Al-juzu al-raabiʼ hana l-Zabuur
Salaat Muusa abd Allah
1 Ya Rabb, min zurriiye le zurriiye,
inta bigiit maljaʼna.
2 Wa gabul al-jibaal ma yukuunu,
inta khalagt al-ard wa l-aalam.
Inta bas al-Rabb
min al-bidaaya le l-nihaaya.
3 Inta tigabbil al-insaan fi l-ard wa tuguul :
«Ya Bani Adam, gabbulu wa kuunu turaab !»
4 Achaan alif sana leek inta
misil yoom waahid al-faat.
Wa yoom waahid leek inta
misil saaʼa waahide be l-leel.
5 Inta tuguchch hayaat al-insaan
wa hi tabga misil wakit gisayyir hana noom
wa tabga misil gechch al-yabzur.
6 Be fajur, yakbur wa yinawwir
wa be achiiye, yagtaʼooh wa yaybas.
7 Achaan inta kammaltina be khadabak
wa zaʼalak bahatna.
8 Inta khatteet khataana giddaamak.
Aywa, achiirna ankachaf giddaam nuur wijhak.
9 Achaan kulla ayyaamna
yingachcho giddaam khadabak.
Misil nafas waahid bas,
aniina nikammulu siniinna ajala.
10 Muddit hayaatna 70 sana
wa kan indina gudra, namchu lahaddi 80 sana.
Wa aktar siniinna,
niʼiichuuhum fi taʼab wa zulum
achaan hayaatna tufuut ajala
wa aniina nabgo ma fiina.
11 Yaatu yagdar yaʼarif chiddit zaʼalak ?
Wa kan nakhaafo minnak ziyaada, waajib naʼarfu khadabak.
12 Khalaas, allimna nahsubu ayyaamna
wa nalgo hikma fi guluubna.
13 Taʼaal, ya Allah ! Tiʼakhkhir le mata ?
Hinn foogna aniina abiidak.
14 Be fajur, arwiina be rahmatak
wa aniina niʼiitu min al-farha
muddit kulla ayyaamna.
15 Farrihna ale gadur al-ayyaam
al-inta daayagtina fooghum
wa ale adad al-siniin al-chifna fooghum al-fasaala.
16 Khalli amalak yibiin le abiidak
wa azamatak tibiin le iyaalhum.
17 Khalli rida al-Rabb Ilaahna
yukuun maʼaana !
Sabbit khidmit iideenna !
Aywa, sabbit khidmit iideenna.
Al-juzu al-raabiʼ hana l-Zabuur
Salaat Muusa abd Allah
1 Ya Rabb, min zurriiye le zurriiye,
inta bigiit maljaʼna.
2 Wa gabul al-jibaal ma yukuunu,
inta khalagt al-ard wa l-aalam.
Inta bas al-Rabb
min al-bidaaya le l-nihaaya.
3 Inta tigabbil al-insaan fi l-ard wa tuguul :
«Ya Bani Adam, gabbulu wa kuunu turaab !»
4 Achaan alif sana leek inta
misil yoom waahid al-faat.
Wa yoom waahid leek inta
misil saaʼa waahide be l-leel.
5 Inta tuguchch hayaat al-insaan
wa hi tabga misil wakit gisayyir hana noom
wa tabga misil gechch al-yabzur.
6 Be fajur, yakbur wa yinawwir
wa be achiiye, yagtaʼooh wa yaybas.
7 Achaan inta kammaltina be khadabak
wa zaʼalak bahatna.
8 Inta khatteet khataana giddaamak.
Aywa, achiirna ankachaf giddaam nuur wijhak.
9 Achaan kulla ayyaamna
yingachcho giddaam khadabak.
Misil nafas waahid bas,
aniina nikammulu siniinna ajala.
10 Muddit hayaatna 70 sana
wa kan indina gudra, namchu lahaddi 80 sana.
Wa aktar siniinna,
niʼiichuuhum fi taʼab wa zulum
achaan hayaatna tufuut ajala
wa aniina nabgo ma fiina.
11 Yaatu yagdar yaʼarif chiddit zaʼalak ?
Wa kan nakhaafo minnak ziyaada, waajib naʼarfu khadabak.
12 Khalaas, allimna nahsubu ayyaamna
wa nalgo hikma fi guluubna.
13 Taʼaal, ya Allah ! Tiʼakhkhir le mata ?
Hinn foogna aniina abiidak.
14 Be fajur, arwiina be rahmatak
wa aniina niʼiitu min al-farha
muddit kulla ayyaamna.
15 Farrihna ale gadur al-ayyaam
al-inta daayagtina fooghum
wa ale adad al-siniin al-chifna fooghum al-fasaala.
16 Khalli amalak yibiin le abiidak
wa azamatak tibiin le iyaalhum.
17 Khalli rida al-Rabb Ilaahna
yukuun maʼaana !
Sabbit khidmit iideenna !
Aywa, sabbit khidmit iideenna.
