1 Ya Allah ! Leek inta ana naljaʼ daayman,
khalli ma nalga eeb.
2 Be adaaltak, najjiini !
Khutt adaanak leyi wa najjiini !
3 Kuun leyi maljaʼ gawi
al-nagdar naljaʼ leyah fi kulla wakit.
Inta kharrart tinajjiini
achaan inta jabali wa bakaani al-gawi.
4 Ya Ilaahi ! Najjiini min iid al-aasi
aywa, min karbit al-fasil wa l-zaalim.
5 Ya Allah Rabbi ! Inta bas al-nukhutt foogak achami
wa ana atwakkalt aleek min subaayi.
6 Ana antakalt aleek min wildooni
wa inta bas maragtini min batun ammi
wa leek inta, nahmudak ila l-abad.
7 Ana bigiit ajab le naas katiiriin
laakin inta maljaʼi al-gawi.
8 Lisaani yahmudak
wa kulla yoom, nimajjidak.
9 Hassaʼ wakit ana bigiit chaayib,
ma tazgulni.
Wa wakit gudurti kammalat,
ma tikhalliini.
10 Achaan udwaani yihajju foogi.
Aywa, al-yiraakhubuuni yichchaawaro foogi.
11 Wa yuguulu : «Al-Rabb khallaah !
Taaruduuh wa akurbuuh
achaan ma fi al-yikhallisah !»
12 Ya Ilaahi, ma tibaʼʼid minni !
Ya Rabbi, wajjih aleyi
wa be surʼa, afzaʼni.
13 Khalli al-yathamooni yalgo al-eeb
wa yiddammaro.
Wa l-yidooru yisawwu leyi al-charr,
khalli al-eeb yikhattiihum wa charafhum yiwaddir.
14 Daayman ana narja be acham
wa nachkurak be khine.
15 Khachmi yihajji be adaaltak
wa daayman yihajji be najaatak
humman al-adadhum ma binhasib.
16 Ya Allah al-Rabb !
Ana naji wa nikhabbir be aʼmaalak al-gawiyiin
wa nizzakkar adaaltak inta bas.
17 Ya Rabb ! Inta allamtini min subaayi
wa lahaddi hassaʼ, ana gaaʼid nikhabbir be ajaaybak.
18 Hassaʼ, ana chayyabt
wa suufi bigi abyad.
Ya Rabb, ma tikhalliini
lahaddi nikhabbir al-zurriiye di be khuwwatak
wa nikhabbir al-yaju baʼadhum be gudurtak.
19 Wa adaaltak gaaʼide foog, ya Rabb,
achaan inta sawweet achya kubaar.
Ya Rabb, yaatu mislak ?
20 Inta wassaftini iddat marraat
al-diige wa l-masaayib.
Wa laakin baʼad da, tantiini al-haya
wa tamrugni min khatar al-moot.
21 Tiziid azamati
wa battaan tihannisni.
22 Wa khalaas, ana nachkurak be amsibeybe
fi chaan amaanak, ya Ilaahi.
Wa nadrub jigindiiye fi chaanak inta,
ya Khudduus Israaʼiil !
23 Aywa, ana nadrub al-jigindiiye
wa be khachmi nikhanni min al-farah
achaan inta fadeet hayaati.
24 Wa battaan, lisaani yantug
kulla yoom be adaaltak.
Achaan al-eeb wa l-chamaate yakurbuuhum,
humman al-yidooru yisawwu leyi al-charr.
1 Ya Allah ! Leek inta ana naljaʼ daayman,
khalli ma nalga eeb.
2 Be adaaltak, najjiini !
Khutt adaanak leyi wa najjiini !
3 Kuun leyi maljaʼ gawi
al-nagdar naljaʼ leyah fi kulla wakit.
Inta kharrart tinajjiini
achaan inta jabali wa bakaani al-gawi.
4 Ya Ilaahi ! Najjiini min iid al-aasi
aywa, min karbit al-fasil wa l-zaalim.
5 Ya Allah Rabbi ! Inta bas al-nukhutt foogak achami
wa ana atwakkalt aleek min subaayi.
6 Ana antakalt aleek min wildooni
wa inta bas maragtini min batun ammi
wa leek inta, nahmudak ila l-abad.
7 Ana bigiit ajab le naas katiiriin
laakin inta maljaʼi al-gawi.
8 Lisaani yahmudak
wa kulla yoom, nimajjidak.
9 Hassaʼ wakit ana bigiit chaayib,
ma tazgulni.
Wa wakit gudurti kammalat,
ma tikhalliini.
10 Achaan udwaani yihajju foogi.
Aywa, al-yiraakhubuuni yichchaawaro foogi.
11 Wa yuguulu : «Al-Rabb khallaah !
Taaruduuh wa akurbuuh
achaan ma fi al-yikhallisah !»
12 Ya Ilaahi, ma tibaʼʼid minni !
Ya Rabbi, wajjih aleyi
wa be surʼa, afzaʼni.
13 Khalli al-yathamooni yalgo al-eeb
wa yiddammaro.
Wa l-yidooru yisawwu leyi al-charr,
khalli al-eeb yikhattiihum wa charafhum yiwaddir.
14 Daayman ana narja be acham
wa nachkurak be khine.
15 Khachmi yihajji be adaaltak
wa daayman yihajji be najaatak
humman al-adadhum ma binhasib.
16 Ya Allah al-Rabb !
Ana naji wa nikhabbir be aʼmaalak al-gawiyiin
wa nizzakkar adaaltak inta bas.
17 Ya Rabb ! Inta allamtini min subaayi
wa lahaddi hassaʼ, ana gaaʼid nikhabbir be ajaaybak.
18 Hassaʼ, ana chayyabt
wa suufi bigi abyad.
Ya Rabb, ma tikhalliini
lahaddi nikhabbir al-zurriiye di be khuwwatak
wa nikhabbir al-yaju baʼadhum be gudurtak.
19 Wa adaaltak gaaʼide foog, ya Rabb,
achaan inta sawweet achya kubaar.
Ya Rabb, yaatu mislak ?
20 Inta wassaftini iddat marraat
al-diige wa l-masaayib.
Wa laakin baʼad da, tantiini al-haya
wa tamrugni min khatar al-moot.
21 Tiziid azamati
wa battaan tihannisni.
22 Wa khalaas, ana nachkurak be amsibeybe
fi chaan amaanak, ya Ilaahi.
Wa nadrub jigindiiye fi chaanak inta,
ya Khudduus Israaʼiil !
23 Aywa, ana nadrub al-jigindiiye
wa be khachmi nikhanni min al-farah
achaan inta fadeet hayaati.
24 Wa battaan, lisaani yantug
kulla yoom be adaaltak.
Achaan al-eeb wa l-chamaate yakurbuuhum,
humman al-yidooru yisawwu leyi al-charr.
