Mazmuur le Asaaf
1 Allah Ilaah al-Ilaahaat hajja
wa naada al-ard
min bakaan taluuʼ al-harraay
lahaddi waguuʼha.
2 Fi Sahyuun jamaal kaamil,
majd al-Rabb yibiin.
3 Khalli Ilaahna yaji
wa khalli ma yaskut !
Giddaamah fi naar muhriga
wa riih chadiide tusuug hawaaleeyah.
4 Hu naada al-samaawaat wa l-ard
achaan yachhado fi muhaakamat chaʼabah.
5 Wa gaal : «Limmu al-muʼminiin !
Humman al-sawwo maʼaayi muʼaahada be l-dahiiye !»
6 Wa l-samaawaat yihajju be adaaltah wa yuguulu :
«Al-haakim, hu al-Rabb.» Wagfa.
7 «Asmaʼ, ya chaʼabi, ana nihajji.
Ya Bani Israaʼiil, ana nachhad didduku.
Aywa, ana al-Rabb Ilaahku.
8 Ma be sabab dahaayaaku ana nuluumku
achaan dahaayaaku al-muharragiin
gaaʼidiin giddaami daayman.
9 Ana ma nakhbal tiiraan min zaraayibku
wa la tuyuus min lubb doorku.
10 Achaan kulla haywaanaat al-kadaade hineeyi ana
wa kulla bahaayim al-fi l-jibaal be l-uluuf.
11 Wa naʼarif kulla tuyuur al-jibaal
wa haywaanaat al-kadaade kula hineeyi ana.
12 Kan ana jiiʼaan kula, ma nikallimku.
Achaan al-dunya wa kulla cheyy al-foogha hineeyi ana.
13 Ana naakul laham al-tiiraan walla ?
Wa nachrab damm al-tuyuus walla ?
14 «Gaddumu le l-Rabb dahiiyat chukur
wa haggugu nazirku le l-Aali.
15 Fi yoom al-diige, naaduuni
wa khalaas, ana ninajjiiku wa intu timajjuduuni.»
16 Al-Rabb gaal le l-aasi :
«Maala tikallim be churuuti
wa tihajji be muʼaahadati ?
17 Inta al-takrah al-adab
wa taaba kalaami !
18 Wa kan inta chift sarraag, tistafig maʼaayah
wa tamchi maʼa l-zannaayiin.
19 Lisaanak yuguul al-fasaala
wa khachmak yinrabit fi l-khachch.
20 Inta tagood wa tihajji didd akhuuk
wa tiʼayyib wald ammak.
21 Ana naskut fi l-cheyy al-inta sawweetah walla ?
Inta tahsib ana mislak walla ?
La ! Ana nathamak
wa nibayyin luwaamti giddaamak !
22 Afhamooh intu al-nisiituuni ana al-Rabb !
Kan ma fi, ana naktul wa ma fi naadum al-yinajji !»
23 Al-yigaddim dahiiyat al-chukur yimajjidni
wa l-yifakkir fi derbah, nichawwifah najaati ana al-Rabb.
Mazmuur le Asaaf
1 Allah Ilaah al-Ilaahaat hajja
wa naada al-ard
min bakaan taluuʼ al-harraay
lahaddi waguuʼha.
2 Fi Sahyuun jamaal kaamil,
majd al-Rabb yibiin.
3 Khalli Ilaahna yaji
wa khalli ma yaskut !
Giddaamah fi naar muhriga
wa riih chadiide tusuug hawaaleeyah.
4 Hu naada al-samaawaat wa l-ard
achaan yachhado fi muhaakamat chaʼabah.
5 Wa gaal : «Limmu al-muʼminiin !
Humman al-sawwo maʼaayi muʼaahada be l-dahiiye !»
6 Wa l-samaawaat yihajju be adaaltah wa yuguulu :
«Al-haakim, hu al-Rabb.» Wagfa.
7 «Asmaʼ, ya chaʼabi, ana nihajji.
Ya Bani Israaʼiil, ana nachhad didduku.
Aywa, ana al-Rabb Ilaahku.
8 Ma be sabab dahaayaaku ana nuluumku
achaan dahaayaaku al-muharragiin
gaaʼidiin giddaami daayman.
9 Ana ma nakhbal tiiraan min zaraayibku
wa la tuyuus min lubb doorku.
10 Achaan kulla haywaanaat al-kadaade hineeyi ana
wa kulla bahaayim al-fi l-jibaal be l-uluuf.
11 Wa naʼarif kulla tuyuur al-jibaal
wa haywaanaat al-kadaade kula hineeyi ana.
12 Kan ana jiiʼaan kula, ma nikallimku.
Achaan al-dunya wa kulla cheyy al-foogha hineeyi ana.
13 Ana naakul laham al-tiiraan walla ?
Wa nachrab damm al-tuyuus walla ?
14 «Gaddumu le l-Rabb dahiiyat chukur
wa haggugu nazirku le l-Aali.
15 Fi yoom al-diige, naaduuni
wa khalaas, ana ninajjiiku wa intu timajjuduuni.»
16 Al-Rabb gaal le l-aasi :
«Maala tikallim be churuuti
wa tihajji be muʼaahadati ?
17 Inta al-takrah al-adab
wa taaba kalaami !
18 Wa kan inta chift sarraag, tistafig maʼaayah
wa tamchi maʼa l-zannaayiin.
19 Lisaanak yuguul al-fasaala
wa khachmak yinrabit fi l-khachch.
20 Inta tagood wa tihajji didd akhuuk
wa tiʼayyib wald ammak.
21 Ana naskut fi l-cheyy al-inta sawweetah walla ?
Inta tahsib ana mislak walla ?
La ! Ana nathamak
wa nibayyin luwaamti giddaamak !
22 Afhamooh intu al-nisiituuni ana al-Rabb !
Kan ma fi, ana naktul wa ma fi naadum al-yinajji !»
23 Al-yigaddim dahiiyat al-chukur yimajjidni
wa l-yifakkir fi derbah, nichawwifah najaati ana al-Rabb.
