Al-Masiih baan le Chaawuul
1 Wa laakin Chaawuul lissaaʼah zaʼlaan wa gaaʼid yihaddidhum be l-katil le talaamiiz al-Rabb Isa. Wa macha le kabiir rujaal al-diin 2 wa talab minnah jawaabaat le buyuut al-sala fi madiinat Dimachkh. Wa fi l-jawaabaat dool, yantuuh izin achaan yakrub ayyi naadum al-yitaabiʼ derib Isa al-Masiih, kan raajil walla mara. Wa fi ayyi bakaan al-yalgaahum foogah, yakrubhum wa yiwaddiihum mugayyadiin fi Madiinat al-Khudus.
3 Wa Chaawuul macha. Wa wakit garrab le Dimachkh, fajʼatan nuur chadiid min al-sama daawa foogah. 4 Wa Chaawuul wagaʼ fi l-turaab wa simiʼ hiss naadum gaaʼid yikallim leyah wa yuguul : «Ya Chaawuul, ya Chaawuul ! Maalak titaʼʼibni ?» 5 Wa Chaawuul saʼalah wa gaal : «Ya l-sayyid, inta yaatu ?» Wa l-hiss gaal : «Ana Isa al-inta gaaʼid titaʼʼibah. 6 Gumm wa adkhul fi Dimachkh wa naadum waahid yiʼooriik be l-cheyy al-waajib tisawwiih.»
7 Wa l-naas al-maachiin maʼa Chaawuul wagafo wa sakato min al-ajab achaan simʼo al-hiss wa laakin ma chaafo naadum. 8 Wa wakit Chaawuul gamma foog wa fakka uyuunah ma gidir yichiif cheyy. Wa karabooh min iideenah wa waddooh fi Dimachkh. 9 Wa talaata yoom ma yichiif cheyy wa la yaakul wa la yachrab.
10 Wa naadum waahid gaaʼid fi Dimachkh usmah Hanaaniiya wa hu tilmiiz al-Masiih. Al-Rabb Isa baan leyah fi ruʼya wa gaal : «Ya Hanaaniiya !» Wa Hanaaniiya radda leyah wa gaal : «Naʼam, ya Rabb.» 11 Wa l-Rabb kallam leyah wa gaal : «Amchi fi l-chaariʼ al-usmah al-Mustakhiim wa amchi fi beet hana Yahuuza. Asʼal min al-naadum al-min hillit Tarsuus al-usmah Chaawuul achaan hassaʼ hu gaaʼid yisalli. 12 Wa fi salaatah, hu riʼi wa fi l-ruʼya, hu chaaf naadum usmah Hanaaniiya dakhal fi beetah wa khatta iideenah foogah achaan uyuunah yinfathu.»
13 Wa Hanaaniiya radda leyah wa gaal : «Ya Rabbina, simiʼt khabar min naas katiiriin yuguulu al-raajil da sawwa amal cheen fi naasak al-saalihiin fi Madiinat al-Khudus. 14 Wa yuguulu hu ja hini be izin kubaaraat rujaal al-diin achaan yakrub ayyi naadum al-yadʼi be usmak.» 15 Wa l-Rabb hajja leyah wa gaal : «Amchi bas. Al-raajil da, ana azaltah achaan yabga khaddaami wa yamchi yibachchir be usmi le l-naas al-ma Yahuud wa le muluukhum wa le Bani Israaʼiil. 16 Wa ana bas niwassif leyah al-taʼab al-chadiid al-hu yatʼabah fi chaani ana.»
17 Wa khalaas, Hanaaniiya gamma wa macha fi beet Yahuuza wa khatta iideenah fi Chaawuul wa gaal : «Ya akhuuna Chaawuul, Rabbina Isa baan leek fi l-derib wakit inta jaayi hini wa hu bas rassalaani leek achaan tichiif battaan wa tinmali be l-Ruuh al-Khudduus.» 18 Wa tawwaali, chokhol misil gichir wagaʼ min uyuunah wa battaan gamma yichiif. Wa Chaawuul gamma foog wa khattasooh. 19 Wa akal wa ligi gudra. Wa gaʼad ayyaam chiyya maʼa l-talaamiiz fi Dimachkh.
Chaawuul fi Dimachkh
20 Wa tawwaali ke, Chaawuul macha fi buyuut al-sala wa ballakh al-naas be Isa wa gaal kadar Isa hu Ibn Allah. 21 Wa kulla l-naas al-simʼo kalaamah alʼajjabo marra waahid wa gaalo : «Da bas al-naadum al-gamma fi Madiinat al-Khudus wa taʼʼab al-naas al-yadʼu be usum Isa. Wa daahu ja hini achaan yakrubhum wa yiwaddiihum fi bakaan kubaaraat rujaal al-diin.»
22 Laakin Chaawuul bigi gawi ziyaada. Wa l-Yahuud al-fi Dimachkh ma gidro yikhaalufuuh achaan be kalaam waadih hu gaaʼid yisabbit leehum kadar Isa hu al-Masiih. 23 Wa baʼad Chaawuul gaʼad ayyaam fi Dimachkh, al-Yahuud achchaawaro ambeenaathum achaan yaktuluuh. 24 Wa Chaawuul simiʼ khabar muʼaamarathum. Wa l-Yahuud gaaʼidiin yarjooh fi biibaan al-madiina leel wa nahaar achaan yaktuluuh. 25 Wa khalaas be l-leel, waahidiin min talaamiizah waddo Chaawuul le durdur al-madiina wa dassooh fi chabaka kabiire wa dallooh tihit be habil khaadi min al-durdur.
Chaawuul fi Madiinat al-Khudus
26 Wa Chaawuul macha fi Madiinat al-Khudus wa dawwar yilimm maʼa talaamiiz al-Masiih wa laakin humman ma saddago kadar hu kula tilmiiz wa humman khaayfiin minnah. 27 Wa Barnaaba lamma maʼa Chaawuul wa gaddamah le l-rusul. Wa Barnaaba ooraahum be kikkeef al-Rabb baan le Chaawuul fi derib Dimachkh wa kallam leyah. Wa ooraahum be kikkeef Chaawuul gamma bala khoof fi Dimachkh wa ballakh al-bichaara be usum al-Rabb Isa.
28 Wa khalaas, Chaawuul bada yakhdim maʼaahum fi Madiinat al-Khudus wa gaaʼid yiballikh bala khoof al-bichaara be usum Isa. 29 Wa kallam le l-Yahuud al-yihajju be kalaam yuunaani wa khaalataahum. Wa humman alʼaamaro foogah achaan yaktuluuh. 30 Wa l-akhwaan simʼo be l-kalaam da wa waddo Chaawuul fi khachum al-bahar fi hillit Geesariiya. Wa min hinaak, rassalooh fi Tarsuus.
31 Wa khalaas, ummat al-Masiih al-fi daar al-Yahuudiiya wa fi daar al-Jaliil wa fi daar al-Saamira gaaʼide be aafe wa salaam. Wa kulla l-muʼminiin khaayfiin min al-Rabb wa l-Ruuh al-Khudduus chajjaʼaahum wa adadhum zaad.
Amal Butrus fi Ludda wa Yaafa
32 Wa Butrus gaaʼid yamchi min hille le hille wa khalaas macha le l-muʼminiin al-gaaʼidiin fi hillit Ludda. 33 Wa ligi naadum waahid mukarsah usmah Inyaas. Min tamaane sana, hu raagid fi l-sariir. 34 Wa Butrus hajja leyah wa gaal : «Ya Inyaas, Isa al-Masiih yachfiik. Gumm foog wa tabbig sariirak.» Wa tawwaali, Inyaas gamma wa ligi al-aafe. 35 Wa kulla sukkaan Ludda wa Chaaruun chaafooh wa aamano be l-Rabb Isa.
36 Wa mara waahide gaaʼide fi hillit Yaafa usumha Taabiita wa be kalaam yuunaani, da Duurkaas maʼanaatah khazaala. Wa hi kula min al-talaamiiz. Wa kulli yoom, hi gaaʼide tisaaʼid al-masaakiin wa hi daayman chakhkhaala be amal al-kheer. 37 Wa fi l-wakit da, hi bigat mardaane wa maatat. Wa barradooha wa khatto janaazitha fi l-gasir al-taani. 38 Wa l-talaamiiz al-fi Yaafa simʼo khabar Butrus gaaʼid fi Ludda. Wa Ludda ma baʼiide min Yaafa wa khalaas rassalo rujaal itneen achaan yinaaduuh wa yuguulu leyah : «Taʼaal leena ajala.»
39 Wa Butrus gamma macha maʼaahum. Wa wakit ja fi l-beet, waddooh foog fi l-bakaan al-hi raagde foogah. Wa kulla l-ajaayiz al-miskiinaat gaaʼidaat yabkan wa machan le Butrus achaan yiwassifan leyah al-lubaas wa l-khulgaan al-Duurkaas khayyatathum wakit hi hayye. 40 Wa Butrus talab min kulla l-naas al-haadiriin yamurgu barra.
Wa wakit marago, hu barak wa saʼal Allah. Wa baʼad da, hu anlafat le l-janaaza wa gaal : «Ya Taabiita, gummi foog !» Wa hi fakkat uyuunha. Wa wakit chaafat Butrus, hi gammat be heelha. 41 Wa Butrus karabha min iideenha wa aawanaaha wa hi gammat foog. Wa naada kulla l-saalihiin wa l-ajaayiz wa khalaas gaddamaaha leehum hayye.
42 Wa kulla naas hillit Yaafa simʼo be l-ajab da wa naas katiiriin aamano be l-Rabb Isa. 43 Wa Butrus gaʼad ayyaam fi Yaafa wa sakan fi beet dabbaakhi waahid usmah Simʼaan.
Al-Masiih baan le Chaawuul
1 Wa laakin Chaawuul lissaaʼah zaʼlaan wa gaaʼid yihaddidhum be l-katil le talaamiiz al-Rabb Isa. Wa macha le kabiir rujaal al-diin 2 wa talab minnah jawaabaat le buyuut al-sala fi madiinat Dimachkh. Wa fi l-jawaabaat dool, yantuuh izin achaan yakrub ayyi naadum al-yitaabiʼ derib Isa al-Masiih, kan raajil walla mara. Wa fi ayyi bakaan al-yalgaahum foogah, yakrubhum wa yiwaddiihum mugayyadiin fi Madiinat al-Khudus.
3 Wa Chaawuul macha. Wa wakit garrab le Dimachkh, fajʼatan nuur chadiid min al-sama daawa foogah. 4 Wa Chaawuul wagaʼ fi l-turaab wa simiʼ hiss naadum gaaʼid yikallim leyah wa yuguul : «Ya Chaawuul, ya Chaawuul ! Maalak titaʼʼibni ?» 5 Wa Chaawuul saʼalah wa gaal : «Ya l-sayyid, inta yaatu ?» Wa l-hiss gaal : «Ana Isa al-inta gaaʼid titaʼʼibah. 6 Gumm wa adkhul fi Dimachkh wa naadum waahid yiʼooriik be l-cheyy al-waajib tisawwiih.»
7 Wa l-naas al-maachiin maʼa Chaawuul wagafo wa sakato min al-ajab achaan simʼo al-hiss wa laakin ma chaafo naadum. 8 Wa wakit Chaawuul gamma foog wa fakka uyuunah ma gidir yichiif cheyy. Wa karabooh min iideenah wa waddooh fi Dimachkh. 9 Wa talaata yoom ma yichiif cheyy wa la yaakul wa la yachrab.
10 Wa naadum waahid gaaʼid fi Dimachkh usmah Hanaaniiya wa hu tilmiiz al-Masiih. Al-Rabb Isa baan leyah fi ruʼya wa gaal : «Ya Hanaaniiya !» Wa Hanaaniiya radda leyah wa gaal : «Naʼam, ya Rabb.» 11 Wa l-Rabb kallam leyah wa gaal : «Amchi fi l-chaariʼ al-usmah al-Mustakhiim wa amchi fi beet hana Yahuuza. Asʼal min al-naadum al-min hillit Tarsuus al-usmah Chaawuul achaan hassaʼ hu gaaʼid yisalli. 12 Wa fi salaatah, hu riʼi wa fi l-ruʼya, hu chaaf naadum usmah Hanaaniiya dakhal fi beetah wa khatta iideenah foogah achaan uyuunah yinfathu.»
13 Wa Hanaaniiya radda leyah wa gaal : «Ya Rabbina, simiʼt khabar min naas katiiriin yuguulu al-raajil da sawwa amal cheen fi naasak al-saalihiin fi Madiinat al-Khudus. 14 Wa yuguulu hu ja hini be izin kubaaraat rujaal al-diin achaan yakrub ayyi naadum al-yadʼi be usmak.» 15 Wa l-Rabb hajja leyah wa gaal : «Amchi bas. Al-raajil da, ana azaltah achaan yabga khaddaami wa yamchi yibachchir be usmi le l-naas al-ma Yahuud wa le muluukhum wa le Bani Israaʼiil. 16 Wa ana bas niwassif leyah al-taʼab al-chadiid al-hu yatʼabah fi chaani ana.»
17 Wa khalaas, Hanaaniiya gamma wa macha fi beet Yahuuza wa khatta iideenah fi Chaawuul wa gaal : «Ya akhuuna Chaawuul, Rabbina Isa baan leek fi l-derib wakit inta jaayi hini wa hu bas rassalaani leek achaan tichiif battaan wa tinmali be l-Ruuh al-Khudduus.» 18 Wa tawwaali, chokhol misil gichir wagaʼ min uyuunah wa battaan gamma yichiif. Wa Chaawuul gamma foog wa khattasooh. 19 Wa akal wa ligi gudra. Wa gaʼad ayyaam chiyya maʼa l-talaamiiz fi Dimachkh.
Chaawuul fi Dimachkh
20 Wa tawwaali ke, Chaawuul macha fi buyuut al-sala wa ballakh al-naas be Isa wa gaal kadar Isa hu Ibn Allah. 21 Wa kulla l-naas al-simʼo kalaamah alʼajjabo marra waahid wa gaalo : «Da bas al-naadum al-gamma fi Madiinat al-Khudus wa taʼʼab al-naas al-yadʼu be usum Isa. Wa daahu ja hini achaan yakrubhum wa yiwaddiihum fi bakaan kubaaraat rujaal al-diin.»
22 Laakin Chaawuul bigi gawi ziyaada. Wa l-Yahuud al-fi Dimachkh ma gidro yikhaalufuuh achaan be kalaam waadih hu gaaʼid yisabbit leehum kadar Isa hu al-Masiih. 23 Wa baʼad Chaawuul gaʼad ayyaam fi Dimachkh, al-Yahuud achchaawaro ambeenaathum achaan yaktuluuh. 24 Wa Chaawuul simiʼ khabar muʼaamarathum. Wa l-Yahuud gaaʼidiin yarjooh fi biibaan al-madiina leel wa nahaar achaan yaktuluuh. 25 Wa khalaas be l-leel, waahidiin min talaamiizah waddo Chaawuul le durdur al-madiina wa dassooh fi chabaka kabiire wa dallooh tihit be habil khaadi min al-durdur.
Chaawuul fi Madiinat al-Khudus
26 Wa Chaawuul macha fi Madiinat al-Khudus wa dawwar yilimm maʼa talaamiiz al-Masiih wa laakin humman ma saddago kadar hu kula tilmiiz wa humman khaayfiin minnah. 27 Wa Barnaaba lamma maʼa Chaawuul wa gaddamah le l-rusul. Wa Barnaaba ooraahum be kikkeef al-Rabb baan le Chaawuul fi derib Dimachkh wa kallam leyah. Wa ooraahum be kikkeef Chaawuul gamma bala khoof fi Dimachkh wa ballakh al-bichaara be usum al-Rabb Isa.
28 Wa khalaas, Chaawuul bada yakhdim maʼaahum fi Madiinat al-Khudus wa gaaʼid yiballikh bala khoof al-bichaara be usum Isa. 29 Wa kallam le l-Yahuud al-yihajju be kalaam yuunaani wa khaalataahum. Wa humman alʼaamaro foogah achaan yaktuluuh. 30 Wa l-akhwaan simʼo be l-kalaam da wa waddo Chaawuul fi khachum al-bahar fi hillit Geesariiya. Wa min hinaak, rassalooh fi Tarsuus.
31 Wa khalaas, ummat al-Masiih al-fi daar al-Yahuudiiya wa fi daar al-Jaliil wa fi daar al-Saamira gaaʼide be aafe wa salaam. Wa kulla l-muʼminiin khaayfiin min al-Rabb wa l-Ruuh al-Khudduus chajjaʼaahum wa adadhum zaad.
Amal Butrus fi Ludda wa Yaafa
32 Wa Butrus gaaʼid yamchi min hille le hille wa khalaas macha le l-muʼminiin al-gaaʼidiin fi hillit Ludda. 33 Wa ligi naadum waahid mukarsah usmah Inyaas. Min tamaane sana, hu raagid fi l-sariir. 34 Wa Butrus hajja leyah wa gaal : «Ya Inyaas, Isa al-Masiih yachfiik. Gumm foog wa tabbig sariirak.» Wa tawwaali, Inyaas gamma wa ligi al-aafe. 35 Wa kulla sukkaan Ludda wa Chaaruun chaafooh wa aamano be l-Rabb Isa.
36 Wa mara waahide gaaʼide fi hillit Yaafa usumha Taabiita wa be kalaam yuunaani, da Duurkaas maʼanaatah khazaala. Wa hi kula min al-talaamiiz. Wa kulli yoom, hi gaaʼide tisaaʼid al-masaakiin wa hi daayman chakhkhaala be amal al-kheer. 37 Wa fi l-wakit da, hi bigat mardaane wa maatat. Wa barradooha wa khatto janaazitha fi l-gasir al-taani. 38 Wa l-talaamiiz al-fi Yaafa simʼo khabar Butrus gaaʼid fi Ludda. Wa Ludda ma baʼiide min Yaafa wa khalaas rassalo rujaal itneen achaan yinaaduuh wa yuguulu leyah : «Taʼaal leena ajala.»
39 Wa Butrus gamma macha maʼaahum. Wa wakit ja fi l-beet, waddooh foog fi l-bakaan al-hi raagde foogah. Wa kulla l-ajaayiz al-miskiinaat gaaʼidaat yabkan wa machan le Butrus achaan yiwassifan leyah al-lubaas wa l-khulgaan al-Duurkaas khayyatathum wakit hi hayye. 40 Wa Butrus talab min kulla l-naas al-haadiriin yamurgu barra.
Wa wakit marago, hu barak wa saʼal Allah. Wa baʼad da, hu anlafat le l-janaaza wa gaal : «Ya Taabiita, gummi foog !» Wa hi fakkat uyuunha. Wa wakit chaafat Butrus, hi gammat be heelha. 41 Wa Butrus karabha min iideenha wa aawanaaha wa hi gammat foog. Wa naada kulla l-saalihiin wa l-ajaayiz wa khalaas gaddamaaha leehum hayye.
42 Wa kulla naas hillit Yaafa simʼo be l-ajab da wa naas katiiriin aamano be l-Rabb Isa. 43 Wa Butrus gaʼad ayyaam fi Yaafa wa sakan fi beet dabbaakhi waahid usmah Simʼaan.
