Kalaam Allah didd al-Filistiyiin
1 Wa Allah hajja le l-nabi Irmiya kalaam bukhuss al-Filistiyiin wa da gabul Firʼoon ma yahjim madiinat Khazza. 2 Wa daahu Allah gaal :
«Chiifu, fi almi yugumm min munchaakh
wa l-almi da yabga misil waadi al-yisiil.
Wa l-seel yaakul al-balad
wa kulla cheyy al-fiiha
wa l-mudun wa sukkaanhum.
Wa l-naas yikooruku
wa kulla sukkaan al-balad yasrakho.
3 Wa min yasmaʼo chiddit harakat rijle al-kheel
wa harakat arabaathum hana harib wa ajalaathum,
al-abbahaat yiʼarrudu yikhallu iyaalhum
wa da min chiddit al-khoof.
4 Yoom kharaab kulla l-Filistiyiin ja
wa da le yidammir ayyi naadum
al-yafzaʼ mudun Suur wa Seeda.
Achaan ana Allah nidammir kulla l-Filistiyiin,
humman al-faddalo min jaziirat Kaftuur.
5 Naas mudun Khazza zayyano ruuseehum min al-hizin
wa sukkaan Achgaluun kula sakato.
Wa intu al-faddaltu fi l-sahale,
le mata tahzano wa tijarruhu jisimku ?
6 Intu tuguulu :
‹Ya khasaaritna ! Ya seef Allah !
Lahaddi mata taktul ma tinjamma ?
Adkhul fi beetak
wa anjamma ma taktul !›
7 Kikkeef al-seef da yinjamma
kan ana Allah bas amartah
le yamchi didd sukkaan Achgaluun
wa le yaktul sukkaan khachum al-bahar ?»
Kalaam Allah didd al-Filistiyiin
1 Wa Allah hajja le l-nabi Irmiya kalaam bukhuss al-Filistiyiin wa da gabul Firʼoon ma yahjim madiinat Khazza. 2 Wa daahu Allah gaal :
«Chiifu, fi almi yugumm min munchaakh
wa l-almi da yabga misil waadi al-yisiil.
Wa l-seel yaakul al-balad
wa kulla cheyy al-fiiha
wa l-mudun wa sukkaanhum.
Wa l-naas yikooruku
wa kulla sukkaan al-balad yasrakho.
3 Wa min yasmaʼo chiddit harakat rijle al-kheel
wa harakat arabaathum hana harib wa ajalaathum,
al-abbahaat yiʼarrudu yikhallu iyaalhum
wa da min chiddit al-khoof.
4 Yoom kharaab kulla l-Filistiyiin ja
wa da le yidammir ayyi naadum
al-yafzaʼ mudun Suur wa Seeda.
Achaan ana Allah nidammir kulla l-Filistiyiin,
humman al-faddalo min jaziirat Kaftuur.
5 Naas mudun Khazza zayyano ruuseehum min al-hizin
wa sukkaan Achgaluun kula sakato.
Wa intu al-faddaltu fi l-sahale,
le mata tahzano wa tijarruhu jisimku ?
6 Intu tuguulu :
‹Ya khasaaritna ! Ya seef Allah !
Lahaddi mata taktul ma tinjamma ?
Adkhul fi beetak
wa anjamma ma taktul !›
7 Kikkeef al-seef da yinjamma
kan ana Allah bas amartah
le yamchi didd sukkaan Achgaluun
wa le yaktul sukkaan khachum al-bahar ?»
