Ayyuub naadum bari
1 Wa battaan Ayyuub kallam wa gaal :
2 Nahlif be l-Ilaah al-Hayy al-daharaani huguugi
wa be l-Gaadir al-jaʼal leyi al-murr !
3 Kan ruuh al-Rabb gaaʼide foogi
wa munkhari tadrub riih,
4 abadan khachmi ma yuguul fasaala
wa lisaani ma yantug be khachch.
5 Lahaddi numuut kula,
ana ma nantiiku hagg
wa ma nuguul ana ma kaamil.
6 Ana munkarib fi adaalti,
ma nikhalliiha !
Wa galbi ma indah chakk
fi kulla ayyaam hayaati !
7 Khalli aduuyi yilʼaakhab misil aasi
wa l-yugumm diddi yilʼaakhab misil mujrim !
8 Achaan intu tuguulu :
«Al-kaafir ma indah acham baʼad yumuut
wakit al-Rabb yichiil ruuhah.
9 Hal al-Rabb yasmaʼ korooraakah
fi wakit diigtah walla ?
10 Hal hu yafrah be l-Gaadir walla ?
Wa yagdar yinaadi al-Rabb
fi ayyi wakit walla ?»
11 Ana niʼallimku kikkeef gudrat al-Rabb
wa ma nilabbid leeku niiyit al-Gaadir.
12 Wa kan intu kulluku iriftuuh,
maala tihajju fi l-riih saakit ?
Suufar yihajji fi l-aasiyiin
13 Wa khalaas, daahu al-gisim al-jahhazah
al-Rabb le l-aasiyiin
wa da misil warasa al-kharrarha
al-Gaadir le l-mujrimiin.
14 Kan iyaalah yaktaro kula,
yaktulhum al-seef
wa zurriiytah ma yalgo akil.
15 Al-faddalo minhum yaktulhum al-waba
wa araamilhum ma yabkan leehum.
16 Al-aasi, kan yilimm al-fudda misil al-turaab
wa yilimm al-khulgaan be katara kula,
17 khalli yilimmuhum !
Al-saalih bas yalbashum
wa l-fudda kamaan tabga gisim le l-bari.
18 Al-aasi bana beetah daʼiif
misil beet al-itte
wa ma yitawwil
misil illiiyit al-yihaahi al-teer.
19 Hu yunuum khani wa ma yalga kafan.
Wa be khafla, yabga ma fiih.
20 Al-ruʼub yaji leyah be surʼa misil al-seel
wa amzoobaʼaane taji takhtifah fi ust al-leel.
21 Riih al-sabaah tiwaddiih wa hu yamchi
wa tichiilah min maskanah.
22 Bala rahma, al-Rabb yizarrigah be nachaachiib
wa hu yihaawil yakhnis minhum.
23 Wa l-naas yisaffugu le damaarah
wa yichchammato leyah min maarig min beetah.
Ayyuub naadum bari
1 Wa battaan Ayyuub kallam wa gaal :
2 Nahlif be l-Ilaah al-Hayy al-daharaani huguugi
wa be l-Gaadir al-jaʼal leyi al-murr !
3 Kan ruuh al-Rabb gaaʼide foogi
wa munkhari tadrub riih,
4 abadan khachmi ma yuguul fasaala
wa lisaani ma yantug be khachch.
5 Lahaddi numuut kula,
ana ma nantiiku hagg
wa ma nuguul ana ma kaamil.
6 Ana munkarib fi adaalti,
ma nikhalliiha !
Wa galbi ma indah chakk
fi kulla ayyaam hayaati !
7 Khalli aduuyi yilʼaakhab misil aasi
wa l-yugumm diddi yilʼaakhab misil mujrim !
8 Achaan intu tuguulu :
«Al-kaafir ma indah acham baʼad yumuut
wakit al-Rabb yichiil ruuhah.
9 Hal al-Rabb yasmaʼ korooraakah
fi wakit diigtah walla ?
10 Hal hu yafrah be l-Gaadir walla ?
Wa yagdar yinaadi al-Rabb
fi ayyi wakit walla ?»
11 Ana niʼallimku kikkeef gudrat al-Rabb
wa ma nilabbid leeku niiyit al-Gaadir.
12 Wa kan intu kulluku iriftuuh,
maala tihajju fi l-riih saakit ?
Suufar yihajji fi l-aasiyiin
13 Wa khalaas, daahu al-gisim al-jahhazah
al-Rabb le l-aasiyiin
wa da misil warasa al-kharrarha
al-Gaadir le l-mujrimiin.
14 Kan iyaalah yaktaro kula,
yaktulhum al-seef
wa zurriiytah ma yalgo akil.
15 Al-faddalo minhum yaktulhum al-waba
wa araamilhum ma yabkan leehum.
16 Al-aasi, kan yilimm al-fudda misil al-turaab
wa yilimm al-khulgaan be katara kula,
17 khalli yilimmuhum !
Al-saalih bas yalbashum
wa l-fudda kamaan tabga gisim le l-bari.
18 Al-aasi bana beetah daʼiif
misil beet al-itte
wa ma yitawwil
misil illiiyit al-yihaahi al-teer.
19 Hu yunuum khani wa ma yalga kafan.
Wa be khafla, yabga ma fiih.
20 Al-ruʼub yaji leyah be surʼa misil al-seel
wa amzoobaʼaane taji takhtifah fi ust al-leel.
21 Riih al-sabaah tiwaddiih wa hu yamchi
wa tichiilah min maskanah.
22 Bala rahma, al-Rabb yizarrigah be nachaachiib
wa hu yihaawil yakhnis minhum.
23 Wa l-naas yisaffugu le damaarah
wa yichchammato leyah min maarig min beetah.
