1 كُرُنْتُس 5 - ShuArab & ShuLatn

الزاني في أُسْط المُؤمِنين

1 سِمِعْت كَلَامْ عَجِيبْ بِلْحَيْن فَوْقكُو. يُقُولُوا نَادُمْ مِنْكُو قَاعِدْ يِسَوِّي زِنَى النَّاسْ الْمَا مُؤمِنِينْ كُلَ مَا يِسَوُّوهْ. يُقُولُوا نَادُمْ وَاحِدْ قَاعِدْ يَزْنَى مَرِةْ أَبُوهْ. 2 كِكَّيْف بِقِيتُوا مُسْتَكْبِرِينْ؟ أَخَيْر تَحْزَنَوْا حِزِنْ شَدِيدْ. وَ النَّادُمْ السَّوَّى الذَّنِبْ دَا، وَاجِبْ تَطُرْدُوهْ مِنْ أُسُطْكُو.

3 وَ كَنْ لَيِّ أَنَا، صَحِيحْ أَنَا قَاعِدْ فِي بَكَانْ بَعِيدْ مِنْكُو لَاكِنْ أَنَا مَعَاكُو بِالرُّوحْ الْقُدُّوسْ. وَ أَنَا حَاكَمْت النَّادُمْ دَا خَلَاصْ مِثِلْ أَنَا بِنَفْسِي قَاعِدْ فِي أُسُطْكُو. 4 وَ وَكِتْ إِنْتُو لَامِّينْ بِأُسُمْ رَبِّنَا عِيسَى وَ حَسَّيْتُوا كَدَرْ أَنَا قَاعِدْ مَعَاكُو بِرُوحِي وَ قُدْرَةْ رَبِّنَا عِيسَى مَعَاكُو، 5 وَاجِبْ تِسَلُّمُوا النَّادُمْ دَا لِلشَّيْطَانْ أَشَانْ طَبِيعْتَهْ الْإِنْسَانِيَّةْ تِدَّمَّرْ وَ هُو ذَاتَهْ يَنْجَى فِي يَوْم جَيَّةْ رَبِّنَا عِيسَى.

La vraie Pâques pour le chrétien

Les Juifs avaient mangé le premier repas de la paques en Egypte qui commémorait leur délivrance de la captivité (Exode 12 :27). Moise avait ordonné de célébrer cet évènement chaque année de et de l’appeler Pessa’h, ce qui signifie « Passer au-dessus ». C’était aussi la promesse d’un Messie à venir. Environs 1200-1400 ans après la première Pâque, Jésus déclara à ses disciples qu’il devait se souvenir de lui, alors qu’ils buvaient le vin et mangeaient le pain au cours du dernier repas de la Pâque qu’ils prenaient ensemble. La Pâque symbolise désormais la mort de Jésus et la délivrance du pécheur. « Car le Christ notre Pâque a été sacrifié » (1 Corinthiens 5 :7). La Pâques illustre le sacrifice accompli par Jésus en donnant son corps et son sang, afin que nous puissions être libéré du châtiment que méritaient notre péché contre le Dieu Saint. Le pain et le vin rappelle le corps et le sang du Christ donnés en sacrifice d’expiation. La Pâque suscite un profond respect pour le sacrifice du Christ. Il a donné sa vie pour nous. C’est une invitation à une communion quotidienne avec le Christ. Dieu nous invite à rompre avec le péché et à honorer le sacrifice de Jésus, en menant en permanence une vie de sainteté. Voilà les actes d’une Paque authentique. Nous n’avons plus à craindre la mort. Nous savons qu’a notre mort, nous quitterons notre corps pour le ciel. Nous avons commencé des maintenant une vie nouvelle qui se...

Plus

6 سَوَّيْتُوا نُفُوسْكُو كُبَارْ وَ دَا مَا عَدِيلْ. هَلْ نِسِيتُوا كَدَرْ تَوَّارَةْ شِيَّةْ بَسْ تِقَوِّمْ كُلَّ الْعَجِينْ وَلَّا؟ 7

أَمُرْقُوا مِنْكُو النَّادُمْ الْقَاعِدْ يَذْنِبْ دَا، أَشَانْ تَبْقَوْا بَتَّانْ مِثِلْ عَجِينْ جَدِيدْ الْمَا عِنْدَهْ تَوَّارَةْ. وَ أَنِحْنَ بِقِينَا نَاسْ جُدَادْ أَشَانْ الْمَسِيحْ مَاتْ مِثِلْ حَمَلْ الدَّبَحَوْه زَمَانْ فِي الْفِصْحَ الْأَوَّلْ. 8 أَشَانْ دَا، خَلِّينَا نَبْقَوْا مِثِلْ النَّاسْ الْيِعَيُّدُوا عِيدْ الْفِصْحَ الْبَاكُلُوا الْخُبْزَةْ الْجَدِيدَةْ الْمَا عِنْدَهَا تَوَّارَةْ. وَ الْخُبْزَةْ الْقَدِيمَةْ الْعِنْدَهَا تَوَّارَةْ تِوَصِّفْ الْفَسَالَةْ وَ الذُّنُوبْ. وَ الْخُبْزَةْ الْجَدِيدَةْ الْمَا عِنْدَهَا تَوَّارَةْ تِوَصِّفْ النِّيَّةْ الْمُخْلِصَةْ وَ الْحَقّ.

9 وَ فَكُّرُوا فِي الْكَلَامْ الْكَتَبْتَهْ لَيْكُو فِي جَوَابِي الْأَوَّلْ. أَنَا قُلْت أَنْقَرْعُوا مِنْ الزَّنَّايِينْ وَ كِسُّوا مِنْهُمْ بَعِيدْ. 10 وَ مَعَنَى الْكَلَامْ دَا مَا بُخُصّ النَّاسْ الزَّنَّايِينْ الْمَا مُؤمِنِينْ وَ لَا الطَّمَّاعِينْ وَ لَا السَّرَّاقِينْ وَ لَا عَابِدِينْ الْأَصْنَامْ. أَشَانْ مَا تَقْدَرَوْا تِكِسُّوا مِنْ النَّاسْ دَوْل إِلَّا كَنْ تَمُرْقُوا مِنْ الدُّنْيَا مَرَّةْ وَاحِدْ. 11 لَا. فِي بَدَلَهْ، أَنَا كَتَبْت لَيْكُو أَشَانْ تِكِسُّوا مِنْ أَيِّ نَادُمْ الْبُقُولْ هُو أَخُوكُو مُؤمِنْ وَ لَاكِنْ هُو زَنَّايْ وَلَّا طَمَّاعْ وَلَّا عَابِدْ أَصْنَامْ وَلَّا نَمَّامْ وَلَّا سَكَّارِي وَلَّا سَرَّاقْ. أَيْوَى، النَّادُمْ الْمِثِلْ دَا مَا تَاكُلُوا مَعَايَهْ كُلَ.

12 أَنَا مَا عِنْدِي حَقّ نِحَاسِبْ النَّاسْ الْبَرَّا مِنْ أُمَّةْ الْمَسِيحْ. وَ لَاكِنْ أَخْوَانْكُو الْمُؤمِنِينْ الْفِي أُسُطْكُو وَاجِبْ إِنْتُو تِحَاسُبُوهُمْ. 13 النَّاسْ الْبَرَّا دَوْل، اللّٰهْ يِحَاسِبْهُمْ. وَ لَاكِنْ كَنْ لَيْكُو إِنْتُو، مَكْتُوبْ: <أَطُرْدُوا الشَّرِيرْ مِنْ أُسُطْكُو.>

Al-zaani fi ust al-muʼminiin

1 Simiʼt kalaam ajiib bilheen foogku. Yuguulu naadum minku gaaʼid yisawwi zina al-naas al-ma muʼminiin kula ma yisawwuuh. Yuguulu naadum waahid gaaʼid yazna marit abuuh. 2 Kikkeef bigiitu mustakbiriin ? Akheer tahzano hizin chadiid. Wa l-naadum al-sawwa al-zanib da, waajib taturduuh min usutku.

3 Wa kan leyi ana, sahiih ana gaaʼid fi bakaan baʼiid minku laakin ana maʼaaku be l-Ruuh al-Khudduus. Wa ana haakamt al-naadum da khalaas misil ana be nafsi gaaʼid fi usutku. 4 Wa wakit intu laammiin be usum Rabbina Isa wa hasseetu kadar ana gaaʼid maʼaaku be ruuhi wa gudrat Rabbina Isa maʼaaku, 5 waajib tisallumu al-naadum da le l-Cheetaan achaan tabiiʼtah al-insaaniiye tiddammar wa hu zaatah yanja fi yoom jayyit Rabbina Isa.

6 Sawweetu nufuusku kubaar wa da ma adiil. Hal nisiitu kadar tawwaara chiyya bas tigawwim kulla l-ajiin walla ? 7 Amurgu minku al-naadum al-gaaʼid yaznib da, achaan tabgo battaan misil ajiin jadiid al-ma indah tawwaara. Wa aniina bigiina naas judaad achaan al-Masiih maat misil hamal al-dabahooh zamaan fi l-Fisha al-awwal. 8 Achaan da, khalliina nabgo misil al-naas al-yiʼayyudu iid al-Fisha al-baakulu al-khubza al-jadiide al-ma indaha tawwaara. Wa l-khubza al-gadiime al-indaha tawwaara tiwassif al-fasaala wa l-zunuub. Wa l-khubza al-jadiide al-ma indaha tawwaara tiwassif al-niiye al-mukhlisa wa l-hagg.

9 Wa fakkuru fi l-kalaam al-katabtah leeku fi jawaabi al-awwal. Ana gult angarʼu min al-zannaayiin wa kissu minhum baʼiid. 10 Wa maʼana al-kalaam da ma bukhuss al-naas al-zannaayiin al-ma muʼminiin wa la l-tammaaʼiin wa la l-sarraagiin wa la aabidiin al-asnaam. Achaan ma tagdaro tikissu min al-naas dool illa kan tamurgu min al-dunya marra waahid. 11 La. Fi badalah, ana katabt leeku achaan tikissu min ayyi naadum al-buguul hu akhuuku muʼmin wa laakin hu zannaay walla tammaaʼ walla aabid asnaam walla nammaam walla sakkaari walla sarraag. Aywa, al-naadum al-misil da ma taakulu maʼaayah kula.

12 Ana ma indi hagg nihaasib al-naas al-barra min ummat al-Masiih. Wa laakin akhwaanku al-muʼminiin al-fi usutku waajib intu tihaasubuuhum. 13 Al-naas al-barra dool, Allah yihaasibhum. Wa laakin kan leeku intu, maktuub : <Aturdu al-chariir min usutku.>