Wasiiye le kabiir al-khannaayiin : Le yikhannuuh be jigindiiye al-indaha tamaane habil, mazmuur le Dawuud
1 Najjiini, ya Allah !
Achaan ma fi saalih
wa ma fi insaan amiin fi ust al-naas.
2 Ayyi waahid yakdib le akhuuh
wa chalaaliifah yihajju kalaam khachch
wa galbah ma waahid.
3 Wa khalli Allah yikassir
kulli khachum al-yihajji be khachch
wa l-lisne al-yikallumu be istikbaar.
4 Humman yuguulu :
«Be lisneena ninnasru
wa khuchuumna hineena,
yaatu yahkim foogna ?»
5 Laakin Allah gaal : «Hassaʼ nugumm
wa nijiib al-naja le l-naas al-mahguuriin.
Achaan al-masaakiin, zalamoohum
wa l-daʼiifiin yaguntu.»
6 Wa kalaam Allah saafi
misil al-fudda al-gataʼooha
wa saffooha sabʼa marraat.
7 Ya Allah, inta tahfad al-mazluumiin
wa tahmiina ila l-abad.
8 Al-aasiyiin yiliffu fi kulla bakaan
wakit al-fasaala tiziid ambeen al-naas.
Wasiiye le kabiir al-khannaayiin : Le yikhannuuh be jigindiiye al-indaha tamaane habil, mazmuur le Dawuud
1 Najjiini, ya Allah !
Achaan ma fi saalih
wa ma fi insaan amiin fi ust al-naas.
2 Ayyi waahid yakdib le akhuuh
wa chalaaliifah yihajju kalaam khachch
wa galbah ma waahid.
3 Wa khalli Allah yikassir
kulli khachum al-yihajji be khachch
wa l-lisne al-yikallumu be istikbaar.
4 Humman yuguulu :
«Be lisneena ninnasru
wa khuchuumna hineena,
yaatu yahkim foogna ?»
5 Laakin Allah gaal : «Hassaʼ nugumm
wa nijiib al-naja le l-naas al-mahguuriin.
Achaan al-masaakiin, zalamoohum
wa l-daʼiifiin yaguntu.»
6 Wa kalaam Allah saafi
misil al-fudda al-gataʼooha
wa saffooha sabʼa marraat.
7 Ya Allah, inta tahfad al-mazluumiin
wa tahmiina ila l-abad.
8 Al-aasiyiin yiliffu fi kulla bakaan
wakit al-fasaala tiziid ambeen al-naas.
