Huguug rasuul al-Masiih
1 Ana ma naadum hurr walla ? Ana ma rasuul al-Masiih walla ? Ana ma chift Isa Rabbina walla ? Wa taʼarfu kadar be khidimti ana bas, intu aamantu be Rabbina. 2 Kan fi fikir al-naas al-aakhariin ana ma rasuul kula, akiid leeku intu ana rasuul achaan al-alaakha al-induku maʼa Rabbina hi zaatha al-daliil al-yisabbit kadar ana rasuul be l-sahiih. 3 Wa misil da bas, ana gaaʼid nidaafiʼ le nafsi giddaam al-naas al-yuluumuuni.
4 Hal ma indina hagg nichiilu minku akil wa charaab walla ? 5 Hal ma indina hagg nichiilu zooja muʼmine le tiraafigna fi safarna walla ? Da bas al-cheyy al-gaaʼidiin yisawwuuh al-rusul al-aakhariin wa akhwaan Rabbina Isa wa Butrus kula. 6 Ana wa Barnaaba niʼiichu be khidmit duraaʼna. Hal aniina wiheedna bas ma indina hagg nichiilu maʼaachna min al-muʼminiin walla ? 7 Ween al-askari al-yikaffi nafsah ? Ween al-naadum al-yimaggin jineene hana inab wa ma yaakul min fawaakihha ? Ween al-raaʼi al-yasrah be l-khanam wa ma yachrab labanhum ?
8 Wa l-kalaam da ma hasab aadaat al-naas bas. Al-Tawraat kula buguul nafs al-cheyy. 9 Masalan, maktuub fi Tawraat Muusa : <Wakit al-toor gaaʼid yifajjikh leek al-khalla fi l-madagg, ma tarbut khachmah. Khalli yaakul.> Hal al-tiiraan bas Allah yihimm beehum walla ? 10 Akiid, Allah gaal al-kalaam da fi chaanna aniina kula. Aywa, al-kalaam da maktuub le faayditna. Wa da misil al-harraati al-yahrit fi l-zereʼ wa l-naadum al-yudugg al-khalla fi l-madagg yakhdumu be acham achaan yalgo cheyy min al-khalla di.
11 Kan aniina zaraʼna foogku cheyy jaayi min Allah wa natulbu minku cheyy hana l-dunya, hal natulbu minku ziyaada min al-waajib walla ? Abadan. 12 Wa kan fi naas aakhariin induhum hagg yichiilu minku, aniina kula indina hagg ziyaada. Laakin aniina ma chilna cheyy al-indina foogah hagg. La. Be sabur tiʼibna katiir achaan al-taʼab akheer leena min nisawwu ayyi cheyy al-yisidd al-derib le ballikhiin bichaarat al-Masiih. 13 Akiid, taʼarfu kadar al-naas al-yakhdumu fi beet al-ibaada yalgo maʼaachhum min beet al-ibaada wa l-naas al-yigaddumu dahaaya fi l-madbah yaakulu min al-laham. 14 Wa misil da, Rabbina Isa amar wa gaal kadar al-naas al-khidmithum ballikhiin bichaarat al-Masiih, humman yalgo minha maʼaachhum.
15 Laakin al-cheyy al-indi foogah hagg le nichiilah, ana abadan ma chiltah. Wa hassaʼ da, ana ma gaaʼid naktib al-kalaam da le nalga minku cheyy. Akheer leyi numuut ! Achaan al-cheyy al-narfaʼ beyah raasi giddaam ayyi naadum, ma nikhalli naadum yichiilah minni. 16 Sahiih, ana gaaʼid niballikh bichaarat al-Masiih laakin da ma yantiini sabab le nistakbar beyah. La ! Al-ballikhiin da, Allah amaraani beyah. Al-azaab leyi kan ana ma niballikh al-bichaara di. 17 Kan nisawwi al-khidme di achaan ana nidoorha bas, al-ujra waajbe leyi. Laakin ana ma azalt al-khidme di be niiyti. Allah bas kallafaani beeha. 18 Wa be misil da, ujurti chunu ? Kan al-naas al-niballikh leehum al-bichaara ma yikaffu cheyy achaan ana abeet ma nichiil al-indi foogah hagg min ballikhiin al-bichaara, khalaas di bas ujurti. Wa ana farhaan bilheen.
19 Sahiih, ana hurr wa ana ma abid hana ayyi naadum. Laakin ana jaʼalt nafsi misil abid hana kulla l-naas le nijiib naas ziyaada fi derib al-naja. 20 Kan ana gaaʼid fi ust al-Yahuud, ana nitaabiʼ aadaat al-Yahuud le nijiibhum fi derib al-naja. Aywa, kan ana gaaʼid ambeenaat al-naas al-yitaabuʼu churuut al-Tawraat, ana kula nabga misil naadum yitaabiʼ churuut al-Tawraat. Wa be l-sahiih, ana ma tihit churuut al-Tawraat laakin nidoor nijiib al-naas al-gaaʼidiin tihit churuut al-Tawraat fi derib al-naja. 21 Wa kan ana gaaʼid maʼa l-naas al-ma Yahuud, maʼanaatah al-ma tihit churuut al-Tawraat, ana nisawwi nafsi misilhum humman al-ma gaaʼidiin tihit churuut al-Tawraat le nijiibhum fi derib al-naja le l-naas al-ma tihit churuut al-Tawraat. Wa be l-sahiih, ana ma abeet churuut Allah achaan ana gaaʼid nitaabiʼ churuut al-Masiih.
22 Wa kan ana gaaʼid maʼa l-naas al-ma induhum gudra, ana kula nisawwi nafsi naadum al-ma indah gudra le nijiib al-ma induhum gudra fi derib al-naja. Ana nisawwi nafsi misil ayyi naadum fi ayyi haal le ninajji waahidiin minhum be ayyi daliil. 23 Wa khalaas, da kulla ke nisawwiih fi chaan ballikhiin bichaarat al-Masiih le nichaarik fi barakaatha.
24 Taʼarfu kadar fi l-sabag, kulla l-naas yajru laakin waahid minhum bas yalga al-jaaʼiza. Chiilu al-masal da wa jaahudu fi derib al-iimaan achaan talgo jaaʼiza. 25 Wa naʼarfu kan naadum riyaadi, hu yisabbit nafsah fi ayyi haal wa yijaahid. Wa l-jaaʼiza al-hu yidoor yalgaaha di, hi tatlaf ajala. Laakin aniina nijaahudu achaan nalgo al-jaaʼiza al-abadan ma tatlaf. 26 Achaan da, fi derib al-iimaan ana jaari giddaam be niiye waahide. Nisawwi nafsi misil al-mulaakim al-chadiid wa ma nadrub fi l-riih saakit. 27 Aywa, ana niwallif jismi al-taʼab le nissaytar foogah. Achaan kan ma nissaytar fi nafsi, akuun ninaadi al-naas fi derib al-naja laakin fi l-akhiir, ana zaati yadharooni min al-jaaʼiza.
Huguug rasuul al-Masiih
1 Ana ma naadum hurr walla ? Ana ma rasuul al-Masiih walla ? Ana ma chift Isa Rabbina walla ? Wa taʼarfu kadar be khidimti ana bas, intu aamantu be Rabbina. 2 Kan fi fikir al-naas al-aakhariin ana ma rasuul kula, akiid leeku intu ana rasuul achaan al-alaakha al-induku maʼa Rabbina hi zaatha al-daliil al-yisabbit kadar ana rasuul be l-sahiih. 3 Wa misil da bas, ana gaaʼid nidaafiʼ le nafsi giddaam al-naas al-yuluumuuni.
4 Hal ma indina hagg nichiilu minku akil wa charaab walla ? 5 Hal ma indina hagg nichiilu zooja muʼmine le tiraafigna fi safarna walla ? Da bas al-cheyy al-gaaʼidiin yisawwuuh al-rusul al-aakhariin wa akhwaan Rabbina Isa wa Butrus kula. 6 Ana wa Barnaaba niʼiichu be khidmit duraaʼna. Hal aniina wiheedna bas ma indina hagg nichiilu maʼaachna min al-muʼminiin walla ? 7 Ween al-askari al-yikaffi nafsah ? Ween al-naadum al-yimaggin jineene hana inab wa ma yaakul min fawaakihha ? Ween al-raaʼi al-yasrah be l-khanam wa ma yachrab labanhum ?
8 Wa l-kalaam da ma hasab aadaat al-naas bas. Al-Tawraat kula buguul nafs al-cheyy. 9 Masalan, maktuub fi Tawraat Muusa : <Wakit al-toor gaaʼid yifajjikh leek al-khalla fi l-madagg, ma tarbut khachmah. Khalli yaakul.> Hal al-tiiraan bas Allah yihimm beehum walla ? 10 Akiid, Allah gaal al-kalaam da fi chaanna aniina kula. Aywa, al-kalaam da maktuub le faayditna. Wa da misil al-harraati al-yahrit fi l-zereʼ wa l-naadum al-yudugg al-khalla fi l-madagg yakhdumu be acham achaan yalgo cheyy min al-khalla di.
11 Kan aniina zaraʼna foogku cheyy jaayi min Allah wa natulbu minku cheyy hana l-dunya, hal natulbu minku ziyaada min al-waajib walla ? Abadan. 12 Wa kan fi naas aakhariin induhum hagg yichiilu minku, aniina kula indina hagg ziyaada. Laakin aniina ma chilna cheyy al-indina foogah hagg. La. Be sabur tiʼibna katiir achaan al-taʼab akheer leena min nisawwu ayyi cheyy al-yisidd al-derib le ballikhiin bichaarat al-Masiih. 13 Akiid, taʼarfu kadar al-naas al-yakhdumu fi beet al-ibaada yalgo maʼaachhum min beet al-ibaada wa l-naas al-yigaddumu dahaaya fi l-madbah yaakulu min al-laham. 14 Wa misil da, Rabbina Isa amar wa gaal kadar al-naas al-khidmithum ballikhiin bichaarat al-Masiih, humman yalgo minha maʼaachhum.
15 Laakin al-cheyy al-indi foogah hagg le nichiilah, ana abadan ma chiltah. Wa hassaʼ da, ana ma gaaʼid naktib al-kalaam da le nalga minku cheyy. Akheer leyi numuut ! Achaan al-cheyy al-narfaʼ beyah raasi giddaam ayyi naadum, ma nikhalli naadum yichiilah minni. 16 Sahiih, ana gaaʼid niballikh bichaarat al-Masiih laakin da ma yantiini sabab le nistakbar beyah. La ! Al-ballikhiin da, Allah amaraani beyah. Al-azaab leyi kan ana ma niballikh al-bichaara di. 17 Kan nisawwi al-khidme di achaan ana nidoorha bas, al-ujra waajbe leyi. Laakin ana ma azalt al-khidme di be niiyti. Allah bas kallafaani beeha. 18 Wa be misil da, ujurti chunu ? Kan al-naas al-niballikh leehum al-bichaara ma yikaffu cheyy achaan ana abeet ma nichiil al-indi foogah hagg min ballikhiin al-bichaara, khalaas di bas ujurti. Wa ana farhaan bilheen.
19 Sahiih, ana hurr wa ana ma abid hana ayyi naadum. Laakin ana jaʼalt nafsi misil abid hana kulla l-naas le nijiib naas ziyaada fi derib al-naja. 20 Kan ana gaaʼid fi ust al-Yahuud, ana nitaabiʼ aadaat al-Yahuud le nijiibhum fi derib al-naja. Aywa, kan ana gaaʼid ambeenaat al-naas al-yitaabuʼu churuut al-Tawraat, ana kula nabga misil naadum yitaabiʼ churuut al-Tawraat. Wa be l-sahiih, ana ma tihit churuut al-Tawraat laakin nidoor nijiib al-naas al-gaaʼidiin tihit churuut al-Tawraat fi derib al-naja. 21 Wa kan ana gaaʼid maʼa l-naas al-ma Yahuud, maʼanaatah al-ma tihit churuut al-Tawraat, ana nisawwi nafsi misilhum humman al-ma gaaʼidiin tihit churuut al-Tawraat le nijiibhum fi derib al-naja le l-naas al-ma tihit churuut al-Tawraat. Wa be l-sahiih, ana ma abeet churuut Allah achaan ana gaaʼid nitaabiʼ churuut al-Masiih.
22 Wa kan ana gaaʼid maʼa l-naas al-ma induhum gudra, ana kula nisawwi nafsi naadum al-ma indah gudra le nijiib al-ma induhum gudra fi derib al-naja. Ana nisawwi nafsi misil ayyi naadum fi ayyi haal le ninajji waahidiin minhum be ayyi daliil. 23 Wa khalaas, da kulla ke nisawwiih fi chaan ballikhiin bichaarat al-Masiih le nichaarik fi barakaatha.
24 Taʼarfu kadar fi l-sabag, kulla l-naas yajru laakin waahid minhum bas yalga al-jaaʼiza. Chiilu al-masal da wa jaahudu fi derib al-iimaan achaan talgo jaaʼiza. 25 Wa naʼarfu kan naadum riyaadi, hu yisabbit nafsah fi ayyi haal wa yijaahid. Wa l-jaaʼiza al-hu yidoor yalgaaha di, hi tatlaf ajala. Laakin aniina nijaahudu achaan nalgo al-jaaʼiza al-abadan ma tatlaf. 26 Achaan da, fi derib al-iimaan ana jaari giddaam be niiye waahide. Nisawwi nafsi misil al-mulaakim al-chadiid wa ma nadrub fi l-riih saakit. 27 Aywa, ana niwallif jismi al-taʼab le nissaytar foogah. Achaan kan ma nissaytar fi nafsi, akuun ninaadi al-naas fi derib al-naja laakin fi l-akhiir, ana zaati yadharooni min al-jaaʼiza.
