1 Al-hamdulillah !
Ahmudu usum Allah.
Ahmuduuh, ya abiid Allah,
2 intu al-waagfiin fi beet Allah,
fi fadaayit beet Ilaahna.
3 Al-hamdulillah ! Achaan Allah zeen.
Amdaho usmah achaan hu halu.
4 Achaan Allah azal gabiilat Yaakhuub
wa chaal Bani Israaʼiil chaʼabah le halaalah.
5 Aywa, ana naʼarif Allah kabiir
wa Rabbina kabiir min kulla l-ilaahaat.
6 Wa kulla cheyy al-Allah yidoorah,
hu yisawwiih
kan fi l-samaawaat wa l-ard
wa kan fi l-buhuur wa l-almi al-khariig kula.
7 Min taraf al-ard,
hu yigawwim al-sahaab
wa yirassil al-barraaga
le l-matara tusubb
wa yamrug al-riih
min makhaazinah.
8 Wa hu bas al-katal awlaad al-bikir fi Masir
min awlaad al-naas lahaddi awlaad al-bahaayim.
9 Ya Masir ! Fi lubbiki inti,
hu rassal alaamaat wa ajaayib
didd Firʼoon wa kulla khaddaamiinah.
10 Wa hu darab umam katiiriin
wa katal muluuk gawiyiin
11 misil Siihuun malik al-Amuuriyiin
wa Oog malik Baachaan
wa kulla mamaalik al-Kanʼaaniyiin.
12 Wa hu anta baladhum warasa
le chaʼabah Bani Israaʼiil.
13 Ya Allah, usmak daayim ila l-abad.
Ya Allah, zikrak gaaʼid min zurriiye le zurriiye.
14 Achaan Allah yihaakim chaʼabah be l-adil
wa yihinn fi abiidah.
15 Asnaam al-umam, humman min fudda wa dahab
al-sanaʼoohum al-naas be iideehum.
16 Wa l-asnaam induhum khachum wa ma yihajju
wa induhum uyuun wa ma yichiifu.
17 Induhum udne wa ma yasmaʼo.
Wa ma induhum nafas al-haya fi khuchuumhum.
18 Khalli al-sanaʼoohum
wa kulla l-yitwakkalo aleehum
yabgo misilhum.
19 Ya Bani Israaʼiil, baaruku Allah !
Ya zurriiyit Haaruun, baaruku Allah !
20 Ya zurriiyit Laawi, baaruku Allah !
Wa intu al-takhaafo Allah, baaruku Allah !
21 Baaruku Allah min Sahyuun,
hu al-saakin fi Madiinat al-Khudus !
Al-hamdulillah !
1 Al-hamdulillah !
Ahmudu usum Allah.
Ahmuduuh, ya abiid Allah,
2 intu al-waagfiin fi beet Allah,
fi fadaayit beet Ilaahna.
3 Al-hamdulillah ! Achaan Allah zeen.
Amdaho usmah achaan hu halu.
4 Achaan Allah azal gabiilat Yaakhuub
wa chaal Bani Israaʼiil chaʼabah le halaalah.
5 Aywa, ana naʼarif Allah kabiir
wa Rabbina kabiir min kulla l-ilaahaat.
6 Wa kulla cheyy al-Allah yidoorah,
hu yisawwiih
kan fi l-samaawaat wa l-ard
wa kan fi l-buhuur wa l-almi al-khariig kula.
7 Min taraf al-ard,
hu yigawwim al-sahaab
wa yirassil al-barraaga
le l-matara tusubb
wa yamrug al-riih
min makhaazinah.
8 Wa hu bas al-katal awlaad al-bikir fi Masir
min awlaad al-naas lahaddi awlaad al-bahaayim.
9 Ya Masir ! Fi lubbiki inti,
hu rassal alaamaat wa ajaayib
didd Firʼoon wa kulla khaddaamiinah.
10 Wa hu darab umam katiiriin
wa katal muluuk gawiyiin
11 misil Siihuun malik al-Amuuriyiin
wa Oog malik Baachaan
wa kulla mamaalik al-Kanʼaaniyiin.
12 Wa hu anta baladhum warasa
le chaʼabah Bani Israaʼiil.
13 Ya Allah, usmak daayim ila l-abad.
Ya Allah, zikrak gaaʼid min zurriiye le zurriiye.
14 Achaan Allah yihaakim chaʼabah be l-adil
wa yihinn fi abiidah.
15 Asnaam al-umam, humman min fudda wa dahab
al-sanaʼoohum al-naas be iideehum.
16 Wa l-asnaam induhum khachum wa ma yihajju
wa induhum uyuun wa ma yichiifu.
17 Induhum udne wa ma yasmaʼo.
Wa ma induhum nafas al-haya fi khuchuumhum.
18 Khalli al-sanaʼoohum
wa kulla l-yitwakkalo aleehum
yabgo misilhum.
19 Ya Bani Israaʼiil, baaruku Allah !
Ya zurriiyit Haaruun, baaruku Allah !
20 Ya zurriiyit Laawi, baaruku Allah !
Wa intu al-takhaafo Allah, baaruku Allah !
21 Baaruku Allah min Sahyuun,
hu al-saakin fi Madiinat al-Khudus !
Al-hamdulillah !
