1 Ma leena aniina, ya Allah,
ma leena aniina
wa laakin al-majd le usmak
wa da be sabab rahmatak wa amaanak.
2 Maala al-umam yasʼalo
wa yuguulu : «Ween ilaahhum ?»
3 Nuguulu ilaahna fi l-sama
wa hu sawwa kulla cheyy al-yidoorah.
4 Wa laakin asnaamhum min fudda wa dahab
al-sanaʼoohum al-naas be iideehum.
5 Induhum khachum wa ma yihajju
wa induhum uyuun wa ma yichiifu
6 wa induhum udne wa ma yasmaʼo
wa induhum munkhar wa ma yuchummu
7 wa induhum iideen wa ma yalmaso
wa induhum rijileen wa ma yuruukhu
wa lisaanhum ma yantug.
8 Khalli al-sanaʼoohum
wa kulla l-yitwakkalo aleehum
yabgo misilhum !
9 Ya Bani Israaʼiil, atwakkalo ale Allah !
Hu bas al-yafzaʼku wa yahmiiku !
10 Ya zurriiyit Haaruun, atwakkalo ale Allah !
Hu bas al-yafzaʼku wa yahmiiku !
11 Ya intu al-khaayfiin min Allah, atwakkalo ale Allah !
Hu bas al-yafzaʼku wa yahmiiku !
12 Allah yifakkir foogna wa yibaarikna.
Hu yibaarikna aniina Bani Israaʼiil
wa yibaarikna aniina zurriiyit Haaruun.
13 Allah yibaarik al-kubaar wa l-dugaag
al-khaayfiin minnah.
14 Wa Allah yikattir zurriiyitku
wa zurriiyit iyaalku.
15 Algo barakat Allah,
Khaalig al-samaawaat wa l-ard.
16 Al-samaawaat le Allah
wa l-ard, antaaha le Bani Adam.
17 Al-yahmudu Allah, ma al-maytiin
wa la l-saakniin be hudu fi l-khubuur.
18 Wa laakin aniina nachkuru Allah
min hassaʼ wa daayman.
Al-hamdulillah !
1 Ma leena aniina, ya Allah,
ma leena aniina
wa laakin al-majd le usmak
wa da be sabab rahmatak wa amaanak.
2 Maala al-umam yasʼalo
wa yuguulu : «Ween ilaahhum ?»
3 Nuguulu ilaahna fi l-sama
wa hu sawwa kulla cheyy al-yidoorah.
4 Wa laakin asnaamhum min fudda wa dahab
al-sanaʼoohum al-naas be iideehum.
5 Induhum khachum wa ma yihajju
wa induhum uyuun wa ma yichiifu
6 wa induhum udne wa ma yasmaʼo
wa induhum munkhar wa ma yuchummu
7 wa induhum iideen wa ma yalmaso
wa induhum rijileen wa ma yuruukhu
wa lisaanhum ma yantug.
8 Khalli al-sanaʼoohum
wa kulla l-yitwakkalo aleehum
yabgo misilhum !
9 Ya Bani Israaʼiil, atwakkalo ale Allah !
Hu bas al-yafzaʼku wa yahmiiku !
10 Ya zurriiyit Haaruun, atwakkalo ale Allah !
Hu bas al-yafzaʼku wa yahmiiku !
11 Ya intu al-khaayfiin min Allah, atwakkalo ale Allah !
Hu bas al-yafzaʼku wa yahmiiku !
12 Allah yifakkir foogna wa yibaarikna.
Hu yibaarikna aniina Bani Israaʼiil
wa yibaarikna aniina zurriiyit Haaruun.
13 Allah yibaarik al-kubaar wa l-dugaag
al-khaayfiin minnah.
14 Wa Allah yikattir zurriiyitku
wa zurriiyit iyaalku.
15 Algo barakat Allah,
Khaalig al-samaawaat wa l-ard.
16 Al-samaawaat le Allah
wa l-ard, antaaha le Bani Adam.
17 Al-yahmudu Allah, ma al-maytiin
wa la l-saakniin be hudu fi l-khubuur.
18 Wa laakin aniina nachkuru Allah
min hassaʼ wa daayman.
Al-hamdulillah !
