1 تَسَلونِيكِي 5 - ShuArab & ShuLatn

جيّة المسيح التانية

1 يَا أَخْوَانِي، إِنْتُو مَا حَوْجَانِينْ أَنِحْنَ نَكْتُبُوا لَيْكُو شَيّءْ فِي الْأَوْكَاتْ وَ الْأَيَّامْ الْجَايِينْ. 2 أَشَانْ إِنْتُو ذَاتْكُو تَعَرْفُوا عَدِيلْ كَدَرْ يَوْم الرَّبّ يَجِي بِغَفْلَةْ مِثِلْ جَيَّةْ السَّرَّاقْ بِاللَّيْل. 3 وَكِتْ النَّاسْ قَاعِدِينْ يُقُولُوا: «عِنْدِنَا الصِّحَّةْ وَ السَّلَامْ»، فِي الْوَكِتْ الْمِثِلْ دَا بَسْ، الْهَلَاكْ يَضْرُبْهُمْ عَجَلَةْ مِثِلْ الطَّلَقَةْ تَجِي عَجَلَةْ لِلْمَرَةْ الْغَلْبَانَةْ. مَا مُمْكِنْ يِنْبَلْصُوا.

4 وَ لَاكِنْ، يَا أَخْوَانِي، إِنْتُو مَا قَاعِدِينْ فِي الضَّلَامْ مِثِلْهُمْ. وَ الْيَوْم دَا مَا يَجِي فَوْقكُو إِنْتُو بِغَفْلَةْ مِثِلْ جَيَّةْ السَّرَّاقْ 5 أَشَانْ إِنْتُو كُلُّكُو عِيَالْ النُّورْ وَ نَاسْ النَّهَارْ. أَيْوَى، أَنِحْنَ مَا نَاسْ هَنَا اللَّيْل وَ لَا نَاسْ الضَّلَامْ.

6 أَشَانْ دَا، خَلِّي مَا نَبْقَوْا مِثِلْ النَّاسْ الْآخَرِينْ. هُمَّنْ مِثِلْ نَاسْ نَايْمِينْ أَشَانْ مَا يَعَرْفُوا الشَّيّءْ الْيَجِي فَوْقهُمْ. خَلِّي نَقْعُدُوا وَاعِيِّينْ وَ نُخُطُّوا بَالْنَا. 7 أَشَانْ بِاللَّيْل بَسْ، يُنُومُوا النَّوَّامِينْ وَ بِاللَّيْل بَسْ، يَسْكَرَوْا السَّكَّارَى. 8 وَ لَاكِنْ أَنِحْنَ نَاسْ النَّهَارْ وَ أَشَانْ دَا، خَلِّي نُخُطُّوا بَالْنَا. وَ خَلِّي الْإِيمَانْ وَ الْمَحَبَّةْ يَبْقَوْا لَيْنَا مِثِلْ خَلَقْنَا هَنَا الْحَرِبْ. وَ خَلِّي الْعَشَمْ الْعِنْدِنَا فِي رَبِّنَا الْيِنَجِّينَا، دَا يَبْقَى طَاقِيِّتْنَا.

9 أَشَانْ اللّٰهْ مَا قَدَّرْ لَيْنَا الْعَذَابْ. لَا. هُو قَدَّرْ لَيْنَا النَّجَاةْ بِرَبِّنَا عِيسَى الْمَسِيحْ. 10 الْمَسِيحْ مَاتْ فِي شَانَّا وَ بَيْدَا، كَنْ أَنِحْنَ حَيِّينْ وَلَّا مَيْتِينْ كُلَ فِي يَوْم جَيْتَهْ، نِعِيشُوا مَعَايَهْ سَوَا. 11 وَ خَلَاصْ بِالْكَلَامْ دَا، أَشَّاجَعَوْا أَمْبَيْنَاتْكُو وَ أَسَّاعَدَوْا فِي إِيمَانْكُو بِزِيَادَةْ مِثِلْ إِنْتُو قَاعِدِينْ تِسَوُّوهْ.

نِهاية الجواب

12 يَا أَخْوَانِي، نَطُلْبُوا مِنْكُو تِكَرُّمُوا النَّاسْ الْقَاعِدِينْ يَخْدُمُوا أَمْبَيْنَاتْكُو الْعِنْدُهُمْ فَوْقكُو مَسْؤُولِيَّةْ وَ قَاعِدِينْ يُقُودُوكُو فِي دَرِبْ الرَّبّ. 13 حِبُّوهُمْ بِمَحَبَّةْ شَدِيدَةْ بِسَبَبْ خِدْمِتْهُمْ. وَ أَقْعُدُوا بِسَلَامْ أَمْبَيْنَاتْكُو.

14 يَا أَخْوَانِي، أَسْمَعَوْا وَصَايَانَا. حَذُّرُوا الْعَاطِلِينْ وَ ثَبُّتُوا الْخَوَّافِينْ وَ سَاعُدُوا الضَّعِيفِينْ. وَ أَصْبُرُوا لِكُلَّ النَّاسْ. 15 أَنْقَرْعُوا، نَادُمْ مِنْكُو مَا يِسَوِّي شَيّءْ فَسِلْ لِلنَّاسْ السَّوَّوْا لَيَّهْ شَيّءْ فَسِلْ. شِيلُوا نِيَّةْ أَشَانْ تِسَوُّوا دَايْماً الْخَيْر أَمْبَيْنَاتْكُو وَ لِكُلَّ النَّاسْ.

05 attitudes à adopter dans les temps de tristesse

Dans les moments de tristesse, il est important de se tourner vers Dieu et de trouver du réconfort dans Sa Parole. Voici quelques attitudes à adopter : – Prier : demander à Dieu de nous aider à traverser cette épreuve et de nous donner la force et le réconfort nécessaires. « Ne vous inquiétez de rien, mais en toute chose faites connaître vos besoins à Dieu par des prières et des supplications, avec des actions de grâces. » – Philippiens 4 :6 – Lire la Bible : chercher des versets qui nous apportent du réconfort et de l’espoir, et méditer sur leur signification. « Que la parole de Christ habite en vous abondamment ; instruisez-vous et exhortez-vous les uns les autres en toute sagesse, par des psaumes, des hymnes, des cantiques spirituels, chantant à Dieu dans vos cœurs sous l’inspiration de la grâce. » – Colossiens 3 : 16 – Se tourner vers la communauté chrétienne : partager notre tristesse avec nos frères et sœurs en Christ et recevoir leur soutien et leurs prières. Car où deux ou trois sont assemblés en mon nom, je suis au milieu d’eux. » – Matthieu 18 :20 – Se rappeler que Dieu est toujours présent et qu’Il ne nous abandonnera jamais. Il est capable de transformer notre tristesse en joie et de nous aider à surmonter toutes les épreuves. « Voici, je suis avec vous tous les jours, jusqu’à la fin du monde. » – Matthieu 28 :20 – Faire preuve de gratitude : malgré la tristesse, se rappeler des...

Plus

16 أَفْرَحَوْا دَايْماً 17 وَ مَا تَكْسَلَوْا مِنْ الصَّلَاةْ 18

وَ أَشْكُرُوا اللّٰهْ فِي كُلِّ حَالْ. دَا بَسْ الشَّيّءْ الْاللّٰهْ يِدَوْرَهْ مِنْكُو فِي دَرِبْ عِيسَى الْمَسِيحْ. 19 وَ مَا تَكْتُلُوا نُورْ الرُّوحْ الْقُدُّوسْ. 20 مَا تِكَدُّبُوا كَلَامْ اللّٰهْ الْيَنْزِلْ لَيْكُو بِوَاسِطَةْ أَخْوَانْكُو. 21 جَرُّبُوا كُلَّ شَيّءْ. الشَّيّءْ الْعَدِيلْ، أَكُرْبُوهْ قَوِي. 22 أَنْقَرْعُوا مِنْ أَيِّ شَيّءْ فَسِلْ.

23 خَلِّي اللّٰهْ رَبّ السَّلَامْ ذَاتَهْ يِخَصِّصْ قُلُوبْكُو مَرَّةْ وَاحِدْ وَ يَحْفَضْكُو سَالِمِينْ فِي الرُّوحْ وَ النَّفْس وَ الْجِسِمْ أَشَانْ تُكُونُوا بَلَا عَيْب فِي يَوْم جَيَّةْ رَبِّنَا عِيسَى الْمَسِيحْ. 24 النَّادَاكُو فِي دَرْبَهْ، هُو صَادِقْ. وَ أَكِيدْ كُلَّ الشَّيّءْ دَا، هُو يِسَوِّيهْ.

25 يَا أَخْوَانِي، أَسْأَلَوْا اللّٰهْ لَيْنَا أَنِحْنَ كُلَ. 26 سَلُّمُوا كُلَّ الْأَخْوَانْ بِسَلَامْ الصَّالِحِينْ. 27 بِأُسُمْ الرَّبّ، نَامُرْكُو أَشَانْ تَقْرُوا الْجَوَابْ دَا لِكُلَّ الْأَخْوَانْ.

28 عَلَيْكُمْ رَحْمَةْ رَبِّنَا عِيسَى الْمَسِيحْ.

Jayyit al-Masiih al-taaniye

1 Ya akhwaani, intu ma hawjaaniin aniina naktubu leeku cheyy fi l-awkaat wa l-ayyaam al-jaayiin. 2 Achaan intu zaatku taʼarfu adiil kadar yoom al-Rabb yaji be khafla misil jayyit al-sarraag be l-leel. 3 Wakit al-naas gaaʼidiin yuguulu : «Indina al-sihha wa l-salaam», fi l-wakit al-misil da bas, al-halaak yadrubhum ajala misil al-talaga taji ajala le l-mara al-khalbaane. Ma mumkin yinbalsu.

4 Wa laakin, ya akhwaani, intu ma gaaʼidiin fi l-dalaam misilhum. Wa l-yoom da ma yaji foogku intu be khafla misil jayyit al-sarraag 5 achaan intu kulluku iyaal al-nuur wa naas al-nahaar. Aywa, aniina ma naas hana l-leel wa la naas al-dalaam.

6 Achaan da, khalli ma nabgo misil al-naas al-aakhariin. Humman misil naas naaymiin achaan ma yaʼarfu al-cheyy al-yaji fooghum. Khalli nagoodu waaʼiyiin wa nukhuttu baalna. 7 Achaan be l-leel bas, yunuumu al-nawwaamiin wa be l-leel bas, yaskaro al-sakkaara. 8 Wa laakin aniina naas al-nahaar wa achaan da, khalli nukhuttu baalna. Wa khalli al-iimaan wa l-mahabba yabgo leena misil khalagna hana l-harib. Wa khalli al-acham al-indina fi Rabbina al-yinajjiina, da yabga taagiiyitna.

9 Achaan Allah ma khaddar leena al-azaab. La. Hu khaddar leena al-naja be Rabbina Isa al-Masiih. 10 Al-Masiih maat fi chaanna wa be da, kan aniina hayyiin walla maytiin kula fi yoom jaytah, niʼiichu maʼaayah sawa. 11 Wa khalaas be l-kalaam da, achchaajaʼo ambeenaatku wa assaaʼado fi iimaanku be ziyaada misil intu gaaʼidiin tisawwuuh.

Nihaayat al-jawaab

12 Ya akhwaani, natulbu minku tikarrumu al-naas al-gaaʼidiin yakhdumu ambeenaatku al-induhum foogku masʼuuliiye wa gaaʼidiin yuguuduuku fi derib al-Rabb. 13 Hibbuuhum be mahabba chadiide be sabab khidmithum. Wa agoodu be salaam ambeenaatku.

14 Ya akhwaani, asmaʼo wasaayaana. Hazzuru al-aatiliin wa sabbutu al-khawwaafiin wa saaʼudu al-daʼiifiin. Wa asburu le kulla l-naas. 15 Angarʼu, naadum minku ma yisawwi cheyy fasil le l-naas al-sawwo leyah cheyy fasil. Chiilu niiye achaan tisawwu daayman al-kheer ambeenaatku wa le kulla l-naas.

16 Afraho daayman 17 wa ma taksalo min al-sala 18 wa achkuru Allah fi kulli haal. Da bas al-cheyy al-Allah yidoorah minku fi derib Isa al-Masiih. 19 Wa ma taktulu nuur al-Ruuh al-Khudduus. 20 Ma tikaddubu kalaam Allah al-yanzil leeku be waasitat akhwaanku. 21 Jarrubu kulla cheyy. Al-cheyy al-adiil, akurbuuh gawi. 22 Angarʼu min ayyi cheyy fasil.

23 Khalli Allah Rabb al-salaam zaatah yikhassis guluubku marra waahid wa yahfadku saalimiin fi l-ruuh wa l-nafs wa l-jisim achaan tukuunu bala eeb fi yoom jayyit Rabbina Isa al-Masiih. 24 Al-naadaaku fi derbah, hu saadikh. Wa akiid kulla l-cheyy da, hu yisawwiih.

25 Ya akhwaani, asʼalo Allah leena aniina kula. 26 Sallumu kulla l-akhwaan be salaam al-saalihiin. 27 Be usum al-Rabb, naamurku achaan tagru al-jawaab da le kulla l-akhwaan.

28 Aleekum rahmat Rabbina Isa al-Masiih.