Damaar Baabil fi l-mustakhbal
1 «Anzili wa agoodi tihit fi l-rumaad,
ya madiinat Baabil al-misil bineeye udriiye !
Agoodi fi l-turaab bala kursi,
ya bineeyit al-Baabiliyiin !
Achaan battaan ma yinaaduuki
jamiile wa l-latiife.
2 Chiili murhaaka
wa arhake dagiig.
Amurgi tarhitki min raaski
wa gilli khalagki.
Akchifi dawaarijki
wa chuggi al-buhuur.
3 Wa tinkachif ooritki wa yinchaaf eebki.
Ana nichiil al-taar
wa ma fi naadum al-yiwaggifni.»
4 Wa l-yafdaana, usmah Allah al-Gaadir
Khudduus Israaʼiil.
5 «Ya bineeyit al-Baabiliyiin
agoodi saakit wa amchi fi l-dalaam.
Achaan battaan ma yinaaduuki
malikat al-mamaalik.
6 Ana khidibt didd chaʼabi
wa ma ahtaramt warasati
wa sallamtuhum leeki fi iidki.
Laakin inti aamaltiihum bala rahma
wa fi l-chaayib, khatteeti himilki al-tagiil ziyaada.
7 Wa gulti :
‹Ana nukuun malika ila l-abad !›
Laakin inti ma khatteeti al-achya dool fi galibki
wa ma fakkarti fi l-yaji fi l-akhiir.
8 Wa hassaʼ da asmaʼe,
ya inti al-tihibbi al-rujaal !
Inti gaaʼide be amaan
wa tuguuli fi galibki :
‹Ana bas gaaʼide,
ma fi cheyy balaayi !
Abadan ma nabga armala
wa la niwaddir iyaali.›
9 Laakin al-achya al-itneen dool
yajuuki be surʼa,
fi yoom waahid bas,
tiwaddiri iyaalki wa tabge armala.
Hatta be katarat sihirki
wa gudrat jannaaniyiinki kula,
al-achya dool yaju foogki be chidde.
10 Inti atwakkalti fi fasaalitki wa gulti :
‹Ma fi naadum yichiifni !›
Wa hikmitki
wa maʼrafatki laffo raaski.
Wa gulti fi galibki :
‹Ana bas gaaʼide, ma fi cheyy balaayi !›
11 Laakin yajiiki bala
al-inti ma taʼarfi tamurgi minnah
wa tagaʼ foogki masiibe
al-ma tagdare tadhareeha
wa be khafla, yajiiki kharaab
al-yoom waahid ma chiftiih.
12 «Aywa, agoodi be jannaaniyiinki wa be katarat sihirki
al-ayyeeti fooghum nafiski min inti sabiiye !
Akuun tagdare talge minhum faayde !
Akuun beehum tirajjifi naas aakhariin !
13 Inti iyiiti min katarat al-choora.
Khalaas, khalli munajjimiinki yinajjuuki !
Humman bas yigassumu al-sama
wa yichawwufu be l-nujuum.
Wa yiʼarrufuuki fi kulli chahar
be ayyi cheyy al-yaji foogki.
14 Wa daahu humman bigo
misil al-gechch al-taakulah al-naar,
ma yagdaro yinajju nufuushum
min al-lahiib.
Wa di ma naar hint jamur
al-yisawwu foogha akil
wa la naar hint hatab
al-yiddaffo foogha.
15 Wa munajjimiinki yabgo misil da,
humman al-ayyeeti nafiski fooghum,
humman tujjaarki min inti sabiiye.
Hassaʼ, ayyi waahid minhum yajri ale haalah
wa yiwadduru, ma yinajjuuki.»
Damaar Baabil fi l-mustakhbal
1 «Anzili wa agoodi tihit fi l-rumaad,
ya madiinat Baabil al-misil bineeye udriiye !
Agoodi fi l-turaab bala kursi,
ya bineeyit al-Baabiliyiin !
Achaan battaan ma yinaaduuki
jamiile wa l-latiife.
2 Chiili murhaaka
wa arhake dagiig.
Amurgi tarhitki min raaski
wa gilli khalagki.
Akchifi dawaarijki
wa chuggi al-buhuur.
3 Wa tinkachif ooritki wa yinchaaf eebki.
Ana nichiil al-taar
wa ma fi naadum al-yiwaggifni.»
4 Wa l-yafdaana, usmah Allah al-Gaadir
Khudduus Israaʼiil.
5 «Ya bineeyit al-Baabiliyiin
agoodi saakit wa amchi fi l-dalaam.
Achaan battaan ma yinaaduuki
malikat al-mamaalik.
6 Ana khidibt didd chaʼabi
wa ma ahtaramt warasati
wa sallamtuhum leeki fi iidki.
Laakin inti aamaltiihum bala rahma
wa fi l-chaayib, khatteeti himilki al-tagiil ziyaada.
7 Wa gulti :
‹Ana nukuun malika ila l-abad !›
Laakin inti ma khatteeti al-achya dool fi galibki
wa ma fakkarti fi l-yaji fi l-akhiir.
8 Wa hassaʼ da asmaʼe,
ya inti al-tihibbi al-rujaal !
Inti gaaʼide be amaan
wa tuguuli fi galibki :
‹Ana bas gaaʼide,
ma fi cheyy balaayi !
Abadan ma nabga armala
wa la niwaddir iyaali.›
9 Laakin al-achya al-itneen dool
yajuuki be surʼa,
fi yoom waahid bas,
tiwaddiri iyaalki wa tabge armala.
Hatta be katarat sihirki
wa gudrat jannaaniyiinki kula,
al-achya dool yaju foogki be chidde.
10 Inti atwakkalti fi fasaalitki wa gulti :
‹Ma fi naadum yichiifni !›
Wa hikmitki
wa maʼrafatki laffo raaski.
Wa gulti fi galibki :
‹Ana bas gaaʼide, ma fi cheyy balaayi !›
11 Laakin yajiiki bala
al-inti ma taʼarfi tamurgi minnah
wa tagaʼ foogki masiibe
al-ma tagdare tadhareeha
wa be khafla, yajiiki kharaab
al-yoom waahid ma chiftiih.
12 «Aywa, agoodi be jannaaniyiinki wa be katarat sihirki
al-ayyeeti fooghum nafiski min inti sabiiye !
Akuun tagdare talge minhum faayde !
Akuun beehum tirajjifi naas aakhariin !
13 Inti iyiiti min katarat al-choora.
Khalaas, khalli munajjimiinki yinajjuuki !
Humman bas yigassumu al-sama
wa yichawwufu be l-nujuum.
Wa yiʼarrufuuki fi kulli chahar
be ayyi cheyy al-yaji foogki.
14 Wa daahu humman bigo
misil al-gechch al-taakulah al-naar,
ma yagdaro yinajju nufuushum
min al-lahiib.
Wa di ma naar hint jamur
al-yisawwu foogha akil
wa la naar hint hatab
al-yiddaffo foogha.
15 Wa munajjimiinki yabgo misil da,
humman al-ayyeeti nafiski fooghum,
humman tujjaarki min inti sabiiye.
Hassaʼ, ayyi waahid minhum yajri ale haalah
wa yiwadduru, ma yinajjuuki.»
