Wasiiye le kabiir al-khannaayiin : Le yikhannuuh be jigindiiye, mazmuur le awlaad Khuurah
1 Ya Allah al-Gaadir,
maskanak mahbuub !
2 Wa nafsi muchtaaga wa garmaane
le fadaayit beetak al-mukhaddas.
Wa galbi wa jismi yasrakho
min al-farah le Allah al-Hayy.
3 Hatta al-teeraay al-sakhayre kula talga beet
wa amjaraari talga uchch al-tifaggiʼ foogah iyaalha
jamb madaabhak.
Ya Allah al-Gaadir !
Inta maliki wa Ilaahi.
4 Mabruuk le sukkaan beetak !
Humman yachkuruuk daayman. Wagfa.
5 Mabruuk le l-naas al-yalgo minnak gudra
wa yichiilu niiye le yihijju le beetak.
6 Wakit yuchuggu waadi al-baki al-jaaff,
humman yisawwuuh een almi
wa matar al-richaach yikhattiih be l-baraka.
7 Daayman gudrithum gaaʼide tiziid
wa yigarrubu le l-Rabb fi Sahyuun.
8 Ya Allah al-Ilaah al-Gaadir, asmaʼ salaati !
Asmaʼni, ya Ilaah Yaakhuub ! Wagfa.
9 Ya Rabb ! Chiif malikna
al-hu daragatna.
Aywa, chiif wijih al-naadum
al-inta masahtah wa darrajtah.
10 Achaan yoom waahid fi fadaaytak
akheer min alif yoom barra minha.
Ana niriid nagood fi madkhal beetak, ya Ilaahi,
min nagood fi fariig al-naas al-fasliin.
11 Aywa, Allah al-Rabb
misil harraay wa misil daraga,
hu yanti al-rahma wa l-charaf.
Hu ma yamnaʼ al-kheer
le l-yamchu fi l-tariig al-adiil.
12 Ya Allah al-Gaadir !
Mabruuk le l-insaan al-yitwakkal aleek.
Wasiiye le kabiir al-khannaayiin : Le yikhannuuh be jigindiiye, mazmuur le awlaad Khuurah
1 Ya Allah al-Gaadir,
maskanak mahbuub !
2 Wa nafsi muchtaaga wa garmaane
le fadaayit beetak al-mukhaddas.
Wa galbi wa jismi yasrakho
min al-farah le Allah al-Hayy.
3 Hatta al-teeraay al-sakhayre kula talga beet
wa amjaraari talga uchch al-tifaggiʼ foogah iyaalha
jamb madaabhak.
Ya Allah al-Gaadir !
Inta maliki wa Ilaahi.
4 Mabruuk le sukkaan beetak !
Humman yachkuruuk daayman. Wagfa.
5 Mabruuk le l-naas al-yalgo minnak gudra
wa yichiilu niiye le yihijju le beetak.
6 Wakit yuchuggu waadi al-baki al-jaaff,
humman yisawwuuh een almi
wa matar al-richaach yikhattiih be l-baraka.
7 Daayman gudrithum gaaʼide tiziid
wa yigarrubu le l-Rabb fi Sahyuun.
8 Ya Allah al-Ilaah al-Gaadir, asmaʼ salaati !
Asmaʼni, ya Ilaah Yaakhuub ! Wagfa.
9 Ya Rabb ! Chiif malikna
al-hu daragatna.
Aywa, chiif wijih al-naadum
al-inta masahtah wa darrajtah.
10 Achaan yoom waahid fi fadaaytak
akheer min alif yoom barra minha.
Ana niriid nagood fi madkhal beetak, ya Ilaahi,
min nagood fi fariig al-naas al-fasliin.
11 Aywa, Allah al-Rabb
misil harraay wa misil daraga,
hu yanti al-rahma wa l-charaf.
Hu ma yamnaʼ al-kheer
le l-yamchu fi l-tariig al-adiil.
12 Ya Allah al-Gaadir !
Mabruuk le l-insaan al-yitwakkal aleek.
