Wasiiye le kabiir al-khannaayiin : Mazmuur le Dawuud
1 Al-samaawaat yihajju be azamat al-Rabb
wa l-sahaab yikallim be khidmit iideenah.
2 Ayyi yoom yikhabbir yoom aakhar be majdah
wa l-leele tiʼallim al-leele beyah.
3 Wa da, bala kalaam
wa bala lukhkha
wa hissuhum ma yinsamiʼ.
4 Laakin munaadaathum tinsamiʼ fi kulla l-ard
aywa, kalaamhum lahaddi aakhir al-dunya.
Wa be foog,
Allah khatta kheema le l-harraay.
5 Wa hi tamrug misil ariis maarig min beetah
wa misil batal farhaan be l-musaabaga.
6 Min taraf al-samaawaat, hi tatlaʼ
wa tihawwig le l-taraf al-aakhar
wa ma fi al-yanja min hamuuha.
7 Tawraat Allah kaamil,
yigabbil al-ruuh.
Wa wasaaya Allah amiiniin,
yisawwu al-jaahil hakiim.
8 Churuut Allah adiiliin,
yifarruhu al-galib.
Wa wasaaya Allah saafiyiin,
yinawwuru al-uyuun.
9 Al-khoof min Allah waadih
wa gaaʼid ila l-abad.
Wa gawaaniin Allah hagg
wa kulluhum saalihiin.
10 Humman khaaliyiin ziyaada min al-dahab,
ziyaada min al-dahab al-saafi al-katiir
wa haluwiin ziyaada min al-asal
aywa, ziyaada min al-asal al-jadiid.
11 Gawaaniinak hazzarooni ana abdak
wa kan hafadtuhum, nalga mukaafa kabiire.
12 Yaatu yagdar yaʼarif khataayah
al-sawwaah bala raayah ?
Barriini min al-zanib
al-mulabbad leyi.
13 Baʼʼidni ana abdak min al-mustakbiriin
wa ma tikhalliihum yamulku foogi.
Wa khalaas, nukuun adiil
wa bari min al-khata al-kabiir.
14 Khalli kalaam khachmi wa fikir galbi
yukuunu makhbuuliin giddaamak, ya Allah !
Inta maljaʼi wa inta al-tafdaani.
Wasiiye le kabiir al-khannaayiin : Mazmuur le Dawuud
1 Al-samaawaat yihajju be azamat al-Rabb
wa l-sahaab yikallim be khidmit iideenah.
2 Ayyi yoom yikhabbir yoom aakhar be majdah
wa l-leele tiʼallim al-leele beyah.
3 Wa da, bala kalaam
wa bala lukhkha
wa hissuhum ma yinsamiʼ.
4 Laakin munaadaathum tinsamiʼ fi kulla l-ard
aywa, kalaamhum lahaddi aakhir al-dunya.
Wa be foog,
Allah khatta kheema le l-harraay.
5 Wa hi tamrug misil ariis maarig min beetah
wa misil batal farhaan be l-musaabaga.
6 Min taraf al-samaawaat, hi tatlaʼ
wa tihawwig le l-taraf al-aakhar
wa ma fi al-yanja min hamuuha.
7 Tawraat Allah kaamil,
yigabbil al-ruuh.
Wa wasaaya Allah amiiniin,
yisawwu al-jaahil hakiim.
8 Churuut Allah adiiliin,
yifarruhu al-galib.
Wa wasaaya Allah saafiyiin,
yinawwuru al-uyuun.
9 Al-khoof min Allah waadih
wa gaaʼid ila l-abad.
Wa gawaaniin Allah hagg
wa kulluhum saalihiin.
10 Humman khaaliyiin ziyaada min al-dahab,
ziyaada min al-dahab al-saafi al-katiir
wa haluwiin ziyaada min al-asal
aywa, ziyaada min al-asal al-jadiid.
11 Gawaaniinak hazzarooni ana abdak
wa kan hafadtuhum, nalga mukaafa kabiire.
12 Yaatu yagdar yaʼarif khataayah
al-sawwaah bala raayah ?
Barriini min al-zanib
al-mulabbad leyi.
13 Baʼʼidni ana abdak min al-mustakbiriin
wa ma tikhalliihum yamulku foogi.
Wa khalaas, nukuun adiil
wa bari min al-khata al-kabiir.
14 Khalli kalaam khachmi wa fikir galbi
yukuunu makhbuuliin giddaamak, ya Allah !
Inta maljaʼi wa inta al-tafdaani.
