Takhuuʼa 7 wa Beet Suur wa Suuku wa Adullaam 8 wa Gaat wa Mariicha wa Ziif 9 wa Aduraayim wa Lakiich wa Aziikha 10 wa Saarʼa wa Ayyaluun wa Hibruun. Dool al-mudun al-gawiyiin hana manaatig Yahuuza wa Banyaamiin. 11 Wa Rahabʼaam hawwagaahum le l-mudun dool be daraadir gawiyiin. Wa khatta fooghum hukkaam wa sawwa makhaazin hana maʼaach wa dihin wa khamar. 12 Wa fi ayyi waahide min al-mudun dool, fi darag kubaar wa huraab. Wa gawwaahum le l-mudun dool be ziyaada achaan manaatig Yahuuza wa Banyaamiin gaaʼidiin tihit hukmah.
Rujaal al-diin wa l-Laawiyiin andammo
13 Wa rujaal al-diin wa l-Laawiyiin jo min ayyi mantaga fi kulla balad Israaʼiil wa andammo le Rahabʼaam. 14 Wa l-Laawiyiin khallo kulla bakaanhum hana l-sarha wa ard warasathum fi l-munchaakh wa macho le balad Yahuuza wa fi Madiinat al-Khudus achaan Yarubaʼaam wa iyaalah daharoohum ma yisawwu khidmit rujaal al-diin le Allah. 15 Wa laakin Yarubaʼaam darraj leyah rujaal diin aakhariin al-yakhdumu fi l-bakaanaat al-aaliyiin hana ibaadat al-asnaam hana l-tuyuus wa l-ajjaal al-hu sawwaahum.
16 Wa naas min kulla gabaayil Bani Israaʼiil al-induhum galib waahid le yitaabuʼu Allah Ilaah Bani Israaʼiil, jo fi Madiinat al-Khudus le yigaddumu dahaaya le Allah Rabb juduudhum. 17 Wa be misil da, humman gawwo mamlakat Yahuuza wa saaʼado Rahabʼaam wileed Suleymaan. Wa humman gaaʼid yitaabuʼu derib Dawuud wa Suleymaan muddit talaata sana.
Aayilat Rahabʼaam
18 Wa Rahabʼaam akhad Mahla bineeyit Yarimuut wileed Dawuud. Wa ammaha Abihaayil bineeyit Aliyaab wileed Yassa. 19 Wa Mahla jaabat leyah awlaad wa humman Yaʼuuch wa Chamarya wa Zaham. 20 Wa baʼadha, akhad Maʼaaka bineeyit Abchaluum. Wa hi jaabat leyah Abiiya wa Attaay wa Ziiza wa Chaluumit.
21 Wa Rahabʼaam indah 18 awiin wa 60 sirriiyaat wa wilid 28 wulaad wa 60 banaat wa laakin habbaaha le Maʼaaka bineeyit Abchaluum ziyaada min kulla awiinah wa sirriiyaatah. 22 Wa Rahabʼaam kabbar Abiiya wileedha le Maʼaaka fi kulla akhwaanah achaan hu yidoor yisawwiih malik baʼadah. 23 Wa Rahabʼaam bigi faahim wa chattat awlaadah fi kulla l-mudun al-gawiyiin fi balad Yahuuza wa Banyaamiin. Wa antaahum maʼaach katiir wa akhad leehum awiin katiiraat.
Rahabʼaam bigi malik fi Yahuuza
1 Wa wakit Rahabʼaam wassal Madiinat al-Khudus, lamma gabiilat Yahuuza wa gabiilat Banyaamiin wa azal minhum 180 000 rujaal muhaaribiin le yamchu yihaarubu gabaayil Israaʼiil fi l-munchaakh wa yigabbulu al-muluk battaan le Rahabʼaam. 2 Wa laakin Allah hajja le l-nabi Chamaʼya wa gaal leyah : 3 «Hajji le Rahabʼaam wileed Suleymaan malik Bani Yahuuza wa le kulla Bani Israaʼiil al-gaaʼidiin fi hillaal Yahuuza wa Banyaamiin. Wa guul leehum : 4 ‹Daahu Allah gaal : “Ma tamchu tihaarubu akhwaanku ! Khalli ayyi waahid yigabbil beetah achaan ana bas assast al-barjala di.”›» Wa be da, khalaas humman simʼo kalaam Allah wa gabbalo ma macho le yihaarubu Yarubaʼaam.
5 Wa Rahabʼaam sakan fi Madiinat al-Khudus wa gawwa mudun katiiriin fi mamlakat Yahuuza. 6 Wa humman mudun Beet Laham wa Itaam wa Takhuuʼa 7 wa Beet Suur wa Suuku wa Adullaam 8 wa Gaat wa Mariicha wa Ziif 9 wa Aduraayim wa Lakiich wa Aziikha 10 wa Saarʼa wa Ayyaluun wa Hibruun. Dool al-mudun al-gawiyiin hana manaatig Yahuuza wa Banyaamiin. 11 Wa Rahabʼaam hawwagaahum le l-mudun dool be daraadir gawiyiin. Wa khatta fooghum hukkaam wa sawwa makhaazin hana maʼaach wa dihin wa khamar. 12 Wa fi ayyi waahide min al-mudun dool, fi darag kubaar wa huraab. Wa gawwaahum le l-mudun dool be ziyaada achaan manaatig Yahuuza wa Banyaamiin gaaʼidiin tihit hukmah.
Rujaal al-diin wa l-Laawiyiin andammo
13 Wa rujaal al-diin wa l-Laawiyiin jo min ayyi mantaga fi kulla balad Israaʼiil wa andammo le Rahabʼaam. 14 Wa l-Laawiyiin khallo kulla bakaanhum hana l-sarha wa ard warasathum fi l-munchaakh wa macho le balad Yahuuza wa fi Madiinat al-Khudus achaan Yarubaʼaam wa iyaalah daharoohum ma yisawwu khidmit rujaal al-diin le Allah. 15 Wa laakin Yarubaʼaam darraj leyah rujaal diin aakhariin al-yakhdumu fi l-bakaanaat al-aaliyiin hana ibaadat al-asnaam hana l-tuyuus wa l-ajjaal al-hu sawwaahum.
16 Wa naas min kulla gabaayil Bani Israaʼiil al-induhum galib waahid le yitaabuʼu Allah Ilaah Bani Israaʼiil, jo fi Madiinat al-Khudus le yigaddumu dahaaya le Allah Rabb juduudhum. 17 Wa be misil da, humman gawwo mamlakat Yahuuza wa saaʼado Rahabʼaam wileed Suleymaan. Wa humman gaaʼid yitaabuʼu derib Dawuud wa Suleymaan muddit talaata sana.
Aayilat Rahabʼaam
18 Wa Rahabʼaam akhad Mahla bineeyit Yarimuut wileed Dawuud. Wa ammaha Abihaayil bineeyit Aliyaab wileed Yassa. 19 Wa Mahla jaabat leyah awlaad wa humman Yaʼuuch wa Chamarya wa Zaham. 20 Wa baʼadha, akhad Maʼaaka bineeyit Abchaluum. Wa hi jaabat leyah Abiiya wa Attaay wa Ziiza wa Chaluumit.
21 Wa Rahabʼaam indah 18 awiin wa 60 sirriiyaat wa wilid 28 wulaad wa 60 banaat wa laakin habbaaha le Maʼaaka bineeyit Abchaluum ziyaada min kulla awiinah wa sirriiyaatah. 22 Wa Rahabʼaam kabbar Abiiya wileedha le Maʼaaka fi kulla akhwaanah achaan hu yidoor yisawwiih malik baʼadah. 23 Wa Rahabʼaam bigi faahim wa chattat awlaadah fi kulla l-mudun al-gawiyiin fi balad Yahuuza wa Banyaamiin. Wa antaahum maʼaach katiir wa akhad leehum awiin katiiraat.
