Sidkhiiya dawwar yasʼalo leyah Allah
1 Sidkhiiya wileed Yuuchiiya bigi malik fi badal Yuyakiin wileed Yahuuyakhim. Wa da Nabuukhadnasar malik Baabil bas al-darrajah malik fi balad Yahuuza. 2 Wa la malik Sidkhiiya wa la kubaaraatah wa la chaʼab baladah ma yasmaʼo kalaam Allah al-hajjaah be waasitat al-nabi Irmiya.
3 Wa be da kula, al-malik Sidkhiiya rassal Yahuukal wileed Chalamya wa Safanya wileed Maʼasiiya raajil al-diin achaan yuguulu le l-nabi Irmiya : «Min fadlak, asʼal Allah Ilaahna fi chaanna !» 4 Wa fi l-wakit daak, al-nabi Irmiya lissaaʼ ma karabooh fi l-sijin. Hu gaaʼid yamchi jaay wa jaay fi lubb al-chaʼab. 5 Wa wakit al-Baabiliyiin gaaʼidiin yihaasuru Madiinat al-Khudus, simʼo kadar deech Firʼoon malik Masir marag min baladah wa jaayi. Wa khalaas, al-Baabiliyiin baʼʼado min Madiinat al-Khudus.
6 Wa khalaas, Allah hajja le l-nabi Irmiya wa gaal : 7 «Hajji le l-murassaliin dool wa guul leehum : ‹Daahu Allah Ilaah Bani Israaʼiil gaal : Amchu le malik Yahuuza al-rassalaaku leyi le tasʼalooni. Wa guulu leyah : “Daahu deech Firʼoon al-marag le yafzaʼku yigabbil fi baladah Masir. 8 Wa khalaas, al-Baabiliyiin yaju battaan yahjumu al-madiina di wa yichiiluuha wa yiharruguuha.” 9 Wa daahu Allah gaal : “Ma tukhuchchu nufuusku wa tuguulu al-Baabiliyiin macho baʼiid minku. Abadan humman ma yikhalluuku. 10 Hatta kan nasartu fi kulla deech al-Baabiliyiin al-gaaʼidiin yihaarubuuku kula, kan faddalo minhum illa rujaal majruuhiin wa raagdiin fi khiyamhum kula, humman yugummu wa yiharrugu al-madiina di.”›»
Irmiya tahamooh wa sajanooh
11 Wa wakit deech al-Baabiliyiin baʼʼad min Madiinat al-Khudus be sabab deech Firʼoon, 12 Irmiya dawwar yamrug min Madiinat al-Khudus le yamchi ard gabiilat Banyaamiin. Wa hinaak yalga ard warasatah fi usut aayiltah. 13 Wa wakit hu ja fi baab al-madiina al-usmah Banyaamiin, hu ligi kabiir al-hurraas al-usmah Yiriya wileed Chalamya wileed Hananya gaaʼid fi l-baab da. Wa Yiriya lazamah le l-nabi Irmiya wa gaal leyah : «Tidoor tindamma le deech al-Baabiliyiin walla chunu ?» 14 Wa Irmiya radda wa gaal : «Misli ana namchi nindamma le deech al-Baabiliyiin ? Kalaamak da ma sahiih !» Wa laakin Yiriya ma simiʼ kalaamah. Karabah le Irmiya wa waddaah giddaam al-kubaaraat. 15 Wa l-kubaaraat ziʼilo zaʼal chadiid didd Irmiya wa gammo farachooh wa janzarooh fi beet Yuunataan al-kaatib achaan humman sawwo fi l-bakaan da sijin. 16 Wa misil da bas, le Irmiya karabooh wa dassooh fi l-suluulu wa foogah gaʼad mudda tawiile.
Sidkhiiya saʼal Irmiya be achiir
17 Wa l-malik Sidkhiiya rassal jaabooh le Irmiya fi gasrah le yasʼalah be achiir. Wa saʼalah wa gaal leyah : «Fiyah kalaam min Allah walla ?» Wa Irmiya gaal : «Aywa fi ! Wa l-kalaam da buguul, inta tagaʼ fi iid malik Baabil.» 18 Wa Irmiya gaal battaan le malik Sidkhiiya : «Ana sawweet chunu leek inta wa kubaaraatak wa chaʼabak achaan tidissuuni fi l-suluulu da ? 19 Wa ween anbiyaaku al-khachchooku wa gaalo : ‹Malik Baabil ma yaji didduku walla didd al-balad di.› 20 Wa hassaʼ, ya siidi al-malik, asmaʼ ! Min fadlak, akhbal duʼaayi ! Ma tigabbilni battaan fi beet Yuunataan al-kaatib. Akiid ana numuut foogah !»
21 Wa khalaas, al-malik Sidkhiiya anta amur yukhuttu Irmiya fi fadaayit al-hurraas wa kulla yoom yijiibu leyah khubza min chaariʼ al-khabbaaziin lahaddi kulla l-khubza hint al-madiina tikammil. Wa be misil da, Irmiya gaʼad fi fadaayit al-hurraas.
Sidkhiiya dawwar yasʼalo leyah Allah
1 Sidkhiiya wileed Yuuchiiya bigi malik fi badal Yuyakiin wileed Yahuuyakhim. Wa da Nabuukhadnasar malik Baabil bas al-darrajah malik fi balad Yahuuza. 2 Wa la malik Sidkhiiya wa la kubaaraatah wa la chaʼab baladah ma yasmaʼo kalaam Allah al-hajjaah be waasitat al-nabi Irmiya.
3 Wa be da kula, al-malik Sidkhiiya rassal Yahuukal wileed Chalamya wa Safanya wileed Maʼasiiya raajil al-diin achaan yuguulu le l-nabi Irmiya : «Min fadlak, asʼal Allah Ilaahna fi chaanna !» 4 Wa fi l-wakit daak, al-nabi Irmiya lissaaʼ ma karabooh fi l-sijin. Hu gaaʼid yamchi jaay wa jaay fi lubb al-chaʼab. 5 Wa wakit al-Baabiliyiin gaaʼidiin yihaasuru Madiinat al-Khudus, simʼo kadar deech Firʼoon malik Masir marag min baladah wa jaayi. Wa khalaas, al-Baabiliyiin baʼʼado min Madiinat al-Khudus.
6 Wa khalaas, Allah hajja le l-nabi Irmiya wa gaal : 7 «Hajji le l-murassaliin dool wa guul leehum : ‹Daahu Allah Ilaah Bani Israaʼiil gaal : Amchu le malik Yahuuza al-rassalaaku leyi le tasʼalooni. Wa guulu leyah : “Daahu deech Firʼoon al-marag le yafzaʼku yigabbil fi baladah Masir. 8 Wa khalaas, al-Baabiliyiin yaju battaan yahjumu al-madiina di wa yichiiluuha wa yiharruguuha.” 9 Wa daahu Allah gaal : “Ma tukhuchchu nufuusku wa tuguulu al-Baabiliyiin macho baʼiid minku. Abadan humman ma yikhalluuku. 10 Hatta kan nasartu fi kulla deech al-Baabiliyiin al-gaaʼidiin yihaarubuuku kula, kan faddalo minhum illa rujaal majruuhiin wa raagdiin fi khiyamhum kula, humman yugummu wa yiharrugu al-madiina di.”›»
Irmiya tahamooh wa sajanooh
11 Wa wakit deech al-Baabiliyiin baʼʼad min Madiinat al-Khudus be sabab deech Firʼoon, 12 Irmiya dawwar yamrug min Madiinat al-Khudus le yamchi ard gabiilat Banyaamiin. Wa hinaak yalga ard warasatah fi usut aayiltah. 13 Wa wakit hu ja fi baab al-madiina al-usmah Banyaamiin, hu ligi kabiir al-hurraas al-usmah Yiriya wileed Chalamya wileed Hananya gaaʼid fi l-baab da. Wa Yiriya lazamah le l-nabi Irmiya wa gaal leyah : «Tidoor tindamma le deech al-Baabiliyiin walla chunu ?» 14 Wa Irmiya radda wa gaal : «Misli ana namchi nindamma le deech al-Baabiliyiin ? Kalaamak da ma sahiih !» Wa laakin Yiriya ma simiʼ kalaamah. Karabah le Irmiya wa waddaah giddaam al-kubaaraat. 15 Wa l-kubaaraat ziʼilo zaʼal chadiid didd Irmiya wa gammo farachooh wa janzarooh fi beet Yuunataan al-kaatib achaan humman sawwo fi l-bakaan da sijin. 16 Wa misil da bas, le Irmiya karabooh wa dassooh fi l-suluulu wa foogah gaʼad mudda tawiile.
Sidkhiiya saʼal Irmiya be achiir
17 Wa l-malik Sidkhiiya rassal jaabooh le Irmiya fi gasrah le yasʼalah be achiir. Wa saʼalah wa gaal leyah : «Fiyah kalaam min Allah walla ?» Wa Irmiya gaal : «Aywa fi ! Wa l-kalaam da buguul, inta tagaʼ fi iid malik Baabil.» 18 Wa Irmiya gaal battaan le malik Sidkhiiya : «Ana sawweet chunu leek inta wa kubaaraatak wa chaʼabak achaan tidissuuni fi l-suluulu da ? 19 Wa ween anbiyaaku al-khachchooku wa gaalo : ‹Malik Baabil ma yaji didduku walla didd al-balad di.› 20 Wa hassaʼ, ya siidi al-malik, asmaʼ ! Min fadlak, akhbal duʼaayi ! Ma tigabbilni battaan fi beet Yuunataan al-kaatib. Akiid ana numuut foogah !»
21 Wa khalaas, al-malik Sidkhiiya anta amur yukhuttu Irmiya fi fadaayit al-hurraas wa kulla yoom yijiibu leyah khubza min chaariʼ al-khabbaaziin lahaddi kulla l-khubza hint al-madiina tikammil. Wa be misil da, Irmiya gaʼad fi fadaayit al-hurraas.
