1 Galib al-malik misil almi al-jaari,
hu tihit muraakhabat Allah
wa Allah yiwaddiih
fi ayyi bakaan al-yidoorah.
2 Ayyi naadum yahsib hu maachi adiil
wa laakin Allah bas yakchif al-fi l-galib.
3 Tabbigiin al-hagg wa l-adaala
akheer le Allah min gaddimiin al-dahaaya.
4 Al-een al-gawiiye
wa l-galib al-mutakabbir
wa charaf al-aasiyiin,
humman dool kulluhum zunuub.
5 Hadaf al-raajil al-nachiit,
akiid yilhaggag
wa laakin gillit al-sabur
tiwaddi le l-fagur.
6 Al-maal al-yaksabooh be kidib
misil dull al-daha al-zawwaal
wa akiid hu charak al-yijiib al-moot.
7 Unuf al-aasiyiin yakhribhum maala ?
Achaan abo ma karramo al-adaala.
8 Al-mujrim derbah aʼwaj
wa l-saafi amalah adiil.
9 Akheer taskun wiheedak fi raas beetak
min tiʼiich maʼa l-mara al-tikhaalifak.
10 Galib al-aasi yihibb al-fasaala
wa rafiigah kula ma yalga minnah mahanna.
11 Ikhaab al-chammaati yiʼallim al-jaahil.
Kan tikallim le l-hakiim, yiziidah ilim.
12 Allah aadil. Hu yiraakhib beet al-aasi
wa yarmiih fi masiibe.
13 Al-ma yukhutt adaanah
le korooraak al-fagraan,
hu kula yoom waahid yinaadi
wa ma yalga fazaʼaan.
14 Al-hadiiye be l-achiir,
tiwaggif al-zaʼal
wa l-rachwa fi l-jeeb,
tibarrid al-khadab al-chadiid.
15 Sawwiyiin al-adaala yifarrih al-saalihiin
wa laakin yikhawwif al-zaalimiin.
16 Ayyi naadum al-yatlig tariig al-aagliin
be surʼa yinjamma maʼa l-maytiin.
17 Al-yihibb yiʼiich fi l-halu, daayman fagri
wa l-yihibb al-mariise wa l-laham, ma yabga khani.
18 Al-aasi yatʼab fi badal al-saalih
wa l-khaddaar fi badal al-zeen.
19 Akheer taskun wiheedak fi l-khala
min tiʼiich be khilaaf wa huraaj maʼa l-mara.
20 Fi beet al-hakiim fiyah maal madmuum
wa dihin makhzuun
wa laakin al-matmuus
yichattit al-yalgaah.
21 Al-yifattich al-adaala wa l-kheer
yalga al-haya wa l-adaala wa l-charaf.
22 Al-hakiim yugumm didd madiinat al-furraas
wa yarmi durdurha al-yiʼamminhum.
23 Al-hafad khachmah wa lisaanah
hafad nafsah baʼiid min al-taʼab.
24 Al-mustakbir al-fachchaar usmah chammaati
achaan kulla amalah istikbaar.
25 Muna al-kaslaan yaktulah
achaan iideenah abo al-khidme.
26 Al-kaslaan daayman yatmaʼ
wa laakin al-saalih yanti be juud.
27 Dahiiyat al-aasi Allah harramha.
Wa kan yigaddimha be niiye fasle,
ma tabga haraama ziyaada walla ?
28 Al-yachhad be kidib yiddammar
wa laakin al-yasmaʼ,
daayman indah hagg yikallim.
29 Al-raajil al-aasi yiwassif nafsah
wa laakin al-naadum al-adiil yisabbit derbah.
30 Kulla l-hikma wa l-wasiiye wa l-fihim al-insaani
ma indah khiima giddaam Allah.
31 Tagdar tijahhiz kheelak le yoom al-harib
wa laakin al-nasur jaayi min Allah.
1 Galib al-malik misil almi al-jaari,
hu tihit muraakhabat Allah
wa Allah yiwaddiih
fi ayyi bakaan al-yidoorah.
2 Ayyi naadum yahsib hu maachi adiil
wa laakin Allah bas yakchif al-fi l-galib.
3 Tabbigiin al-hagg wa l-adaala
akheer le Allah min gaddimiin al-dahaaya.
4 Al-een al-gawiiye
wa l-galib al-mutakabbir
wa charaf al-aasiyiin,
humman dool kulluhum zunuub.
5 Hadaf al-raajil al-nachiit,
akiid yilhaggag
wa laakin gillit al-sabur
tiwaddi le l-fagur.
6 Al-maal al-yaksabooh be kidib
misil dull al-daha al-zawwaal
wa akiid hu charak al-yijiib al-moot.
7 Unuf al-aasiyiin yakhribhum maala ?
Achaan abo ma karramo al-adaala.
8 Al-mujrim derbah aʼwaj
wa l-saafi amalah adiil.
9 Akheer taskun wiheedak fi raas beetak
min tiʼiich maʼa l-mara al-tikhaalifak.
10 Galib al-aasi yihibb al-fasaala
wa rafiigah kula ma yalga minnah mahanna.
11 Ikhaab al-chammaati yiʼallim al-jaahil.
Kan tikallim le l-hakiim, yiziidah ilim.
12 Allah aadil. Hu yiraakhib beet al-aasi
wa yarmiih fi masiibe.
13 Al-ma yukhutt adaanah
le korooraak al-fagraan,
hu kula yoom waahid yinaadi
wa ma yalga fazaʼaan.
14 Al-hadiiye be l-achiir,
tiwaggif al-zaʼal
wa l-rachwa fi l-jeeb,
tibarrid al-khadab al-chadiid.
15 Sawwiyiin al-adaala yifarrih al-saalihiin
wa laakin yikhawwif al-zaalimiin.
16 Ayyi naadum al-yatlig tariig al-aagliin
be surʼa yinjamma maʼa l-maytiin.
17 Al-yihibb yiʼiich fi l-halu, daayman fagri
wa l-yihibb al-mariise wa l-laham, ma yabga khani.
18 Al-aasi yatʼab fi badal al-saalih
wa l-khaddaar fi badal al-zeen.
19 Akheer taskun wiheedak fi l-khala
min tiʼiich be khilaaf wa huraaj maʼa l-mara.
20 Fi beet al-hakiim fiyah maal madmuum
wa dihin makhzuun
wa laakin al-matmuus
yichattit al-yalgaah.
21 Al-yifattich al-adaala wa l-kheer
yalga al-haya wa l-adaala wa l-charaf.
22 Al-hakiim yugumm didd madiinat al-furraas
wa yarmi durdurha al-yiʼamminhum.
23 Al-hafad khachmah wa lisaanah
hafad nafsah baʼiid min al-taʼab.
24 Al-mustakbir al-fachchaar usmah chammaati
achaan kulla amalah istikbaar.
25 Muna al-kaslaan yaktulah
achaan iideenah abo al-khidme.
26 Al-kaslaan daayman yatmaʼ
wa laakin al-saalih yanti be juud.
27 Dahiiyat al-aasi Allah harramha.
Wa kan yigaddimha be niiye fasle,
ma tabga haraama ziyaada walla ?
28 Al-yachhad be kidib yiddammar
wa laakin al-yasmaʼ,
daayman indah hagg yikallim.
29 Al-raajil al-aasi yiwassif nafsah
wa laakin al-naadum al-adiil yisabbit derbah.
30 Kulla l-hikma wa l-wasiiye wa l-fihim al-insaani
ma indah khiima giddaam Allah.
31 Tagdar tijahhiz kheelak le yoom al-harib
wa laakin al-nasur jaayi min Allah.
