Wasiiye le kabiir al-khannaayiin : Mazmuur le Dawuud, khine
1 Ya Rabb fi Sahyuun,
al-chukur waajib leek inta.
Wa leek inta,
nihaggugu nazirna.
2 Wa inta al-tasmaʼ al-sala,
leek inta yigarrubu kulla l-naas.
3 Wakit khataayaana bigo katiiriin,
inta bas al-tisaamihhum leena.
4 Mabruuk le l-naadum al-taʼazilah
wa tigarribah le yagood fi fadaaytak.
Wa aniina nachbaʼo min kheer beetak
wa kulla l-khumaam al-mukhassas
hana beetak al-mukhaddas.
5 Be amal al-yikhawwif wa be l-adaala
inta turudd leena, ya Rabb al-tinajjiina !
Wa kulla sukkaan al-ard
min tarafha le tarafha
lahaddi khaadi le l-buhuur al-baʼiidiin,
humman yukhuttu amaanhum foogak.
6 Inta kawwant al-jibaal be khuwwatak
wa alhazzamt be l-gudra.
7 Inta bas al-tiwaggif hiyaaj al-bahar
wa gawwimiin al-mooj
wa siraakh al-umam.
8 Wa inta khawwaft sukkaan aakhir al-ard be alaamaatak
wa farraht sukkaan al-sabaah wa l-kharib.
9 Wa inta hammeet be l-ard
wa raweetha be almi
wa khaneetha.
Wa min bahar Allah,
yajri almi al-yazgi al-ard
wa yijahhizha le tanti maʼaachha.
10 Inta tazgi be l-katara ayyi zereʼ mahruut
wa tisaawi turaabah.
Wa tarwiih be l-matara
wa tibaarik bizirtah.
11 Inta tijammil al-sana be taaj juudak
wa be kheerak al-ziyaada
fi ayyi bakaan al-inta addeet beyah.
12 Bakaanaat al-sarha fi l-kadaade anmalo be l-kheer
wa l-jibaal alhazzamo be l-farah.
13 Wa giizaan al-kadaade
aljammalo be l-khanam
wa wudyaan al-ard
alkhatto be l-gameh.
Wa kulluhum zakhrato wa khanno
min al-farah.
Wasiiye le kabiir al-khannaayiin : Mazmuur le Dawuud, khine
1 Ya Rabb fi Sahyuun,
al-chukur waajib leek inta.
Wa leek inta,
nihaggugu nazirna.
2 Wa inta al-tasmaʼ al-sala,
leek inta yigarrubu kulla l-naas.
3 Wakit khataayaana bigo katiiriin,
inta bas al-tisaamihhum leena.
4 Mabruuk le l-naadum al-taʼazilah
wa tigarribah le yagood fi fadaaytak.
Wa aniina nachbaʼo min kheer beetak
wa kulla l-khumaam al-mukhassas
hana beetak al-mukhaddas.
5 Be amal al-yikhawwif wa be l-adaala
inta turudd leena, ya Rabb al-tinajjiina !
Wa kulla sukkaan al-ard
min tarafha le tarafha
lahaddi khaadi le l-buhuur al-baʼiidiin,
humman yukhuttu amaanhum foogak.
6 Inta kawwant al-jibaal be khuwwatak
wa alhazzamt be l-gudra.
7 Inta bas al-tiwaggif hiyaaj al-bahar
wa gawwimiin al-mooj
wa siraakh al-umam.
8 Wa inta khawwaft sukkaan aakhir al-ard be alaamaatak
wa farraht sukkaan al-sabaah wa l-kharib.
9 Wa inta hammeet be l-ard
wa raweetha be almi
wa khaneetha.
Wa min bahar Allah,
yajri almi al-yazgi al-ard
wa yijahhizha le tanti maʼaachha.
10 Inta tazgi be l-katara ayyi zereʼ mahruut
wa tisaawi turaabah.
Wa tarwiih be l-matara
wa tibaarik bizirtah.
11 Inta tijammil al-sana be taaj juudak
wa be kheerak al-ziyaada
fi ayyi bakaan al-inta addeet beyah.
12 Bakaanaat al-sarha fi l-kadaade anmalo be l-kheer
wa l-jibaal alhazzamo be l-farah.
13 Wa giizaan al-kadaade
aljammalo be l-khanam
wa wudyaan al-ard
alkhatto be l-gameh.
Wa kulluhum zakhrato wa khanno
min al-farah.
